Skip to content

isiNdebele FAL Grade 12 P2 NSC Supplementary 2017 QP

Question paperisiNdebele FALGrade 12201714 pages

Grade 12 isiNdebele FAL Paper 2 question paper from the NSC Supplementary Exam 2017, 14 pages. Read online or download the free PDF.

Free to read online, no sign-up needed

Answer online

Loading document…

Loading document…

NSC Supplementary Exam 2017

Questions in this paper

Document textSearch extracted text and jump to a page.
Downloaded from hlayiso.com GRAAD 12 NATIONAL SENIOR CERTIFICATE IGREYIDI 12 ISINDEBELE ILIMI LOKUTHOMA LOKWENGEZA (FAL) IPHEPHA LESIBILI (P2) FEBHERBARI/MATJHI 2017 IMITLOMELO: 70 ISIKHATHI: Ama-iri ama-2 Iphepheli linamakhasi ali-14. Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 2 DBE/Febherbari-Matjhi 2017 NSC YELELA 1. Umfundi kufanele afunde ikhaseli ngokukhulu ukuyelela ngaphambi kobana aphendule imibuzo. 2. Ungalingi ufunde iphepha lemibuzo loke. Qala ikhasi lokumunyethweko elisekhasini elilandelako bese utshwaya iinomboro zemibuzo ebuzweko ngeencwadi ozifundileko kilomnyaka. Ngemuva kwalapho, funda yoke imibuzo bese ukhetha leyo ofisa ukuyiphendula. 3. Iphepheli LINEENGABA EZINTATHU: ISIGABA A: Inovela (35) ISIGABA B: Iindaba ezifitjhani (35) ISIGABA C: Iinkondlo (35) 4. Landela imiyalo onikelwe yona ekuthomeni kwaleso naleso sigaba ngokuyelela okukhulu. 5. Khetha IINGABA EZIMBILI uphendule ngazo. Phendula yoke imibuzo kuSIGABA A nakuSIGABA C. NOFANA Phendula yoke imibuzo kuSIGABA B nakuSIGABA C. NOFANA Phendula yoke imibuzo kuSIGABA A nakuSIGABA B. 6. Sebenzisa irhelo lokuhlola ukuqinisekisa bona yoke imibuzo uyiphendulile. 7. Tlola iinomboro zeempendulo njengombana zinjalo ephepheni lemibuzo. 8. Thoma isigaba ESINYE NESINYE ekhasini ELITJHA. 9. Isikhathi esiphakanyisweko sokuphendula isigaba ngasinye: ISIGABA A: Pheze imizuzu ema-40 ISIGABA B: Pheze imizuzu ema-40 ISIGABA C: Pheze imizuzu ema-40 10. Tlola ngesandla esihle nesibonakalako. Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 3 DBE/Febherbari-Matjhi 2017 NSC IKHASI LETHEYIBULA LOKUMUNYETHWEKO: Abafundi bayeleliswa bona baphendule yoke imibuzo. ISIGABA A: INOVELA Phendula YOKE imibuzo. INOMBORO YOMBUZO IMITLOMELO INOMBORO YEKHASI 1.1 UBonakele 17 5 1.2 UBonakele 18 7 ISIGABA B: IINDABA EZIFITJHANI - UZANGENZANI Phendula YOKE imibuzo. 2. 'Uzangenzani' 18 9 3. 'Imali Yabantabami' 17 10 ISIGABA C: IINKONDLO Phendula YOKE imibuzo. 4. 'Erholweni 17 12 LakoNomtjherhelo' 5. 'Uyangen' umlobokazi' 18 13 Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 4 DBE/Febherbari-Matjhi 2017 NSC IRHELO LOKUQINISEKISA Tlola itshwayo (√) erhelweni lokuqinisekisa elilandelako ukuhlola bona uphendule YOKE imibuzo elindelekileko. ISIGABA IINOMBORO INANI LEMIBUZO ITSHWAYO ZEMIBUZO EZOKUPHENDULWA () ISIGABA A: UMBUZO 1 1.1–1.9 2 1.2.1–1.2.10 ISIGABA B: UMBUZO 2 2.1–2.10 2 UMBUZO 3 3.1–3.9 ISIGABA C: UMBUZO 4 4.1–4.9 2 UMBUZO 5 5.1–5.9 Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 5 DBE/Febherbari-Matjhi 2017 NSC ISIGABA A: INOVELA Phendula YOKE imibuzo. UMBUZO 1: UBONAKELE – M Sikosana 1.1 Fundisisa itheksthi engenzasi bese uphendula imibuzo elandelako. ITHEKSTHI A 'Ungitjelani msanyana. Ungubani khona wena? Uyihlo angaba nesibindi esingaka sokukuthuma umncancani kangaka ngeBenoni?' kwatjho umtjhayeli kuBonakele ngokukhulu ukurareka. 'Ungatshwenyeki ngalokho baba ngombana ungithume ngokungithemba ngombana ngiyakwazi lapha kusebenza khona umma. Njeke ngineqiniso 5 lokobana angeze ngalahleka', kwaphendula uBonakele ngokukhulu ukuzithemba, watjho wangena ngekoloyini. Yasuka ikoloyi ngaphandle kobana umtjhayeli adle isikhathi. 'Ngikubuze bonyana ungubani wena msanyana begodu awukangitjeli bona uyihlo ngubani namtjhana ufuna ukungitjela bona isibongo sakayihlo awusazi 10 ngombana nakhu usanuka ibisi likanyoko nje?' Umtjhayeli ubuza yoke imibuzo le, ikoloyi nayo iyavuma. Igoma amagaloni. Igijima ungasuthi yinyoni iphapha phezulu emoyeni. UBonakele ahleke kancani nakezwa umtjhayeli ambiza ngomntwana omncani nje. 'Mina nginguBonakele, ubaba nguMahlangu, 15 Lirhotjh'elimnyama kanti amanye ayakhanya, Yingwe yoNomazumani eyazuma kwaze kwasa, e … e … libherha elazi umuzi lingakawuyi, NguMahlangu!' Athi bona aqede ukutjho njalo uBonakele, kwale bona umtjhayeli alibambe 20 ihleko lakhe. Ahleke kuvele nelomhlathi, ahlekiswa kukuzwa umsanyana omncancani kangaka abongelela uyise ngendlela le. Naye wazibonela bona uBonakele akasimncancani kangangoba yena acabanga. Wathi nakasuka lapho waqalisisa uBonakele kuhle ngemehlweni. Wabamba isandla sakhe wathi: 'Khula Mahlangu. Uzaba yindoda emadodeni.' 25 Yabavumela ikoloyi abakhamba ngayo, yehla yakhuphuka, soloko itjho njalo ithi: 'Vuuu … maaa …' [Ikhasi-8] 1.1.1 UBonakele banomtjhayeli akhuluma naye lo osetheksthini engehla bayaphi begodu babuyaphi? (2) 1.1.2 Ubelethwa kwabani umntwana kaNaSilombo eza naye kwaMahlangu? (1) 1.1.3 Ngokurhunyezweko akhe utlole umraro uNaMndebele ayeqalene nawo nakasahlala eSiyabuswa. (2) Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 6 DBE/Febherbari-Matjhi 2017 NSC 1.1.4 Hlathulula umukghwa oveza uNaSilombo amlingisi onomraro wokuphilisana kuhle namadoda ebekamthethe. Ipendulwakho ayibe maphuzu AMABILI. (2) 1.1.5 Tshwaya ngesizinda sesikhathi senovela le bese usekela ipendulwakho ngamaphuzu AMABILI. (2) 1.1.6 Phendula ngoLIQINISO nofana AKUSILO IQINISO bese usekela isiqunto osithathako ngephuzu ELILODWA. Ukutlhaga kwakaBonakele kwagcina kumenzisa nezinto ezimbi epilweni. (2) 1.1.7 Madanisa umukghwa kaNaSilombo newomndeni kaThokozani uqalise khulukhulu endabeni yokusekela umntwana kezefundo. Ipendulwakho ayibe liphuzu ELILODWA. (2) 1.1.8 Ingabe UYAZWELANA nofana AWUZWELANI nomlingisi onguNaSilombo nawuqala isiphetho senovela le. Ipendulwakho ayibe liphuzu ELILODWA. (2) 1.1.9 Tshwaya ngesifundo osifumene ngepilo kaNaSilombo. Ipendulwakho ayibe liphuzu ELILODWA. (2) [17] Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 7 DBE/Febherbari-Matjhi 2017 NSC 1.2 Fundisisa itheksthi engenzasi bese uphendula imibuzo elandelako. ITHEKSTHI B 'E … a … e … ngifuna e …' 'Wena funa lomsebenzi, ziphi lomancwadi khombisa wena funa masebenzi? Lungile wena hlala lapha kalo town, mina azinika wena lomsebenzi. Mina hayi funa hlupha wena. Wena ngena lapha kalovenini kamina, woza! Ngena!' Kwaba kungena kwakhe njalo uMahlangu ngekoloyini yamapholisa. UMahlangu wafunyanwa anomlandu wokukhamba asuka enarheni ekude 5 yeSiyabuswa eze eBenoni anganaye umazisakhe. Njeke kwamfanela bona adose isikhathi esingaba malanga alitjhumi ngesikhungweni. Le eGoli, uNaMndebele naye selayizwile indaba yepi ekulu phakathi kukaBonakele noDuke Hudson. Njeke naye kwamthusa ukuzwa ngendodana yakhe esele kukade ayigcina. Naye wazimisela bonyana uzakulinga nakanjani bona 10 ayokubona indodanakhe ngelanga lokulwa kwabo. Ngemva kwamalanga alitjhumi uMahlangu angenile ngesikhungweni, wakhutjhwa kwathiwa kungapheli amalanga amahlanu asakhamba lapha eBenoni. 'Yindaba engizayithini le, bonyana umthetho walapha wale bona ngibone indodanami! Angeze kwenzeka lokho! Ngitjho kungaba nzima kube 15 mhlophe, yena ngizambona ngikhulume naye phambi kobana ngibuyele ekhaya. Nonina ngifanele ngimfune ngize ngimthole. Angikhwele ibhesi ngiye eDaveyton', kwatjho uMahlangu acabanga yedwa. UMahlangu azange asathanda bona abuze khulu ngendodanakhe. Wabona bonyana okungcono afune indawana lapha angafihla khona ihloko ukuze kufike ilanga lepi 20 yakaBonakele. [Ikhasi 70-71] 1.2.1 UMahlangu bekenzani eBenoni azabe ahlangane namapholisa nje? (1) 1.2.2 Nawufundisisa itheksthi engehla ngikuphi okubonakala kufana okwenziwa nguBonakele noyise uMahlangu nabaseDaveyton? (2) 1.2.3 Ngokurhunyezweko tlola isehlakalo esapheze senza bona uMahlangu agcine angakahlangani noBonakele. Ipendulwakho ayibe liphuzu ELILODWA. (2) 1.2.4 Hlathulula isehlakalo esenziwa nguBonakele esabe sikhombisa bonyana uyazibuyiselela ekuphathweni kumbi nguNaSilombo. (1) 1.2.5 Ukuhlunguphazwa kwakaBonakele azange kuphele nanyana sele asukile ekhabo. Tlola iphuzu ELILODWA elifakazela lokhu kodwana uqalise esehlakalweni samhlana ahlika ibhesi eDaveyton. Ipendulwakho ayibe liphuzu ELILODWA. (2) 1.2.6 UBonakele uvezwe amlingisi onamaqhinga wokuziphilisa. Sekela isitatimendesi ngephuzu ELILODWA. (2) Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 8 DBE/Febherbari-Matjhi 2017 NSC 1.2.7 Phendula isitatimendesi ngoLIQINISO nofana AKUSILO IQINISO bese usekela isiqunto osithathako ngephuzu ELILODWA. Yifundiso kaNaSilombo eyenza bona umntwanakhe uBafunani angaphumeleli epilweni. (2) 1.2.8 Isenzo sakaNaSilombo sokufuna ukubulala umntwana kaBafunani SIYAKHOLWEKA nofana ASIKHOLWEKI? Sekela isiqunto osithathako ngephuzu ELILODWA. (2) 1.2.9 Tshwaya ngommoya wenovela le. Ipendulwakho ayibe maphuzu AMABILI angafaniko. (2) 1.2.10 Tshwaya ngelihlo elibukhali amagama athi, 'Ukubekezela kubeletha ipumelelo' uqalise khulukhulu epilweni kaBonakele. Ipendulwakho ayibe liphuzu ELILODWA. (2) [18] IMITLOMELO YESIGABA A: 35 Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 9 DBE/Febherbari-Matjhi 2017 NSC ISIGABA B: IINDABA EZIFITJHANI Phendula YOKE imibuzo. UMBUZO 2: UZANGENZANI – DM Jiyane nabanye Fundisisa itheksthi engenzasi bese uphendula imibuzo elandelako. ITHEKSTHI C UNaMalobola onguNomoya ibizo lakhe ngomunye wabafazi abakorholako. Indodakwakhe uTjhejeni Sithole akayizwa, uyidosa ngelimu nangepumulo. Esikhathini esinengi nguye obetha isinara. Umma lo mhlobo wokuthi indoda nayithi 1 uthi 2 nayithi 3 uthi 4 njalonjalo. Ungabe bewuthi unesibungwana. Eqinisweni akakahluki enwabini. Abantu abanengi bathi umendo wawuthumela 5 ikhondlo ngombana isidunu nasiya, akadli elibabako begodu uhlala kumangungumeza wendlu kanokutjho. Nakangaphandle uhleka bekuvele nelomhlathi, abamkhohlwa amumuntu olungileko. Namhlanje kuvukwe kukuhle kodwana nangu namhlanje uzizibele inga lirabe, kodwana akafuni ukukhombisa. Ugala uyakghona nokuzenzisa. Nathi uzenza umuntu la ungabuya namala bewudliwe mlandu. 10 'Baba ngibawa ukuya ekhaya, sengibahlulukele khulu kwamambala.' 'Ubawa ukuya ekhenu mfazi?' 'Iye baba,' 'Ubahlulukele njani msinya kangaka? Angikuzwa kuhle. Ingani abodadwenu bebalapha ngoSondarha? Unyoko yena ngimphekelele ngeveke ephelileko. Yintobani 15 engakangaka oyithutha ekhenu?' Azenze umuntu ozithobileko uNomoya. 'Awa baba, abeyikho into engiyithutha ekhaya.' 'Nayingekho into oyithuthako, ulunywa yini kangaka?' 'Kghani awuzange wamunya waqeda ebuntwaneni bakho?' 20 UTjhejeni selazizwa afuthumela kwamambala. 'Kazi umuntu engimhlulukele kwamambala liqhegu, ngiyabona nalo selibalabala khulu ngami, neendlebe zami zihlohlona aziqedi.' 'Ngifuna ukuya ekhaya, kghani awukangizwa kuhle?' 'Awuyi-ke lapho. Nawunganamsebenzi ungitjele zinengi izinto ongangisiza ngazo.' 25 [Ikhasi 1-2] 2.1 Tlola isibongo salapho kwende khona uNoMoya? (1) 2.2 Hlathulula bona uNomoya wayeyokwenzani ekhabo? (2) 2.3 Tlola ibizo lekhuwa elaphekelela umntwana kaNomoya esibhedlela? (1) 2.4 Ngokurhunyezweko veza izinto ezazifakazela bona uNoMoya umendo wawuthumela ikhondlo? Ipendulwakho ayibe maphuzu AMABILI. (2) 2.5 Ucabanga bona ngikuphi okufakazela bona uNomoya akanatjhejo emndeninakhe? Ipendulwakho ayibe maphuzu AMABILI. (2) Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 10 DBE/Febherbari-Matjhi 2017 NSC 2.6 Madanisa imikghwa mazombe yababelethi bakaNomoya? Ipendulo ayibe liphuzu ELILODWA umuntu ngamunye. (2) 2.7 Phendula ngoLIQINISO nofana AKUSILO IQINISO bese usekela isiqunto osithathako ngephuzu ELILODWA. Unina kaNomoya umbelethi osibonelo esihle ekwakhiseni umntwanakhe. (2) 2.8 Ucabanga bona uyini umnqopho womtloli wokobona enze uSponono akghanywe mamanzi nakafika kwagogwakhe. (2) 2.9 Ngisiphi isiqunto ogade ungasithatha nangabe bewunguyise kaNomoya ngemva kobana kuvele isehlakalo esifana nalesi ngomntwanomntwanakho. (2) 2.10 Tshwaya ngelihlo elibukhali ngesiphetho sendatjana le. Sekela ipendulwakho ngephuzu ELILODWA. (2) [18] UMBUZO 3: UZANGENZANI – DM Jiyane nabanye IMALI YABANTABAMI Fundisisa itheksthi engenzasi bese uphendula imibuzo elandelako. ITHEKSTHI D Imali ayihlali nomuntu. Kunini ngilinga ukuyibuthelela, kuthi nasele iphelele kuvele okhunye bengiyikghephule nanyana ngingafuni. Namhlanjesi ngithe angibophe ihloko ngomutja. Akusimnandi ukuhlala nesikolodo. Ngiyabona bona ngizokulala pu. Nakulithumba liphadlhekile.' 'Awa amagamakho ahlaba ikomo ndodekhethu. Esikhathini esiphila kiswesi abantu 5 abasatjhiswa zizinto zabanye nakusikolodo uzasigidlhela bewubeke phasi.' 'Uyazi bona besele ngineenhloni kangangani nangihlangana noMabhena. Eqinisweni besele angusosokana kimi. Ukusiphekelela kwakho kuzosisiza khulu, mhlamunye sithole umlambo ugola iintethe nje. Nawe uzasibethisa izandla njengendoda.' 'Utjho njalo Nghodela?' Inanabe beyithi tsi esangweni. Baphume. 10 'Ekhaya Mbuduma, Ncagu!' Bathokoze kodwana bangaphendulwa mumuntu. UKanabo aphume njengekule elawini lakhe abasariyariyada kilo, uhlome uphelele. 'Hawu! NguNghodela nendodanakhe. Utjho iinkhothamikhwezi. Ya zinja! Niyazilema, aninanhloni nibulala ubaba, nimdlela amabele. Nisuka lapho nidlhemezela ngemva kwakhe nithi nizomqedelela. Anazi bona inyoka ayilandelelwa emgodini.' 15 Ngaleso sikhathi utjhagala yedwa inga msegwabo ajokola entongeni isikhulu kungesakhe. 'Hawu! Akhe ube buthaka ngamatje ndodana, abantu abawalazelwa ngendlela owenza ngayo le.' Kuncenga bekulahlela uBhuda lobubodlhana ngombana abona bonyana umlilo lo uzombhedlha angahlombukuwucima usalumatha nje. 20 'Thula wena! Wazini? Mazi zabanye zakho zikubhalela. Konje nawe bayakutjho bona ungunombheledzwana kezabanye.' Kuthi kusese njalo athi khweza ngonokghephu kuNghodela bezamthela wathi dusu phasi. 'Uyawuzwa umoya.' 'Mbambeni! Ungikhubazile umsana lo!' 25 [Ikhasi 16-17] Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 11 DBE/Febherbari-Matjhi 2017 NSC 3.1 Tlola bona uMabena gade ayakuphi lokha nakasuka kwakhe afuthumele kangaka. (1) 3.2 Ngokurhunyezweko tlola isizathu esenza bona uNghodela abawe indodanakhe imphekelele kwaMabhena? (2) 3.3 Siyini isizathu esenza bona uNghodela angakghoni ukugcina isithembiso asenza kuMabhena bekufike lapha uMabhena alwa khona? (2) 3.4 Isenzo sakaKanabo sokubetha uNghodela angakezwa bona uzokwenzani ekhabo simveza amlingisi onjani? Ipendulwakho ayibe liphuzu ELILODWA. (2) 3.5 Hlathulula unobangela owenza bona uMabhena angamfumani uNghodela lokha nagade ayokufuna imalakhe kwakhe ukube umkaNghodela wazi bona uphekelele yona imali leyo? (2) 3.6 Phendula ngoLIQINISO nofana AKUSILO IQINISO bese usekela isiqunto osithathako ngephuzu ELILODWA. UNghodela wathumela abotsotsi bona babulale uMabhena ngombana angasafuni ukumbhadela imali agade amkoloda yona. (2) 3.7 Uyini umnqopho womtloli wokwenza bona uBhuda agcine aphekelele uNghodela nendodanakhe kwaMabhena? Sekela isiqunto osithathako ngephuzu ELILODWA. (2) 3.8 Nangabe bewunguMabhena ngisiphi isiqunto ebewungasithatha mayelana nesenzo sakaNghodela sokungambhadeli isikhathi eside kangaka? Ipendulwakho ayibe liphuzu ELILODWA. (2) 3.9 Tshwaya ngelihlo elibukhali isifundo esisethulelwa mtloli endatjaneni le. (2) [17] IMITLOMELO YESIGABA B: 35 Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 12 DBE/Febherbari-Matjhi 2017 NSC ISIGABA C: IINKONDLO Kilesisigaba phendula YOKE imibuzo. UMBUZO 4 Fundisisa ikondlo engenzasi bese uphendula imibuzo elandelako. ERHOLWENI LAKONOMTJHERHELO – MS Ntuli 1 Kwasabalala kwarhatjheka neenqwebu, 2 Kwasala irubhi labezimu; 3 UNzunza wazifihla ngeliba lendlala, 4 UNdala wala ukubona, 5 Walikhomba liphezu kwefokotho: 6 Wabona i-Apholo II, 7 Isehla njengekwekwezi ewako, 8 Ingwe yamfunza, waveza ifihlo, 9 Ingwe ebesele iphe uNzunza umhlana, 10 Yatjhugulukela koNomtjherhelo, 11 Yabutha amakhakhazelo 12 Ingakayeleli bona azakutlhurha, 13 Imirabhu idzimelele KwaMhlanga 4.1 Thalela ivumelwano etholakala emideni elandelako yekondlo le bewutjho nokobana mhlobo bani wevumelwano. 'Kwasabalala kwarhatjheka neenqwebu, Kwasala irubhi labezimu;' (2) 4.2 Ngokurhunyezweko, tlola bona yini okwenziwa yingwe kuNdala begodu yena wathatha siphi isiqunto ngesenzo saywesi. (2) 4.3 Tlola ubukondlo OBUBILI obutholakala emudeni olandelako. 'Ingwe yamfunza, waveza ifihlo,' (2) 4.4 Ingabe ingwe ingathekiswe nani ekondlweni engehla le? (1) 4.5 Ingabe imbongi izama ukusihlathululelani ngomuda olandelako wekondlo? 'Ingwe ebesele iphe uNzunza umhlana,' (2) 4.6 Ucabanga bona imbongi inqopheni ngomuda othi, 'Yabutha amakhakhazelo'? (2) 4.7 Dzubhula umuda osetjenziswe ekondlweni engehla ositjela bona isitjhaba ekukhulunywa ngaswesi akhange saphelela koNomtjherhelo saya nakezinye iindawo. (2) 4.8 Tshwaya ngelihlo elibukhali indima eyadlalwa nguNdala esitjhabeni ekukhulunywa ngaso ekondlweni engehla le. (2) 4.9 Coca ngommongondaba wekondlo le. Ipendulo ayibe liphuzu ELILODWA. (2) [17] Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 13 DBE/Febherbari-Matjhi 2017 NSC UMBUZO 5 Fundisisa ikondlo engenzasi bese uphendula imibuzo elandelako. UYANGEN' UMLOBOKAZI – MS Ntuli 1 Kwakwakwakwii…! 2 Uyangen'umlobokazi, 3 Unyanyatha njengenwabu; 4 Ugeje ngezikanokutjho, 5 Nango weenkom'ezimasongesonge, 6 Zeempondw'ezilemele futhi. 7 Madoda phumani neenhlangu, 8 Nizokuthambel' igugu lomuzi, 9 Ikwekwez' ekhanya salanga: 10 Ikwekwezi yomkhanyo wezungulekosi. 11 Hlaban' uMafunazoke 12 Ikomo kababa yesiko, angene. 13 Mfaz' eenyaw' ezimabatha 14 Sukel' ukutunatuna njengonombhenyani, 15 Uhlangel' ukuphuma kwelanga: 16 Ulis' ukufuthwa yintuthu 17 Ing' ungumaqubutjhwana 18 Ing' awunakhenomkhulu likhona, 19 Bamangel' abathi bayazazi; 20 Babasith' umend' awukho, 21 Bathi; akayikuwubona. 22 Nang' umlobokaz' angena! 23 Ungen' anyanyatha njengenwabu, 24 Ungen' agubuzele njengogubudu. 25 Kwakwakwakwii…! 26 Nomaphelaphelani yelusa 27 Ilimu lakh' elimakghwakghwa, 28 Libophe lingangeni nomlobokazi. 29 Makhelana khalim' ihliziywakho, 30 Ulis' ukuhlolahlola ngombundwana. 31 Uyangen' umlobokazi; 32 Nosokana thanyela, 33 Ungalis' iinzibi zibuthene 34 Emva komnyango nga 35 Zihlekis' abayeni zinganamazinyo. 36 Uyangen' umma… 37 Nosokana ningabang' ubudala. 5.1 Tlola iinlwanyana EZIMBILI ekufaniswe ngazo indlela umlobokazi angena ngayo? (2) Ilungelo lokukhuphela lifunjethwe Phendla
Downloaded from hlayiso.com IsiNdebele ILimi Lok uThoma LokweNgeza (FAL)/P2 14 DBE/Febherbari-Matjhi 2017 NSC 5.2 Thalela ivumelwano elisemideni elandelako bewutjho nokobana mhlobo bani wevumelwano. 'Bathi; akayikuwubona. Nang' umlobokaz' angena!' (2) 5.3 Ngiziphi izinto ekufanele zenziwe madoda ngaphambi kobana umlobokazi angene? Ipendulwakho ayibe maphuzu AMABILI. (2) 5.4 Dzubhula umuda onehlathululo yemida elandelako ekondlweni engehla le: A Umlobokazi nakangenako ukhamba kancani. B Umlobokazi umbethe kuhle khulu. (2) 5.5 Tlola ubukondlo obusemideni elandelako: A Ikwekwezi ekhanya salanga. B Ikomo kababa yesiko, angene. (2) 5.6 Ucabanga bona uyini umlayezo wembongi ngemida elandelako? Uyangen' umma … Nosokana ningabang' ubudala. (2) 5.7 Phendula ngoLIQINISO nofana AKUSILO IQINISO bese usekela ipendulwakho ngamaphuzu AMABILI. Imbongi ikghonile ukukhetha amagama aveza bona ikondlo le ikhuluma ngomakoti owenda ngokwesiko lesiNdebele. (2) 5.8 Ngokubona kwakho kubayini imbongi ingafuni bona ilimu lakanomaphelaphelana lingangeni nomlobokazi ekhakwakhe? Ipendulwakho ayibe liphuzu ELILODWA. (2) 5.9 Tshwaya ngommoya wekondlo le. Ipendulwakho ayibe liphuzu ELILODWA. (2) [18] IMITLOMELO YESIGABA C: 35 INANI LOKE: 70 Ilungelo lokukhuphela lifunjethwe

Study this subject

More from Grade 12 isiNdebele FAL

View all