isiXhosa FAL Grade 12 P1 NSC November 2022 Question Paper

NATIONAL SENIOR CERTIFICATE IBANGA 12 ISIXHOSA ULWIMI LOKUQALA OLONGEZELELWEYO (FAL) IPHEPHA LOKUQALA (P1) NOVEMBA 2022 AMANQAKU: 80 IXESHA: Iiyure 2 Olu viwo lunamaphepha ali-13. Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 2 DBE/Novemba 2022 NSC IMIYALELO NENGCACISO 1. Eli phepha lemibuzo linamaCANDELO AMATHATHU angala: ICANDELO A: Uvavanyo lokuqonda (30) ICANDELO B: Ushwankathelo (10) ICANDELO C: Izakhi nemigaqo yokusetyenziswa kolwimi (40) 2. Phendula YONKE imibuzo. 3. Qala ICANDELO NGALINYE kwiphepha ELITSHA. 4. Krwela umgca ekupheleni kweCANDELO NGALINYE. 5. Nombola iimpendulo zakho ngokuchanekileyo ngokwendlela yokunombola esetyenzisiweyo kwiphepha lemibuzo. 6. Shiya umgca emva kwempendulo ngaNYE. 7. Qwalasela ngokukodwa upelo nolwakhiwo lwezivakalisi. 8. Iingcebiso malunga nolwabiwo lwexesha: ICANDELO A: Imizuzu engama-50 ICANDELO B: Imizuzu engama-20 ICANDELO C: Imizuzu engama-50 9. Bhala ngokucocekileyo nangokucacileyo. Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 3 DBE/Novemba 2022 NSC ICANDELO A: UVAVANYO LOKUQONDA UMBUZO 1 1.1 Funda esi sicatshulwa singezantsi uze uphendule imibuzo elandelayo. ISICATSHULWA A IHLABATHI LIYAZUZA NGABANTU ABATSHA! 1 Phantse kuzo zonke izinto ezisijikelezileyo ebomini, nezikhoyo empilweni yethu, esingakuqapheliyo ngaphaya kwazo kukuba kukho ibali lomntu othe wazisungula okanye wazivelisa. Ukusungula kunokuchazwa ngeendlela ngeendlela, kodwa ngalinye kukudala okanye kukwenza into engazange ibekho ngaphambili ngokusebenzisa 5 ingqikelelo. Kufanelekile ke ngoko ukuba kubulelwe ubukhali beengqondo zabantu xa kuthethwa ngokusungula. Kaloku xa kunamhlanje sineemveliso ezibenza lula kakhulu ubomi bethu ngenxa yezinto abathe bazenza abasunguli. Kwimizekelo yeemveliso ezithe zasungulwa yingqondo yomntu kungakhankanywa ezi: iphepha, iplastiki, 10 ibhalbu yombane, ipeni, intsimbi, ifowuni kwanethivi. Ezi mveliso zizinto esiphila nazo ebomini bethu bemihla ngemihla. Ngelinye ixesha side sizithathe lula kanti ziyimisebenzi ebonisa ubuchule nobukrelekrele bengqondo yomntu. Kunjalo nje, kukho ubungqina bokuba ngabantu abatsha abathe basungula ezona zinto zize neenguqu ezinkulu ebomini. 15 Ngoko ke, xa kuthethwa ngosungulo akufuneki bulityalwe ubuchule nobugcisa babantu abatsha. 2 UPhilo Farnsworth ungomnye wabantu abazibalulayo kusungulo olwenziwe ngabantu abatsha. Wathi eneminyaka eli-14, wabonisa ubukrelekrele nobugcisa ngokwenza ithivi. Loo msebenzi wakhe wathi 20 kanti ekugqibeleni uza kunkqenkqeza phambili kuko konke okuthe kwasungulwa ngexesha lokuphila kwakhe. Wachitha ixesha elininzi esenza idivayisi enokuvelisa imifanekiso, ekwanetyhubhu eyikhamera enevidiyo. Nakuba nje ezale mihla iithivi sele ziphuculwe kakhulu, sizasebenzisa obunye bobuxhakaxhaka awabenza kula thivi 25 wayisungulayo. 3 ULouis Braille naye ungomnye wabantu abatsha abangabasunguli abaziwa ngobukrelekrele. Lo kaBraille, waziwa jikelele ngokwenza inkqubo edumileyo yala maxesha yokufunda nokubhala yabantu abangaboniyo. Oku kusukela ekubeni yena wafumana ingozi yemoto 30 eneminyaka emithathu, waphela engaboni. Ukusukela ngoko 'ihlabathi lakhe' yaba lelezandi kuphela. Wafunda kwisikolo sabangaboniyo eParis esasisebenzisa iincwadi ezinoonobumba abakroliweyo (carved). Esi sixhobo samkhuthaza, ze wathi eneminyaka eli-15 wasungula inkqubo esebenzisa iidothi eziphakamileyo endaweni yoonobumba. 35 Xa kunamhlanje ulwimi lwe-Braille lusetyenziswa njengolusemthethweni kwinkqubo yobhalo yabantu abangaboniyo kwihlabathi lonke. Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 4 DBE/Novemba 2022 NSC 4 Kananjalo, ilizwe lase-Italy, lilizwe elaziwa njengelona lingunozala wezinto ezininzi ezisungulweyo kwimbali yoluntu jikelele. Nangoku kulo kukho umfana oneminyaka engama-22, uAlberto Rizzoli odume 40 ngokuvelisa i-App yokunceda abantu abangaboniyo. Oku ekwenza ngokuncediswa ngabahlobo bakhe, uMarita Cheng onama-26 eminyaka kunye noSimon Adwardsson oneminyaka engama-27. Le-App yabo inceda ukuba abantu abangaboniyo bakwazi ukufunda izinto ezisegumbini ngokubesebenzisa ubuchule nobugcisa bale mihla. 45 Bebobathathu basungule i-software evumela ukuba ifowuni enekhamera ithathe imifanekiso, ze emva kwemizuzu embalwa, ixele ekufotileyo. 5 Kwakhona, xa kuthethwa ngabantu abatsha abangamaqhawe ekudaleni izinto ebezingekho ngaphambili, uMark Zuckerberg ungomnye wabo. Wathi eneminyaka eli-19, ekunyaka wakhe wesibini eyunivesithi waseka 50 indlela entsha yokunxibelelana nabantu eyunivesithi nasekuhlaleni. Ngoncedo lwabanye abafundi, wasungula iwebhusaythi ka-Facebook, esebenzisa iifoto zabafundi. Kwangoko yatsala umdla omkhulu loo nkqubo. Waphantsa wagxothwa eyunivesithi ngenxa yale projekhthi kuba abasemagunyeni babecinga ukuba uyenza ngokuxhaphaza 55 izixhobo zeyunivesithi. Yayingekaqondwa ukuba le projekhthi iyimbono enobukrelekrele eza nobutyebi. Iziphumo zolu sungulo kukuba iwebhusayithi yakhe ibe yenye yezidumileyo neziphezulu ngonyaka wama-2007. Ngowama-2010, u-FaceBook ubesele exabisa phakathi kwama-25 ukuya kuma-40 eebhiliyoni eedola phantsi kwesandla 60 sikaMark. 6 Ngokwenene abantu abatsha badlale indima enkulu ekusunguleni izinto ezibalulekileyo entlalweni. Oku kungqinwa nayimisebenzi yabantu abafana noBlaise Pascal, owacaca ukuba ungumntwana onesiphiwo ngokuthi eneminyaka eli-19 enze ikhaltyhuleytha yemekhenikhi 65 eyiPascaline. Oko kwanceda ngakumbi utata wakhe owayesebenza ngezibalo emsebenzini wakhe. Loo khaltyhuleytha yayenziwe ngebhokisi yeplanga kwaye isekho kwenye yeemyuziyam ezinkulu zelizwe lakhe. 7 Ngubani ke ngoko ongenakuziqhwabela izandla iingqondo ezinzulu 70 kangaka ngokucinga, ezizalwa sisidalwa esingumntu? Ngenxa yazo, namhlanje umhlaba wonke uyazuza ngezi zixhobo nemithombo etyebileyo yeteknoloji. Iteknoloji yenza ukuba likhule ngakumbi ihlabathi nobomi bubelula. Ngenene, ezandleni zabantu abatsha, ihlabathi lisezandleni zeenkcuba-buchopho. 75 [Sithatyathwe ku-www.pirelli.com/globe, saze saguqulelwa, salungiselelwa uviwo] Jonga kumhlathi 1 1.1.1 Nika into esingayiqapheliyo ekhoyo ngaphaya kwezinto ezisijikelezileyo ebomini ngokwalo mhlathi. (1) 1.1.2 Kutheni kufanelekile ukuba kubulelwe ubukhali beengqondo zabantu ngosungulo? (1) Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 5 DBE/Novemba 2022 NSC 1.1.3 Nika ube MNYE umzekelo wemveliso esungulweyo kwezikhankanyiweyo. (1) 1.1.4 Chonga amagama amaBINI alandelelanayo kwisivakalisi esingezantsi athetha ukuba asizixabisi iimveliso ezikhoyo ebomini bethu. Ngelinye ixesha side sizithathe lula kanti ziyimisebenzi ebonisa ubuchule … (1) Jonga kumhlathi 2 1.1.5 Chaza ukuba lubaluleke ngantoni uyilo lukaPhilo Farnsworth kwiithivi zale mihla. (2) Jonga kumhlathi 3 1.1.6 Cacisa ukuba isivakalisi esingezantsi sigqithisa luphi ulwazi ngoLouis Braille. ... 'ihlabathi lakhe' yaba lelezandi kuphela. (2) 1.1.7 Ngqina ukuba umsebenzi kaLouis Braille ube luncedo kwihlabathi jikelele. (2) Jonga kumhlathi 4 1.1.8 Isixelela ntoni ngelizwe lase-Italy inkcaza ebhalwe ngqindilili kwisicatshulwa? (2) 1.1.9 Xela indlela ebenza lula ngayo ubomi babantu abangaboniyo i-App eyayilwa nguAlberto nabahlobo bakhe. (2) Jonga kumhlathi 5 1.1.10 Lizisa ntsingiselo ni igama, 'kwakhona' elibhalwe ngqindilili kwesi sivakalisi singezantsi? Kwakhona, xa kuthethwa ngabantu abatsha abangamaqhawe ekudaleni izinto ebezingekho ngaphambili, uMark Zuckerberg ungomnye wabo. (2) 1.1.11 Kwakutheni ukuze iyunivesithi ifune ukumgxotha uMark Zuckerberg ngenxa yeprojekhthi yakhe? (2) Jonga kumhlathi 6 1.1.12 Xela ukuba lalivela phi igama le khaltyhuleytha yemekhenikhi eyiPascaline ekuthethwa ngayo kulo mhlathi. (1) 1.1.13 Xhasa imbono yokuba umsebenzi wosungulo kaPascal usaxatyisiwe kwilizwe lakhe. (2) Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 6 DBE/Novemba 2022 NSC Jonga kumhlathi 7 1.1.14 Khetha impendulo echanekileyo kwezi zilandelayo. Inkcaza ethi, '… iingqondo ezinzulu kangaka ngokucinga, ezizalwa sisidalwa esingumntu …,' iqulethe ulwimi … A olubaxayo. B oludlelelelayo. C oluqhathayo. D oluchukumisayo. (1) 1.1.15 Uyavumelana noluvo lokuba ezandleni zabantu abatsha, ihlabathi lisezandleni zeenkcuba-buchopho? Xhasa impendulo yakho. (2) 1.2 Funda lo mfanekiso ungezantsi uze uphendule imibuzo elandelayo. ISICATSHULWA B: OKUBONWAYO [Uthatyathwe kwi-www.icreativeminds.com] 1.2.1 Zifana ngantoni izinto ezithwelwe entloko ngabantwana abakulo mfanekiso? (1) 1.2.2 Yintoni ebonisa ukuba bonke aba bantwana bayathetha? (1) 1.2.3 Ngqina ukuba lo mfanekiso ukhuthaza ukungacalulwa kwabantu ngokwesini. (2) 1.2.4 Ucinga ukuba yintoni injongo yomfoti ngalo mfanekiso? (2) AMANQAKU ECANDELO A: 30 Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 7 DBE/Novemba 2022 NSC ICANDELO B: USHWANKATHELO UMBUZO 2 ISICATSHULWA C esingezantsi simalunga nezinto abantu abadala abanokuzifunda ebantwaneni. Funda ISICATSHULWA C esingezantsi uze ubhale iingongoma eziphambili unika izinto abantu abadala abanokuzifunda ebantwaneni. IMIYALELO 1. Bhala isishwankathelo sibe kwimo yeengongoma ungadluli kumagama angama-60. 2. Nombola izivakalisi zakho ukusuka ku-1 ukuya ku-7. 3. Sebenzisa izivakalisi ezipheleleyo ukubhala iingongoma. 4. Sebenzisa AMAZWI AKHO kangangoko unako. 5. Bhala inani lamagama owasebenzisileyo kwizibiyeli ekupheleni kwesishwankathelo. ISICATSHULWA C OKUNOKUFUNDWA NGABANTU ABADALA EBANTWANENI Ngamanye amaxesha kuye kubonakale ngathi abantu abadala basakubawela ukuphinda babe ngabantwana. Bafanele, bumnandi ubomi bobuntwana. Kanti ke, nokuba badala kuninzi abanokukufunda ebantwaneni ukuze bahlale bonwabile. Okunye koku: Kukuthatha usuku ngalunye njengesiqalo esitsha, ngale ndlela benza ngayo abantwana. Bona abazithathi iingxaki zolunye usuku bayokungena nazo kolulandelayo. Usuku ngalunye kubo luba lutsha ngokupheleleyo. Abantu abadala mabenze izinto zobugcisa ezibonwabisayo nezibalungeleyo. Kukangaphi sibona abantwana bonwabele iiprojekhthi zabo ezinjengokuzoba, ukudlala ngodongwe nesanti? Ngokuya bekhula abantu abadala bayayeka ukuzibona izinto zobugcisa njengezonwabisayo ebomini. Umntu makafane nabantwana ngokungabinaxhala lokuhlazeka okanye lokungaphumeleli. Umzekelo, umntwana akuziva efuna ukudanisa okanye ukucula, usuka enze njalo. Umntu ke ngoko makenze zonke izinto ezimenza eve kamnandi entliziyweni ngokungenaxhala. Abantwana banesakhono sokuhlala bebona okunokubahlekisa kwizinto zonke ezibangqongileyo. Abantu abadala mabakufunde nabo ukuba bahlale behleka mihla yonke. Yenye yezinto ezibalulekileyo leyo kubomi esibuphilayo. Kaloku, ukuhleka yimpilo. Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 8 DBE/Novemba 2022 NSC Umntu makaqale izinto ezintsha angazange wazenza ngaphambili, angapheleli kwazaziyo. Abantwana aboyiki ukuqala izinto ezintsha ezinjengomdlalo omtsha, ukuziphosa emanzini okokuqala nokudlala ukutshibilika kwiindawo ezihlayo. Oko kuyawuphakamisa umoya wabo. Buxabise ubuhlobo bakho nabanye abantu kwaye ubukhulise ngokufumana nabanye abahlobo abatsha. Abantwana bayakonwabela ukudlala nabahlobo ze bakonwabela ngakumbi ukufumana abatsha. Ngokweyabo ingqondo, ubuninzi babahlobo kuzisa ulonwabo. Kubalulekile ukuba umntu abe liqhawe ebomini bakhe angazoyikiseli, njengoko besenza abantwana. Abantu abadala bayakuthanda ukoyika ukuqhayisa, de bangazincomi nangemisebenzi yabo emihle. Abantwana, kumabali abawabalisayo basoloko beziveza bengamaqhawe. Kukhulu okunokufundwa ngabantu abadala kubantwana, batsho babonwabele ubomi. [Sithatyathwe kwi-www.teachings form young/couching.com yaza yaguqulelwa, yalungiselelwa uviwo] AMANQAKU ECANDELO B: 10 Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 9 DBE/Novemba 2022 NSC ICANDELO C: IZAKHI NEMIGAQO YOKUSETYENZISWA KOLWIMI UMBUZO 3: ISIBHENGEZO-NTENGISO Funda esi sibhengezo-ntengiso uze uphendule imibuzo elandelayo. ISICATSHULWA D [Sithatyathwe pinterest.com saza sahlelwa, salungiselelwa uviwo] 3.1 Xela ukuba kutheni kusetyenziswe ifonti enkulu kwinani u-48 kwesi sibhengezo. (2) 3.2 Khankanya into enconywa ngayo le mveliso kule ntengiso. (1) 3.3 Khetha impendulo echanekileyo kwezi zilandelayo. Inkcaza ethi, 'okungena nzulu' ekwesi sibhengezo-ntengiso iqulethe ulwimi … A olucengayo. B olubaxayo. C oludlelelelayo. D oluchukumisayo. (1) 3.4 Xela isizathu sokusetyenziswa kwalo mfanekiso ukwesi sibhengezo. (2) 3.5 Nika ngeengongoma eziMBINI ulwazi angaluxelelwanga umthengi ngale mveliso. (2) 3.6 Ingaba esi sibhengezo-ntengiso siluncedo kumthengisi nakumthengi? Xhasa impendulo yakho. (2) [10] Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 10 DBE/Novemba 2022 NSC UMBUZO 4: IKHATHUNI Funda le khathuni uze uphendule imibuzo elandelayo. ISICATSHULWA E ISAKHELO 1 ISAKHELO 2 ISAKHELO 3 Yhu! Ubuye Kulaa garaji isezantsi Le hempe ndiyithenge phi? eneseyili yeempahla. ngama-R50 kuphela. Tim Ivy Hehake! kukulibala Khawukhangele, ihempe Yiyo kanye. Kaloku kwabafazi? yam ibuyele kum, ndayithengisa nge-R100 Wawungenahempe inje na ndanama-R50 ngaphezulu. kule ingakuthi igaraji. kakade? ISAKHELO 4 ISAKHELO 5 ISAKHELO 6 [Uthatyathwe ku-www.africartoons.com waza walungiselelwa uviwo] 4.1 Chonga igama elisisikhuzo kwisakhelo soku-1. (1) 4.2 Yintoni esixelela ukuba uTim ebengaziwa ukuba uphi? (1) 4.3 Xela isizathu sokuba intetho kaTim ibekwe yodwa kwisakhelo sesi-2. (1) 4.4 Kutheni uTim esebenzise igama, 'kuphela' kwimpendulo yakhe ekwisakhelo sesi-3? (2) 4.5 Khetha impendulo echanekileyo kwezi zilandelayo. Intetho kaIvy ethi, '… kukulibala kwabafazi?' ekwisakhelo sesi-4 iqulethe ulwimi … A oluqweqwedisayo. B oluqukayo. C oluqhathayo. D olubaxayo. (1) 4.6 Isixelela ntoni ngoTim impendulo yakhe ethi, 'Yiyo kanye', ekwisakhelo sesi-5? (2) 4.7 Ingaba uIvy ubonakala esixhasa isenzo sikaTim sokuthenga le hempe? Xhasa impendulo yakho. (2) [10] Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 11 DBE/Novemba 2022 NSC UMBUZO 5: IPROZI 5.1 Funda esi sicatshulwa uze uphendule imibuzo ebuzwe kuso. ISICATSHULWA F UMDLALI WODUMO UDEON HOTTO UKWANGUMFUYI Lo mdlali webhola ekhatywayo uxelele iKick-off ukuba uneenkomo, iibhokhwe, iigusha nezinye iindidi zemfuyo kwifama yakhe eSwakopmund. 'Ndikwanazo neenkomo zodidi ezinjengeeJezi, ezimalunga namashumi amahlanu anesine. Okwangoku andishishini ngazo kodwa ndizenzela nje ukutya. Ndinamalungu osapho ajonga ifama yam xa ndilapha eMzantsi Afrika,' uthethe watsho 5 uHotto. Ngaphandle kokudlalela elinye lamaqela amakhulu eMzantsi Afrika, uHotto usaphila ubomi obulula. Uqhuba imoto engasebenzisi mali ininzi yonke imihla xa esiya kuqeqesho. Umhlobo wakhe osenyongweni wongeze ngelithi, uDeon ngomnye wabadlali abaqeqeshekileyo kwiLigi kwaye uzikhathalele kakhulu. 10 Uthi uphila ubomi obuqhelekileyo. [Sithatyathwe kwi-So'lezwe, 24 EyoMdumba–2 EyoKwindla 2022, iphepha lesi-4 saza sahlelwa, salungiselelwa uviwo] 5.1.1 Xela ukuba kutheni singenaceba isibizo esikrwelelwe umgca ngaphantsi kwesi sivakalisi singezantsi. Lo mdlali unguDeon uxelele iKick-off … (1) 5.1.2 Yenze msebenzi mni ikoma kwesi sivakalisi silandelayo? Uxelele iKick-off ukuba uneenkomo, iibhokhwe, iigusha nezinye iindidi zemfuyo kwifama yakhe. (1) 5.1.3 Chonga igama elenze umsebenzi wokudibanisa izivakalisi ezibini kwesi sivakalisi silandelayo. Ndinamalungu osapho ajonge ifama yam xa ndilapha eMzantsi Afrika. (1) 5.1.4 Khetha impendulo echanekileyo kwezi zilandelayo. Intsingiselo eziswa ligama elibhalwe ngqindilili kwisicatshulwa, 'okwangoku' yeyokuba isenzo … A sigqityiwe. B sesagqitywa. C sagqitywa. D singatshintsha. (1) Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 12 DBE/Novemba 2022 NSC 5.1.5 Faka isimelabiso soqobo endaweni yesibizo esibhalwe ngqindilili kwisivakalisi esingezantsi. Andishishini ngazo kodwa ndizenzela nje ukutya. (1) 5.1.6 Khetha igama elichazayo kwesi sivakalisi singezantsi. UHotto usaphila ubomi obulula. (1) 5.1.7 Xela ukuba uludidi luni lwesivumelanisi u-'ndi' kwesi sivakalisi silandelayo. '… xa ndilapha eMzantsi Afrika,' uthethe watsho uHotto. (1) 5.1.8 Sisetyenziselwe ukubonisa ntoni isakhi u-sa esibhalwe ngqindilili kwesi sivakalisi singezantsi? '… uHotto usaphila ubomi obulula.' (2) 5.1.9 Lungisa isenzi esikwizibiyeli kwisivakalisi esilandelayo ukuze sinike intsingiselo echanekileyo. UHotto (udlala) amaqela amakhulu. (2) 5.1.10 Fakela esinye isimaphambili endaweni yesikrwelelwe umgca ngaphantsi kwigama: Umhlobo, ze usisebenzise kwisivakalisi. Cwangcisa impendulo yakho ngolu hlobo: (a) Isibizo (1) (b) Isivakalisi (1) 5.1.11 Xela ukuba sibhekisa kubani isakhi esibhalwe ngqindilili kwisivakalisi esingezantsi. UHotto ungomnye wabadlali abaqeqeshekileyo kwaye uzikhathalele. (1) Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 13 DBE/Novemba 2022 NSC 5.2 Funda lo mfanekiso uze uphendule imibuzo elandelayo. ISICATSHULWA G: UMFANEKISO [Uthatyathwe ku-www.iol.com waze walungiselelwa uviwo] 5.2.1 Bhala esi sivakalisi singezantsi sibe kwixesha eladlulayo. Akukho zimbophelelo kwilizwe lolwazi. (2) 5.2.2 Guqula isenzi esikrwelelwe umgca ngaphantsi kwesi sivakalisi silandelayo sibe kwimo ende. Itsheyini limbophe ezandleni. (2) 5.2.3 Lungisa igama elikrwelelwe umgca ngaphantsi kwesi sivakalisi silandelayo. Umntu makangabophelelwa kulwazi. (2) [20] AMANQAKU ECANDELO C: 40 AMANQAKU EWONKE: 80 Akuvumelekanga ukufotokopa eli phepha