isiNdebele HL Grade 12 Paper 3 NSC June 2024 Question Paper

Confidential SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS ISINDEBELE ILIMI LEKHAYA (HL) IPHEPHA LESITHATHU (P3) MRHAYILI/MGWENGWENI 2024 IMITLOMELO: 100 ISIKHATHI: Ama-iri ama-3 Iphepheli linamakhasi ama-5. Ilungelo lokukhuphela lifunjethwe Phendla

IsiNdebele ILimi LeKhaya (HL)/P3 2 DBE/Mrhayili/Mgwengweni 2024 SC/NSC Confidential YELELA 1. Iphepheli LINEENGABA EZIMBILI, u-A no-B. ISIGABA A: Amatheksthi wokuzitlamela (Ama-eseyi) (50) ISIGABA B: Amatheksthi wokuthintana (2 x 25) (50) YELELA: Abafundi bakatelelekile bona baphendule MIBILI imibuzo KUSIGABA B. 2. Phendula umbuzo OWODWA ESIGABENI A kanye nemibuzo EMIBILI ESIGABENI B. 3. Tlola ngelimi ohlolwa ngalo. 4. Thoma ISIGABA ESINYE NESINYE nombuzo OMUNYE NOMUNYE ekhasini ELITJHA. 5. KUSIGABA A kufuze uhlele (usebenzise umebhengqondo, idayagramu/ Iflowutjhadi/amagama amummongo, njll.), uqinisekise bona umsebenzakho awunazo iimphoso. Ukuhlela kwakho akuvele nofana kubonakale NGAPHAMBI kwe-eseyakho. 6. Ukuhlela kwakho ukutlole kuhle kubonakale ekhasini lokuthoma bese uthoma i-eseyakho ekhasini elilandelako. 7. Isikhathi esiphakanyisweko sokutlola ISIGABA NGASINYE: ISIGABA A: Pheze imizuzu ema-100 ISIGABA B: Pheze imizuzu ema-(2 x 40) 80 8. Tlola iinomboro zeempendulo zakho zifane patsi nangendlela ezinonjorwe ngayo ephepheni lemibuzo. 9. Isihloko asingabalwa nakubalwa inani lamagama. 10. Tlola ngesandla esihle nesibonakalako. Ilungelo lokukhuphela lifunjethwe Phendla

IsiNdebele ILimi LeKhaya (HL)/P3 3 DBE/Mrhayili/Mgwengweni 2024 SC/NSC Confidential ISIGABA A: AMATHEKSTHI WOKUZITLAMELA (AMA-ESEYI) UMBUZO 1 Khetha isihloko ESISODWA utlole ngaso i-eseyi engaba magama ama-340–390. Kufanele utjengise ukuhlela kwakho (kungaba ngokukodwa kilokhu: umebhengqondo/ idayagramu/iflowutjhadi/amagama amumongo, njll.). 1.1 Isehlakalo esatjhiya umphakathi ubambe wangenzasi/urarekile. [50] 1.2 Isekelo lababelethi bami lingenze ngaba lapha ngikhona namhlanje. [50] 1.3 Ngangingakalindeli ukuzwa amagama afana nalawo aphuma emlonyenakhe. [50] 1.4 Umngani uqakathekile kodwana angabuya akulahlekise epilweni. [50] 1.5 Esikhathini sanamhlanjesi nawunemali ungakghona ukufumana yoke into engathabisa omunye umuntu epilweni. Vumelana nofana uphikisane nesitatimendesi. [50] Khetha isithombe ESISODWA bese utlola i-eseyi yesihloko ozozitlamela sona. Tlola inomboro yombuzo (1.6, 1.7 nanyana 1.8) bese unikela i-eseyakho isihloko esiyifaneleko. TJHEJA: Kufanele kube nokukhambelana kwe-eseyakho nesithombe osikhethileko. 1.6 [Sithethwe ku-www.images.com] [50] Ilungelo lokukhuphela lifunjethwe Phendla

IsiNdebele ILimi LeKhaya (HL)/P3 4 DBE/Mrhayili/Mgwengweni 2024 SC/NSC Confidential 1.7 [Sithethwe ku-www.images.com] [50] 1.8 [Sithethwe ku-www.images.com] [50] 2024 IMITLOMELO YESIGABA A: 50 Ilungelo lokukhuphela lifunjethwe Phendla

IsiNdebele ILimi LeKhaya (HL)/P3 5 DBE/Mrhayili/Mgwengweni 2024 SC/NSC Confidential ISIGABA B: AMATHEKSTHI WOKUTHINTANA UMBUZO 2 Khetha iinhloko EZIMBILI bese utlola ngazo ngamagama ali-100 kufika kwali-120 isihloko NGASINYE. 2.1 I-IMEYILI ENGAKAHLELEKI Umzawakho ufumene isekelo lezeemali elivela kwa-National Youth Development Agency (NYDA) ukobana azithomele ibubulo lokukhulisa bekathengise iinkukhu. Mtlolele i-imeyili engakahleleki umthokozise bewumyelelise ngalokho ekufanele akwenze nangalokho ekungakafaneli bona akwenze ukuze ibubulo lakhe likhule. [25] 2.2 IKULUMO-PENDULWANO Bewuzihlalele ephageni edorobheni nawuzakubona umnganakho owamgcina kade. Nithabelene khulu benagcina sele nihlezi ndawonye nicoca ngokungenziwa lilutjha ukuze lithuthukise amaphilo walo. Tlola ikulumo- pendulwano ephakathi kwakho nomnganakho lo ngokungenziwa lilutjha ukuzithuthukisa. [25] 2.3 IKULUMO ENGAKAHLELEKI Utitjherehloko wesikolo ebegade ufunda kiso osele athethe umhlalaphasi ngemva kokusebenza iminyaka engaphezu kwema-30 wenzelwe umnyanya wokuthokozwa. Uthe nawufikako emnyanyeni lo bakubawa bona wethule ikulumo yokumthokoza. Tlola ikulumo engakahleleki ozoyethula emnyanyeni lo. [25] 2.4 UMBIKO ONGAKAHLELEKI Ubone abodade ababili bahlika ikoloyi ebizwa nge-Uber ikhamba ngebelo elikhulu, balimala okubabazekako. Njengofakazi obone ngamehlo akhe utlole umbiko ongakahleleki ngalokho okubone kusenzeka. [25] 2.5 I-ATHIKILI KAMAGAZINI Kube nesehlakalo esimbi sokugqekezelwa kwabodade ababili ebegade baqatjhe indawo yokuhlala eduze nekhenu. Tlola i-athikili kamagazini uyelelise abantu ngezinto ekufanele bazitjheje nabayokuqatjha indawo yokuhlala. [25] 2.6 IKHARIKHYULAMU VITHAYE NENCWADI EMKHAMBISANI Kuvulwe isitolo esithengisa ukudla okuphekelwe safuthi esithabathabeni seentolo iZithobeni Mall nesifuna abantu abazokusebenza ukupheka. Tlola ikharikhyulamu vithaye nencwadi emkhambisani ubawe umsebenzi lo. [25] IMITLOMELO YESIGABA B: 50 INANI LOKE: 100 Ilungelo lokukhuphela lifunjethwe