Skip to content

isiZulu HL Grade 12 Paper 1 November 2024 NSC Question Paper

Question paperisiZulu HLGrade 12202414 pages

Grade 12 isiZulu HL Paper 1 question paper from the November 2024 NSC, 14 pages. Read online or get the free PDF download, memo linked when available.

Free to read online, no sign-up needed

Answer online

Loading document…

Loading document…

November NSC 2024

Questions in this paper

Document textSearch extracted text and jump to a page.
Confidential NATIONAL SENIOR CERTIFICATE IBANGA LE-12 ISIZULU ULIMI LWASEKHAYA (HL) IPHEPHA LOKUQALA (P1) LWEZI 2024 AMAMAKI: 70 ISIKHATHI: Amahora ama-2 Leli phepha linamakhasi ayi-14. Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 2 DBE/Lwezi 2024 NSC Confidential IMIYALELO KWABAHLOLWAYO 1. Leli phepha lehlukaniswe IZIQEPHU EZINTATHU: ISIQEPHU A: Isivivinyo sokuqondisisa (30) ISIQEPHU B: Ukufingqa (10) ISIQEPHU C: Izakhiwo nezimiso zokusetshenziswa kolimi (30) 2. Phendula YONKE imibuzo ekuleli phepha. 3. Qalisa ISIQEPHU NGASINYE ekhasini ELISHA. 4. Hlukanisa ngokudwebela emuva kwesiqephu. 5. Faka izinombolo njengoba zisetshenzisiwe ephepheni. 6. Yeqa umugqa emuva kombuzo ngamunye. 7. Qaphela isipelingi kanye nokwakhiwa kwemisho. 8. Ungasebenzisa isikhathi sokubhala ngale ndlela elandelayo: ISIQEPHU A: Imizuzu engama-50 ISIQEPHU B: Imizuzu engama-30 ISIQEPHU C: Imizuzu engama-40 9. Bhala ngobunono futhi kubonakale. Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 3 DBE/Lwezi 2024 NSC Confidential ISIQEPHU A: ISIVIVINYO SOKUQONDISISA UMBUZO 1: UKUFUNDELA UKUQONDISISA 1.1 Fundisisa UMBHALO A ubuye ubukisise NOMBHALO B ongezansi bese uphendula imibuzo elandelayo. Nov UMBHALO A (OFUNDWAYO) IZIQHWAGA 1 INingizimu Afrika ihlaselwe isihlava sokuba nabantu abayiziqhwaga. Lo mkhuba uqale embonini yamatekisi. Kuye kwenzeke ukuthi kube nohlelo okuvunyelwane ngalo, lwashicilelwa phansi, lokuthi izimoto zizolandelana kanjani uma zilayisha. Iziqhwaga zivele zifohlise itekisi lazo. Zeqa umugqa ngenkani zilayishe kuqala. Azigcini lapho, uma 5 elinye itekisi seligcwele selithi liyahamba azinqeni ukuthulula bonke abagibeli bangene etekisini lazo elingekho emgqeni. Umshayeli oqhwagelwe abagibeli akukho angakusho, uthula du. Uthola ukuthi uze alayishe emuva kwesikhathi eside itekisi lakhe seliqale phansi layobamba ulayini kabusha. Lezi ziqhwaga zisatshiswa okwenyoka. 10 Kwesinye isikhathi ziphoqa bonke abashayeli ukuthi bakhokhe isamba semali esithile njalo ngosuku. Akekho futhi ongake athi vu abuze ipasi nesipesheli ngoba uyoyikhotha imbenge yomile. Konke lokhu okwenziwa iziqhwaga kuhlukumeza abashayeli. Basebenza ngokwesaba ngoba bathi bedla bebe bejeqeza. Kuqubuka inzondo 15 nelukuluku lokuphindisela. Abanye baze bancamele ukushiya umsebenzi wokushayela beyojika nelanga emakhaya. 2 Osomabhizinisi abasafufusa babhekene negwandla yeziqhwaga ezifuna umsebenzi ngodli. Lezi ziqhwaga zizingela abantu abasuke bethole amathenda okwenza noma yimuphi umsebenzi. Ziyabaphoqa 20 ukuthi bazinike ingxenye yomsebenzi. Zifika sezingasadle nkobe zamuntu zisho khona ukuthi nazo zilambile. Kuyenzeka futhi zithi aziyidingi ingxenye yomsebenzi kepha zifuna ukuthi lona othole ithenda azikhokhele isamba semali. Uma enqaba ukwenza ezikushoyo zimisa nse umsebenzi ungaqhubeki. Umuntu olahlekelwa 25 ngumsebenzi kanye nemali umnikazi wethenda. Kuphinde kuhlukumezeke nomphakathi obukade uzohlomula. Abantu abaningi abasekho nkamunkamu ukwenza umsebenzi wamathenda. Lezi ziqhwaga zivimbela intuthuko elethwa nguhulumeni, zibuye ziqedele abasuke bethole amathenda omsebenzi. Baningi abantu abalahlekelwe 30 yimali eningi. Esikhathini esiningi lobu buqhwaga benziwa ngabantu abaziwayo futhi nabomthetho bayathalalisa. Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 4 DBE/Lwezi 2024 NSC Confidential 3 Ukufunda nokufundisa kuyaphazamiseka kwezinye izikole. Lokhu kuphazamiseka kudalwa iziqhwaga ezivela kuwo umphakathi owakhele isikole. Othisha abangebona abendawo bakhishwa inyumbazane 35 babekwe amabala. Iziqhwaga ziyahlangana zakhe uzungu lokuxosha labo thisha. Zinjalo nje azinqeni ukusebenzisa izingane zesikole ukufeza izidingo zazo. Lokhu zikwenza ukuze kungene, kufundise noma kuphathe othisha bendawo. Okuxaka kakhulu ukuthi labo abazibiza ngothisha bendawo banele babe nezitifiketi zokufundisa babone sekufanele kudede 40 othisha okudala befundisa. Bayakhohlwa ukuthi ukuze ube nguthisha kumele uqashwe kuqala futhi ube nguthisha oqeqeshelwe izifundo ezifundwa kuleso sikole ofuna ukufundisa kuso. Okunye okufunwa yilezi ziqhwaga, ukuthi ezikoleni kufundise izingane zalowo mphakathi eziphase ibanga leshumi nambili kuphela. Zingafundisa kanjani zingakuqeqeshelwe 45 ukufundisa? Iziqhwaga zizithethelela ngokuthi inkankane nenkankane alidle umsundu wangakubo. Lesi senzo senza othisha basebenze ngokwesaba. Isikole asibe sisalawuleka kahle ngoba abafundi bayadungeka babe yimidlwembe. Kuba nemibhikisho kubuye kucekelwe phansi ingqalasizinda yesikole. Imiphumela yokuphasa kwabafundi iyehla 50 kakhulu. 4 Iziqhwaga sezingene nasezindaweni zamakhosi. Zingena umuzi nomuzi ziqoqe imali nyanga zonke ngenkani. Uma zibuzwa ukuthi eyani imali zivele zithi imali yokuthi zigade umphakathi. Ukuthi umphakathi awucelanga ukugadwa akudokwe ligayelwe wona lelo. Lezi ziqhwaga 55 azinazwelo ngoba imali ziyifuna ngisho nakulabo abahola impesheni. Umphakathi uyahlukumezeka. Eminye imizi izithola isingena ezikweletini ezingenasidingo. Azigcini lapho zingena umqasho nomqasho okhona endaweni zifike zitshele abaqashi ukuthi yizona esezizoqoqa imali yerenti. Umasitandi useyozwa ngabaqashi ukuthi kwenzekeni. Lezi ziqhwaga 60 zizenzela umathanda. Ziyithatha yonke imali yerenti kumbe zithi kumasitandi abahlukaniselane. Umasitandi ugcina esehluleka ukubhekana nezindleko zonke zokugcina umqasho usesimeni esifanele aphinde angabe esakwazi ukushaya umthetho, njengomthetho wokuthi azenekwa izingubo zilenge emafasiteleni. Umnikazi womqasho 65 usebenzele emuva kuhle kwenkukhu. Indaba yalezi ziqhwaga kukhulunywa ngayo emsakazweni nakumaphephandaba kepha akukho okungakho okwenziwayo okubonakalayo okwenziwa izinduna, amakhosi kanye namakhansela ukuvikela umphakathi kulezi ziqhwaga. 5 Kuningi okungenziwa ukuqeda iziqhwaga ezivimbezele intuthuko ezweni 70 lethu. Umthethosisekelo waseNingizimu Afrika ukubeka ngokusobala ukuthi wonke umuntu unelungelo lokukhululeka kanye nelungelo lokuthi angahlukunyezwa. Uhulumeni kumele kube nguye osukumela phezulu ukuqeda iziqhwaga ukuze kungabi kwamachanca kwampunzi edla emini. [Umbhalo wokuziqambela] KANYE Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 5 DBE/Lwezi 2024 NSC Confidential 1.2 Bukisisa lezi zithombe ezingezansi bese uphendula imibuzo elandelayo. UMBHALO B (OBUKWAYO) ISITHOMBE-1 ISITHOMBE-2 ISITHOMBE-3 ISITHOMBE-4 [zicashunwe ku: www.bully.com] IMIBUZO YOMBHALO A (OFUNDWAYO) 1.1 Shono ukuthi yisiphi isihlava esesihlasele iNingizimu Afrika. (1) 1.2 Yisho imikhuba EMIBILI eyenziwa yiziqhwaga embonini yamatekisi. (2) 1.3 Chaza kafushane izinkinga ezibhekene nosomabhizinisi abasafufusa. (2) 1.4 Fingqa ngamaphuzu AMANE izinkinga ezidalwa iziqhwaga mayelana nomsebenzi otholwa ngabantu abasuke bezuze amathenda. (4) 1.5 Khetha impendulo enembayo kulezi ezilandelayo: Usala encela isithupha kuchaza … A ukuzisola. B ukudideka. C ukuhlupheka. D ukuthukuthela. (1) Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 6 DBE/Lwezi 2024 NSC Confidential 1.6 Ucabanga ukuthi ungaba njani umphumela ezikoleni uma kugcina kufundisa abantu bendawo kuphela? Sekela impendulo yakho. (2) 1.7 Iyini inhloso yombhali yokubhala lesi siqephu? (2) 1.8 Ngabe ukusetshenziswa kwesimo sokukhuluma esibhalwe ngokugqamile kukulekelele kanjani ukuqonda umqondo wale ndaba? Sekela impendulo yakho. (2) 1.9 Ngokucabanga kwakho kungani umbhali walesi siqephu ethi umnikazi womqasho usebenzela emuva kuhle kwenkukhu? (2) 1.10 Uyazwelana yini nomphakathi ngenxa yezenzo zalezi ziqhwaga? Sekela impendulo yakho. (2) KANYE IMIBUZO YOMBHALO B (OBUKWAYO) 1.11 Chaza okwenzeka esithombeni soku-1. (2) 1.12 Nikeza okungumehluko okwenzeka esithombeni sesi-2 nesesi-3. (2) 1.13 Qhathanisa umqondo oqukethwe UMBHALO A ofundwayo isigaba sesi-3 kanye noqukethwe UMBHALO B obukwayo isithombe sesi-4. (4) 1.14 Ngokucabanga kwakho yikuphi okungenziwa nguhulumeni ukunqanda lesi sihlava sobuqhwaga? (2) AMAMAKI ESIQEPHU A: 30 Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 7 DBE/Lwezi 2024 NSC Confidential ISIQEPHU B: UKUFINGQA UMBUZO 2: UKUFINGQA ISIQESHANA NGAMAGAMA AKHO Lesi siqeshana esilandelayo (UMBHALO C) simayelana nezizathu ezenza ukuthi abafundi beqe ezikoleni. IMIYALELO: 1. Fingqa lesi siqeshana esimayelana nezizathu ezenza ukuthi abafundi beqe ezikoleni usebenzise amagama akho angedluli kwangama-70. 2. Fingqa ngesigaba KUPHELA esiqukethe amaphuzu ayisi-7. 3. Ungabe usasibhala isihloko uma usufingqa lesi siqeshana. 4. Bhala inani lamagama owasebenzisile ekugcineni kwesiqeshana osifingqile. UMBHALO C IZIZATHU EZENZA UKUTHI ABAFUNDI BEQE EZIKOLENI Kungumkhuba ovamile ukuthi izikole zibhekana nenkinga yabafundi abeqa ngesikhathi sokufunda. Bashiya amagumbi okufundela ngaphandle kwesizathu esinqala. Ngisho sebebanjiwe ukuthi bahambe isikole singakaphumi, kepha abawuyeki lo mkhuba. Izizathu zokweqa kwabafundi zehlukene. Izikole ezigudle ugu zinenkinga yabafundi abaphuma isikhathi sokuphuma singakashayi beyobhukuda olwandle. Bashutheka izingubo zokubhukuda esikhwameni sezincwadi. Babhukuda usuku lonke babuyele ntambama emakhaya kube sengathi babuya esikoleni. Baphutha ukuya emagunjini okufunda ngoba besuke beyobamba amatoho okusebenza emasimini ikakhulukazi izikole ezakhe eduze kwamapulazi. Basuke beyotshala, beyohlakula noma beyovuna amasimu. Kuyaxaka ngoba ngeke ubathole betshala izingadi emakubo. Bagqoka izingubo ezingamanikiniki benzela ukuthi babukeke bebadala kuneminyaka yabo ngoba bayazi ukuthi izingane ezisafunda isikole aziqashwa. Enye yezimbangela eyenza abafundi beqe esikoleni ukufuna ukuyokwenza amadili anhlobonhlobo okuzijabulisa. Kulawo madili ziningi izinto ezingekho emthethweni abasuka bezijabulisa ngazo. Singabala ukubhema izidakamizwa, ukuphuza uphuzo oludakayo, njl. Kusuke kukwamachangca kwampunzi edla emini ngoba kuleyo mizi basuke bengekho abantu abadala. Imifaniswano yesikole iyakhishwa bese begqoka izingubo ezingaziwa emakhaya. Umthetho we-National Liquor Authority awuvumeli ukuthi izindawo ezidayisa utshwala zakhiwe eduze nezikole kanye namasonto. Baningi abangawuhloniphi lo mthetho yingakho abafundi beqa beyocwila ezinkambeni zikaFaro. Kubuhlungu ukubona umfundi ediyazela ebe efake umfaniswano wesikole. Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 8 DBE/Lwezi 2024 NSC Confidential Izikole ezakhe eduze kwenxanxathela yezitolo ziba nenkinga yabafundi abashiya izifundo ukuze beyoqhuba izinqola ezithwala izimpahla zabathengi. Ubathola sebexabana bodwa bebanga amakhasimende. Bayobambana ngezihluthu kuze kudabuke nezingubo zesikole. Kuvamile ezikoleni ukuthola abafundi behamba beyohlala emuva kwezindlu zokuzikhulula ngesikhathi sokufunda ngenhloso yokuthamela ilanga nokuphafuza ugwayi. Othisha ubathola belokhu bebakhalima wena owabona umelusi exosha imfuyo. Okushaqisa kakhulu isenzo sabanye abantu abadala abaye bafike emahhovisi esikole bezocela abafundi bethi bangabazali babo kanti bangamasoka abizwa ngama 'blesser'. Uma kwenzeka bengabuyeli emakhaya ngesikhathi sokuphuma kwesikole yilapho kuzovela khona ukuthi bekungeyena umzali lowo. Abafundi abenza lo mkhuba basalela emuva ezifundweni futhi bangaba nebhadi lokuhlangabezana nengozi. [Umbhalo wokuziqambela] AMAMAKI ESIQEPHU B: 10 Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 9 DBE/Lwezi 2024 NSC Confidential ISIQEPHU C: IZAKHIWO NEZIMISO ZOKUSETSHENZISWA KOLIMI UMBUZO 3: UKUHLAZIYA ISIKHANGISI Fundisisa lesi sikhangisi (UMBHALO D) bese uphendula imibuzo ezolandela. UMBHALO D (OFUNDWAYO NOBUKWAYO) DURBAN JULY LO MJAHO WAQALA KULELI NGONYAKA WE-1897! IBANGA ELIGIJINYWAYO: 2 200 km WALALA WASALA! QHUDE MANIKINIKI - ZINDALA ZOMBILI USUKU: 06 JULAYI 2024 INKUNDLA: Greyville Racing Grounds Ixhaswe- inkampani yokugembula: Hollywood  Amaphanta azozitika ngomqhudelwano onedumela! Amathikithi abiza: R2 500 kuya ku-R6 000  Lo mjaho wamahhashi uba kanye njalo ngonyaka.  Osaziwayo bazobe bedlisela ngengqephu! Amathikithi athengwa ubuthaphuphu kulezi zinkundla. PHUTHUMA: [Icashunwe ekhasini le-Durban July] 3.1 Shono ukuthi yini ekhangiswayo kulesi sikhangisi. (1) 3.2 Chaza kafushane ngokusetshenziswa kwezimpawu zokuxhumana ezitholakala kulesi sikhangisi. (3) Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 10 DBE/Lwezi 2024 NSC Confidential 3.3 Ucabanga ukuthi ukusetshenziswa kukasaziwayo kulesi sikhangisi kunamphumela muni? (2) 3.4 Sebenzisa igama elidwetshelwe emshweni ozakhele wona ukukhombisa ukuthi incazelo yalo uyayiqonda. (2) 3.5 Phawula ngekhono lomkhangisi lokusebenzisa izithombe kulesi sikhangisi. (2) [10] Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 11 DBE/Lwezi 2024 NSC Confidential UMBUZO 4: UKUHUMUSHA IKHATHUNI Bukisisa UMBHALO E bese uphendula imibuzo elandelayo. UMBHALO E (OFUNDWAYO NOBUKWAYO) IFREYIMU YOKU-1 IFREYIMU YESI-2 [Ithathwe ku-successcartoons yahunyushwa] 4.1 Nikeza umuzwa ovezwa yinkulumo yalaba abahlekayo kule khathuni. (2) 4.2 Chaza kafushane ukuthi zisetshenziselweni izibiyelo ezingefani efreyimini yoku-1. (2) Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 12 DBE/Lwezi 2024 NSC Confidential 4.3 Ngabe le khathuni engenhla ihleleke kanjani? Khetha impendulo enembayo kulezi ezilandelayo: A Iyaqhathanisa ibuye yehlukanise B Ithula inkinga nesisombululo C Iyachaza ibuye ilandise D Ithula izigameko ngokweminyaka (1) 4.4 Ucabanga ukuthi amagama athi, 'Nathi sayifunda kanjalo ingqayika' atholakala kule khathuni agudliselani? (1) 4.5 Ucabanga ukuthi izimpawu eziyimidwebo emufushane etholakala kule khathuni zisetshenziselweni? Sekela impendulo yakho. (2) 4.6 Phawula ngomuzwa oqukethwe isigejana samagama adwetshelwe kule khathuni. (2) [10] Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 13 DBE/Lwezi 2024 NSC Confidential UMBUZO 5: IZAKHIWO NEZIMISO ZOKUSETSHENZISWA KOLIMI Funda lesi siqeshana esingezansi bese uphendula imibuzo elandelayo. UMBHALO F ISIPHANDLA 1 Abantu basebenzisa izindlela eziningi ukuhloba nokugcina isiko. Elinye ilunga lomzimba elivame ukusetshenziswa isihlakala. Zintathu izinhlobo zesiphandla eziye zifakwe esihlakaleni. Isiphandla esenziwa ngomdweshana owelukwe ngotshani ogqokwa esihlakaleni. Ubuhle balesi siphandla buya ngekhono lwaloyo olukayo ukuthi ukwazi kangakanani ukukhipha ikhono lakhe lokweluka. 5 Wonke umuntu angasigqoka lesi siphandla uma esithanda. Olunye uhlobo lwesiphandla yilelo oluklonyeliswa insizwa okuyimendlela yempi eklonyeliswa ngoba ihlabene empini. Insizwa iyaye ibonwe njengeqhawe esizweni izigqaje ngaso ngoba sisho ukuthi isebenzile yavikela isizwe. 2 Kuvamile-ke kulesi sikhathi samanje ukuthi kubonakale abantu abangamaZulu 10 begqize ngesiphandla sesikhumba esisikwa enqineni lembuzi. Lesi siphandla siyahlonishwa kakhulu ngoba sigqizwa ngemuva kokuhlatshwa kubongwa noma kushwelezwa kwabaphansi ngokwenzekile obekungafanele. Kwesinye isikhathi lesi siphandla sifakwa yilowo osuke ehlabe imbuzi ecelelwa izinhlanhla. Siyahlonishwa lesi siphandla futhi asikhishwa nje noma yinini, size 15 sizinqamukele. Abangazi bangaze bathi umuntu ofuna ukuvunula uvele asifake nje lesi siphandla uma ethanda. [Umbhalo wokuziqambela] 5.1 Shono ukuthi isakhi esidwetshelwe emgqeni wesi-3 sisetshenziselweni. (1) 5.2 Phinda ubhale igama elidwetshelwe elitholakala emgqeni wesi-6 selikhomba ukuphika. (1) 5.3 Sebenzisa igama elidwetshelwe emgqeni wesi-7 emshweni ozakhele wona selinikeza umqondo ohlukile kunalo osendabeni. (2) 5.4 Chaza kafushane ukuthi igama elibhalwe ngokugqamile emgqeni wesi-8 lisetshenziselweni. (2) 5.5 Khetha impendulo EYODWA eshaya emhlolweni kulezi ezilandelayo: Shono ukuthi le thekisthi ihleleke kanjani: A Ukuchaza B Ukuhlaziya C Ukulandelana D Ukuhlukanisa (1) Akuvumelekile ukukopisha leli phepha Pheqa ikhasi
IsiZulu Ulimi Lwasekhaya (HL)/P1 14 DBE/Lwezi 2024 NSC Confidential 5.6 Emshweni odwetshelwe emgqeni we-15 kuya kowe-16, khipha isihlanganiso, u 'futhi' bese ubhala lo musho usunesihlanganiso esikhomba isizathu. (1) 5.7 Lisetshenziselweni igama elibhalwe ngokugqamile emgqeni we-16? (2) [10] AMAMAKI ESIQEPHU C: 30 AMAMAKI ESEWONKE: 70 Akuvumelekile ukukopisha leli phepha

Study this subject

More from Grade 12 isiZulu HL

View all