IsiXhosa HL P3 Nov 2020.pdf

SENIOR CERTIFICATE/ NATIONAL SENIOR CERTIFICATE IBANGA 12 XHOHL.3 ISIXHOSA ULWIMI LWASEKHAYA (HL) IPHEPHA LESITHATHU (P3) NOVEMBA 2020 AMANQAKU: 100 IXESHA: Iiyure 2½ Olu viwo lunamaphepha ama-5. MORNING SESSION Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P3 2 DBE/Novemba 2020 SC/NSC IMIYALELO NENGCACISO 1. Eli phepha LINAMACANDELO AMABINI: ICANDELO A: Isincoko (50) ICANDELO B: Imihlathi: (2 x 25) (50) 2. Phendula umbuzo ube MNYE kwiCANDELO A, kunye nemibuzo emiBINI kwiCANDELO B. 3. Bhala ngolwimi ohlolwa ngalo. 4. Qala ICANDELO ngaLINYE kwiphepha ELITSHA. 5. Kunyanzelekile ukuba uyile (usebenzisa isazobe/iflowutshathi/amagama angundoqo, njl.njl), uhlele uze uwufundisise umsebenzi wakho. Qala ngoyilo PHAMBI kokuba ubhale izincoko nemihlathi. 6. Lonke uyilo maluphawulwe ngokucacileyo. Kuyacetyiswa ukuba ukrwele umgca onqumlayo kuyilo lonke. 7. Uyacetyiswa ukuba ulabe ixesha ngolu hlobo: ICANDELO A: Malunga nemizuzu engama-80 ICANDELO B: Malunga nemizuzu engama-70 (2 x 35) 8. Nombola iimpendulo ngokuchanekileyo ngendlela ekunonjolwe ngayo kwiphepha lemibuzo. 9. Masingathathelwa ngqalelo isihloko xa kubalwa inani lamagama. 10. Bhala ngokucocekileyo nangokucacileyo. Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P3 3 DBE/Novemba 2020 SC/NSC ICANDELO A: IZINCOKO Khetha isihloko sibesiNYE kwezi zilandelayo ubhale ngaso. Bhala amagama angama- 340-390. UMBUZO 1 1.1 Kwathi kanti zilungile ezo ngcebiso zakhe. [50] 1.2 Ilungelo lihamba noxanduva. [50] 1.3 Umbane uluncedo nangona ukwayingozi. [50] 1.4 Intaka yakha ngoboya benye. [50] 1.5 Igalelo lezolimo kuqoqosho lwelizwe. [50] 1.6 Khanisijonge ngo-2030 silolu lutsha! [50] 1.7 Qwalasela lo mfanekiso ungezantsi wandule ukubhala isincoko esinesihloko esifanelekileyo. 1.7.1 [Ucatshulwe kwi-intanethi-www.googlesearch.com] [50] Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P3 4 DBE/Novemba 2020 SC/NSC 1.7.2 [Ucatshulwe kwi-intanethi-www.googlesearch.com] [50] AMANQAKU ECANDELO A: 50 Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P3 5 DBE/Novemba 2020 SC/NSC ICANDELO B: IMIHLATHI Khetha imihlathi ibe MIBINI kule ilandelayo uze ubhale ngayo. Bhala amagama ali-100–120 (umxholo kuphela). UMBUZO 2 2.1 ILETA YOBUHLOBO Bhalela umzali wakho umbulele ngenkxaso akunike yona kwizifundo zakho kulo nyaka. [25] 2.2 INGXOXO YABABINI Bhala ingxoxo phakathi kwakho notitshala wakho ngokubaluleka kokuzilolonga. [25] 2.3 INGXELO Bhala ingxelo ngomnyhadala wokhuphiswano lwengxoxo-mpikiswano ebeninayo nalapho nibuye nendebe. [25] 2.4 IRIVYU Bhala irivyu yenoveli oyithandayo. [25] 2.5 UDLIWANONDLEBE Bhala udliwanondlebe oluphakathi kwakho kunye nemvumi eyindumasi. [25] 2.6 ISIVI NELETA EYIKHAPHAYO UThemba Mlenze unomdla kwesi sithuba sibhengezwe ngezantsi. Bhala isivi yakhe neleta eyikhaphayo ngenjongo yokufumana lo msebenzi. ISITHUBA SOKUBA LIGOSA LENDLELA Uxanduva lwalo msebenzi kukuqinisekisa ukuba: 1. Izithuthi zisemgangathweni wokuba sendleleni. 2. Abaqhubi baqhuba ngamaphepha okuqhuba asemthethweni. 3. Abaqhubi bathwele inani elivumelekileyo labakhweli. 4. Isantya esivumelekileyo sokuqhuba. IZIQINISEKISO ZEMFUNDO *Ibanga leshumi elinambini nesetifikethi/idiploma yobugosa bendlela. *Isiqinisekiso sokuqhuba. AMAVA *Ukukwazi ukuthetha nokusebenzisana nabantu. *Ubuchule bokusebenzisa iteknoloji. *Kulindeleke umntu onamava eminyaka emithathu kulo msebenzi. [25] AMANQAKU ECANDELO B: 50 AMANQAKU EWONKE: 100 Akuvumelekanga ukufotokopa eli phepha