siSwati HL Grade 12 Paper 3 NSC November 2017 Question Paper

Downloaded from hlayiso.com GRADE 12 NATIONAL SENIOR CERTIFICATE LIBANGA 12 SISWATI LULWIMI LWASEKHAYA (HL) LIPHEPHA LESITSATFU (P3) LWETI 2017 EMAMAKI: 100 SIKHATSI: Ema-awa 2½ Leliphepha linemakhasi la-5. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P3 2 DBE/Lweti 2017 NSC TICONDZISO KULABAHLOLWAKO 1. Leliphepha lehlukaniswe TIGABA LETIMBILI: SIGABA A: Indzaba (50) SIGABA B: Ematheksthi emibhalombiko (2 x 25) (50) CAPHELA: Bahlolwa balindzeleke kutsi baphendvule imibuto LEMIBILI ESIGABENI B. 2. Phendvula MUNYE umbuto ESIGABENI A, MIBILI ESIGABENI B. 3. Bhala TONKHE timphendvulo ngeSiswati. 4. Cala LESO NALESO sigaba ekhasini LELISHA. 5. Hlela (Sib. libalavemcondvo, umdvwebo, ifloshadi, njll.) uphindze uhlunge emaphutsa emsebentini wakho. Cala ngeluhlaka NGEMBIKWEKUBHALA indzaba. 6. Luhlaka aluvetwe ngalokucacile. Dvweba umugca lovundlile etikweluhlaka. 7. SIPHAKAMISO SEKULAWULWA KWESIKHATSI: SIGABA A: Lokungenani imizuzu le-80 SIGABA B: Lokungenani imizuzu le-70 (2 x 35) 8. Tinombolo tetimphendvulo atihambisane naleto letisephepheni lemibuto njengobe tinjalo. 9. Sihloko asingabalwa nakubalwa linani lemagama. 10. Bhala ngebunono nangesandla lesifundzekako. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P3 3 DBE/Lweti 2017 NSC SIGABA A: INDZABA UMBUTO 1 Bhala indzaba NGASINYE saletihloko le-8 letilandzelako ibe ngemagama langabi ngaphasi kwala-340 aphindze angabi ngetulu kwala-390. Nangabe ukhetse sitfombe indzaba yakho yinike sihloko. 1.1 Mhla kwetfulwa luhlelo lwekusita bafundzi labeswele imali yekufundza esikolweni sangakini. [50] 1.2 Tindlela hulumende langatisebentisa kuvikela kuphatfwa kabi kwetimphunga. [50] 1.3 Live leNingizimu Afrika lingaba nekuthula nangabe lusha lungase luvunyelwe kutsi lutilawule. Vumela nobe uphikise lombono. [50] 1.4 Kuphumula umnyaka munye ungachubeki nemfundvo, emva kwamatekuletjeni kungaba nemtselela lomuhle nalomubi emphilweni. [50] 1.5 Ngiphila kabuhlungu lomuhla ngenca yekwala kudzalula imfihlo. [50] 1.6 Khetsa SINYE sitfombe kuletilandzelako bese ubhala ngaso indzaba. Indzaba yakho kufanele ihambelane nalesitfombe losikhetsile. Nika indzaba yakho sihloko. 1.6.1 [Itsetfwe: www.sodahead.com] [50] Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P3 4 DBE/Lweti 2017 NSC 1.6.2 [Itsetfwe: www.dreamstime.com] [50] 1.6.3 [Itsetfwe: www.wisegeek.com] [50] SAMBA SESIGABA A: 50 Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P3 5 DBE/Lweti 2017 NSC SIGABA B: EMATHEKSTHI EMIBHALOMBIKO UMBUTO 2 Khetsa KUBILI kulokulandzelako ubhale ngako ngemagama langabi ngaphasi kwala-100 aphindze angabi ngetulu kwala-120 itheksthi ngayinye. 2.1 INCWADZI YEBUNGANI Gogo wakho udvubile wayewuhlala kamakhelwane ngobe acabene namake wakho. Mbhalele incwadzi umncenge abuyele ekhaya kini. [25] 2.2 UMLANDVOMPHILO NENCWADZISICELO Wena, uhlala Elukwatini, ubone sikhangisi semsebenti wemuntfu lonelikhono lekuba nguMsakati weluhlelo lwelusha emsakatweni wangakini. Njengemuntfu lofanele lomsebenti, bhala umlandvomphilo lohambisana nencwadzisicelo yalomsebenti. [25] 2.3 I-ATHIKHELI YELIPHEPHABHUKU Umkhuba wekutsengisa umtimba emantfombataneni nasebafaneni esigodzini sangakini uya ngekwandza. Bhala i-athikheli leya ephephabhukwini lapho ugceka khona lomkhuba, ubuye weluleke labo labatsintsekako. [25] 2.4 INKHULUMOLUHLOLO Wena ungufakazi logcamile lobone konkhe lokwenteke ngalesikhatsi bafundzi bantjintjiselana emaphepha abo etimphendvulo teluhlolo lwekutilungiselela lwenyanga yeNyoni. Bhala inkhulumoluhlolo emkhatsini wakho nemalunga lamabili elikomiti lelibukene netinkinga letivelako nakubhalwa luhlolo. [25] 2.5 INKHULUMO LEHLELEKILE Litiko Letemidlalo Nekukhibika lihlele umcimbi wekukhutsata lusha kutsi lutibandzakanye emidlalweni lenhlobonhlobo esigodzini sangakini. Wena umenywe kutsi utewetfula inkhulumo yekukhutsata bafundzi. Bhala lenkhulumo lotawuyetfula kulomcimbi. [25] 2.6 UMBIKO LOHLELEKILE Kulimele umdlali welicembu lebadlali labangaphasi kweminyaka lelishumi nesikhombisa. Wena njengakaputeni ucelwe kutsi ubhale umbiko lotawetfulela umceceshi walelicembu. Bhala lombiko. [25] SAMBA SESIGABA B: 50 SAMBA SAKO KONKHE: 100 Emalungelo agodliwe