Downloaded from hlayiso.com
SENIOR CERTIFICATE EXAMINATIONS
ISINDEBELE ILIMI LOKUTHOMA LOKWENGEZA (FAL)
IPHEPHA LOKUTHOMA (P1)
2018
IMITLOMELO: 80
ISIKHATHI: Ama-iri ama-2
Iphepheli linamakhasi ali-12.
Ilungelo lokukhuphela lifunjethwe Phendla
Skip to contentAll 2018 papers 





View all





isiNdebele FAL Grade 12 Paper 1 NSC June 2018 Question Paper
Grade 12 isiNdebele FAL Paper 1 question paper from the NSC June Exam 2018, 12 pages. Read online or get the free PDF download, memo linked when available.
Isindebele Fal · Grade 12 · NSC June Exam · 2018 · isindebele. Question paper, 12 pages. Read online or download the PDF.
- Subject
- isiNdebele FAL
- Grade
- Grade 12
- Language
- Isindebele
- Document type
- Question paper
- Year
- 2018
- Exam period
- NSC June Exam
- Paper
- 1
- Curriculum
- CAPS
- Pages
- 12
- File size
- 875.7 KB
Free to read online, no sign-up needed
Loading document…
Loading document…
1 of 12
This exam
NSC June Exam 2018
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1.1Ukufunda nokubukela / Reading and Viewing (non-literary)24 marks
- Question 1.2Ukufunda nokubukela / Reading and Viewing (non-literary)36 marks
- Question 3Ukufunda nokubukela / Reading and Viewing (non-literary)10 marks
- Question 4Ilimi: izakhiwo neenkambiso / Language Structures and Conventions10 marks
- Question 5.1Ilimi: izakhiwo neenkambiso / Language Structures and Conventions14 marks
- Question 5.2Ilimi: izakhiwo neenkambiso / Language Structures and Conventions26 marks
Document textSearch extracted text and jump to a page.
Downloaded from hlayiso.com
IsiNdebele ILimi LokuThoma LokweNgeza (FAL)/P1 2 DBE/2018
SCE
YELELA
1. Iphepheli LINEENGABA EZINTATHU: ISIGABA A, ISIGABA B kanye
NESIGABA C.
ISIGABA A: Ukufunda nokuzwisisa (30)
ISIGABA B: Ukurhunyeza (10)
ISIGABA C: Izakhi nemithetjhwana yokusetjenziswa kwelimi. (40)
2. Phendula YOKE imibuzo.
3. Thoma ISIGABA ESINYE NESINYE ekhasini ELITJHA.
4. Thalela ngemva kokuphendula imibuzo YESIGABA NGASINYE.
5. Tlola iinomboro zemibuzo njengombana zinjalo ephepheni lemibuzo.
6. Tjhiya umuda OWODWA ngemva kwaleyo naleyo pendulo.
7. Peleda amagama ngendlela efaneleko bewutlole nemitjho ezwakalako.
8. Isikhathi esiphakanyisweko sokuphendula isigaba ngasinye:
ISIGABA A: Imizuzu ema-50
ISIGABA B: Imizuzu ema-20
ISIGABA C: Imizuzu ema-50
9. Tlola kuhle ngesandla esibonakalako.
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 3 DBE/2018
SCE
ISIGABA A: UKUFUNDA NOKUZWISISA
UMBUZO 1
Phendula imibuzo engaphasi kwetheksthi eku-1.1 nengaphasi kwesithombe esiku-1.2.
1.1 Fundisisa itheksthi engenzasi bese uphendula imibuzo elandelako.
ITHEKSTHI A
UMTHELO ENARHENI YESEWULA AFRIKA
1 ISewula Afrika ingenye yeenarha ekatelela bona abantu bayo babhadele
umthelo. Inarha le yasungula ukubhadeliswa komthelo ngemva
kokuphasiswa komthetho we-Income Tax Act No 28 ngomnyaka we-
1914. ESewula Afrika kunomthelo obhadelwa ngomunye nomunye
umuntu. Tjheja-ke bona pheze yoke imali emrholo, inzuzo oyifumana 5
ezintweni ozenzako ufanele uyihlephule ngokobana ubhadele umthelo.
Umuntu ohlala lapha eSewula Afrika kuqalwe bona abhadele umthelo
nangabe uqatjhiwe ufumana umrholo, amabhonasi, imali yokusebenza
ama-awara adlula lawo abekelwe wona (overtime). Ungaba nebhizinisi,
ube yindlalifa, ubeke imali ngehloso yokufumana inzuzo (investments), 10
uqatjhise umakhiwo, uthathe umhlalaphasi, yazi bona izembe lomthelo
lizokufumana.
2 Kuyaqalwa-ke bona umuntu ufumana imali engangani, kubalwe bona
ufanele athele kangangani. Ukuya ngokwesilinganiso somthelo
wemnyakeni wee-2016 nangabe imali eza ngakuwe ingaphasi kwama- 15
R188 000 ngomnyaka ufanele ubhadele umthelo oli-18%. Abafumana
imali ema-R701 300 ngomnyaka nokuya phezulu umthelwabo uba ma-
41%. Kunabantu abanetjhudu abangakafaneli bona bawubhadele
umthelo, ngilabo abaneminyaka engaphasi kwama-65 abafumana imali
engaphasi kwama-R75 000 ngomnyaka abanganazo ezinye izinto 20
ezibangenisela imali. Abanye abangangeniko emnyangweni walapha
kubhadelwa khona umthelo, ngesele bakhamba ngenyawo lesithathu
kodwana kwabe sele bathethe umhlalaphasi. Abasenayo into
ebangenisela imali begodu neminyakabo iyavuma bona sele
bangaphezu kwama-65. 25
3 UNgqongqotjhe wezeeMali uyasiveza isilinganiso sokubhadela umthelo
qobe mnyaka. Ukubalekela ukukoloda umthelo, kokuthoma ufanele
uthathe umazisi, incwadi ebufakazi besiphande ohlala kiso
nemininingwanakho yokubulunga urejiste ehlanganweni etjheja iindaba
zomthelo i-South African Receiver of Revenue Services ube ngomunye 30
wababhadela umthelo. Kwesibili qobe mnyaka ufanele uye
emnyangweni wakwa-SARS uyokuhlolwa ubujamo bakho bokubhadela
umthelo bewubhadele nangabe uyakoloda. Kukhona nendlela elula
yokusebenzisa i-inthanethi ekuthiwa yi-eFiling yokuhlola ubujamo bakho
ngaphandle kobana uye ema-ofisini wakwa-SARS. Into ehle 35
ngokuhlolwa lokhu kukobana nakubonakala bona ubhadele
ngokweqileko ingasikade uzabe uveza langemhlathini ngombana
uzokuthi ungakatjheji umaliledininakho akutjele bona i-SARS seyilotjhise
ebulungelweni lakho.
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 4 DBE/2018
SCE
4 Ungaba yifukwana ukhambe ngaphasi kwehlabathi ungabhadela 40
umthelo yazi bona ngelinye ilanga uyokubekwa tjhatjhalazi
njengerhabha eliselwa ebandla emnyanyeni. Emva kokobana ikufumene
i-SARS indlwakho nombhedakho ziyokungena emrarweni, okubuhlungu
khulu kukobana uyokuvela tjhatjhalazi ngombana uyokukhamba eduze
kwenyathelo. Umrholi owacabanga bona abantu babhadele umthelo 45
wathunywa nguZimu ngombana nangathana akusiyimali yomthelo
umtlhago ngabe sele ubhode amanzinzo eSewula Afrika.
5 URhulumende uyazitjheja ngokwaneleko izakhamuzi zeSewula Afrika
ngemali yomthelo le. Sewuzwe isilukazi sikhuluma kumabonakude sithi
'UMengameli uZuma simthanda khulu ngombana usipha imali 50
yomrholo.' Asazi bona abantu qobe nyanga bayathela ukwenzela bona
abadala balale badlile. Imakhiwo yoke yombuso itjhejwa ngayo imali le,
kungebangelo uRhulumende atshwenyeka khulu abatjhagali
nabayitjhisako. Kazi ngebanga lamalwele angalaphekiko sebabanengi
khulu ababelethi abahlongakalako batjhiye abentwana, nalapho-ke 55
urhulumende ufaka isandla. Isibonelelo semali esiphiwa iindawo ezifana
neenkolo sibuya kiso isikhwamesi.
6 URhulumende ulinga ngawo woke amandla bona akhele abantu izindlu
ze-RDP. Nanyana kunjalo ukhe ufumane indoda endala ilila ngokobana
ayinayo indlu yokuhlala uzibuze bona isikhathi sokesi beyihlalaphi. 60
Amalangana la nabantu abatjha bayakatelela bona uRhulumende nabo
abaphe izindlu ze-RDP. UMengameli wangaphambilini uThabo Mbeki
wasungula isondlo sabentwana esibonelela boke abentwana
ababelethelwe eSewula Afrika. Nanyana sele isibonelelo sabentwanesi
kudlalwa ngaso kangaka kodwana sasusa ukatsu eziko emindenini 65
eminengi. Iinsetjenziswa zomphakathi zibhadelwa ngayo imali le.
Umphakathi ukhathazeka khulu abantu nabaloba imisebenzi ngombana
inani lemali yomthelo nalo liyehla.
[Ithethwe ku-inthanethi yatjhugululelwa esiNdebeleni]
1.1.1 Ngikuphi okwenziwa yinarha yeSewula Afrika ngomnyaka we-
1914? (1)
1.1.2 Ngubani oveza isilinganiso sokuthela qobe mnyaka ukuya
ngetheksthi engehla le? (1)
1.1.3 Tlola ibizo lehlangano esebenza ngokubuthelela umthelo enarheni
yeSewula Afrika. (1)
1.1.4 Tlola imihlobo yemali oyitholako ekukatelelekileko bona
uyibhadelele umthelo. Ipendulwakho ayibe maphuzu AMABILI. (2)
1.1.5 Hlathulula ngephuzu ELILODWA lokho okwenziwa
nguRhulumende ngemali yomthelo ukuze abantu babe nendawo
yokuhlala. (1)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 5 DBE/2018
SCE
1.1.6 Ngokurhunyezweko hlathulula okufanele ukwenze ukubalekela
bona ungabi semrarweni wokukoloda umthelo. Ipendulwakho ayibe
maphuzu AMABILI. (2)
1.1.7 Hlathulula umehluko wenani lomthelo phakathi komuntu orhola
imali engaphasi kwama-R188 000 nomuntu osele athethe
umhlalaphasi oneminyaka ema-65. (2)
1.1.8 Ucabanga bona ngikuphi evane kwenziwe yihlangano yakwa-
SARS nangabe umuntu ukoloda umthelo kanti nemali yokubhadela
ayaneli isikolodweso. (2)
1.1.9 Khetha ipendulo enembako kezilandelako.
Abantu abakhamba ngenyawo lesithathu.
A Babantu abanganamkhono.
B Babantu abasesebatjha.
C Babantu abanganamilenze.
D Ziinlukazi namaqhegwana. (2)
1.1.10 Hlathulula umphumela ongaba khona nange abantu beSewula
Afrika bangabhadeli umthelo. (2)
1.1.11 Ucabanga bona ngikuphi okwenziwa nguRhulumende bona abantu
abadala abangaphezu kweminyaka ema-65 balale badlile?
Ipendulwakho ayibe liphuzu ELILODWA. (2)
1.1.12 Hlathulula indlela uRhulumende afaka ngayo isandla ebantwaneni
abasele baziintandani nabangasenabo abatjheji. Ipendulwakho
ayibe liphuzu ELILODWA. (2)
1.1.13 Phendula ngoLIQINISO nofana AKUSILO IQINISO bese usekela
isiqunto osithathako ngephuzu ELILODWA.
URhulumende uzitjheja ngokwaneleko izakhamuzi zeSewula
Afrika. (2)
1.1.14 Coca uveze amazizwakho ngomthelela omumbi olethwe sisondlo
sabentwana kokulandelako:
(a) Emindenini (1)
(b) Esikhwameni somthelo (1)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 6 DBE/2018
SCE
1.2 Qalisisa isithombe esingenzasi bese uphendula imibuzo elandelako.
ITHEKSTHI B
[Sithethwe ku-www.images.com]
1.2.1 Tlola iinsetjenziswa EZIMBILI zokutlola nokufunda ezisetjenziswa
mumuntu lo osesithombeni. (2)
1.2.2 Ucabanga bona ngimuphi umonakalo ongenziwa mumuntu lo
eensetjenzisweni zokufunda ngokusela kwakhe isiselo begodu
ngakelinye ihlangothi kwabe uyasebenza/uyafunda. Ipendulwakho
ayibe liphuzu ELILODWA. (2)
1.2.3 Ngokubona kwakho ucabanga bona ngibuphi ubujamo obuvane
bukatelele abantu bona benze zoke izinto ezivezwe esithombeni
begodu ngasikhathi sinye njengobaba lo? Ipendulwakho ayibe
liphuzu ELILODWA. (2)
[30]
IMITLOMELO YESIGABA A: 30
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 7 DBE/2018
SCE
ISIGABA B: UKURHUNYEZA
UMBUZO 2
Fundisisa itheksthi engenzasi bese uyayirhunyeza ngamaphuzu ali-7 amayelana
neendlela zokuphuma eenkolodweni.
IMIYALO:
1. Amagama angadluli kwama-60.
2. Nombora imitjhwakho kusukela kewoku-1 bekufike kewe-7.
3. Umutjho NGAMUNYE owutlolako awube nomqondo OWODWA opheleleko.
4. Tlola ngelimi elitsengileko ngombana uzokwabelwa imitlomelo emi-3.
5. Sebenzisa amagamakho, ngendlela ongakghona ngayo ungabuyeleli utlole
okusesirhunyezweni.
6. Tlola inani lamagama owasebenzisileko ekupheleni kwesirhunyezo sakho.
ITHEKSTHI C
IINDLELA ZOKUPHUMA EENKOLODWENI
Umnotho enarheni mazombe awukanzinzi uhlala utjhuguluka. Abantu abanengi
bazithola sele batlhayelelwa yimali yokuphila qobe nyanga. Ukutlhayelelwa yimali
kwenza abantu bazithole sele bathaya hlangana neenkolodo. Hlela kuhle ibhajedakho
ukuya ngeendingo zakho bewubambelele kiyo. Kesinye isikhathi kuba neendingo
ezikuvelela ungakatjheji ezifana nokugulelwa. Lokho kuzokukatelela bona uboleke
imali. Yelela bona ungaboleki imali ozokubhalelwa kuyibhadela. Amalanga awafani
nakwenzekileko bona ube nemadlana esalako emva kokubhadela iindingo zakho,
isebenzisele ukuphungula iinkolodo. Lisa ukuthenga lokha nawungaphasi
kwegandelelo lomkhumbulo ngombana uzozithola sele uthenge nezinto
ezingakafaneli.
Ihlangano yakwa-National Foundation for Counseling Credit iveze bona abantu ababili
kabamatjhumi amahlanu bakoloda ikarada lokuthenga ngesikolodo. Khupha amehlo
enyameni, ulise ukuthenga izinto ezinengi ngekarada lesikolodo. Khuthalela bona
nawubolekwe imali ubhadele ngaphezudlwana kwesitolimende obekelwe sona,
nawuthi phapha uyokubona sesiphelile isikolodo sakho. Nasele uphumile esikolodweni
layelisa uzitjele bona wena nazo ningumakoti nososokana, uzithengele ngekhetjhi.
Ungabi yintandani engananhlobo nasele ududa ngaphakathi kweenkolodo, bawa isizo
emnyangweni wakwa-National Credit Regulator. Bazokuthoba umkhumbulo
bakufunele ihlangano esiza abantu abakolodako ikubhadelele iinkolodo zakho, bese
wena ubuyisele imali ethileko qobe nyanga. Iswazi ozolithola ngelokobana
uzokulahlekelwa lilungelo lakho lokuthenga ngesikolodo iminyaka emihlanu.
[Ithethwe ku-inthanethi yatjhugululelwa esiNdebeleni]
IMITLOMELO YESIGABA B: 10
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 8 DBE/2018
SCE
ISIGABA C: IZAKHI NEMITHETJHWANA YOKUSETJENZISWA KWELIMI
UMBUZO 3: ISIKHANGISO
Qalisisa isikhangiso esingenzasi bese uphendula imibuzo elandelako.
ITHEKSTHI D
[Sithethwe ku-www.images.com]
3.1 Tlola into elisizo emindenini etholakala esikhangisweni esingehla. (1)
3.2 Hlathulula amaqhinga wokukhangisa asetjenziswe esikhangisweni
esingehlesi. Ipendulwakho ayibe maphuzu AMABILI. (2)
3.3 Buyelela utlole umutjho ongenzasi kodwana ujamisele igama elithalelweko
ngelimqondofana nalo.
Inyama esikelwe futhi ithengiselwa abaneencwadi zerhwebo. (1)
3.4 Tlola bona mhlobo bani wesifenqo osetjenziswe emtjhweni ongenzasi.
Sitjhebisa imindeni ngenyama yekomo enonileko nephile njengotjheleni. (1)
3.5 Khetha ipendulo enembako kezingenzasi.
Umutjho othi 'Inyama esikelwe futhi ithengiselwa abaneencwadi zerhwebo'
umumethe wuphi umqondo welimi?
A Wokudlelezela
B Wokubandlululako
C Wokukhohlisa
D Wokurogela (1)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 9 DBE/2018
SCE
3.6 Thatha isitjho esisetjenziswe esikhangisweni usisebenzise emtjhweni
ozakhele wona kuvele bona uyayazi ihlathululo yaso? (2)
3.7 Nawuqalisisa isikhangiswesi ngelihlo elibukhali, ucabanga bona singadosa
abathengi abanengi ngokwaneleko na? Sekela isiqunto osithathako ngephuzu
ELILODWA. (2)
[10]
UMBUZO 4: IKHATHUNI
Qalisisa ikhathuni engenzasi bese uphendula imibuzo elandelako.
ITHEKSTHI E
[Sithethwe ku-www.images.com]
4.1 Ngiziphi izinto EZIMBILI ezitjengisa bona abantu abasekhathunini
basemhlanganweni? (2)
4.2 Buyelela umutjho ongenzasi bese utlole isirhunyezo esikhundleni segama
elithalelweko.
Nomzana Bhuda ngiwuthulela ingwani umsebenzakho. (1)
4.3 Tlola bona igama elithalelweko emtjhweni ongenzasi libolekwe kiliphi ilimi?
Ingabe ilwazelo lizokuphungula iindleko zekhamphani. (1)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 10 DBE/2018
SCE
4.4 Buyelela utlole umutjho ongenzasi ube yikulumo embiko.
UBhuda uthi 'Leli lilwazi engilitholileko lokuthengisa nokudosa abathengi.' (2)
4.5 Khetha ipendulo enembako kezingenzasi.
Amagama athalelweko emtjhweni ongenzasi ahlathulula bona:
Nomzana Bhuda ngiwuthulela ingwani umsebenzakho.
A Uyamsaba unomzana Bhuda.
B Wenze umsebenzi omuhle.
C Uthula ingwani nakasemsebenzini.
D Uthule ingwani nakabona umsebenzakhe. (1)
4.6 Buyelela utlole umutjho olandelako uthome ngegama elithalelweko.
UBhuda udose abathengi ngelwazi alifumeneko. (1)
4.7 Dzubhula isitjho esisekhathunini bese uzakhela wakho umutjho ngaso kuvele
bona uyayazi ihlathululo yaso. (2)
[10]
UMBUZO 5
5.1 Fundisisa itheksthi engenzasi bese uphendula imibuzo elandelako.
ITHEKSTHI F
Ipilo yamhlanjesi ayisesemnandi ngonobangela wamatjhuguluko asele
akhona. Ukuhlalisana phakathi kwababelethi nabentwana akusekho. Qobe
kuphuma nokutjhinga kwelanga, kuba nepi. Abentwana bafuna ukwenza
emakhabo kwamgade uhlonywa ngezinti, kanti nababelethi balikhomba libaba
bona angeze balawulwa bentwana. Abentwanaba babona kwangathi 5
bahlakaniphe khulu ngebanga lokobana bafunde khudlwana kunabo. Kesinye
isikhathi ukubambana ngeenhluthokhu kubangwa yindlela abentwana
abembatha ngayo kanye nokusetjenziswa kwethekhnoloji butjhapha. Uthola
umntwana anamathele esofeni abukela umabonakude. Phezu kwalokho
ufuna ukudla nokuhlwengiselwa indlu ahlala kiyo. Umbelethi uyabalaba, 'Akhe 10
uhlanze izitja, hle'. Utjho iziga zephasi! Kazi ababelethi kufanele bazithule
bebazithwese ngedolo sengathi abanabentwana. Nawungakhe uhluthuke
ihliziyo uthi uyambetha, ungalala endlini enzima kuthiwe utlhorisa umntwana.
5.1.1 Buyelela utlole umutjho ongenzasi bese utjhugulula isenzo
esithalelweko siveze ipambosi yokwenzayenza.
Nawungakhe uhluthuke ihliziyo uthi uyambetha, ungalala endlini
enzima kuthiwe utlhorisa umntwana. (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 11 DBE/2018
SCE
5.1.2 Buyelela utlole umutjho ongenzasi uveze isikhathi esizako.
Phezu kwalokho ufuna ukudla nokuhlwengiselwa indlu leyo ahlala
kiyo. (2)
5.1.3 Buyelela utlole umutjho ongenzasi uveze ubunengi.
Ngamalanga kuba nepi. (1)
5.1.4 Hlathulula bona igama elithalelweko limumethe umhlobo bani
welimi, bewutjho nokobana lisetjenziswa nakwenze njani.
Akhe uhlanze izitja, hle. (2)
5.1.5 Buyelela umutjho ongenzasi bese utlole igama elithalelweko liveze
umqondo wobukhulu.
Umntwana uhlezi ama-iri amanengi esofeni abukele
umabonakude. (1)
5.1.6 Khetha ipendulo enembako kilezi ezilandelako.
Ikulumo ethi ababelethi bazithula bebazithwese ngedolo ihlathulula
bona:
A Ababelethi bayazithulela lokha abentwana benza
okungakalungi.
B Ababelethi abanabantu ababasizako nakusetjenzwako.
C Ababelethi bathembele ebentwaneni babo.
D Ababelethi basizwa madolwabo lokha nabazithwesa imithwalo. (2)
5.1.7 Sebenzisa igama elithi; 'ukulawula' bese utlola umutjho ozozakhela
wona kuvele ihlathululo ehlukileko kunaleyo esetheksthini engehla. (2)
5.1.8 Thatha isaga esitholakala esiqetjhaneni esingehla usisebenzise
emutjhweni ozakhele wona kuvele bona uyayazi ihlathululo yaso. (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P1 12 DBE/2018
SCE
5.2 Qalisisa isithombe esingenzasi bese uphendula imibuzo elandelako.
ITHEKSTHI G
Ukurarha umtlhago kuvulwa kwamathuba wemisebenzi enarheni mazombe!
Umnyango wezemisebenzi ukhuthaza abantu bona bangasongi izandla
balindele ukuphakelwa ngurhulumende malanga woke.
[Sithethwe ku-www.images.com]
5.2.1 Buyelela utlole umutjho ongenzasi bese unciphisa igama
elithalelweko.
Ukurarha umtlhago kuvulwa kwamathuba wemisebenzi enarheni
mazombe. (1)
5.2.2 Tlola igama ELILODWA esikhundleni sebinzana elithalelweko
emtjhweni ongenzasi.
Abasebenzi bekhamphani le bembethe iinkhipha ezifanako. (1)
5.2.3 Ngokuyelela imithetho yokutlolwa nokupeledwa kwesiNdebele,
buyelela utlole umutjho ongenzasi ngendlela efaneleko.
Umnyango wezemisebenzi ukhuthaza abantu bona bangasongi
izandla. (2)
5.2.4 Ngokusebenzisa isihlanganiso esifaneleko, buyelela utlole imitjho
engenzasi ibe mumutjho owodwa.
Iinsebenzi ziyasebenza. Iinsebenzi zifuna ukondla imindenazo. (2)
[20]
IMITLOMELO YESIGABA C: 40
INANI LOKE: 80
Ilungelo lokukhuphela lifunjethwe
Study this subject
Recommended for this subject

Question paper
isiNdebele FAL Grade 12 Paper 2 NSC June 2018 Question Paper

Question paper
isiNdebele FAL Grade 12 Paper 3 NSC June 2018 Question Paper

Question paper
isiNdebele FAL Grade 12 P1 NSC November 2018 Question Paper

Question paper
isiNdebele FAL Grade 12 Paper 1 NSC June 2023 Question Paper

Question paper
isiNdebele FAL Grade 12 Paper 1 NSC June 2017 Question Paper

Question paper
isiNdebele FAL Grade 12 Paper 1 NSC June 2016 Question Paper
More from Grade 12 isiNdebele FAL

Annual teaching plan
Gr 12 IsiNdebele FAL ATP 2023 24

Memorandum
isiNdebele FAL Grade 12 Paper 1 November 2024 NSC Memo

Memorandum
isiNdebele FAL Grade 12 Paper 2 November 2024 NSC Memo

Memorandum
isiNdebele FAL Grade 12 Paper 3 November 2024 NSC Memo

Memorandum
isiNdebele FAL Grade 12 Paper 1 NSC June 2024 Memo

Memorandum