isiNdebele FAL Grade 12 P3 NSC November 2016 Question Paper

Downloaded from hlayiso.com GRAAD 12 NATIONAL SENIOR CERTIFICATE IGREYIDI 12 ISINDEBELE ILIMI LOKUTHOMA LOKWENGEZA (FAL) IPHEPHA LESITHATHU (P3) NOVEMBA 2016 IMITLOMELO: 100 ISIKHATHI: Ama-iri ama-2½ Iphepheli linamakhasi asi-6. Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P3 2 DBE/Novemba 2016 NSC YELELA 1. Iphepheli LINEENGABA EZINTATHU, u-A, B kanye NESIGABA-C. ISIGABA A: Amatheksthi wokuzitlamela (Ama-eseyi) (50) ISIGABA B: Amatheksthi amade wokuthintana (30) ISIGABA C: Amatheksthi amafitjhani wokuthintana (20) 2. Phendula umbuzo OWODWA esigabeni NGASINYE. 3. Tlola ngelimi obuzwe ngalo. 4. Thoma umbuzo NGAMUNYE ekhasini ELITJHA. 5. Kufuze uthome ngokutlola okukodwa kwalokhu: umebhengqondo, umgwalo/amaflowutjhadi/amagama amummongo. Kumele kuvele nanyana kubonakale NGAPHAMBI kwe-eseyakho. 6. Isikhathi esiphakanyisweko sokuphendula isigaba ngasinye: ISIGABA A: Pheze imizuzu ema-80 ISIGABA B: Pheze imizuzu ema-40 ISIGABA C: Pheze imizuzu ema-30 7. Nombora iimpendulo zakho njengobana zinonjorwe ephepheni lemibuzo. 8. Ngileyo naleyo pendulo ayinikelwe isihloko sayo. 9. Ungasibali isihloko nawubala amagama owatlolileko. 10. Tlola ngesandla esihle nesibonakalako. Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P3 3 DBE/Novemba 2016 NSC ISIGABA A: AMATHEKSTHI WOKUZITLAMELA (AMA-ESEYI) UMBUZO 1 Khetha isihloko ESISODWA utlole i-eseyi engaba magama ali-190–240. Kufuze uthome ngokutlola okukodwa kwalokhu: umebhengqondo, umgwalo/ amaflowutjhadi/amagama amummongo. Kumele kuvele nanyana kubonakale NGAPHAMBI kwe-eseyakho. 1.1 Tlola i-eseyi egcina ngamagama athi, 'Ngangingatjho bona ngizabe ngifike egreyidini letjhumi nambili'. [50] 1.2 Ithekhnoloji isiqede nya isikhathi somndeni. Tlola i-eseyi wenabe ngesihlokwesi. [50] 1.3 Ipilo yedorobheni ibulula. Tlola i-eseyi uvumelana namkha uphikisane nesihlokwesi. [50] 1.4 Unethemba bona ngelinye lamalanga uzobe unesithabathaba sendlu. Tlola i-eseyi ngendlu yebhudango lakho. [50] 1.5 Ngiyazikhakhazisa ngokuba mSewula Afrika. Tlola i-eseyi ngesihlokwesi. [50] 1.6 Kuvamisile bona epilweni umuntu abe nomngani. Tlola i-eseyi ngobuhle nobumbi bokuba nomngani. [50] 1.7 Qalisisa iinthombe ezilandelako, bese ukhethe ESISODWA uzitlamele i-eseyi uyinikele nesihloko. TJHEJA: Isithombe ne-eseyakho azikhambelane kuhle. 1.7.1 [Sithethwe ku-www.images.com] [50] Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P3 4 DBE/Novemba 2016 NSC 1.7.2 [Sithethwe ku-www.images.com] [50] IMITLOMELO YESIGABA A: 50 Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P3 5 DBE/Novemba 2016 NSC ISIGABA B: AMATHEKSTHI AMADE WOKUTHINTANA UMBUZO 2 Khetha isihloko ESISODWA bese utlola ngaso amagama abe ma-80–100. 2.1 INCWADI YABAKHULU Tlolela umasipala incwadi unghonghoyile ngobulelesi obudlangileko bokugqekezwa kwemizi endaweni yangekhenu. [30] 2.2 UMLANDU KAMUFI Kwamakhelana wekhenu bahlongakalelwe sihlobo sabo ebebahlala naso, yeke babawe wena bona ubatlolele umlando kamufi ngombana bewumazi khulu. Tlola umlando kamufi ozokufundwa ngelanga lomngcwabo. [30] 2.3 IKULUMO EHLELEKILEKO Omunye wabentwana enifunda naye igreyidi letjhumi nambili uthumbe unongorwana wokuyokufunda ithekhnoloji ngaphetjheya iinyanga ezimbili. Isikolo sibawe wena bona wethule ikulumo emnyanyeni wokumlayelisa. Tlola ikulumo ozoyethula emnyanyeni lowo. [30] 2.4 UMBIKO OHLELEKILEKO Ungomunye obonileko lokha isiqubuthu sabantu nasitjhisa indlu yekhansela. Tlola umbiko ohlelekileko ubikele amapholisa ngokwenzakeleko. [30] IMITLOMELO YESIGABA B: 30 Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P3 6 DBE/Novemba 2016 NSC ISIGABA C: AMATHEKSTHI AMAFITJHANI WOKUTHINTANA UMBUZO 3 Khetha isihloko ESISODWA bese utlola ngaso amagama abe ma-60–80. 3.1 IPHOSTARA Ilutjha langendaweni yangekhenu lihlele ikhonsathi yabavumi abahlukeneko abadumileko ukubuthelela isikhwama semali esizokusiza abentwana abahlala ekhaya leentandani. Tlola iphostara ekhangisa ngekhonsathi leyo. [20] 3.2 IDAYARI [Sithethwe ku-www.images.com] Beninekhambo lokuvakatjha lamalanga amahlanu niye eendaweni ezihlukahlukaneko enye yazo ngile evezwe esithombeni. Tlola kudayarakho izehlalakalo zekhambo lenu. [20] 3.3 IINKOMBANDLELA Kwenu nizokwenza umnyanya wokuthokozisa umnakwenu ngeziqu azifumene eyunivesithi. Tlolela iinhlobo nabangani iinkomba zendlela eziza lapho kuzobe kugidingelwa khona umnyanya lowo. [20] IMITLOMELO YESIGABA C: 20 INANI LOKE: 100 Ilungelo lokukhuphela lifunjethwe