History Grade 12 P1 NSC Supplementary 2016 QP (Afr)

Downloaded from hlayiso.com NASIONALE SENIOR SERTIFIKAAT GRAAD 12 GESKIEDENIS V1 FEBRUARIE/MAART 2016 PUNTE: 150 TYD: 3 uur Hierdie vraestel bestaan uit 9 bladsye en 'n addendum van 14 bladsye. Kopiereg voorbehou Blaai om asseblief

Downloaded from hlayiso.com Geskiedenis/V1 2 DBE/Feb.–Mrt. 2016 NSS INSTRUKSIES EN INLIGTING 1. Hierdie vraestel bestaan uit AFDELING A en AFDELING B, wat op die voorgeskrewe inhoudsraamwerk in die KABV-dokument gebaseer is. AFDELING A: BRONGEBASEERDE VRAE VRAAG 1: DIE KOUE OORLOG: DIE OORSPRONG VAN DIE KOUE OORLOG VRAAG 2: ONAFHANKLIKE AFRIKA: GEVALLESTUDIE – ANGOLA VRAAG 3: BURGERLIKE PROTES VANAF DIE 1950's TOT DIE 1970's: BURGERREGTEBEWEGING AFDELING B: OPSTELVRAE VRAAG 4: UITBREIDING VAN DIE KOUE OORLOG: GEVALLESTUDIE – VIËTNAM VRAAG 5: ONAFHANKLIKE AFRIKA: VERGELYKENDE GEVALLE- STUDIE – DIE KONGO EN TANZANIË VRAAG 6: BURGERLIKE PROTES VANAF DIE 1950's TOT DIE 1970's: SWARTMAGBEWEGING 2. AFDELING A bestaan uit DRIE brongebaseerde vrae. Bronmateriaal wat benodig word om hierdie vrae te beantwoord, kan in die ADDENDUM gevind word. 3. AFDELING B bestaan uit DRIE opstelvrae. 4. Beantwoord DRIE vrae soos volg: 4.1 Ten minste EEN moet 'n brongebaseerde vraag wees en ten minste EEN moet 'n opstelvraag wees. 4.2 Die DERDE vraag kan όf 'n brongebaseerde vraag όf 'n opstelvraag wees. 5. Jy word aangeraai om ten minste EEN uur per vraag te bestee. 6. In die beantwoording van die vrae moet jy jou kennis, vaardighede en insig gebruik. 7. Jy sal benadeel word deur die blote oorskryf van die bronne as antwoorde. 8. Nommer die antwoorde korrek volgens die nommeringstelsel wat in hierdie vraestel gebruik word. 9. Skryf netjies en leesbaar. Kopiereg voorbehou Blaai om asseblief

Downloaded from hlayiso.com Geskiedenis/V1 3 DBE/Feb.–Mrt. 2016 NSS AFDELING A: BRONGEBASEERDE VRAE Beantwoord ten minste EEN vraag, maar nie meer as TWEE vrae nie, in hierdie afdeling. Bronmateriaal wat benodig word om hierdie vrae te beantwoord, kan in die ADDENDUM gevind word. VRAAG 1: WAAROM HET DIE DUITSE DEMOKRATIESE REPUBLIEK IN 1961 BESLUIT OM DIE BERLYNSE MUUR TE BOU? Bestudeer Bron 1A, 1B, 1C en 1D en beantwoord die vrae wat volg. 1.1 Gebruik Bron 1A. 1.1.1 Maak 'n lys van VIER gebeure, volgens die inligting in die bron, wat Oos-Duitsland as dade van aggressie deur Wes-Duitsland beskou het. (4 x 1) (4) 1.1.2 Identifiseer die TWEE opponerende militêre alliansies wat in hierdie bron genoem word. (2 x 1) (2) 1.1.3 Verduidelik waarom die Oos-Duitse regering geglo het dat dit nodig was om die Berlynse Muur in 1961 te bou. (2 x 2) (4) 1.1.4 Lewer kommentaar op of jy die inligting in hierdie bron as betroubaar sou beskou in die konteks van die Duitse Demokratiese Republiek se besluit in 1961 om die Berlynse Muur te bou. (2 x 2) (4) 1.2 Verwys na Bron 1B. 1.2.1 Kies TWEE woorde uit die bron wat die ekonomie van Wes-Duitsland in 1961 die beste beskryf. (2 x 1) (2) 1.2.2 Definieer die begrip kapitalisme in die konteks van die bewyse in die bron. (1 x 2) (2) 1.2.3 Waarom, dink jy, het die Verenigde State van Amerika '$600 miljoen in Wes-Berlyn gestort'? Ondersteun jou antwoord met relevante bewyse. (2 x 2) (4) 1.2.4 Verduidelik waarom drie miljoen mense vanaf 1949 besluit het om na Wes-Duitsland te ontsnap. (2 x 2) (4) 1.2.5 Gee TWEE redes waarom Wes-Berlyn as strategies belangrik vir die Verenigde State van Amerika beskou is. (2 x 1) (2) Kopiereg voorbehou Blaai om asseblief

Downloaded from hlayiso.com Geskiedenis/V1 4 DBE/Feb.–Mrt. 2016 NSS 1.3 Bestudeer Bron 1C. 1.3.1 Met verwysing na die visuele leidrade in die bron, watter boodskap word deur die spotprent oorgedra oor die lewe in: (a) Wes-Duitsland (1 x 2) (2) (b) Oos-Duitsland (1 x 2) (2) 1.3.2 Verduidelik hoe die spotprent 'n eensydige prentjie oor die lewe in beide Wes- en Oos-Duitsland skets. Ondersteun jou antwoord deur die visuele leidrade in die bron te gebruik. (2 x 2) (4) 1.4 Raadpleeg Bron 1D. 1.4.1 Noem enige TWEE bewysstukke in die bron wat te kenne gee dat die mense wat in Oos-Duitsland gebly het, ontevrede was met die regering se ekonomiese beleid. (2 x 1) (2) 1.4.2 Verduidelik die stappe wat die Oos-Duitse regering gedoen het om die ineenstorting van die land se ekonomie te voorkom. (2 x 2) (4) 1.5 Gebruik die inligting in die relevante bronne en jou eie kennis en skryf 'n paragraaf van ongeveer AGT reëls (ongeveer 80 woorde) waarin jy verduidelik waarom die Duitse Demokratiese Republiek in 1961 besluit het om die Berlynse Muur te bou. (8) [50] Kopiereg voorbehou Blaai om asseblief

Downloaded from hlayiso.com Geskiedenis/V1 5 DBE/Feb.–Mrt. 2016 NSS VRAAG 2: WAAROM HET SUID-AFRIKA EN KUBA NA 1975 BY DIE KOUE OORLOG IN ANGOLA BETROKKE GERAAK? Bestudeer Bron 2A, 2B, 2C en 2D en beantwoord die vrae wat volg. 2.1 Verwys na Bron 2A. 2.1.1 Noem TWEE lande wat Vorster vir Suid-Afrika se ingryping in Angola blameer het. (2 x 1) (2) 2.1.2 Waarom, volgens Vorster, het Suid-Afrika by die Koue Oorlog in Angola betrokke geraak? Gee DRIE redes vir jou antwoord. (3 x 1) (3) 2.1.3 Lewer kommentaar op die manier waarop die inligting wat in paragraaf 2 oor Suid-Afrika se betrokkenheid by die Koue Oorlog in Angola gegee word, teenstrydig is met Vorster se bewering in paragraaf 1. (2 x 2) (4) 2.1.4 Identifiseer TWEE Afrikaleiers in die bron wat die Suid-Afrikaanse Weermag se besluit om die FNLA en UNITA by te staan, gesteun het. (2 x 1) (2) 2.2 Raadpleeg Bron 2B. 2.2.1 Watter boodskappe dra die spotprenttekenaar oor met betrekking tot die aard van buitelandse inmenging in Angola? Gebruik die visuele leidrade in die bron om jou antwoord te ondersteun. (2 x 2) (4) 2.2.2 Verduidelik die beperkings van die bron vir 'n historikus wat die rol van buitelandse inmenging in Angola tussen 1975 en 1976 bestudeer. (2 x 2) (4) 2.3 Bestudeer Bron 2C. 2.3.1 Hoe het Suid-Afrika gereageer op die Weste en swart Afrikabondgenote se gebrek aan 'openlike ondersteuning' vir sy terugtrekking uit Angola in 1975? (1 x 2) (2) 2.3.2 Verduidelik waarom Vorster nie bereid was om te bevestig of Amerika Suid-Afrika gedurende die Koue Oorlog in Angola gesteun het nie. (2 x 2) (4) 2.3.3 Kies bewyse uit die bron wat te kenne gee dat die Amerikaanse regering Suid-Afrika se militêre operasie in Angola in 1975 gesteun het. (2 x 1) (2) 2.3.4 Gebruik die inligting in die bron en jou eie kennis en verduidelik wat De Borchgrave bedoel het met die bewering dat 'gematigde swart presidente in Afrika hulle goedkeuring vir die operasie gegee het' in die konteks van gebeure wat tussen 1975 en 1976 in Angola plaasgevind het. (2 x 2) (4) Kopiereg voorbehou Blaai om asseblief

Downloaded from hlayiso.com Geskiedenis/V1 6 DBE/Feb.–Mrt. 2016 NSS 2.4 Lees Bron 2D. 2.4.1 Watter Afrikaland (behalwe Suid-Afrika) het troepe na Angola gestuur om teen die MPLA te veg? (1 x 1) (1) 2.4.2 Waarom het Fidel Castro die Verenigde State van Amerika daarvan beskuldig dat hulle die oorlog in Angola aangehits (veroorsaak) het? Ondersteun jou antwoord met relevante bewyse uit die bron. (2 x 2) (4) 2.4.3 Verduidelik waarom jy dink leiers van Fidel Castro se party gemeen het dat dit nodig was om die MPLA te ondersteun. (2 x 2) (4) 2.4.4 Haal woorde uit die bron aan wat Castro gebruik het om die volgende aan te dui: (a) Steun vir die Angolese troepe (1 x 1) (1) (b) Vyandigheid teenoor die Suid-Afrikaanse troepe (1 x 1) (1) 2.5 Gebruik die inligting in die relevante bronne en jou eie kennis en skryf 'n paragraaf van ongeveer AGT reëls (ongeveer 80 woorde) waarin jy verduidelik waarom Suid-Afrika en Kuba ná 1975 by die Koue Oorlog in Angola betrokke geraak het. (8) [50] Kopiereg voorbehou Blaai om asseblief

Downloaded from hlayiso.com Geskiedenis/V1 7 DBE/Feb.–Mrt. 2016 NSS VRAAG 3: HOE HET AMERIKANERS OP DIE INTEGRASIE VAN CENTRAL HIGH SCHOOL IN LITTLE ROCK, ARKANSAS, IN 1957 GEREAGEER? Bestudeer Bron 3A, 3B, 3C en 3D en beantwoord die vrae wat volg. 3.1 Lees Bron 3A. 3.1.1 Verduidelik die term integrasie in die konteks van die gebeure wat in 1957 by Central High School plaasgevind het. (1 x 2) (2) 3.1.2 Hoe het lede van die raad by Central High School op die beslissing van die Federale Hof gereageer? (1 x 2) (2) 3.1.3 Beskryf in jou eie woorde hoe Prinsipaal Matthews verwag het dat leerders by Central High School hulle moes gedra. (2 x 2) (4) 3.1.4 Hoe, volgens die inligting in die bron, het Central High School gehoop om hulle reputasie as een van die toonaangewende openbare hoërskole in die VSA te behou? (1 x 2) (2) 3.2 Verwys na Bron 3B. 3.2.1 Waarom, dink jy, is hierdie foto geneem? Gee TWEE redes vir jou antwoord. (2 x 2) (4) 3.2.2 Verduidelik wat daartoe gelei het dat die wit Amerikaanse leerders uit Central High School gestap het. (1 x 2) (2) 3.3 Verwys na Bron 3A en 3B. Lewer kommentaar op die maniere waarop die wit Amerikaanse leerders se optrede in Bron 3B strydig is met die inhoud van die bulletin in Bron 3A. (2 x 2) (4) 3.4 Bestudeer Bron 3C. 3.4.1 Haal bewyse uit die bron aan wat te kenne gee dat mev. Helen Conrad die integrasie by Central High School ondersteun het. (1 x 1) (1) 3.4.2 Maak 'n lys van DRIE dinge in die bron wat daarop dui dat Robin Woods anders as haar klasmaats was. (3 x 1) (3) 3.4.3 Op watter manier is die 'sosiale kode' by Central High School geskend? (1 x 2) (2) 3.4.4 Gebruik die inligting in die bron en jou eie kennis en verduidelik waarom jy hierdie historiese bewysstuk as bruikbaar sou beskou vir 'n historikus wat oor die Little Rock-nege se ervarings by Central High School navorsing doen. (2 x 2) (4) Kopiereg voorbehou Blaai om asseblief

Downloaded from hlayiso.com Geskiedenis/V1 8 DBE/Feb.–Mrt. 2016 NSS 3.5 Verwys na Bron 3D. 3.5.1 Waarom het Ernest Green die feit dat hy aan Central High School gematrikuleer het, as van besondere belang beskou? (2 x 1) (2) 3.5.2 Wat het Ernest Green bedoel met die bewering dat hy 'deur 'n muur gebreek het'? (2 x 2) (4) 3.5.3 Hoe het mense wat die plegtigheid by Central High School bygewoon het, gereageer toe Ernest Green sy diploma ontvang? (1 x 2) (2) 3.5.4 Verduidelik, in jou eie woorde, Ernest Green se houding nadat hy sy diploma ontvang het. (2 x 2) (4) 3.6 Gebruik die inligting in die relevante bronne en jou eie kennis en skryf 'n paragraaf van ongeveer AGT reëls (ongeveer 80 woorde) waarin jy verduidelik hoe Amerikaners in 1957 op die integrasie van Central High School in Little Rock gereageer het. (8) [50] Kopiereg voorbehou Blaai om asseblief

Downloaded from hlayiso.com Geskiedenis/V1 9 DBE/Feb.–Mrt. 2016 NSS AFDELING B: OPSTELVRAE Beantwoord ten minste EEN vraag, maar nie meer as TWEE vrae nie, in hierdie afdeling. Jou opstel behoort ongeveer DRIE bladsye lank te wees. VRAAG 4: UITBREIDING VAN DIE KOUE OORLOG: GEVALLESTUDIE – VIËTNAM Die Noord-Viëtnamese en die Nasionale Vryheidsfront (Viëtkong) het geveg om hulle land van Amerikaanse inmenging te bevry. Dit was waarskynlik die hoofrede waarom die Amerikaners nie daarin kon slaag om hulle te oorwin nie. Bespreek hierdie bewering krities in die konteks van die oorlog wat tussen 1963 en 1973 in Viëtnam geveg is. [50] VRAAG 5: ONAFHANKLIKE AFRIKA: VERGELYKENDE GEVALLESTUDIE – DIE KONGO EN TANZANIË Verduidelik in watter mate die leierskap van Mobutu Sese Seko en Julius Nyerere 'n uitwerking op politieke en ekonomiese ontwikkeling van beide die Kongo en Tanzanië ná die verkryging van onafhanklikheid gehad het. [50] VRAAG 6: BURGERLIKE PROTES VANAF DIE 1950's TOT DIE 1970's: SWARTMAGBEWEGING Die Black Panther-party was alleen verantwoordelik vir die opkoms van 'Swart Mag' in die Verenigde State van Amerika in die 1960's. Stem jy saam met die stelling hierbo? Gebruik relevante voorbeelde om jou argument te ondersteun. [50] TOTAAL: 150 Kopiereg voorbehou