Downloaded from hlayiso.com
SENIOR CERTIFICATE EXAMINATIONS
ISINDEBELE ILIMI LOKUTHOMA LOKWENGEZA (FAL)
IPHEPHA LOKUTHOMA (P1)
2017
IMITLOMELO: 80
ISIKHATHI: Ama-iri ama-2
Iphepheli linamakhasi ali-12.
Ilungelo lokukhuphela lifunjethwe Phendla
Skip to contentAll 2017 papers 





View all





isiNdebele FAL Grade 12 Paper 1 NSC June 2017 Question Paper
Grade 12 isiNdebele FAL Paper 1 question paper from the NSC June Exam 2017, 12 pages. Read online or get the free PDF download, memo linked when available.
Isindebele Fal · Grade 12 · NSC June Exam · 2017 · isindebele. Question paper, 12 pages. Read online or download the PDF.
- Subject
- isiNdebele FAL
- Grade
- Grade 12
- Language
- Isindebele
- Document type
- Question paper
- Year
- 2017
- Exam period
- NSC June Exam
- Paper
- 1
- Curriculum
- CAPS
- Pages
- 12
- File size
- 1.1 MB
Free to read online, no sign-up needed
Loading document…
Loading document…
1 of 12
This exam
NSC June Exam 2017
- Paper 1Question paperMemo
- Paper 2Question paper
- Paper 3Question paperMemo
Questions in this paper
- Question 1.1Ukutlola nokwethula / Writing and Presenting
- Question 4Ilimi: izakhiwo neenkambiso / Language Structures and Conventions40 marks
- Question 5Ilimi: izakhiwo neenkambiso / Language Structures and Conventions55 marks
- Question 1.2Ukulalela nokukhuluma / Listening and Speaking6 marks
- Question 3Ukufunda nokubukela / Reading and Viewing (non-literary)10 marks
- Question 5.1Ilimi: izakhiwo neenkambiso / Language Structures and Conventions14 marks
Document textSearch extracted text and jump to a page.
Downloaded from hlayiso.com
IsiNdebele ILimi LokuThoma LokweNgeza (FAL)/P1 2 DBE/2017
SCE
YELELA
1. Iphepheli LINEENGABA EZINTATHU: ISIGABA A, B kanye NESIGABA C.
ISIGABA A: Ukufunda nokuzwisisa (30)
ISIGABA B: Ukurhunyeza (10)
ISIGABA C: Izakhi nemithetjhwana yokusetjenziswa kwelimi. (40)
2. Phendula YOKE imibuzo.
3. Funda YOKE imiyalo onikelwe yona ngokuyelela okukhulu.
4. Thoma ISIGABA ESINYE NESINYE ekhasini ELITJHA.
5. Thalela ngemva kokuphendula imibuzo YESIGABA NGASINYE.
6. Tlola iinomboro zemibuzo njengombana zinjalo ephepheni lemibuzo.
7. Isikhathi esiphakanyisweko sokuphendula isigaba ngasinye:
ISIGABA A: Imizuzu ema-50
ISIGABA B: Imizuzu ema-30
ISIGABA C: Imizuzu ema-40
8. Tjhiya umuda OWODWA ngemva kwaleyo naleyo pendulo.
9. Peleda amagama ngendlela efaneleko bewutlole nemitjho ezwakalako.
10. Tlola kuhle ngesandla esibonakalako.
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 3 DBE/2017
SCE
ISIGABA A: UKUFUNDA NOKUZWISISA
UMBUZO 1
Phendula imibuzo engaphasi kwetheksthi eku-1.1 nengaphasi kwesithombe esiku-1.2.
1.1 Fundisisa itheksthi engenzasi bese uphendula imibuzo elandelako.
ITHEKSTHI A
OKUFANELE UKWAZI MAYELANA NOKUFUNA UMSEBENZI
1 ISewula Afrika iqalene nesitjhijilo sokutlhogeka komsebenzi. Ubujamobu
nanyana bukhona kodwana asesekhona amakhamphani nemiNyango
kaRhulumende esaqatjhako. Kuqatjhwa umuntu oneziqu ezifaneleko
nokwaziko ukuzimaketha. Sekwaba yinto yalokha abantu basadla imbicana
norhoboyi ukujama eyegeni yekhamphani nofana ukungena umuzi nomzana 5
edorobheni uthi ufuna umsebenzi. Kufanele uthumele incwadi
yokuzihlathulula (CV) ekhamphanini nofana ehlanganweni efunela abantu
imisebenzi kube ngiyo ekukhulumelako.
2 I-CV yakho kufanele iveze imininingwanakho, ifundo namakghono
aphathelene nomsebenzi owufunako. Ipilo ifuna uyiqale ngelihlo elibukhali 10
ufunde, nanyana kungaba sifundo seenyanga ezintathu esimayelana
nomsebenzi ofuna ukuwenza. Khuthalela bona ube nelayisensi yokutjhayela.
Yiba nezinto ozenzako emphakathini njengokuzibandakanya eenhlanganweni
ezitjheja iindingo zawo. Iimfundo onazo, ilayisensi yokutjhayela nobufakazi
bokuzibandakanya eentweni zomphakathi kukwakhela igama elihle 15
kubaqatjhi. Kazi kubamba ezumako, umsebenzi owufunako uzowuthola
ukomunye umsebenzi. Lokhu kufakazelwa yingoma yombhini osele asitjhiya
ephasini uMandoza othi 'Uzoyithola kanjani uhlel' ekhonen' etjho ukuthi
nawumumuntu ufanele ungahlali ngezandla. Abaqatjhi sebafuna bona ube
nelwazi lomsebenzi owufunako. Zakhele wena ngokwakho ilwazi lomsebenzi. 20
Nawufuna umsebenzi wokutjhayela amalori, bamba amatorhwana
wokutjhayela iinlori ezithuthela abantu ihlabathi emphakathini wangekhenu.
Nawufuna ukuyokutjhayela iinthuthi zomphakathi ungathoma ngokutjhayela
iteksi. Nawufuna ukuba msizi emizini, zinikele ekulisa utjheje abentwana.
Komunye nomunye umsebenzi okhe wawenza bawa bona bakuphe incwadi 25
ebufakazi bokobana ukhe wasebenza.
3 Itheknoloji iyabusa esikhathini esiphila kiswesi. Khupha amehlo enyameni
ungabi ngesabuya nentambo ekuthezeni sathi iinkuni azikho, zithuthukise
ngokufunda ikhomphyutha. Amalanga la kuneendawana lapha wenza khona
isifundo sekhomphyutha inyanga eyodwa. Ifunde ikhomphyutha ngombana 30
imisebenzi eminengi itholakala ku-inthanethi kanti amanye amakhamphani
azokuthintana nawe ngokusebenzisa i-inthanethi. Nasele ulungele ukufaka
isibawo somsembenzi ufanele ulungise amakhophi wamaphephakho asekela
i-CV. Kufanele amakhophi wamaphephako uwabethise isitembu esiteyitjhini
samapholisa. Kufanele angadlulelwa ziinyanga ezintathu mhlana uya ku- 35
inthavyu. Nabakubizileko ku-inthavyu ungafiki sele kuyokubizwa wena bona
ungene, fika imizuzu ema-30 ngaphambi kwesikhathi ukuze wehlise ivalo.
Kazi ingwe idla ngamabala, kuqakatheke khulu bona nawuya ku-inthavyu
uqaleke.
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 4 DBE/2017
SCE
4 Kunezinto ezimbadlwana ofanele uzenze nalezo ongakafaneli bona uzenze 40
eziphathelene ne-inthavyu. Nawuqeda ukungena lapha niyokubambela khona
i-inthavyu, kufanele ulotjhise begodu ungahlali esitulweni bangakakulayeli
sona. Ungabi nento oyihlafunyako. Nawuphendula umbuzo ungatjhalazeli
uqale phasi njengomntazana osonywako, mqale ngemehlweni loyo okubuze
umbuzo. Amanye ama-inthavyu enzelwa esitolo sokudla. Bazokubuza bona 45
ungathanda ukusela siphi isiselo ngaphambi kobana nithome. Ungathi esinye
nesinye, khetha itiye, isiselo esimakhaza, ikofi nofana amanzi. Ukuphendula
ngokuthi esinye nesinye kubavezela bona nasele usebenza awuzukukghona
ukuthatha iinqunto ezifaneleko. Abanye abaqatjhi bazoku-odela ukudla
baqale bona wenzani nakufika ukudla. Kufika nje ukudla wena sewuthela 50
itswayi abawukezwa bona ukudlokho kuduma nofana kubaba itswayi.
Umqatjhi sele akubona usisebenzi esizokulobisa ikhamphani ngombana
uzoku-oda nento ekhona ekhamphanini ngebanga lokungahloli qangi
bona ikhona.
5 Kuyenzeka bona i-inthavyu yenziwe usekhaya ngomaliledinini. Ibhetri 55
lakamaliledininakho kufanele lihlale ligcwele begodu ube sendaweni
enganatjhada. Nawenze isibawo somsebenzini wokutjhayela kuyenzeka
bakubawe bona ubaphekelele eendawaneni ezimbadlwana ukwenzela
ukuhlola ikghono lakho lokutjhayela. Nawuqeda ukungena ngaphakathi
kwesithuthi kufanele ubophe ibhande bese ubawe nomqatjhi bona naye 60
azibophe ngelakhe. Nakungenzeka bona kube nomuntu okuphazamisako
endleleni ungathukani, uphaye nesandla nanoma angakukhombisa umuno
ophakathi okuyihlamba yabatjhayeli abakwatileko esikhathini sanje.
Nawufumana umrhatjho uvulelwe phezulu esithuthineso, wehlise lokho
kukhombisa bona uzokuba netjhejo ebantwini obathuthako. Nakungenzeka 65
bona uye ku-inthavyu wangaphumelela; ungapheli amandla, ragela phambili
ufake ezinye iimbawo. UHenry Ford omnikazi wekhamphani yeenkoloyi
zakwa-Ford uthi 'Ukuhluleka kutjho bona lithuba lokobana uthome kabutjha
kodwana ngendlela ehlakaniphe ngcono kunaphambilini'. Linga godu
bewuwufumane umsebenzi owuthandako, kazi ayikho ikwali eyarhubhela 70
enye.
[Ithethwe ku-inthanethi yatjhugululelwa esiNdebeleni]
1.1.1 Tlola isitjhijilo inarha yeSewula Afrika eqalene naso ukuya
ngetheksthi engehla. (1)
1.1.2 Tlola umehluko phakathi kwendlela yesikhathi sakade nesanje
yokufuna umsebenzi eSewula Afrika. Ipendulwakho ayibe liphuzu
ELILODWA (2)
1.1.3 Ngokurhunyezweko tlola lokho okungakafaneli bona ukwenze
nasele ungenile ku-inthavyu. Ipendulwakho ayibe liphuzu
ELILODWA. (2)
1.1.4 Hlathulula bona kubayini ufanele ufike ngaphambi kwesikhathi ku-
inthavyu. (1)
1.1.5 Hlathulula izinto eziqakathekileko okufanele uzenze ukuqinisekisa
bona i-inthavyu ngomaliledinini iba yipumelelo. Ipendulwakho ayibe
maphuzu AMABILI. (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 5 DBE/2017
SCE
1.1.6 Tlola imihlobo yamakhophi wamaphepha aqakathekileko
angakavezwa etheksthini ekufanele uwafake ne-CV yakho
nawenza isibawo somsebenzi. Ipendulwakho ayibe maphuzu
AMABILI. (2)
1.1.7 Ingabe itjho ukuthini ikulumo ethi 'Sekuyinto yalokha abantu
basadla imbicana norhoboyi'? (2)
1.1.8 Ucabanga bona ngiyiphi indlela yetheknoloji esetjenziswa baqatjhi
ukuthintana nabantu bona beze ku-inthavyu nofana ukubazisa
bona baqatjhiwe? Ipendulwakho ayibe maphuzu AMABILI. (2)
1.1.9 Ucabanga bona kubayini ufanele umqale ngemehlweni lowo
okubuza umbuzo nawuye ku-inthavyu? Ipendulwakho ayibe
liphuzu ELILODWA. (2)
1.1.10 Ucabanga bona ungaba yini umphumela wokuthukana nokuphaya
isandla abantu nabakuphazamisako endleleni khulukhulu
ehlangothini lokufumana umsebenzi? Ipendulwakho ayibe liphuzu
ELILODWA. (2)
1.1.11 Ngokubona kwakho ucabanga bona uyini unobangela wokobana
njalo nje amaphepha akhambisana ne-CV kufuneka bona abe
nesitembu semapholiseni? Ipendulwakho ayibe liphuzu
ELILODWA. (2)
1.1.12 Ingabe uyavumelana nesitatimende esivezwe etheksthini
sokobana itheknoloji iyabusa esikhathini esiphila kiswesi? Sekela
isiqunto osithathako ngephuzu ELILODWA. (2)
1.1.13 Nange unguNgqongqotjhe wezemiSebenzi ngikuphi ongakwenza
ukuqinisekisa bona amaSewula Afrika nasele alungele ukusebenza
aba nelayisensi yokutjhayela? Ipendulwakho ayibe liphuzu
ELILODWA. (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 6 DBE/2017
SCE
1.2 Qalisisa isithombe esingenzasi bese uphendula imibuzo elandelako.
ITHEKSTHI B
[Sithethwe ku-www.images.com]
1.2.1 Hlathulula indawo ebonakala esithombeni esingehlesi. (1)
1.2.2 Ngokurhunyezweko tlola lokho okwenzeka esithombeni esingehla.
Ipendulwakho ayibe liphuzu ELILODWA. (1)
1.2.3 Ucabanga bona bayaphi abantu abavezwe esithombeni?
Ipendulwakho ayibe liphuzu ELILODWA. (1)
1.2.4 Khetha ipendulo enembako kezilandelako.
Okwenzeka esithombeni esingehlesi, kwenzeka …
A emaplasini.
B emakhaya.
C emahlathini.
D edorobheni. (1)
1.2.5 Tshwaya ngelihlo elibukhali isitjhijilo ongahlangabezana naso
nawusebenzisa iinthuthi ezivezwe esithombeni esingehla.
Ipendulwakho ayibe liphuzu ELILODWA. (2)
IMITLOMELO YESIGABA A: 30
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 7 DBE/2017
SCE
ISIGABA B: UKURHUNYEZA
UMBUZO 2
Fundisisa itheksthi elandelako bese uyayirhunyeza ngokwemiyalo onikelwe yona.
IMIYALO:
1. Ngamagama angadluli kwama-60, rhunyeza uveze amaphuzu ali-7 aziindlela
zokuvikela ibhoduluko.
1. Nombora imitjhwakho kusukela kewoku-1 bekufike kewe-7.
2. Umutjho ngamunye owutlolako awube nomqondo owodwa opheleleko.
3. Tlola ngelimi elitsengileko ngombana uzokwabelwa imitlomelo emi-3.
4. Sebenzisa amagamakho, ungabuyeleli utlole njengombana kutloliwe
etheksthini ngombana uzokulahlekelwa mitlomelo.
5. Tlola inani lamagama owasebenzisileko ekupheleni kwesirhunyezo sakho.
ITHEKSTHI C
IINDLELA ZOKUVIKELA IBHODULUKO
Iphasi esihlala kilo liqalene nomraro wokusilaphazeka kwebhoduluko. Lokhu
kubangelwa kungatjhejwa kwalo babantu, ukukhiqizwa kweembaseli, intuthu
ekhutjhwa ziinthuthi nokhunye. Woke umuntu kufanele athathe igadango ekuvikeleni
ibhoduluko. UmNyango wezeBhoduluko ukhuthaza mihle bona ibhoduluko alibe
lihlaza. Abantu kufanele balise ukukapa imithi ukuze bavikele ukurhurhuleka
kwehlabathi. Siyidinga khulu imithi ngombana isipha umoya esiwuphefumulako i-
oksijini. Abantu kufanale batjhugulule indlela abenza ngayo izinto. Akulahlwe iinzibi
eendaweni ekhethelwe lokho. Iinzibi nazilahlwa koke nje zithi zingabola zibe nomoya
eziwukhuphako osilaphaza umoya ofanele uphefumulwe babantu. Kunezinto esingeze
sakghona ukuphila ngaphandle kwazo kodwana ezilisiphaza khulu ibhoduluko
njengamaphepha, iimplastiki namabhodlelo. Urhulumende weza neqhinga le-
Recycling. Buthelela amabhodlelo angasasebenziko, amatayere, amaphepha
neemplastiki uzihlukanise bese uzithumele lapha kubuyekezwa khona. Umuntu
akwenzeki bona aqede iveke angakapheki imirorho. Yemba umgodi lapha uzokuthela
khona amakelo wemirorho njengewamazambana, iinkhabitjhi njalonjalo ukubalekela
ukusilaphaza ibhoduluko. Nasele kuvundile uzokwazi ukukuthela engadinakho kube
mumanyoro wayo. Kuneendawana ezihle zokuditjha enarheni yeSewula Afrika.
Kunamaphaga, iinqiwi zeembandana, amalwandle aneendawo zokududa eziletha
ubuhle bebhoduluko. Ukuvikela ibhodulukweli, lahla izinto ongasazifuniko emgqonyini
weenzibi. Iinkoloyi nazo zisilaphaza ibhoduluko ngokukhupha umoya osilaphazekileko
obizwa nge-carbon monoxide. Nanisebenza endaweni eyodwa, yenzani isiqhenyana
nikhambe ngekoloyi yinye nibalekele bona zibe zinengi ezisilaphaza umoya.
Iinsetjenziswa ezinengi zetheknoloji zinamabhetri. Ukuze ibhoduluko livikeleke
kufanele ningalahli amabhetri ehlabathini. Anekhemikhali eyingozi ebulala iintjalo.
Ngitjho nebhetri lakamaliledinini imbala liyingozi. Ungalahli ikhemikhali nofana i-oli
esele isebenzile eduze nomlambo ngombana iyokungena emlanjeni lowo igcine ibulele
isitjhaba. Iphasi elinebhoduluko eliphilileko libeletha isitjhaba esiphilileko.
[Ithethwe ku-inthanethi yatjhugululelwa esiNdebeleni]
IMITLOMELO YESIGABA B: 10
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 8 DBE/2017
SCE
ISIGABA C: IZAKHI NEMITHETJHWANA YOKUSETJENZISWA KWELIMI
UMBUZO 3: ISIKHANGISO
Fundisisa isikhangiso esingenzasi bese uphendula imibuzo elandelako.
ITHEKSTHI D
[Sithethwe kumagazinin yakwa-Dis-Chem pharmacies]
3.1 Tlola umbandela MUNYE osetjenziswe esikhangisweni esingehla. (1)
3.2 Buyelela utlole umutjho ongenzasi bese kuthi egameni elithalelweko utlole
isirhunyezo salo.
Ngemva kokuyisebenzisa amalanga ali-7 vakatjhela udorhodera. (1)
3.3 Tlola iinkhekhe zekulumo ezakhe igama elithalelweko emutjhweni ongenzasi.
I-Cell-food ikhambisa amalangakho buthaka. (2)
3.4 Khetha ipendulo enembako kezilandelako.
Ikulumo ethi 'ikhambisa amalangakho buthaka' ihlathulula bona:
A Iminyakakho ayithuthuki.
B Amalanga akhamba kancani.
C Awuluphali msinyana.
D Amalanga ayajama angasatjhinga. (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 9 DBE/2017
SCE
3.5 LIQINISO nofana AKUSILO IQINISO bona umkhangiso lo uyawafeza
amaqhinga wokukhangisa? Sekela ipendulwakho ngamaphuzu AMABILI
uwaqalise esikhangisweni esingehla. (2)
3.6 Ingabe isikhangiso esingehlesi sinebandlululo nofana sinobuhlangothi. Sekela
isiqunto osithathako ngephuzu ELILODWA. (2)
[10]
UMBUZO 4: IKHATHUNI
Qalisisa ikhathuni engenzasi bese uphendula imibuzo elandelako.
ITHEKSTHI E
[Sithethwe ku-www.images.com]
4.1 Tlola bona igama elithalelweko emutjhweni ongenzasi libolekwe kiliphi ilimi.
Nawuzuma okuthileko ku-inthanethi usesemsebenzinapha weba isikhathi
somsebenzi. (1)
4.2 Buyelela utlole umutjho ongenzasi bese utlola isinciphiso segama
elithalelweko.
Ngibawa ningiboleke iindlebe zenu. (1)
4.3 Buyelela umutjho ongenzasi kodwana uveze ukuvuma.
Akusimnandi ukudlala amakarada abantu bangakubukeli. (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 10 DBE/2017
SCE
4.4 Buyelela utlole umutjho ongenzasi kodwana ujamiselele amagama
athalelweko ngehlathululo yakhona.
Abangiboni, umuntu akhe akhokhe umoya. (2)
4.5 Khetha ipendulo enembako kezingenzasi.
Igama elithi 'umphathi' elisekhathunini:
A libizonto elisuselwe esenzweni 'phatha'.
B libizomuntu elisuselwe esenzweni 'phatha'.
C libizombala elisuselwe ebizweni 'iphathi'.
D libizomvango elisuselwe esandisweni sendawo 'ephathini'. (2)
4.6 Thatha isaga esithi 'kukwamgade uhlonywa ngezinti' esisetjenziswe
ekhathunini engehla le uzakhele wakho umutjho kuvele bona uyayazi
ihlathululo yaso. (2)
[10]
UMBUZO 5
5.1 Fundisisa itheksthi engenzasi bese uphendula imibuzo elandelako.
ITHEKSTHI F
Inarha yeSewula Afrika iyazitjheja izakhamuzi zayo. UmNyango
wezemisebenzi wabeka umthetho wokobana abantu abasebenzako
barejistarwe, umqatjhi ababhadelele imali ezobabonelela
nabangasasebenziko. Isikhwama semali ebabonelelako sibizwa nge-
Unemployment Insurance Fund. UBahlekile ulilanga liphuma umtakaMbonani
umhlophe twa. Usebenza kwaClinton ePitori utlhogomela iinyoni, imiqasa,
izinja nezimvu zomqatjhakhe. Sekwathi nakusehlobo uClinton wabuyela
ekhabo ngaphetjheya. Ngetjhudu ubeyilandela imithetho yenarha. UBahlekile
wayokubika ema-ofisini bona uphelelwe msebenzi bathola bona begade
amrejistarile uClinton. Ngemva kweemveke ezintathu wabe sele aveza
lemhlathini ifikile imalakhe yokungasasebenzi. Wezwakala sele athi 'Utjho
amakhuwa ayakwazi ukutjheja iinsebenzi zawo.
5.1.1 Buyelela utlole umutjho ongenzasi kodwana upelede ngendlela
efaneleko lapha kungakatloleki kuhle.
UBahlekile ubike ema-ofisini womNyango wezemisebenzi bona
uphelelwe msebenzi bathola bona begade amrejistarile uClinton. (1)
5.1.2 Buyelela utlole umutjho ongenzasi bese kuthi esakhini
esithalelweko utlole isivumelwano esifaneleko.
UmNyango wezemisebenzi wabeka umthetho wokobana umuntu
barejistarwe mqatjhakhe. (1)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 11 DBE/2017
SCE
5.1.3 Buyelela umutjho ongenzasi bese utlola igama linye esikhundleni
salawo athalelweko.
Usebenza kwaClinton ePitori utlhogomela iinyoni, imiqasa, izinja
nezimvu. zomqatjhakhe. (1)
5.1.4 Buyelela utlole umutjho ongenzasi bese esikhundleni samagama
athalelweko ujamiselele nganomqondo ophikisana nawo.
UBahlekile yintombi yakwaMbonani emhlophe twa. (2)
5.1.5 Buyelela utlole umutjho olandelako bese kuthi esikhundleni
samagama athalelweko utlole isirhunyezo sawo.
Isikhwama semali ebabonelelako ibizwa nge-Unemployment
Insurance Fund. (1)
5.1.6 Buyelela umutjho ongenzasi kodwana ube sifaniso.
UBahlekile ulilanga liphuma. (2)
5.1.7 Amagama athalelweko emutjhweni olandelako ahlathulula bona:
Ngemva kweemveke ezintathu wabe sele aveza lemhlathini ifikile
imalakhe …
A alila aveza izinyo.
B athabe khulu.
C akhamisile aveza izinyo.
D abalabala aveza izinyo. (2)
5.1.8 Buyelela utlole umutjho ongenzasi ube sepambosini yokwenzisisa.
Ngetjhudu ubeyilandela imithetho yenarha. (2)
5.1.9 Ingabe umutjho ongenzasi lo unebandlululo nofana
unobuhlangothi. Sekela ipendulwakho ngephuzu ELILODWA.
Amakhuwa ayakwazi ukutjheja iinsebenzi zawo. (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 12 DBE/2017
SCE
5.2 Qalisisa isithombe esingenzasi bese uphendula imibuzo elandelako.
ITHEKSTHI G
[Sithethwe ku-www.images.com]
5.2.1 Buyelela utlole umutjho ongenzasi bese ukhulisa igama
elithalelweko.
Kubudisi ukukhwela intaba engaka. (1)
5.2.2 Buyelela umutjho ongenzasi bese kuthi esikhundleni segama
elithalelweko utlole elinomqondo ofana nalo.
Umsana lo ukghurumeja ilitje. (1)
5.2.3 Buyelela umutjho ongenzasi kodwana uthome ngegama
elithalelweko.
Iintjhijilo umuntu ahlangabezana nazo ziyamakha. (2)
5.2.4 Tlola bona umutjho ongenzasi ukuyiphi indlela yesenzo.
Umsana uwa avuka nelitje nakakhwela intaba. (2)
[20]
IMITLOMELO YESIGABA C: 40
INANI LOKE: 80
Ilungelo lokukhuphela lifunjethwe
Study this subject
Recommended for this subject

Question paper
isiNdebele FAL Grade 12 Paper 2 NSC June 2017 Question Paper

Question paper
isiNdebele FAL Grade 12 Paper 3 NSC June 2017 Question Paper

Question paper
isiNdebele FAL Grade 12 P1 NSC November 2017 Question Paper

Question paper
isiNdebele FAL Grade 12 P1 NSC Supplementary 2017 QP

Question paper
isiNdebele FAL Grade 12 Paper 1 NSC June 2023 Question Paper

Question paper
isiNdebele FAL Grade 12 Paper 1 NSC June 2018 Question Paper
More from Grade 12 isiNdebele FAL

Annual teaching plan
Gr 12 IsiNdebele FAL ATP 2023 24

Memorandum
isiNdebele FAL Grade 12 Paper 1 November 2024 NSC Memo

Memorandum
isiNdebele FAL Grade 12 Paper 2 November 2024 NSC Memo

Memorandum
isiNdebele FAL Grade 12 Paper 3 November 2024 NSC Memo

Memorandum
isiNdebele FAL Grade 12 Paper 1 NSC June 2024 Memo

Memorandum