Siswati HL P1 Nov 2017_hlayiso.com_.pdf

Downloaded from hlayiso.com NATIONAL SENIOR CERTIFICATE LIBANGA 12 SISWATI LULWIMI LWASEKHAYA (HL) LIPHEPHA LEKUCALA (P1) LWETI 2017 EMAMAKI: 70 SIKHATSI: Ema-awa 2 Leliphepha linemakhasi la-13. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 2 DBE/Lweti 2017 NSC TICONDZISO KULABAHLOLWAKO 1. Leliphepha lehlukaniswe TIGABA LETINTSATFU: SIGABA A: Sivisiso (30) SIGABA B: Sifinyeto (10) SIGABA C: Takhi netimiso tekusetjentiswa kwelulwimi (30) 2. Phendvula YONKHE imibuto ngeSiswati. 3. Cala LESO NALESO SIGABA ekhasini LELISHA. 4. Dvweba umugca emva kwaleso naleso sigaba. 5. Tinombolo tetimphendvulo atihambisane naleto letisephepheni lemibuto njengobe tinjalo. 6. Shiya umugca emkhatsini wetimphendvulo takho. 7. Caphelisisa sipelingi/lupelomagama nendlela lewakha ngayo imisho. 8. Siphakamiso sekulawulwa kwesikhatsi: SIGABA A: Lokungenani emaminithi la-50 SIGABA B: Lokungenani emaminithi la-30 SIGABA C: Lokungenani emaminithi la-40 9. Bhala ngebunono nangesandla lesifundzekako. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 3 DBE/Lweti 2017 NSC SIGABA A: SIVISISO UMBUTO 1 1.1 Fundza letheksthi lelandzelako bese uphendvula imibuto letawulandzela. ITHEKSTHI A TINTFOMBI TIYA EMHLANGENI 1 Ngelilanga lekuphuma kwetintfombi takaDvokolwako tiye emhlangeni, boThuli kanye naSiphiwe bahlangana lapha eMliba esitolo. Bebentela kuhambisana kuya eMphakatsi, eMvelo, lapho bekuyawuhlanganelwa khona, bakhulunyiswe basengakesuki. Siphuma lesimemetelo lapho emsakatweni wasesitolo nabo basemile babuka ticheme ngeticheme 5 netintfombi letitselekako. 2 Bayatsenga labatsengako, balayelana imiphako, labanye bayahlabela basendleleni leya khona eMvelo. 'Wu! Tsine sesibadzala,' kuphawula Thuli ngemuva kwesimemetelo. 'Kushuca nasiyogeca umhlanga ngiko ngikuhalela impela. Ngiyajabula 10 kakhulu nasiyowugeca eSidvokodvo. Wo! Nasengca kuMatsapha, nasibona lokwetidzandzane lokungayi emhlangeni, sikucaphata kuze kwenyanye kube kungeke kwente lutfo.' 'Niyajabula nine leniya khashane, mine ngemnyaka lophelile ngaya kaBhamsakhe ngobe batsi ngimncane kutsi ngingahamba luhambo 15 loludze,' kuchuba Sphiwe. 'Nami ngacala khona kaBhamsakhe ngaze ngaya katsatfu ngobe make bekatsi akunawulunga kutsi ngiye eMphisi ngobe sishuca libanga lelidze manje mine ngibese ngivukwa ngulesifuba. Kepha-ke kuba nemaloli emasotja lesiwagibelako nasiya eMphisi. Kodvwa lamasotja! Uvile-ke 20 Siphiwe mngani wami? Sigcotjwe khona nakanjani,' washo Thuli waze watinyikanyika wadlalisela akhombisa kutsi uyobe entani. 'Wu! Maye-ke nawe Thuli, ungatibala kanjani lapho ngobe wena nami sisuke sisemhlangeni? Buka phela, naku siyahamba siyogibela ibhasi lesimikisa kaLobamba. Umbukiso lowushoko uwuva ngendzaba.' 25 'Bani? Usho mine kahle wena Siphiwe? Kusukela ngacala kuya emhlangeni dzadze, awungigeji umbukiso. Nakulona ngigcotjwe khona.' 3 Sekemile emabhasi lamabili lapha eMvelo letele kutewutfwala tintfombi. 'Kambe wena Siphiwe ngukhani uya kwesibili emhlangeni? Kawati lutfo-ke dzadze. Mine-ke sengilicoco lakhona. Sengiyawugeca umhlanga 30 wesihlanu, kube kungasiko kutsi ngibe sengibanjwa kugula, ngabe sengiyogeca kwesikhombisa,' kuchubeka Thuli akhombisa intfokoto ngalenkhulumo yakhe. 4 Njengobe sebadvute nalapha eMphakatsi babese bayema, babeka imicicimba yetikhwama lebebatimeme emhlane. Balungisa imvunulo yabo 35 batsintsitsa nelutfuli etinyaweni. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 4 DBE/Lweti 2017 NSC 5 'Emhlangeni wami wekucala ngangineluvalo entsanyeni njengesicoco. Kepha kwatsi ngibona bangani bami baphumelela kubaleka babuye nalokumnandzi, ngagcina nami sengiyekele kwesaba. Emalanga lamnandzi kakhulu nguleli lekuphumula nasibuya kuyogeca bese kuba 40 nangilo leli lekugidza. Tsine botsine sivele siphume kanje! Nasibuya, sibuya sishisa ngiyakutjela. Uyakhumbula kutsi ngemnyaka lophelile ngabuya ngiphetseni?' 'Ngiyakhumbula. Imali lengaka Thuli! Futsi-ke wawuyidlisa kwemakhiwa. Usho kutsi nalomnyaka kutawuba kanjalo?' Kubuta Siphiwe 45 ngekulangatelela. 'Akujiki, umehluko lonyaka kutsi ngeke ngitente Zondle ngingasiyo inhlangano lenika kudla kulabahluphekile. Lonyaka ngitatijabulisa ngedvwa ngemali yami.' 6 Batsatsa tikhwama tabo batigaca bachubekela embili. Befika nje 50 seyicalile kubeka indvuna emavi langumlayeto kuto tintfombi temhlanga. 'Ngiyati-ke kutsi sekwandzile kubaleka kwebantfwana emhlangeni,' kuchuba yona indvuna. 'Babaleka baye ekutsandzeni kwabo lapho kunekwenteka bahlangabetane netingoti. Tsine lapha kaDvokolwako kasifuni namunye 55 wenu atfolakale akulowo mkhuba. Loyawutfolakala lapho, nako kuye nebatali bakhe. Nisivile nonkhe simemetelo lebesolo siphuma emsakatweni. Kute namunye lomele kuphondla kuloko. Itsi indlunkhulu anginatise njengobe nebatali benu batisiwe. Nginidvonse ngendlebe kutsi umntfwana loyawutfolakala kutsi wecile ngemalanga emhlanga, yinkhomo 60 inhlawulo. Nani majaha lenichuba tona tintfombi, nime ngemumo wenu, neluse impela kubete lokutsi phazi. Njenganyalo, nitawugibela emabhasi nibheke khona emsebentini wenkhosi.' 7 Icedza indvuna abakeva ngisho kunye labo labanaboThuli. Thuli utfolene nalomunye umngani wakhe longu-Agnes. Iyakhuluma nje indvuna 65 bona balibele kunhlinhlitseka bacoca ngemalungiselelo labawentile ngeluhambo lwabo lwasemhlangeni. Bebakhombisana imali labayiphetse labatayisebentisa njengemphako wabo. Siphiwe sewumangele kutsi kantsi Thuli uphetse imali lenyenti kangaka! Likhulu nemashumi lamabili emalangeni. Utsi usetawutfola lenyenti kunalena nakefika kaLobamba. 70 Agnes uyiphetse naye ngobe unemashumi lasitfupha nemali lehlambulukile. Siphiwe uze wativa anemahloni kutsi uphetse emashumi lamabili emalangeni kuphela. Ngulelo phepha linye vo lalinikwe ngunina nakesuka ekhaya. Lokunye lakuphetse ngumphako wenkhukhu kanye nemicatsane lakulungiselelwe ngumkhula wakhe ngemali layinikwe 75 ngumnakabo. BoThuli na-Agnes bona baphindze baphetse emabhodlela emalitha lanenamnedi. 8 'Kantsi besibutsiselweni lapha nasebaphindze babhudvutela singakeva nekutsi kutsiwani?' Washo Thuli abona emantfombatana asukuma ajakela emabhasini. 80 'Bayatsandza kubeka imibandzela lengevakali onkhe emalanga. Ngabe sesikaLobamba nje nyalo,' lowo ngu-Agnes ananatela Thuli. Basukuma nabo batsatsa tikhwama tabo bacondza ngasemabhasini. 'Ye bonine, asikeva kutsi bekutsiwani, bebatsini vele?' Kutsatsa Siphiwe ngelekwesaba. 85 [Bungani Bebangani: Likhasi 28–31] Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 5 DBE/Lweti 2017 NSC 1.1.1 Bhala umusho lokuletheksthi lomayelana nekutsi umuntfu wenta lokubi ngobe etama kulingisa nekujabulisa bangani bakhe. (1) 1.1.2 Ngusiphi sizatfu sekutsi kube netindvuna emhlangeni? (1) 1.1.3 Ngumuntfu lonjani lolicoco njengekusho kwaThuli? (1) 1.1.4 Fakazela lombono lotsi sandla semajaha lachuba tintfombi emhlangeni siyaceka impela. (1) 1.1.5 Nguyiphi indlela yekutivocavoca lekuletheksthi lengenhla lengasetjentiswa bantfu kugcina imitimba yabo iphilile? (1) 1.1.6 Bekacondze kutsini Thuli uma atsi 'Nasibuya, sibuya sishisa?' (1) 1.1.7 Khetsa imphendvulo kuletilandzelako. Nangabe udvonsa umuntfu ngendlebe, usuke: A Ummela B Umyala C Umala D Umlaya (1) 1.1.8 Bhala kube KUNYE lokukhombisa kutsi boThuli na-Agnes bebangemahlongandlebe. (1) 1.1.9 Ngekwakho kubona likahle yini lelisiko lekuya emhlangeni? Bhala KUBILI. (2) 1.1.10 Utsini umbono wakho ngekukhuliseka kwaSphiwe ekhaya nangabe sikucatsanisa naloko kwebangani bakhe? Chaza. (2) 1.1.11 Ucabanga kutsi indlela Thuli latfola ngayo imali ingaba namuphi umtselela emphilweni yakhe? Bhala KUBILI. (2) 1.1.12 Abesho kutsini Thuli natsi ngeke atente Zondle angasiyo inhlangano lenikela kudla kulabahluphekile? (2) 1.1.13 Uvumelana kangakanani nesijeziso lesinikwa batali bebantfwana labephula umtsetfo emhlangeni? Sekela imphendvulo yakho. (2) 1.1.14 Emavi latsi, 'Kodvwa lamasotja!', anamlayeto muni etetsamelinilwati? Chaza. (2) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 6 DBE/Lweti 2017 NSC 1.2 Fundza lesibonwa lesingentasi bese uphendvula imibuto letawulandzela. ITHEKSTHI B [http://www.kingfeatures.com] 1.2.1 Yini lekhomba kutsi likusasa lalaba labakulesibonwa lichakatile? Nika KUNYE. (1) 1.2.2 Bhala bufakazi bekutsi lesitfombe sikhomba imphilo yasemakhaya. Nika KUNYE. (1) 1.2.3 Etinsiteni hulumende lavamise kusita ngato bantfu labahlala etindzaweni tasemakhaya, angangenelela ngayiphi indlela kusita laba labakulesibonwa? Nika KUNYE. (1) 1.2.4 Ucabanga kutsi yini lebangela kutsi laba labakulesibonwa bahambe kanyekanye, balicembu, kunekutsi bahambe ngekushiyana? Nika KUNYE. (1) 1.2.5 Uphephe kangakanani umndeni lokulesibonwa nawubuka kuntjintjantjintja kwesimo selitulu lesikhona lomuhla? Sekela imphendvulo yakho. (2) 1.2.6 Shano budlelwano lobubili balokwenteka kutheksthi A natheksthi B. (4) SAMBA SESIGABA A: 30 Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 7 DBE/Lweti 2017 NSC SIGABA B: SIFINYETO UMBUTO 2 Fundza letheksthi lelandzelako bese uyayifinyeta ngewakho emagama langabi ngetulu kwala-80. Sifinyeto sakho asivete emaphuzu lasikhombisa etintfo letaba tinkinga ekusungulweni kwenyonyana yebasebenti basepulazini lakaHlabisa. TICONDZISO 1. Finyeta ngewakho emagama. 2. Sifinyeto sakho asivete emaphuzu lamcoka lasikhombisa. 3. Sifinyeto sakho asibe ngendlela yetindzima (emapharagrafu). 4. Akukadzingeki kutsi ubhale sihloko. 5. Khombisa linani lemagama lowasebentisile ekugcineni kwesifinyeto sakho. ITHEKSTHI C TINKINGA TEKUSUNGULWA KWENYONYANA 'Babe Makhanya, nangabe niyehluleka kusinika livi lelinesisindvo lesitaletfula kulabasebenti labasitfumile sitawehluleka kuvimba lesitelega sakusasa.' Lamagama akhulunywa nguMasilela longumabhalane wenyonyana yenkapani yetinkukhu epulazini lakaHlabisa. Masilela yindvodza lesidlakela lehlakaniphile. Sekuphele umnyaka nesigamu solo kuliwa indzaba yekusungula lenyonyana kulenkapani, ngobe kukhona licembu lelingavumelani nekusungulwa kwayo. Kulendlu kuhlangene emacembu lamabili, ngesancele kuhleli libandla lelimele basebenti kantsi ngesekudla kuhleli bacashi balenkapani. Lendzaba seyite ifika kulelizinga, sesidze sikhatsi ikhulunywa. Indzaba leseyiyinkinga ngulena yekutsi linani lemalunga lalindzeleke kusungula lenyonyana yebasebenti lingephasi kwalokulindzelekile. Umtsetfo lomayelana nekuvulwa kwetinyonyana, awukuvumeli kutsi ivulwe ngelinani leliphasi. Basebenti bafuna kuvula inyonyana kepha abanayo inchubomgomo. Akukho kuvumelana kutsi bobani labafanele babe ngemalunga alenyonyana. Bacashi bafuna kutsi baphatsi labasetikhundleni letisetulu bangenele lenyonyana. Basebenti balwa yekutsi meninjeni nalabengamele ematiko latsite kulenkapani kumele bangangeni kulenyonyana. Sekuphele emahora lamane solo kutinatinwa lendzaba kepha nani kuvumelana. Sekukhona nekwesatjiswa kwebasebenti labatawungenela lenyonyana. Sekute kwefika sikhatsi sekushayisa nebasebenti lena egedeni sebamangele kutsi kuphekwani lehhovisi lelengavutfwa. Lelibandla lebasebenti selincandvwe kabili ngenca yekwehluleka kuveta sitifiketi lesibanika ligunya lekusungula licembu lenyonyana. Emaviki sematsatfu solo basifaka simemetelo sekutsi batawutelega. Kungulamuhla, bacashi babite umhlangano wekutsi asekukhulunyiswane futsi kubonakale kutsi sivinjelwa njani lesimo. Labasebenti basepulazini bebangakaphendvulwa ngulenyonyana lenkhulu kutsi sicelo sabo siyemukeleka yini. Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 8 DBE/Lweti 2017 NSC 'Mnumzane Masilela, ngekubuka kwami, akunawusisita siloku sesabisana ngekutelega. Tsine asivumelane kwekutsi bobani labavumeleke kutsi babe ngemalunga enyonyana. Ngekubuka kwami ngeke kulunge kutsi labengamele ematiko latsite kulenkapani nibashiye ngaphandle kulenyonyana ngobe nabo bayincenye yenu,' kusho Makhanya longumeninjeni kulenkapani. 'Sitametsemba njani lomuntfu ngobe nguye lophindze abuye atewukhuluma natsi tindzaba letiphatselene nenchubo yenkapani,' kusho Masilela. 'Sitsi tsine asikwati kuyemukela inyonyana yenu nasisengakavumelani kutsi bobani labatawuba ngemalunga ayo,' kwenanela Makhanya. Masilela, longusomlomo walelicembu, waphuma buso bakhe bunyukubele kepha ati kamhlophe kutsi nemali yekusungula lenyonyana abanayo. [Incwadzi Lengenakheli: Likhasi 15–17] SAMBA SESIGABA B: 10 Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 9 DBE/Lweti 2017 NSC SIGABA C: TAKHI NETIMISO TEKUSETJENTISWA KWELULWIMI UMBUTO 3 Fundza lesikhangisi lesilandzelako bese uphendvula imibuto letawulandzela. ITHEKSTHI D MASITILA WETIMANGA!!!!!! 1. Nsimbi ledla timphahla ingaticedzi. Mdvonseni lonaye, wenta bantfu bashayisane ngetinhloko, babangisane ngawe lapho uhleti khona. 2. Labanawe emakhaya, batiwa umhlaba wonkhe jikelele. Uphefumula kanye, kuhashuke sikhumba sendvodza. 3. Utifuna tiphuma emlonyeni wenkhomo, utingcivite tibe ngatsi tiphuma esitolo. Timphuya netinjinga atehlukaniseki natifake letingcivitwe nguwe. 4. Awudzingi tinkhuni kukuphemba. Awushisi, usitofu semalahle. Kucindzetela likinobho nje shisiyani. Umtsetse lowushisako, uvitsita tinambutane. 5. Ingubo yesimanje awuyiva. Uyinyatsela kanye icondze tfwi kunesidziya. Uletsa sitfunti sabomake eveni. 6. Ngulabafundzile labakwati kukusebentisa. Bakubamba beve bakuntjintja nemagiya. 7. Gijimani nititfolele wenu mahhala hha! Nga-R1 500,00 umuntfu ukhukhumba nawe akuyise kakhe kuphele tinhlupheko. [http://www.appliances.com] 3.1 Phindza ubhale lomusho losicubulo salesikhangisi bese ufaka mcondvofana weligama lelidvwetjelwe. (1) 3.2 Kwentani kuphemba njengobe kusetjentiswe kulesikhangisi lesingenhla? (1) 3.3 Khetsa imphendvulo yakho kuletilandzelako. Umusho locindzetelwe kunombolo-1, usinongo sini senkhulumo? A Kumuntfutisa B Kuhabisa C Sifaniso D Sifanisongco (1) Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 10 DBE/Lweti 2017 NSC 3.4 Khokha umusho locuketse imfundzisolite kuletheksthi lengenhla uwubhale phasi. (1) 3.5 Lichazani libintana lelicindzetelwe emshweni lokunombolo-3? (1) 3.6 Ucabanga kutsi yini levetwe kulesikhangisi lesingenhla, lengenta tetsamelilwati tingawutsengi lomkhicito? (1) 3.7 Nguliphi ligama lelenta lomusho locindzetelwe kunombolo-7 uhhunge tetsamelilwati? Usho ngani? (2) 3.8 Takhele umusho ngeligama lelicindzetelwe emshweni lokunombolo-5 kuveta kutsi uyayati inchazelo yalo. (2) [10] Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 11 DBE/Lweti 2017 NSC UMBUTO 4 Fundza lekhathuni lelandzelako bese uphendvula imibuto letawulandzela. ITHESKTHI E 1. Mphatsisikolo, sicela 2. Sekungemahlandla 3. Letinswelaboya tikhokhe ubuke ngalapha lamanyentana lesikolo emathayela, tangena, tatitsatsela kulesitfwebulatitfombe sihlaselwa tigebengu. yonkhe imali yesikolo, ngobe sicophela sive Silahlekelwe yimphahla emakhompiyutha lamatsatfu, sonkhe ngaloku lelinganiselwa tashaya tacitsa. lokuvelele lesikolo. etinkhulungwaneni. 4. Yekela 6. Awu asinamlomo! kungenta ligwala. Labantfu basikhombe Buka umsebenti 5. Uyangimangalisa ngobe emehlo esibungu. wakho. ugoce tandla ube ubona Besingacabangi kutsi siphishekile. Letibuko bangatsatsa letintfo telilanga lotigcokile atifihli letingaka! kutsi ubudlile, ngiko ungakhoni nekusebenta. 7. Njengobe senitivele, kuyabonakala kutsi lesento sentiwe bantfu labanesibindzi. Kushiswe tincwadzi tebantfwana, lokubalahlekisela imfundvo yabo. Ummango uyacelwa kutsi ufake sandla kute kubanjwe letigilamkhuba. [http://www.americanprogress.org/cartoon/page] Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 12 DBE/Lweti 2017 NSC 4.1 Phindza ubhale lomusho losenkhulumeni-4 kuletheksthi lengenhla, esikhundleni seligama lelicindzetelwe ufake mcondvophika walo. (1) 4.2 Khokha umusho losenkhulumeni-6 lonesisho lesichaza intfo lengakaze ibonwe. (1) 4.3 Ngumuntfu losuke enteni nangabe akulesimo lesichazwa nguleligama lelicindzetelwe enkhulumeni-5? (1) 4.4 Bhala libintana lelimelwe nguleligama lelibhalwe lacindzetelwa enkhulumeni-1. (1) 4.5 Khetsa imphendvulo kuletilandzelako. Luvelomagama lolubhalwe lwacindzetelwa enkhulumeni-6, lukhomba loku: A Kudzinwa B Kucasuka C Kumangala D Kujabula (1) 4.6 Yini lekulekhathuni lekhomba kutsi kunebantfu labatintsatseli? Nika KUNYE. (1) 4.7 Akha umusho usebentise ligama lelisha lelibunjiwe eSiswatini, esikhundleni seligama lelicindzetelwe enkhulumeni-2. (2) 4.8 Sebentisa incenye yeligama lebhalwe yacindzetelwa enkhulumeni-7 emushweni lotakhele wona, ivete umcondvo lowehlukile kulona lokulenkhulumo. (2) [10] Emalungelo agodliwe Phenya

Downloaded from hlayiso.com Siswati Lulwimi Lwasekhaya (HL)/P1 13 DBE/Lweti 2017 NSC UMBUTO 5 Fundza letheksthi lelandzelako lenemaphutsa elulwimi bese uphendvula imibuto letawulandzela. ITHEKSTHI F Emveni asatfoliwe umntfwana, bakaShabangu bahamba bayomangalela Sibisi ngekubakhohlisa abuye atsatse imali yabo ngebucili. Latekwa licala, kwatsi lapho asatiphendvulela emtsetfweni Sibisi watsi yena abengakawucedzi umsebenti wakhe. Futsi wakhala ngekutsi kube bakaShabangu bente njengobe abebatjelile, ngabe batibonele nabo loko labekakusho. Ingani phela sewubasola ngekutsi bona ngabe bakhiphe imali yakhe yonkhe atewukwati kuchubeka nemsebenti. Bemtsetfo bamtfola anelicala babona kutsi kuncono bamhlawulise ngeluswati loluncane ngekumkhiphisa emashumi lasitfupha emarandi. Kwabuye kwatsiwa akayikhiphe yonkhe yakaShabangu lebesebamnike yona njengobe injalo. Tinkhulumo nekungevani emtini wakaNsele besekukhulile impela. Naye naboNkhanise abetivile letinkhulumo letitsi uyatsakatsa. Lentfo yaba silondza wate wayikhuluma endvodzeni yakhe, ayitjela kutsi imphatsa kabi. Nselendvuna wacala wakunyantela nje wangakutsatseli etulu loko. Njengemuntfu lomdzala lesekukadze adla emabele, lendzaba wayifaka elufini angatsandzi kucabanisa bafati bakhe. Ngekuhamba kwesikhatsi LaShongwe wabuye wabuyela kuNselendvuna. Wamtjela kutsi lokuncono akuyiwe emkhayeni naloku yena angati lutfo ngawo. [Lolwalula: Likhasi 22] 5.1 Phindza ubhale lomusho lodvwetjelwe endzimeni yesibili, ulungise liphutsa letimphawu tekubhala. (1) 5.2 Shano umcondvo loletfwa selulo semphambosi yekwentela lesicindzetelwe esentweni lesisendzimeni yekugcina. (1) 5.3 Phindza ubhale lomusho losekugcineni kwendzima yekucala, wente sabitonanibhanca lesibhalwe sacindzetelwa sibe sikhombabito. (1) 5.4 Tsatsa sento lesibhalwe sacindzetelwa endzimeni yekucala, utakhele ngaso umusho. (1) 5.5 Bhala umsebenti lowentiwa ngulesakhi lesidvwetjelwe endzimeni yekugcina. (1) 5.6 Akha umusho ngelibitomfakela lelibhalwe lacindzetelwa endzimeni yekucala. (1) 5.7 Bhala lomusho lobhalwe wacindzetelwa endzimeni yesibili uwente uphike. (1) 5.8 Sebentisa siphawulo lesidvwetjelwe endzimeni yesibili emshweni lotakhele wona, sibe sabito. (1) 5.9 Gucula lomusho lobhalwe ngalokucindzetelwe endzimeni yekucala ube yinkhulumongco. Cala lomusho ngekutsi: Sibisi utsi: … (2) [10] SAMBA SESIGABA C: 30 SAMBA SAKO KONKHE: 70 Emalungelo agodliwe