isiXhosa FAL Grade 12 Paper 1 NSC June 2025 Question Paper

Confidential SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS ISIXHOSA ULWIMI LOKUQALA OLONGEZELELWEYO (FAL) IPHEPHA LOKUQALA (P1) CANZIBE/SILIMELA 2025 AMANQAKU: 80 IXESHA: Iiyure 2 Olu viwo lunamaphepha ali-13. Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 2 DBE/Canzibe/Silimela 2025 SC/NSC Confidential IMIYALELO NENGCACISO 1. Eli phepha lemibuzo linamaCANDELO AMATHATHU angala: ICANDELO A: Uvavanyo lokuqonda (30) ICANDELO B: Ushwankathelo (10) ICANDELO C: Izakhi nemigaqo yokusetyenziswa kolwimi (40) 2. Phendula YONKE imibuzo. 3. Qala ICANDELO NGALINYE kwiphepha ELITSHA. 4. Krwela umgca ekupheleni kweCANDELO NGALINYE. 5. Nombola iimpendulo zakho ngokuchanekileyo ngokwendlela yokunombola esetyenzisiweyo kwiphepha lemibuzo. 6. Shiya umgca emva kwempendulo ngaNYE. 7. Qwalasela ngokukodwa upelo nolwakhiwo lwezivakalisi. 8. Iingcebiso malunga nolwabiwo lwexesha: ICANDELO A: Imizuzu engama-50 ICANDELO B: Imizuzu engama-20 ICANDELO C: Imizuzu engama-50 9. Bhala ngokucocekileyo nangokucacileyo. 2025 Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 3 DBE/Canzibe/Silimela 2025 SC/NSC Confidential ICANDELO A: UVAVANYO LOKUQONDA UMBUZO 1 1.1 Funda esi sicatshulwa singezantsi uze uphendule imibuzo elandelayo. ISICATSHULWA A OONOBANGELA NEFUTHE LOKUTSHINTSHA KWEEMO ZEMOZULU 1 Ukutshintsha kweemo zemozulu (climate change) kuyenye yezinto ezibangela ukuxhalaba kwabantu elizweni jikelele kuba kuchaphazela indlela yokuphilisana kwabantu nendalo ngokubanzi. Nangona ezinye iimeko zokutshintsha kwemo yemozulu ziye zibangelwe yindalo ngokwayo; zikho kwaye zininzi nezibangelwa ngabantu. Okwenza 5 ixhala nangakumbi kukuba ezinye zezilwanyana, izinambuzane kunye nezityalo ziza kuya zinqaba de zitshabalale. Kuya kulibaleka nokokuba zazikhe zakho apha emhlabeni. Ukutshintsha kwemo yemozulu asiyonto intsha ehlabathini, kudala ikho. Ukuqapheleka kwayo kuqale kwiminyaka embalwa egqithileyo. Olu tshintsho lutsale umdla omkhulu 10 weengcali, zatsho zafuna ukwazi isizathu nefuthe lalo. 2 Iingcali zithi ukutshintsha kwemo yemozulu kubangelwa ngabantu okanye kubangelwe ziimeko zasendalweni ezingenakulawulwa mntu. Ziqhuba zithi, iqondo lobushushu bomhlaba liya linyuka ngokuhamba kwamaxesha. Loo nto ibangele iingxaki ezifana nokucutheka 15 kwenwebu yesibhakabhaka kwanokubakho kwamanzi amaninzi emhlabeni. Ukuguquka kwemo yemozulu kubangelwa nalugqabhuko- dubulo lomhlaba; ukugqatsa kwemitha yelanga enobungozi; ukushenxa koqweqwe lomhlaba kunye nokujikeleza komhlaba ngendlela engafaniyo neyokuqala. Zonke ezi ke ziingxaki ekungekho 20 sandla samntu kuzo. Ikwazizo nezibangela ubungozi nobunzima bokuba indalo iphilisane kakuhle nangokuzolileyo. Lilonke, ukunyuka kweqondo lobushushu bomhlaba kunefuthe elibi kwiimo zemozulu. 3 Kwiingxaki ezibangelwa ngabantu zokutshintsha kwemo yemozulu kuquka izinto abazenza ngokungaqondi okanye ngenxa 25 yokungakhathali. Ngokwasendalweni, abantu bafanele ukuhlalisana kakuhle nezilwanyana kunye nezityalo. Akusoloko kunjalo! Kubakho ukuphazamisana kwabo nendalo ngokuthi benze izinto ezibangela ukuba itshabalale, iphele tu. Umzekelo, ungcoliseko lomoya olwenziwa ngabantu nolwenziwa yimizi-mveliso, lunyusa umthamo wolwandle 30 ngokunobungozi. Oko kuthi kuchaphazele kakubi iimeko zemozulu. Kwakhona, ukugawulwa kwamahlathi, ukutshiswa kwamadlelo nokubulawa kwezilwanyana nezityalo ezithile, kukwanegalelo elibi kutshintsho lweemo zemozulu. Olo tshintsho lubi lweemo zemozulu luphinda lujike lube yintshabalalo kubantu, kwizilwanyana, kwizityalo 35 nakwizinambuzane. Kangangokuba zininzi iintlobo zezilwanyana kunye nezeentaka ezingasafumanekiyo okanye ezicutheke kakhulu ehlabathini. Iziphumo zako konke oku kukuba ihlabathi liya lilahlekelwa kokuninzi. Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 4 DBE/Canzibe/Silimela 2025 SC/NSC Confidential 4 Ngalinye, kuyacaca ukuba ukonakaliswa kwenwebu yesibhakabhaka, 40 isonakaliswa nazizenzo ezenziwa sithi bantu, kudala ingxaki enkulu kwiimo zemozulu. Lifikile ngoku ixesha lokuba singabantu siphucule indlela yokukuthintela konke oku. Izisombululo zokunciphisa igalelo lethu elibi kwiimo zemozulu zisezandleni zethu. Konke kuxhomekeke kuthi! Xa abantu benokuyekwa baqhubeke nokwenza izinto ezinyusa 45 izinga lokonakala kwenwebu yesibhakabhaka, kuyacaca ukuba kuya kude kuphele nkqu nabantu emhlabeni. Umbuzo ke ngowokuba liya kuba phi ke ikamva xa kunokuba njalo. Kunokuba abantu bangenzi nto ngeengxaki abajongene nazo zokonakala kwemo yemozulu, mabazame ukulungisa ukuze kusinde umhlaba nekamva lomntu wonke 50 jikelele. Asinakuba sakuthini okusele kwenzekile kodwa singaphinda sizame ukuwukhusela umhlaba, ngokukhusela ukwanda kobungozi obuza notshintsho olubi kwiimo zemozulu. Sikwenze oku sikhumbula ukuba ihlabathi lilifa lethu nezizukulwana ezizayo. Xa wonke ubani enokufaka isandla ekukhuseleni inwebu yesibhakabhaka, 55 singaqiniseka ukuba ihlabathi alisayi kuze litshabalale kwaye nesizukulwana siya kuba kho kwixesha elizayo. 5 Ngelokuvala, singathi ewe izinto zijikile kule mihla, azisafani nakwimihla yangaphambili. Ukuhamba kweminyaka kusibonise ukuba zininzi izinto ezidala ukutshintsha kweemo zemozulu, ezazingazange 60 zacingwa ngaphambili ukuba zingakho. Kunjalo nje olo tshintsho lunefuthe elibi kwindalo iyonke jikelele kwaye lunamandla okuyitshabalalisa. Ngoko ke, kusabalulekile ukuba abantu kwelabo icala benze konke okusemandleni abo ukulondoloza nokukhusela indalo; ze kushiyeke ezo zingenakuthintelwa mntu iimeko. 65 [Sithatyathwe kwi-www.environmentalawareness.com saze saguqulelwa, salungiselelwa uviwo] Jonga kumhlathi 1 1.1.1 Yintoni ebangela ukuxhalaba kwabantu elizweni? (1) 1.1.2 Nika zibe MBINI izinto ekuthiwa zingatshabalala xa abantu bengayikhuseli indalo. (2) 1.1.3 Xela le nto kuthiwa ifunwa ziingcali ngokwalo mhlathi. (1) Jonga kumhlathi 2 1.1.4 Nika isithethantonye segama, 'ukutshintsha' elibhalwe ngqindilili kulo mhlathi. (1) 1.1.5 Khankanya zibe MBINI ingxaki ezibangelwa kukunyuka kwamaqondo obushushu bomhlaba. (2) 1.1.6 Chonga isivakalisi esisixelela ukuba iingxaki zokutshintsha kweemo zemozulu ezikhankanywe kulo mhlathi ziyazenzekela. (2) Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 5 DBE/Canzibe/Silimela 2025 SC/NSC Confidential Jonga kumhlathi 3 1.1.7 Khetha impendulo echanekileyo kwezi zilandelayo. Igama u-'ngenxa' elibhalwe ngqindilili kulo mhlathi lisetyenziselwe ukubonisa ... A isenzo. B isizathu. C isikhalazo. D isikhuzo. (1) 1.1.8 Cacisa okuthethwa sisivakalisi esingezantsi malunga nokuhlalisana kakuhle kwabantu nezilwanyana. Akusoloko kunjalo! (2) 1.1.9 Chonga igama kwisivakalisi esingezantsi elizisa ulwazi lokuba isenzo siqhubekela phambili, siyenyukela. Ihlabathi liya lilahlekelwa kokuninzi ngolu hlobo. (1) Jonga kumhlathi 4 1.1.10 Sibhekisa entweni isakhi esingu – 'zi'esibhalwe ngqindilili kwisivakalisi esingezantsi? Izisombululo zokunciphisa igalelo lethu elibi longcoliseko lomoya, zisezandleni zethu. (1) 1.1.11 Xela ukuba lisetyenziselwe ntoni uphawu lokhuzo kwesi sivakalisi singezantsi. Konke kuxhomekeke kuthi! (2) 1.1.12 Nika iziphumo eziBINI ekuthiwa zinokubakho xa abantu bezama ukulungisa iingxaki zokonakala kwemo yezulu. (2) 1.1.13 Luluvo okanye yinyani okuqulethwe yinkcaza ekrwelelwe umgca ngaphantsi kwisicatshulwa. Xhasa impendulo yakho. (2) Jonga kumhlathi 5 1.1.14 Cacisa ngolwazi olufumaneka kwitekisi ukuba kutheni kubalulekile okuthethwa kwisivakalisi esikrwelelwe umgca ngaphantsi kulo mhlathi. (2) Jonga kwitekisi yonke 1.1.15 Bonisa ubuchule bombhali wale tekisi ekuzalaniseni isihloko nomxholo wayo. (2) Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 6 DBE/Canzibe/Silimela 2025 SC/NSC Confidential 1.2 Funda lo mfanekiso ungezantsi uze uphendule imibuzo elandelayo. ISICATSHULWA B: OKUBONWAYO [Uthatyathwe kwi-www.surffoundation.com] 1.2.1 Xela okuqhubeka kulo mfanekiso. (2) 1.2.2 Yintoni enokwenziwa ngabantu ukuthintela le meko isemfanekisweni? (2) 1.2.3 Nika umyalezo odluliswa ngulo mfanekiso. (2) AMANQAKU ECANDELO A: 30 Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 7 DBE/Canzibe/Silimela 2025 SC/NSC Confidential ICANDELO B: USHWANKATHELO UMBUZO 2 ISICATSHULWA C esingezantsi simalunga neendlela zokucutha ungcoliseko lomoya. Funda isicatshulwa C esingezantsi uze ubhale iingongoma eziphambili unika iingcebiso malunga neendlela zokucutha ungcoliseko lomoya. IMIYALELO 1. Bhala isishwankathelo sibe kwimo yeengongoma ungadluli kumagama angama-60. 2. Nombola izivakalisi zakho ukusuka ku-1 ukuya kwisi-7. 3. Sebenzisa izivakalisi ezipheleleyo ukubhala iingongoma. 4. Sebenzisa AMAZWI AKHO kangangoko unako. 5. Bhala inani lamagama owasebenzisileyo kwizibiyeli ekupheleni kwesishwankathelo. ISICATSHULWA C CUTHA UNGCOLISEKO LOMOYA! Ungcoliseko lomoya oludalwa ngumsi ophuma kwiinqwelo-mafutha ezihamba endleleni lubangela iingxaki kwindalo nasebantwini ngokubanzi. Nazi iindlela onokwenza ngazo ukuzama ukunciphisa ungcoliseko lomoya. Cutha uhambo ngemoto ngokuthi uthenge kwiivenkile ezingekho kude kwindawo ohlala kuyo. Oku kungabangela ukuba ukwazi ukufikelela kuzo ngokuhamba ngeenyawo okanye ngebhayisekile. Iibhayisekile zona azikhuphi msi ungcolisa umoya. Hamba nabantu abaya kwindawo oya kuyo nisebenzise imoto enye. Umzekelo, njenga xa usiya esikolweni okanye edolophini. Oku kunceda ukuba kusetyenziswe imoto enye ukukhwelisa iqela labantu. Ukuphunguka kwenani leemoto ezisendleleni kucutha ungcoliseko lomoya. Sebenzisa isola kuba ingumbane owenziwa ngamandla avela kwindalo. Kaloku ilanga linako ukusinika umbane kungakhange kubekho lungcoliseko lomoya ekugcinweni kwaloo mbane. Sebenzisa izixhobo zombane ezisebenzisa amandla asezantsi ombane. Ukusebenzisa zona kucutha umlinganiselo womsi okhutshwa ngamalahle ekuphehlweni kombane, kutsho kunciphe nongcoliseko lomoya. Izinga eliphezulu lokutshiswa kwezinto eziyinkunkuma emakhaya lisesinye sezizathu sokunyuka kongcoliseko lomoya kwiindawo esihlala kuzo. Musa ukusoloko uqhumisa ngokutshisa izinto eziyinkunkuma. Iindidi zenkunkuma zikhupha umsi onobungozi ngenxa yezinto ezenziwe ngazo, oko kubangela ungcoliseko lomoya. Qinisekisa ucoceko lomoya ngokulima imithi kunye nemithana eluhlaza. Imithi nohlaza iluncedo kuba ifunxa ungcoliseko lomoya oluza nekhabhondayoksayidi. Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 8 DBE/Canzibe/Silimela 2025 SC/NSC Confidential Ngalo lonke ixesha fundisa abantu ngeendlela zokucutha ungcoliseko lomoya. Ungakwenza oku ngokuzibandakanya namaphulo afundisa ngeendlela zokulondo- lozwa nokugcinwa kwendalo ngokubanzi. Ungcoliseko lomoya luninzi kwiindawo ezixakekileyo nezinabantu abaninzi, oko kubeka uxanduva kuluntu ukuba luqinisekise ngococeko lomoya kwiindawo zalo. Singabantu ke singabambisana ngokwenza okusemandleni ukuthintela ungcoliseko lomoya. Ngokwenza njalo, singaqiniseka ngokuphefumla umoya ococekileyo. [Sicatshulwe kwi-www.environmentalawareness.com, saza salungiselelwa uviwo] AMANQAKU ECANDELO B: 10 Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 9 DBE/Canzibe/Silimela 2025 SC/NSC Confidential ICANDELO C: IZAKHI NEMIGAQO YOKUSETYENZISWA KOLWIMI UMBUZO 3: ISIBHENGEZO-NTENGISO Funda esi sibhengezo-ntengiso singezantsi uze uphendule imibuzo elandelayo. ISICATSHULWA D [Sithatyathwe ku-www.adobestock.com saza sahlelwa, salungiselelwa uviwo] 3.1 Chonga igama elithetha ukuba le mveliso ikwesi sibhengezo-ntengiso iyaqala ukubakho. (1) 3.2 Sijoliswe koobani esi sibhengezo-ntengiso? (1) 3.3 Nika ibe NYE into ekuthiwa iluncedo ngayo le mveliso ikwesi sibhengezo- ntengiso. (1) 3.4 Xela injongo yokubekwa kwebala lobumdaka kwisikipa esimhlophe kule ntengiso. (2) 3.5 Khetha impendulo echanekileyo kwezi zilandelayo. Igama, 'isigutyuli' lizisa ingcinga yokuba le mveliso imelana nokungcola ... A okucoceka msinya. B okucoceka nzima. C okungazange kubekho. D okusuka lula. (1) 3.6 Nika zibe ziBINI izizathu ezinokumtyhafisa umthengi ngokwesi sibhengezo- ntengiso, aphele engayithengi le mveliso. (2) 3.7 Ingaba inani elingama-99% elikwesi sibhengezo-ntengiso lisisiqinisekiso sokuba le mveliso iyasebenza? Xhasa impendulo yakho. (2) [10] Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 10 DBE/Canzibe/Silimela 2025 SC/NSC Confidential UMBUZO 4: IKHATHUNI Funda le khathuni ingezantsi uze uphendule imibuzo elandelayo. ISICATSHULWA E [Ithatyathwe kwi-www.cartoonistgroup.com yalungiselelwa uviwo] 4.1 Khetha impendulo echanekileyo kwizibiyeli. Isikhuzo u-'Ahh-h!' esikwintetho kaTommy kwisakhelo soku-1 sibonakalisa ukuba (wothukile/wanelisekile). (1) 4.2 Yintoni ebonisa ukuba ayiphelelanga intetho kaTommy kwisakhelo soku-1? (1) 4.3 Xela igama lesixhobo sonxibelelwano esifumaneka kwisakhelo sesi-2. (1) 4.4 Intetho kaRay ekwisakhelo sesi-2 izisa ingcinga yokuba ... A kuyamonwabisa ukungayifumani iwayifayi. B kuyamdika ukungayifumani iwayifayi. C kuyamkhuthaza ukungayifumani iwayifayi. D kuyamkrokrisa ukungayifumani iwayifayi. (1) 4.5 Ngqina ukuba uvakalelo lwabalinganiswa abakwisakhelo sesi-2 lwahlukile kolukaTommy. (2) 4.6 Caphula intetho esisibaxo kwisakhelo sesi-2. (2) 4.7 Nika imfundiso efumaneka kule khathuni. (2) [10] Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 11 DBE/Canzibe/Silimela 2025 SC/NSC Confidential UMBUZO 5: IPROZI 5.1 Funda esi sicatshulwa singezantsi uze uphendule imibuzo elandelayo. ISICATSHULWA F UBUNGOZI BONGCOLISEKO LOMOYA Ungcoliseko lomoya lunobungozi obukhulu xa luyekwe lwakhula kwiindawo esihlala kuzo. Abantu bahlala kwiindawo ekuxhaphake kuzo umsi ophuma ezimotweni, umsi osuka kwiindawo ekubaswa kuzo; njalo-njalo. Ungcoliseko lomoya luyibeka esichengeni impilo yabantu kunye nendalo. Abona bantu bachaphazeleka kakhulu ngabantwana, ngamaxhego namaxhegwazana 5 kwanabo bahleli benezifo abagula zizo kakade. Nazi ezinye zeempawu abazibonakalisayo abantu abaguliswa lungcoliseko lomoya; intloko esoloko iqaqamba, ukurhawuzela kwamehlo, kweempumlo nokomqala. Iingxaki zokuminxeka kwesifuba nokukhohlela nazo zikwabangelwa lungcoliseko lomoya. Kukho nolwazi oluthi ungcoliseko lomoya lubangela nezifo 10 ezihambelana nentliziyo. Ulwazi luqhuba luthi, xa abantu bezinikele kwezi meko zongcoliseko lomoya bangabasemngciphekweni wokuhlaselwa sisifo somhlaza nezinye izifo ezihlasela amajoni akhusela umzimba, de abe uyasweleka umntu. [Sicatshulwe kwi-www.environmentalawareness.com, saza salungiselelwa uviwo] 5.1.1 Nika udidi lwesichazi, 'obukhulu' esibhalwe ngqindilili kwisicatshulwa. (1) 5.1.2 Chonga isibizo esiyinjongosenzi kwesi sivakalisi singezantsi. Ungcoliseko lomoya luyibeka esichengeni impilo. (1) 5.1.3 Xela ukuba sisetyenziswe njani isimelabizo soqobo sogxininiso esikrwelelwe umgca ngaphantsi kwisivakalisi esingezantsi. Abona bantu bachaphazeleka kakhulu ngabantwana, amaxhego namaxhegwazana. (2) 5.1.4 Sebenzisa igama, 'intloko', kwisivakalisi esichanekileyo lizise enye intsingiselo, engeyiyo le ikwisivakalisi esingezantsi. Intloko yam ibuhlungu ngenxa yongcoliseko lomoya. (2) 5.1.5 Yakha isibizo ngokudibanisa la magama mabini angezantsi. (Iinzulu + ulwazi) zithi ungcoliseko lomoya lubangela nezifo ezihambelana nentliziyo. (1) Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 12 DBE/Canzibe/Silimela 2025 SC/NSC Confidential 5.1.6 Khetha impendulo echanekileyo kwizibiyeli. Isakhi esibhalwe ngqindilili u-'zi' (sisivumelanisi senjongosenzi/sisakhi sokuzenza). Xa abantu bezinikele kwezi meko … (1) 5.1.7 Xela umsebenzi wegama elikrwelelwe umgca ngaphantsi kwisivakalisi esingezantsi. Abadala bangabasemngciphekweni wokuhlaselwa zizifo ngenxa yongcoliseko lomoya. (2) 5.1.8 Bhala esi sivakalisi singezantsi sibe kwixesha eladlulayo. Abantu bayahlaselwa sisifo somhlaza. (2) 5.1.9 Lungisa iimpawu zobhalo kwesi sivakalisi silandelayo. izifo zihlasela amajoni akhusela umzimba. (1) 5.1.10 Nika isichasi segama elibhalwe ngqindilili kwesi sivakalisi silandelayo. Umntu onesifo somhlaza angasweleka. (1) Akuvumelekanga ukufotokopa eli phepha Tyhila iphepha

IsiXhosa Ulwimi Lokuqala Olongezelelweyo (FAL)/P1 13 DBE/Canzibe/Silimela 2025 SC/NSC Confidential 5.2 Funda lo mfanekiso ungezantsi uze uphendule imibuzo elandelayo. ISICATSHULWA G: UMFANEKISO [Uthatyathwe kwi-www.helpsavenature.com, waza wahlelwa] 5.2.1 Sebenzisa igama elikwizibiyeli ukudibanisa ezi zivakalisi zingezantsi. Indalo iyatshabalala. Indalo ibulawa lungcoliseko. (kuba) (2) 5.2.2 Guqula esi sivakalisi singezantsi sibe kwingxelo-ntetho. 'Ziyafa iintlanzi lungcoliseko lwamanzi', batshilo abakhuseli bendalo. (2) 5.2.3 Bhala kwakhona esi sivakalisi silandelayo sibe kwisinye. Amaphepha ayalwenza ungcoliseko lwamanzi. (2) [20] AMANQAKU ECANDELO C: 40 AMANQAKU EWONKE: 80 Akuvumelekanga ukufotokopa eli phepha