IsiZulu HL P2 May June 2024

Confidential SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS ISIZULU ULIMI LWASEKHAYA (HL) IPHEPHA LESIBILI (P2) UNHLABA/UNHLANGULANA 2024 AMAMAKI: 80 ISIKHATHI: Amahora ama-2½ Leli phepha linamakhasi angama-29. Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 2 DBE/Unhlaba/Unhlangulana 2024 SC/NSC Confidential IMIYALELO KWABAHLOLWAYO 1. Fundisisa kahle imiyalelo ngaphambi kokuba uqale ukuphendula imibuzo. 2. Ungafundi imibuzo yonke yephepha. Qala ubheke uhla lokuqukethwe olukhonjisiwe bese ukhetha imibhalo oyifundile kulo nyaka. Emuva kwalokho, funda imibuzo yaleyo mibhalo bese ukhetha imibuzo ozoyiphendula. 3. Leli phepha LINEZIQEPHU EZINTATHU: ISIQEPHU A: Izinkondlo (30) ISIQEPHU B: Inoveli/Ubuciko bomlomo (25) ISIQEPHU C: Umdlalo (25) 4. Phendula imibuzo EMIHLANU isiyonke: ISIQEPHU A: Imibuzo EMITHATHU, ISIQEPHU B: Umbuzo OWODWA, ISIQEPHU C: Umbuzo OWODWA njengoba kukhonjisiwe ngezansi. ISIQEPHU A: IZINKONDLO IZINKONDLO EZIMISELWE – Phendula noma yimiphi imibuzo EMIBILI. INKONDLO ENGAMISELWE – UPHOQELEKILE ukuphendula lo mbuzo. ISIQEPHU B: INOVELI/UBUCIKO BOMLOMO Phendula umbuzo OWODWA. ISIQEPHU C: UMDLALO Phendula umbuzo OWODWA. 5. INDLELA YOKUPHENDULA IMIBUZO YESIQEPHU B (INOVELI/UBUCIKO BOMLOMO) KANYE NEYESIQEPHU C (UMDLALO).  Phendula KUPHELA umbuzo wenoveli/ubuciko bomlomo kanye nomdlalo owufundile.  Phendula UMBUZO OWODWA OMUDE kanye NOWODWA OMFUSHANE. Uma ukhetha ukuphendula umbuzo omude ESIQESHINI B, kufanele uphendule umbuzo omfushane ESIQESHINI C. Uma ukhetha ukuphendula umbuzo omfushane ESIQESHINI B, kufanele uphendule umbuzo omude ESIQESHINI C. Sebenzisa uhla oluyinkomba lokuphendulwa kwemibuzo ukuze lukwelekelele ekukhetheni imibuzo. 6. UBUDE OBULINDELEKILE BEZIMPENDULO  Impendulo yombuzo omude ezinkondlweni mayibe ngamagama ayi-190 kuya kwangama-240.  Izimpendulo zemibuzo emide enovelini/ebucikweni bomlomo kanye nasemdlalweni mazibe ngamagama angama-340 kuya kwangama-390.  Ubude bezimpendulo zemibuzo emifushane buyolekelelwa amamaki anikeziwe okuyiwona ayolawula ohlolwayo ukuthi kumele aphendule kangakanani. Abafundi mabaqaphele ukuthi bangathemelezi kodwa baphendule okubuziwe. Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 3 DBE/Unhlaba/Unhlangulana 2024 SC/NSC Confidential 7. Landela ngokucophelela imiyalelo oyinikeziwe ekuqaleni kwaleso naleso siqephu. 8. Qaphela ukuthi izinombolo ozisebenzise ezimpendulweni zakho ziyahambisana nalezo ezisetshenziswe abahlolayo emibuzweni. 9. Qalisa isiqephu NGASINYE ekhasini ELISHA. 10. Ukusetshenziswa kwesikhathi kungahlelwa ngale ndlela: ISIQEPHU A: Imizuzu engama-40 ISIQEPHU B: Imizuzu engama-55 ISIQEPHU C: Imizuzu engama-55 11. Bhala ngobunono nangesandla esibonakalayo. Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 4 DBE/Unhlaba/Unhlangulana 2024 SC/NSC Confidential OKUQUKETHWE Leli khasi liyolekelela abahlolwayo ukuba bakhethe imibuzo abazoyiphendula ngaphandle kokufunda imibuzo yephepha lonke. ISIQEPHU A: IZINKONDLO Izinkondlo ezimiselwe: Phendula noma ngabe yimiphi imibuzo EMIBILI. INOMBOLO YOMBUZO UMBUZO AMAMAKI INOMBOLO YEKHASI 1. 'Izingxabo Zomnyezane' Umbuzo omude 10 6 2. 'Ukuthula' Umbuzo omfushane 10 7 3. 'Musani' Umbuzo omfushane 10 8 4. 'Impi' Umbuzo omfushane 10 9 KANYE Nenkondlo engamiselwe: Uphoqelekile ukuphendula lo mbuzo. 5. 'Yiba Nabo Nkosi' Umbuzo omfushane 10 10 QAPHELA: Phendula UMBUZO OWODWA OMUDE kanye NOWODWA OMFUSHANE. Uma ukhetha ukuphendula umbuzo omude ESIQESHINI B, kufanele uphendule umbuzo omfushane ESIQESHINI C. Phendula umbuzo OWODWA ESIQESHINI B kanye nowodwa ESIQESHINI C. ISIQEPHU B: INOVELI/UBUCIKO BOMLOMO INOVELI: Phendula umbuzo OWODWA kule noveli emiselwe. 6. Bengithi Lizokuna Umbuzo omude 25 11 7. Bengithi Lizokuna Umbuzo omfushane 25 11 8. Usumenyezelwe-ke Umcebo Umbuzo omude 25 13 9. Usumenyezelwe-ke Umcebo Umbuzo omfushane 25 13 10. Kunjalo-ke Umbuzo omude 25 15 11. Kunjalo-ke Umbuzo omfushane 25 15 12. Impi Yabomdabu Isethunjini Umbuzo omude 25 17 13. Impi Yabomdabu Isethunjini Umbuzo omfushane 25 17 NOMA UBUCIKO BOMLOMO: Phendula umbuzo OWODWA kolobu buciko bomlomo obumiselwe. 14. Uju Lwezizukulwane Umbuzo omude 25 19 15. Uju Lwezizukulwane Umbuzo omfushane 25 19 ISIQEPHU C: UMDLALO Phendula umbuzo OWODWA kule midlalo emiselwe. 16. Kudela Owaziyo Umbuzo omude 25 23 17. Kudela Owaziyo Umbuzo omfushane 25 23 18. Awuwelwa UMngeni Umbuzo omude 25 25 19. Awuwelwa UMngeni Umbuzo omfushane 25 25 20. Ubhuku Lwamanqe Umbuzo omude 29 27 21. Ubhuku Lwamanqe Umbuzo omfushane 29 27 QAPHELA: Phendula UMBUZO OWODWA OMUDE kanye NOWODWA OMFUSHANE ESIQESHINI B kanye NASESIQESHINI C. Akuvumelekile ukuphendula imibuzo EMIBILI emide noma EMIBILI emifushane. 2024 Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 5 DBE/Unhlaba/Unhlangulana 2024 SC/NSC Confidential Uhla oluyinkomba yokuphendulwa kwemibuzo. Emuva kokuphendula imibuzo yaleli phepha sebenzisa lolu hla oluyinkomba yokuphendulwa kwemibuzo ukuze ube nesiqiniseko sokuthi uyikhethe ngokufanele imibuzo okulindeleke uyiphendule. ISIQEPHU INOMBOLO INANI THIKA YEMIBUZO LEMIBUZO EPHENDULIWE A: IZINKONDLO (Ezimiselwe) 1–4 2 A: INKONDLO (Engamiselwe) 5 1 B: INOVELI (Umbuzo omude NOMA 6–13 1 omfushane) NOMA B: UBUCIKO BOMLOMO (Umbuzo omude NOMA 14–15 1 omfushane) C: UMDLALO (Umbuzo omude NOMA 16–21 1 omfushane) QAPHELA: ESIQESHINI B no C, qinisekisa ukuthi uphendule umbuzo OWODWA OMFUSHANE. Awuvumelekile ukuphendula imibuzo EMIBILI emide noma imibuzo EMIBILI emifushane. ESIQESHINI B, khetha phakathi kwenoveli nobuciko bomlomo, uphendule UMBUZO OWODWA, ungaphenduli ngazo zombili lezi zinhlobo zemibhalo. Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 6 DBE/Unhlaba/Unhlangulana 2024 SC/NSC Confidential ISIQEPHU A: IZINKONDLO IZINKONDLO EZIMISELWE Phendula noma yimiphi imibuzo EMIBILI kulena emine ebuziwe elandelayo. UMBUZO 1 (UMBUZO OMUDE) Fundisisa le nkondlo bese uphendula umbuzo olandelayo. IZINGXABO ZOMNYEZANE – EJ Mhlanga 1 Ngilangazel' ukudepha kwelenjulo, 2 Kotatalambu bezingxabo zomnyezane, 3 Laph' ukujula kwenjulo, 4 Kuyingcebo yomhlaba nezulu, 5 Laph' ukuphelela konke kwempilo, 6 Kuyisiyalu somthombo ompompoza, 7 Ingunaphakade. 8 Ngilubalubel' ukugxila kwelenjulo, 9 Ngizinz' ekujuleni kwenkululeko yomphefumulo, 10 Ngizinz' ekuthuleni ngijabul' unomphela, 11 Ngifund' ukudons' amanz' ezinkalweni, 12 Ngikhephuzel' uhlaza ubusika nehlobo, 13 Ngizwe imvunge yemvelo ivungama 14 Ingoma kaqinadolo nethemb' elizayo. 15 Ngilangazel' ukudeph' okujulile, 16 Kulezo zimpande zemingamanzi ngigcule, 17 Ngivunulis' ubuchopho ngohlaza. 18 Lwamaqabung' ayonginqwambis' okweqhawe; 19 Kuleyo mithombo yeziziba ngingaphinde ngome, 20 Ngigiye ngiqephuze ngosiba lakwaNgqondonkulu, 21 Ngiqoth' uphoko nokhothe lwendlela, 22 Nabazukulu badle kuchitheke inyongo, 23 Bafinye ngendololwane bethabile. Xoxa ngempumelelo yembongi ekukhetheni amagama anothile ukugqamisa umoya wale nkondlo. Impendulo yakho mayibe yi-eseyi ehleleke kahle ibe namagama ayi-190 kuya kwangama-240. [10] Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 7 DBE/Unhlaba/Unhlangulana 2024 SC/NSC Confidential UMBUZO 2 (UMBUZO OMFUSHANE) Fundisisa le nkondlo bese uphendula imibuzo elandelayo. UKUTHULA – BW VilakazI 1 Uma thina sobabili singahlala lapha, 2 Sicambalale osebeni lolwandle nogu, 3 Ehlabathin' elimhloph' eligcwel' ufasimbe, 4 Lapho kugcwel' ukuthula komhlaba nezulu 5 Yiyo le ndaw' eyenza mina ngiqumbelane 6 Usikisiki lomphefumulo nonembeza. 7 Le ndaw' egcwel' inhlokomo, kuyo kubuthene 8 Konk' okuhle nokuphas' umphefumulo wami. 9 Kuyona ngizw' amazwan' abantu bekhuluma, 10 Abant' abahamba ngezinyawo nangomoya, 11 Abanye bentanta nangaphezulu kwamanzi. 12 Bayasikhohlisa bathi ngamahlengethwa, 13 Abanye balokhu benyakazisana nemithi, 14 Benyakazisana nezindwan' eziluhlaza. 15 Kuthi nxa siyobuza kuthiwe yiwona moya. 16 Ngiyabezwa bekhuluma, woza ungizwise. 17 Ngiyabathanda, bayangithanda, woz' uzizwele. 2.1 Tomula ifanamsindo elitholakala emgqeni wesi-1. (1) 2.2 Chaza kafushane umqondo osobala otholakala emgqeni wesi-9 kuya kowe-14. (3) 2.3 Chaza ngokusetshenziswa kwe-injambamenti etholakala emgqeni wesi-4 kuya kowesi-6. (2) 2.4 Iyini inhloso yembongi yokusebenzisa imvumelwanosiqalo emigqeni we-16 kuya kowe-17? (2) 2.5 Hlaziya ukusetshenziswa kwethoni kule nkondlo. (2) [10] Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 8 DBE/Unhlaba/Unhlangulana 2024 SC/NSC Confidential UMBUZO 3 (UMBUZO OMFUSHANE) Fundisisa le nkondlo bese uphendula imibuzo elandelayo. MUSANI! – MSS Gcumisa 1 Musani ukukhala, 2 Musani ukubibitheka, 3 Musani ukulila, 4 Nimlilelelani u … ma? 5 Kanazi yini ukuthi uyephi na? 6 Kanazi yini ukuthi ubizwephi na? 7 Kanazi yini ukuth' ungokabani na? 8 Kaniqondi yini ukuth' akuwenu na? 9 Pho, nihlushwa yin' um'esey' ekhaya? 10 Pho anithokozi ngani um' esey' ekhaya? 11 Thulani nithokoze lokh' usebiziwe, 12 Thulisan' abathuthumelayo ngosebiziwe. 13 Vuman' ukuthi ubizwe nguyena. 14 Vulan' izinhliziyo zenu kuyena. 3.1 Tomula imigqa emithathu eveza impindamqondo etholakala kule nkondlo. (1) 3.2 Chaza kafushane indikimba yale nkondlo. Bhekisa impendulo yakho emgqeni wesi-5 kuya kowesi-8. (3) 3.3 Yini inhloso yembongi yokusebenzisa isikhawu/isizura emgqeni wesi-9? (2) 3.4 Chaza ngokusetshenziswa kwesifengqo esitholakala emgqeni we-11 kule nkondlo. (2) 3.5 Xoxa ngomoya wokuncenga otholakala emgqeni we-13 kuya kowe-14. (2) [10] Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 9 DBE/Unhlaba/Unhlangulana 2024 SC/NSC Confidential UMBUZO 4 (UMBUZO OMFUSHANE) Fundisisa le nkondlo bese uphendula imibuzo elandelayo. IMPI – SRC Shongwe 1 Ngamaviyoviyo, 2 Kudedangendlale wenkundla, 3 Amaviyo nezingeqiwa ntwala, 4 Amaviyo namanxebakazi, 5 Amaviyo nemikhontshwana. 6 Lopha ngaphakathi igazi, 7 Uwonk' uyafis' ukuyilwa, 8 Akuyon' eyamanyamfokwe, 9 Ngimi nowami umkhontshwana, 10 Ngimi nesam' isihlangwana, 11 Seyigwazwa bukhoma manje. 12 Amavak' amb' ambulula! 13 Kunamuhla kubus' ukuzisola, 14 Ngokwesab' ukugadla kule mpi, 15 Ungebizelwe muntu kule mpi, 16 Mfowethu yilwa le mpi! 17 Yilw' usenesikhathi, 18 Nami ngayilwa nganqoba, 19 Yilw' imini nobusuku, 20 Nom' izikhali zikusinda, 21 Ungayek' ukugadla, 22 Khohlwa yimiyocu, 23 Khohlw' udumo, 24 Yilwe le mpi! 4.1 Nikeza ukuxhumana okutholakala ebinzeni loku-1. (1) 4.2 Fingqa ngamaphuzu AMATHATHU okushiwo ibinza lesi-2. (3) 4.3 Iyini inhloso yembongi yokusebenzisa ifanamsindo emgqeni we-13? (2) 4.4 Ngabe ukukhethwa kwamagama adwetshelwe ebinzeni lesi-4 akwelekelele kanjani ukuqonda leli binza? (2) 4.5 Phawula ngempumelelo yokusetshenziswa ngokuphindaphinda igama, 'impi' kule nkondlo. (2) [10] KANYE Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 10 DBE/Unhlaba/Unhlangulana 2024 SC/NSC Confidential INKONDLO ENGAMISELWE (Uphoqelekile ukuphendula lo mbuzo) UMBUZO 5 (UMBUZO OMFUSHANE) Fundisisa le nkondlo bese uphendula imibuzo elandelayo. YIBA NABO NKOSI – TE Nxumalo 1 Bawe bevuka ngenxa yami, 2 Kungekho nokuthi benze ngokunye. 3 Imini nobusuku kuzefanela nje. 4 Bathi hlwathi lapho kunzima. 5 Inguquza esikuyo ibathusile 6 Lapho bebona ameva ayo. 7 Bangifukamela ngentokomalo 8 Eye yangenza ngafofobala. 9 Bangifundise okubi nokuhle. 10 Bangifunza isinkwa saphakade. 11 Kudlange ingebhe lapho ngingekho 12 Ngisathathwe izimo zakwaMhlaba. 13 Ngikhule ngaba yindoda 14 Luth' ukuphuma kwezab' izinhliziyo. 15 Nanamuhla bathilileka bethililekile 16 Ngenxa yothando, yeka uthando. 17 'Sengathi iNkosi inganani, 18 Noma isondo seliphenduka 19 Liphenduke linganiphendukeli' 20 Nkosi! Yiba nabo njalo! 5.1 Nikeza izifengqo ezitholakala kule migqa elandelayo: 5.1.1 Bawe bevuka ngenxa yami, 5.1.2 Bathi hlwathi lapho kunzima. (2) 5.2 Chaza kafushane ukusetshenziswa kwe-enjambamenti emgqeni wesi-7 kuya kowesi-8. (2) 5.3 Iyini inhloso yembongi yokusebenzisa imvumelwanosiqalo ebinzeni lesi-3? (2) 5.4 Chaza umqondo osobala otholakala ebinzeni lesi-4. (2) 5.5 Hlaziya umoya wokuncenga otholakala ebinzeni lesi-5. (2) [10] AMAMAKI ESIQEPHU A: 30 Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 11 DBE/Unhlaba/Unhlangulana 2024 SC/NSC Confidential ISIQEPHU B: INOVELI/UBUCIKO BOMLOMO Khetha uhlobo OLULODWA lombhalo phakathi KWENOVELI NOBUCIKO BOMLOMO, uphendule ngokulandela imiyalelo engezansi. INOVELI Phendula umbuzo OWODWA ngencwadi oyifundile. UMBUZO 6 (UMBUZO OMUDE) BENGITHI LIZOKUNA – NG Sibiya Ukuthatha izinqumo uzicabangela wena wedwa kungaba nomphumela ongemuhle kuwena uqobo nakwabanye abantu. Fakazela lesi sitatimende ubhekise kokwenzeka kule noveli. Impendulo yakho mayibe yi-eseyi ehleleke kahle ngokwezigaba ze-eseyi ibe namagama angama-340 kuya kwangama-390. [25] UMBUZO 7 (UMBUZO OMFUSHANE) BENGITHI LIZOKUNA – NG Sibiya Fundisisa lesi siqeshana senoveli bese uphendula imibuzo elandelayo. ISIQESHANA A 'Wayechichima injabulo uNontobeko. Wayehleli embhedeni ehhotela iBlue Waters ebuka ulwandle laphayana ezansi, amagagasi alo ekhazinyuliswa yinyanga eyayiyibhamuza laphayana esibhakabhakeni, nayo kusengathi iyamamatheka bakithi, yenanela le njabulo eyayigubuzele uNontobeko, ihambisana novadlwana nokho. Izindaba ayezizwe ngoNgidi ntambama zokuthi uShezi uthi usetholakele uMhlengi 5 zazimenze wahlanya ngenxa yenjabulo. Wayesefisa ukuthi kuse nje baye kuMhlengi. Kazi uzothini bakithi eseshaywa nge-surprise enje?' ezibuza enikina ikhanda, elungiselela ukuya eHoliday Inn eSouth Beach lapho okwakungenise khona oNgidi. Wayesethi uvala umnyango uyaphuma ngenkathi ekhumbula ukuthi kwase kuyisikhashana agcina ukukhuluma nonina. Wayesehalela nokumtshela nje ukuthi 10 usetholakele uMhlengi, liyakhula nethemba lokuthi kusengenzeka nje bakithi babuyelane uma kungukuthi uMhlengi akakamtholi umaqondana. Wayicinga-ke inamba kanina, wamshayela. 'Hawu mntanami, kunini nje ngifisa ukukhuluma nawe?' ebuza ngomunyu ehefuzela. 'Ngiyaxolisa mama, ngisanganiswe yindaba kaMhlengi.' 15 'Thina sisanganiswe yindaba kaNkululeko.' 'Indaba kaNkululeko?' ebuza ehwaqa, lumshaya lumqeda uvalo. 'Yebo, ushonile uNkululeko.' 'Ushonile?' ebuza ngeliqhaqhazelayo. 'Impela, utholakale ezilengisile.' 20 'Yehheni bakithi, nini kodwa?' Qaphu qaphu. Qaphu qaphu. Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 12 DBE/Unhlaba/Unhlangulana 2024 SC/NSC Confidential Baqeda ukukhuluma nje sekuyizinyembezi zodwa kuNontobeko. Bavalelisane-ke, bethembisana khona ukuthintana. Wake wahlala phansi emva kokuvalelisana nonina, wasidinda futhi isililo. 25 'Waze wafa ngenxa yami Nkululeko bakithi,' ehlengezela izinyembezi, ephephuka eyobheka ithishu yokwesula izinyembezi, ezesula, eqonda esibukweni. Wama isikhashana phambi kwesibuko, wazesulisisa izinyembezi. Wabuye waziqinisa, wathi ukuziphophotha kancane enzela ukuba abantu bangamboni ukuthi kade ekhala. Cha, uphuma nje usengconywana impela. Uqambe efika ehhotela okungenise kulo 30 oNgidi, cha, usungabe uyamqambela ukuthi uke wakhala. [Isahluko 10, ikhasi 142–143] 7.1 Shono ukuthi kungani umlingiswa onguNontobeko enomuzwa wokujabula ekuqaleni kwalesi siqeshana? (2) 7.2 Nikeza isigameko esenza ukuba uNontobeko akhale kulesi siqeshana. (2) 7.3 Fingqa ngamaphuzu AMATHATHU isigameko sokwenzeka koNgidi ngenkathi uNdumiso ehlasela aze ambophe ngentambo. (3) 7.4 Chaza kafushane umoya ongafani ovezwa umlingiswa onguNontobeko kulesi siqeshana. (3) 7.5 Chaza isigameko esifihlelwe umlingiswa onguNgidi ubhekise impendulo yakho esenzweni somseshi ozimele uShezi. (3) 7.6 Ngabe yimuphi umyalezo odluliswa umbhali kubantu abafuna ukungena ebudlelwaneni bezothando? Bhekisa impendulo yakho kumlingiswa onguNkululeko. (2) 7.7 Isenzo sikaXolani sokushiya uLungile noSabelo simveza njengomlingiswa onjani uXolani? Sekela impendulo yakho. (2) 7.8 Ucabanga ukuthi ukwaliwa kukaNontobeko nguMhlengi ngaphandle kokumtshela isizathu kube namphumela muni empilweni kaNontobeko? Sekela impendulo yakho. (3) 7.9 Ngokubona kwakho isenzo sikaNontokobeko sokuyobheka uMhlengi aze afike kwaNgidi siyakholeka yini? Sekela impendulo yakho. (2) 7.10 Xoxa ngokuhlolisisa impumelelo yombhali yokusethulela isigameko sokusha kwezingane zikaXolani. (3) [25] Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 13 DBE/Unhlaba/Unhlangulana 2024 SC/NSC Confidential UMBUZO 8 (UMBUZO OMUDE) USUMENYEZELWE-KE UMCEBO – MJ Mngadi Ukuthatha izinqumo uzicabangela wena wedwa kungaba nomphumela ongemuhle kuwena uqobo nakwabanye abantu. Fakazela lesi sitatimende ubhekise kokwenzeka kule noveli. Impendulo yakho mayibe yi-eseyi ehleleke kahle ngokwezigaba ze-eseyi ibe namagama angama-340 kuya kwangama-390. [25] UMBUZO 9 (UMBUZO OMFUSHANE) USUMENYEZELWE-KE UMCEBO – MJ Mngadi Fundisisa lesi siqeshana senoveli bese uphendula imibuzo elandelayo. ISIQESHANA B 'Uthini lona?' emswacela. 'Ukhona umuntu ojatshuliswa wukulamba?' 'Yebo, zikhona iziwula ezinjalo. Ake sedlule lapho. Nansi imfihlo mfowethu. Ngizwa kuthiwa uMiliyemu ukuthanda kabi.' Wathwala amehlo uHlulintombi wathi, 'Habe! Uyangithanda?' 'Musa ukubabaza. Ngisho njalo. Omunye wabashiyelana naye izifuba ungitshela 5 ukuthi uthi uyazifela ngawe kunoGenyeza nezesheli zonke.' 'Manje pho ngoba ...' 'Lalela,' esekhulumela phansi. 'Ngokubona kwesicebi uwena muntu esingabambisana naye ngoba ufundisiwe, kanti unjalo nje unobuntu.' 'Manje pho ….' 10 'Awulalele, ungiyeke ngomanje abangapheli. UMiliyemu ukubuka ubulima ngokuba ulokhu uzenza umantshingelane wenye indoda, ungalali uyelusela imali engasoze yakunika yona ngisho isiyisigwili.' 'Phela bengingazi ukuthi ungicabangela kanjalo.' 'Yazi-ke namhlanje. Shela.' Lahlala lelo wamoyizela uHlulintombi. Uyadlala. Ubani 15 ongakuthandi ukuthandwa? 'Shela-ke kuyehlela. Uma usathi usazocabanga sengathi uwena oweshelwayo, uMiliyemu uzoze azikhethele ezeshelini lezi ozelusile silima.' Wambuka sengathi umfunda ingqondo eyayidideka. 'Ngoba ngiyabona uyigwala, yenze nje. Mbhalele incwadi namhlanje nje weshele ungadlali. Sizoyinika isimame ebesingihlebela ukuze siyedlulisele kuye namhlanje. Liyeke linjalo iKewu leli. Vele 20 lizosala noma ungawugqayinyanga walo ubusuku nemini. Uthini-ke ngalokho?' 'Kodwa bakithi ngimshiye nobani uGasta?' USonosemali wanikina ikhanda ngokucasuka wathi, 'Uyazi, izinhlanhla ziyinqaba ngokwehlela iziwula. Kodwa udadewethu ubengangikhethi ngani?' 'Ngingabhala ngithini nje?' 25 'Akudingeke buchwepheshe ngoba vele uyakuthanda. Isiqalo kungaba wukumtshela nje ukuthi kade wazibamba, kepha manje selukugabhile uthando, luyakufuthela. Ucela akuphumuze. Ungaligxeki iKewu. Ugxile emlilweni wothando okushisa ubulangulangu.' 'Ngiyezwa wakithi.' 30 'Ngiyilande nini-ke incwadi? Noma uzoyiletha?' 'Sengizohlala phezu kwayo-ke mnewethu. Kodwa sengathi ungamnika yona ngingekho lapha.' [Isahluko sesi-7, ikhasi 67–68] Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 14 DBE/Unhlaba/Unhlangulana 2024 SC/NSC Confidential 9.1 Shono ukuthi kungani umlingiswa onguHlulintombi ethwala amehlo ekuqaleni kwalesi siqeshana? (2) 9.2 Nikeza isizathu esashiwo uSonosemali sokuthi uMiliyemu umbuka njengesilima kulesi siqeshana. (2) 9.3 Fingqa ngamaphuzu AMATHATHU okwenziwa umlingiswa onguNomvula kuMsonteni ngenkathi ezama ukuzisindisa ngenkathi bemhlasela. (3) 9.4 Qhathanisa umoya ongefani ovezwa abalingiswa abakulesi siqeshana. (3) 9.5 Chaza isigameko esifihlelwe umlingiswa onguHlulintombi ubhekise impendulo yakho esenzweni somlingiswa onguSonosemali. (3) 9.6 Ngabe yimuphi umyalezo odluliswa umbhali kubantu abafuna ukungena ebudlelwaneni bezothando? Bhekisa impendulo yakho kumlingiswa onguMaDludla. (2) 9.7 Isenzo sikaGenyeza sokuxabana nabo bonke abantu ababeza kuNomvula eThusini simveza njengomlingiswa onjani? Sekela impendulo yakho. (2) 9.8 Ucabanga ukuthi ukwaliwa kukaGenyeza nguNomvula kube namphumela muni empilweni kaGenyeza? Sekela impendulo yakho. (3) 9.9 Ngokubona kwakho isenzo sikaChule sokuzenza uMbhishobhi ngenkathi ezama ukuyoqola uNomvula siyakholeka yini? Sekela impendulo yakho. (2) 9.10 Xoxa ngokuhlolisisa impumelelo yombhali yokusethulela isigameko sokufa kwenja nekati. (3) [25] Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 15 DBE/Unhlaba/Unhlangulana 2024 SC/NSC Confidential UMBUZO 10 (UMBUZO OMUDE) KUNJALO-KE – ME Wanda Ukuthatha izinqumo uzicabangela wena wedwa kungaba nomphumela ongemuhle kuwena uqobo nakwabanye abantu. Fakazela lesi sitatimende ubhekise kokwenzeka kule noveli. Impendulo yakho mayibe yi-eseyi ehleleke kahle ngokwezigaba ze-eseyi ibe namagama angama-340 kuya kwangama-390. [25] UMBUZO 11 (UMBUZO OMFUSHANE) KUNJALO-KE – ME Wanda Fundisisa lesi siqeshana senoveli bese uphendula imibuzo elandelayo. ISIQESHANA C 'Uhambe kanjani ekhaya mntakwethu?' kubuza uMtalaselwa. 'Ngihambe kahle sweetheart, wena?' 'Nami ngihambe kahle. Ngibatshelile ukuthi ngizothumela abakhongi ekupheleni kwenyanga. Hhayi ayibanga khona inkinga.' Bazihlalela kamnandi ngaphansi kwemithi kwaze kwashaya isikhathi sokubuyela emsebenzini. Balulangazelela-ke lolo suku 5 lokuphela kwenyanga. Zahamba izinsuku lwafika usuku olwabe lulindelwe. Abakhongi batheleka ngesikhathi senhlazane emagcekeni akwaKheswa eMzimkhulu. Bakhuleka, bawathamunda ngemibala yawo amabheka. Kwaphuma ingane endlini yabatshela ukuba bangene. Nempela benza njalo. Baphinda futhi bawathamunda amabheka sebengaphakathi. 10 UKheswa wathumela ukuba kubizwe amantombazane onke ukuze abakhongi bakhombe okuyiyona abazoyilobola. Nempela afika amantombazane, ahlala phansi ngasesinini sawomame. Abakhongi bamkhomba-ke umakoti wabo ngendlela yakhona. Amantombazane asukuma, aphuma futhi. Umfowabo kaKheswa wabatshela-ke abakhongi ukuthi isibizo selobolo siyimalini. Bajabula banconcoza abakhongi ukuthola 15 umtitilizo kamazitapele onjena. Bayikhipha-ke imali beyibhacaza esicephini. Kwathi bangaqeda abakhongi, abakwaKheswa bayiqoqa yonke imali bayikhweza. Kwakikiza omame kwakuhle kwanjeyaya. Abakhongi babona kufanele ukuba balisebenzise leli thuba ukuba baxoxisane nabalingani babo ngosuku lomshado. Bavumelana ngokuthi kufanele kudlule 20 amasonto amabili bese behlangana kumfundisi ababhale. Bathi umshado omkhulu uyobuye ulandele. Babonga. Kwakhishwa okuya ngasethunjini, bathi choko choko nje basheshe bayeka. Basukuma, bavalelisa, baphuma. UDumazile wajabula kabi ukubona abazali bakhe bethokozile. Kwakukade kuyiphupho lakhe lelo ukuba abazali bakhe bathole okuthile futhi badle ngaye. Wababonga kakhulu 25 ngokuba bengazange bamumbe eqolo umkhwenyana wakhe. Nabo futhi abazali bakhe uDumazile bajabula kakhulu ukubona indodakazi yabo igcina seyimtholile umkhwenyana wangempela. [Isahluko sesi-7, ikhasi 130–131] Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 16 DBE/Unhlaba/Unhlangulana 2024 SC/NSC Confidential 11.1 Shono ukuthi kungani uMtalaselwa ethi uhambe kahle kuDumazile ekuqaleni kwalesi siqeshana. (2) 11.2 Nikeza isizathu esenza ukuba abazali bakaDumazile bajabule kulesi siqeshana. (2) 11.3 Fingqa ngamaphuzu AMATHATHU udweshu lwangaphandle phakathi komlingiswa onguDumazile noMtalaselwa ngenkathi bebanga ukuyokwakha kwaJilafohlo. (3) 11.4 Chaza kafushane umoya ovezwa abalingiswa abakulesi siqeshana. (3) 11.5 Chaza isigameko esifihlelwe umlingiswa onguMtalaselwa ubhekise impendulo yakho esenzweni somlingiswa onguDumazile sokwala ukuyohlala kaJilafohlo. (3) 11.6 Ngabe yimuphi umyalezo odluliswa umbhali kubantu abafuna ukungena ebudlelwaneni bezothando? Bhekisa impendulo yakho kumlingiswa onguMtalaselwa. (2) 11.7 Isenzo sikaMiss Hlophe sokuxabana noDumazile simveza njengomlingiswa onjani uMiss Hlophe? Sekela impendulo yakho. (2) 11.8 Ucabanga ukuthi isenzo sikaLizzy sokutshela uMaNzimande ukuthi uDumazile uthandana noSithole sibe namphumela muni empilweni kaMaNzimande? Sekela impendulo yakho. (3) 11.9 Ngokubona kwakho isenzo sikaMaJwara sokufuna ukudla izithende umngani wakhe uMaNdovela kuKheswa siyakholeka yini? Sekela impendulo yakho. (2) 11.10 Xoxa ngokuhlolisisa impumelelo yombhali yokusethulela isigameko sokushiswa kwesitolo sikaSithole. (3) [25] Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 17 DBE/Unhlaba/Unhlangulana 2024 SC/NSC Confidential UMBUZO 12 (UMBUZO OMUDE) IMPI YABOMDABU ISETHUNJINI – JC Buthelezi Ukuthatha izinqumo uzicabangela wena wedwa kungaba nomphumela ongemuhle kuwena uqobo nakwabanye abantu. Fakazela lesi sitatimende ubhekise kokwenzeka kule noveli. Impendulo yakho mayibe yi-eseyi ehleleke kahle ngokwezigaba ze-eseyi ibe [25] namagama angama-340 kuya kwangama-390. UMBUZO 13 (UMBUZO OMFUSHANE) IMPI YABOMDABU ISETHUNJINI – JC Buthelezi Fundisisa lesi siqeshana senoveli bese uphendula imibuzo elandelayo. ISIQESHANA D Ubuhlakani, ukuhlakanipha kanye nokuzululeka kwengqondo kwaya ngokuzika kuNgubane. Wezwa noMaMthimkhulu ukuthi kuboshelwe ihhashi nembongolo. Ngasese wayeseke azibuze uMaMthimkhulu ukuthi yini ngempela eyenza ukuba acabange ukuthi umyeni wakhe uhlakaniphile. Kwakumkhanyela manje ukuthi ukuphasa eyunivesithi akusho ukuthi umuntu uhlakaniphile. Waselivimbantuthuko 5 okaNgubane, efisa ukuba kuhanjelwe abangani, imingcwabo, imishado kanye neminye imibungazo. NoNgubane wayelibona ijubane lomkakhe kodwa eziduduza ngokuthi ngisho angenzani owakwakhe, ungumfazi kwaNgubane. Kuzofuneka ukuba athambele owakhe umthetho, futhi azi ukuthi yena Bafana-ndini yindoda, iqhude lalo muzi. 10 Yanyonyoba nenzondo yezincwadi. Wayesho manje uNgubane athi: 'Yeyi bantu, mina anginandaba ukuthi uthini u-Faucoult, uMary Daly, noBell Hooks wakho. Mina yinye into engiyishoyo kuwe. Lokhu kufunda kwenu kakhulu kuzoniphanyeka emthini. Naba oNtombi Sikhosana bazilengisa ngokufunda kakhulu. Akukho nsizwa lapha eThekwini engalokotha ishade uNtombi nePhD yakhe.' 15 'Angiyiboni inkinga mina kuPhD. Kwenziwa yini baba ka-Euthy ukuthi uma thina sifunda kakhulu sifika koPhD asifanele sigane, kanti uma kufunda nina niyagana nje kungabi ndaba zalutho?' 'Angazi nami, kodwa kunjalo. Akekho umuntu wesilisa othanda ukuba aganwe isifundiswa bese ehluleka ukuba asibonise. Abesifazane abangafundile ngamakhosi 20 abantu. Bavuma konke, bakwamukele lokho okushiwo ngabayeni babo ikakhulu uma le nkulumo yabesilisa bedamane beyinonga ngemfahlalala yo-in toto, modus operandi, vls---vls, no-mutatis mutandis. Manje izifundiswa zamakhosikazi zivele zibachilize abayeni babo zithi, 'Ngiyeke mina ngalaba in toto, modus operandi, vls---vls kanye nomutatis mutandis bakho abangasebenzi futhi abaphelelwe yisikhathi.' 25 [Isahluko sesi-8, ikhasi 178] 13.1 Shono ukuthi kungani kwase kumkhanyela uMaMthimkhulu ukuthi ukufunda eyunivesithi akusho ukuthi umuntu uhlakaniphile, ekuqaleni kwalesi siqeshana. (2) Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 18 DBE/Unhlaba/Unhlangulana 2024 SC/NSC Confidential 13.2 Nikeza isizathu esenza ukuba uNgubane athi akufuneki abesifazane bafunde kakhulu ngokwalesi siqeshana. (2) 13.3 Fingqa ngamaphuzu AMATHATHU udweshu lwangaphandle phakathi komlingiswa onguMaMthimkhulu noNgubane ngenkathi uNgubane ephindela eMlazi. (3) 13.4 Qhathanisa umoya ongafani ovezwa abalingiswa abakulesi siqeshana. (3) 13.5 Chaza isigameko esasifihlele umlingiswa onguNgubane esamenza ukuba ashiye umuzi wakhe wase-La Lucia. (3) 13.6 Ngabe yimuphi umyalezo odluliswa umbhali kubantu abafuna ukungena ebudlelwaneni bezothando? Bhekisa impendulo yakho kumlingiswa onguPrisca. (2) 13.7 Isenzo sikaMethiloni uMngadi sokukhuza uPoppy ngokwenqaba ukuthatha izingane zikaLinono simveza njengomlingiswa onjani uMethiloni uMngadi? Sekela impendulo yakho. (2) 13.8 Ucabanga ukuthi isenzo sika-Euthenasia sokweba imali kaMaXakushe sibe namphumela muni empilweni ka-Euthenasia? Sekela impendulo yakho. (3) 13.9 Ngokubona kwakho amazwi abhalwe ngokugqamile kulesi siqeshana ayakholeka yini? Sekela impendulo yakho. (2) 13.10 Xoxa ngokuhlolisisa ngempumelelo yombhali yokusethulela isigameko sokushayiseka kwemoto kamakhelwane uSibeko. (3) [25] NOMA Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 19 DBE/Unhlaba/Unhlangulana 2024 SC/NSC Confidential UBUCIKO BOMLOMO: UJU LWEZIZUKULWANE – KL Makhoba Phendula umbuzo OWODWA. UMBUZO 14 (UMBUZO OMUDE) Elinye lamasu obuciko athulwa kubuciko bomlomo ubuhlakani. Xoxa ngobuhlakani obuvezwe ezingxenyeni zobuciko bomlomo obulandelayo: Inganekwane:'Ikhubalo likaFukwe' Izibongo: 'Izibongo zikaGcina Mhlophe' Impendulo yakho mayibe yi-eseyi ehleleke kahle ibe namagama angama-340 kuya kwangama-390 sekuhlangene impendulo yenganekwane nezibongo. [25] UMBUZO 15 (UMBUZO OMFUSHANE) Fundisisa lezi ziqeshana ezilandelayo zezinganekwane bese uphendula imibuzo ehambisana nazo. ISIQESHANA E: INGANEKWANE: INGWENYA EDLA UTSHANI Phendula umbuzo OWODWA. Umxoxi: Kwesukasukela … Abalaleli: Cosu! Izinto zazingamhambeli kahle uMazinyo, ingwenya endala eyayihlala echibini. Umashayandawonye wawudlala ngaye. Inkinga yakhe kwakungukuthi zonke izilwane zazingasayingeni eyokuphuza echibini. Ichibi leli kwakuyindawo lapho uMazinyo 5 ayezibambela khona izinyamazane zakhe uma zithi ziphuza amanzi. Engabe zase ziphuza kuphi lezi zilwane? Izilwane ndini zase ziphuza emakhaya azo, sezinompompi bamanzi ngenxa yempucuzeko. Izinkawu kuphela ezase zifika ziyophuza echibini kodwa nazo zazingasondeli eduze. Zazifika ziphonse ipayipi bese zimunca amanzi zibuqamama. 10 'Yimihlola!' Wakhononda uMazinyo. 'Kanti impucuzeko injena? Yindlala yodwa?' wazibuza ezamula kabili, kathathu, kwaze kwakhala izikelemu esiswini sakhe. Yazamula yaze yaphathwa yisiyezi into kaMazinyo. Kwaqhamuka okuyinkawana kwafika kwaphosa ipayipi, kwamunca amanzi. Kwathi makaqhume ukudinwa uMazinyo, kodwa wazibamba. 15 'Kodwa Nkawana sewungaze ube yivaka kangaka ngikwethembile!' kwabubula uMazinyo. 'Uhambe kabi Mazinyo, ngeke ungithole. Ukuba nginguwe ngabe ngizidlela utshani,' yasho inkawu yashaya isishwapha sayo yasithela ezihlahleni. UMazinyo waphuma echibini wathi ukulula imicondo yakhe. Wathi uma ephonsa 20 amehlo ngaphesheya wayibona impala ikha amanzi empompini. Wakhumbula amazwi enkawu, 'ukuba nginguwe ngabe ngizidlela utshani.' Ngokuphazima kweso, uMazinyo wacabanga isu. Wamemeza, 'We mngani wami Mpala! Uyayibona ukuthi imnandi kanjani impucuzeko? Awusadingi ngisho ukuyophuza echibini elingcolile. Mina impucuzeko ingisize kabi.' 25 'Angisayilokothi inyama. Asisekho isidingo sokucathamela izilwane zeNkosi.' 'Ngiyincwasimende manje. Sengiphucuzekile, sengidla utshani nemifino!' Impala yamisa amadlebe ukuze izwisise kahle. 'Awuphinde, uthini?' yasho ibuza. 'Mina nenyama asisatholani,' kwaphinda ingwenya. 'Inyama ngeyamaqaba futhi ibanga ukunona nomkhaba.' 30 [Ikhasi 76–78] Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 20 DBE/Unhlaba/Unhlangulana 2024 SC/NSC Confidential KANYE NE ISISHO: Ukusebenzela emuva njengenkukhu. INCAZELO: Kushiwo kumuntu osebenza into engayi phambili nengenamphumela ekugcineni. 15.1 Nikeza isisusa sodweshu esitholakala kule nganekwane. (2) 15.2 Chaza kafushane ubuqili obuvezwa uMazinyo ngokwalesi siqephu. (3) 15.3 Qhathanisa ukuvezwa komlingiswa oyinkawu kanye nomlingiswa oyimpala ngokwale nganekwane. (2) 15.4 Chaza ukuthi lesi sisho esingenhla sihambelana kanjani nokwenzeka enganekwaneni. (3) 15.5 Xoxa ngempumelelo yomxoxi ekusebenziseni isu lokujeqeza emuva kule nganekwane. (3) KANYE Fundisisa lezi zibongo kanye neminye imibhalo yobuciko bomlomo elandelayo bese uphendula imibuzo engezansi. ISIQESHANA F IZIBONGO: IZIBONGO ZESILO UDINIZULU 1 UMamonga woSuthu, 2 UMamonga akabulali, uyasizila, 3 Uqoth' imbokodo nesisekelo; 4 Ufana nendlov' emnyama yasoNdini. 5 USilwa nankunzi mbili, 6 Enye ngeyakwaNgenetsheni; 7 Enye ngeyaseBhanganomo. 8 Ithole lakokaMsweli 9 Elanyise liguqile. 10 Indab' engiyizwe ngimncane 11 Ngaze ngakhula ngayibona ngamehlo. 12 UMphangela langa lingakaphumi kwaNdunu, 13 Lithe liphuma, 14 Laliphuma ngezingazi zamadoda. 15 Wazithath' izihlangu zikaMandlakazi. 16 Wamshaya phansi uMncwasimbana kaMaphitha; 17 Wamshaya phansi uXukwana kaMaphitha; 18 Wamshaya phansi uNdlovu kaMaphitha; 19 Wamshaya phansi uPhuzukumila kaMaphitha; Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 21 DBE/Unhlaba/Unhlangulana 2024 SC/NSC Confidential 20 Wamshaya phansi uSiwana kaMaphitha; 21 Wamshaya phansi uSikiza kaSomfula; 22 Wamshaya phansi akwabandaba zalutho. 23 Ohlasele ngemikhonto 24 Njengomuzi waseMkhontweni; 25 Ohlasele ngamhhashi 26 Njengomuzi wasemahhashini. 27 Ingwenya edlel' okhunjini lomfula, 28 Ngaphezulu yesab' imisebe yelanga. 29 Ugubuzel' uCeza noHlathikhulu. 30 Unhlamvu zamdela kwaCeza, 31 Zashay' amagatsh' emithi. 32 UPhondo lwendlovu, 33 Luyanqab' ukungen' ezindlini zamankengana. 34 Ingqungqul 'egoq' amaphiko 35 Enhla komuzi eKuvukeni. 36 Ukhozi lukaNdaba 37 Olweqe luphindelela kwaMandlakazi. 38 Izingqungqulu zibethene phezulu, 39 NgekaMaphitha enye, 40 NgekaJininindi enye, 41 Angiqondi nezobhabhalala 42 Kwathi eyaMaphitha yabhabhalala. 43 UMkhangula jozi phansi kwaTshana, 44 Ulikhangule ngoFalaza, 45 UFalaza wathukuthela. 46 Ucala lathethwa ngemikhonto kwaMalandela; 47 Amanye amacala ethethwa ngezindukwana. 48 UNobhananaza ngandlel' ezinyukayo 49 Eziqond' oThaka kuNkosiluhlaza. 50 Wath' ukub' afik' oThaka, 51 Kwathi iBhunu uPotolozi 52 Wakwethwes' isigqoko, 53 Wena weNdlovu! 54 Bayede! [Ikhasi 117] KANYE Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 22 DBE/Unhlaba/Unhlangulana 2024 SC/NSC Confidential NEHUBO: UYAMEMEZA OKANDABA Igosa: Uyamemeza okaNdaba, uyinkosi yohlanga Abavumayo: Haaaahaaaaa, uyinkosi yohlanga Igosa: Uyinkosi yamakhosi, Uyinkosi yohlanga Abavumayo: Haaaahaaaaa, uyinkosi yohlanga [Ikhasi 156] KANYE NESIPHICAPHICWANO Umphici: Ngikuphica ngomnumzane wami onentamo ende, obukela phansi amanye amadoda. Impendulo: Indlulamithi Incazelo: Indlulamithi inentamo ende. Zonke ezinye izilwane ikwazi ukuzibona zisekude futhi izibukela phansi ezinye izilwane ngenxa yentamo yayo ende. [Ikhasi 174 ] 15.6 Tomula isisho esitholakala ebinzeni loku-1 esichaza ukuthi iSilo uDinizulu sasingashiyi lutho. (1) 15.7 Nikeza uhlobo lokuxhumana olutholakala ebinzeni lesi-2. (1) 15.8 Chaza kafushane umqondo oqukethwe yizibongo zeSilo uDinizulu kusukela emgqeni we-15 kuya kowama-22 kanye namagama adwetshelwe esiphicaphicwano. (2) 15.9 Qhathanisa okufanayo okwethulwa yizibongo zeSilo uDinizulu kanye nokushiwo ihubo ubhekise kundikimba yobuqhawe. (4) 15.10 Ukusetshenziswa kwesithakazelo ehubeni kuhambelana kanjani nokushiwo yizibongo zeSilo uDinizulu emgqeni wama-34 kuya kowama-37? (2) 15.11 Uyavumelana yini nokuthi iSilo uDinizulu besingumuntu oneso eliqaphelayo. Sekela ngokushiwo ezibongweni zakhe. (2) [25] AMAMAKI ESIQEPHU B: 25 Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 23 DBE/Unhlaba/Unhlangulana 2024 SC/NSC Confidential ISIQEPHU C: UMDLALO Phendula umbuzo OWODWA ngencwadi oyifundile. UMBUZO 16 (UMBUZO OMUDE) KUDELA OWAZIYO – BP Maphumulo Xoxa ngempumelelo yombhali yokwethula umyalezo othi, 'udlame alusona isisombululo sezinkinga' emdlalweni othi: Kudela Owaziyo. Impendulo yakho mayibe yi-eseyi ehleleke kahle ibe namagama angama-340 kuya kwangama-390. [25] UMBUZO 17 (UMBUZO OMFUSHANE) KUDELA OWAZIYO – BP Maphumulo Fundisisa lesi siqeshana somdlalo bese uphendula imibuzo elandelayo. ISIQESHANA G LONDIWE: (Usebuyise izinhlonze) Kanti unjani nje wena mame? Ngabe yiyona ndlela yokubonga-ke lena? Ungethi sengikusizile ngakusondezela abantu abasheshayo abazokulamulela kulo muntu wakho onesihluku esingaka lapha kuwe, kodwa wena usaqhubeka nokungisola? MAMLANDULI: Ubani lona obekujubile ukuba ubize labo bantu othi bayashesha, 5 hhe? Wathi usha kancane umlilo kodwa wena wawuchela ngophethiloli, ngabe ufuna ukuwubona sewubhebhetheka yini? MDALULI: (Uhleka kakhulu) Ehhe! Mtshele wena mkami. Ngikuthanda ngoba uyalazi futhi awulibalekeli iqiniso. Ukuba ungomunye nje ngabe ulugoqile ulimi. 10 LONDIWE: (Ukukhulumela phezulu) Hhayi-ke ake ngikuyeke kanjalo mame usalokhu uncetheza uzenza ngcono kubaba ube ubona ukuthi uyakuxhaphaza. Lilonke nje yimina lo … (esho ezikhomba yena) umnikazi wendaba. (Ngeqholo) Ehhe! Abizwe yimina amaphoyisa baba ukuba azokulanda ngoba 15 nami ungishayile izolo. Linjani lelo? Ngikhuluma indaba yokuthi ngize ngopha ngenxa yokuziluma emlonyeni emveni kokuba sengingqutshuzwe nguwena ngesibhakela emlonyeni sengathi ulwa nomunye umshayimankomane onjengawe eringini. Phika phela Mphezeni yikhona ngizokukhombisa incwadi kadokotela eveza 20 ngokusobala ukuthi udebe lomlomo ludabuke maqondana naphi kanye nokuthi luthungwe nhloboni. Kungagcini lapho njalo. Ngihlome nangofakazi abathathu kulolu daba uma ngingezukumbala umama ngoba uyancetheza yena lapha kuwe. Wena kumele uyohlala namabhubesi esiqiwini ngoba udlame nesihluku lesi yinto yakho, 25 uyikhonzile. Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 24 DBE/Unhlaba/Unhlangulana 2024 SC/NSC Confidential MAMLANDULI: (Usehwaqabele ebusweni) Ukhuluma kanjani kodwa uma ukhuluma kanje ngoyihlo ekuzala mntanami? Usekufundisile uyihlo ngezimali zakhe waze wabambelela ezinkanyezini phezulu wasemfundweni ephakeme ngalolu hlobo? Ngikhuluma indaba yokuthi namanje 30 usakukhokhela ezishisiwe izimali lezi eKolishi njengoba nje futhi esazokwehlukana nesizumbulu semali enkulu edingekayo maduze nje, kodwa wena phezu kwakho konke lokho umbonga ngepuleti lamasi … (angabe esaqedela, aphazamiseke) LONDIWE: Wenza okufanele phela uma engifundisa, njengomzali enganeni 35 yakhe njengoba kuyilungelo lami ukufunda ngize ngigogode, kodwa naphezu kwalokho umthetho awumvumeli nangengozi nje ukuba angishaye. Futhi-ke anginalo neze nje igazi likaNxese mina. Wena-ke uma uzoshaya izandla ubekezelele ubaba ekuxebula ngemvubu sengathi uyihhashi, okwakho lokho. Bheka nje ukuthi ukudwebe 40 imivimbo eminingi kangakanani emzimbeni … (Asho aze alinganise nangezandla ekhomba) kodwa naphezu kwalokho usakhombisa ukumzwela lo muntu oyingozi kangaka kuwe ngenxa yonya nesihluku salolu hlobo. Kodwa isihe sani lesi mame ubulawa? Angithi ngeke ulale kulobu busuku banamhlanje ufuthelwa 45 emzimbeni, ngubaba njalo imbangela yalokho? Ngabe umbona esenalo uthando lwakho oluphelele njengomkakhe umuntu owenze nje? Usuke esakuthanda uthando lwamanyala mani – ke umuntu okuphilisa impilo yokuhlale unethwa isibhaxu ngalolu hlobo ajatshuliswe wukukubona ukhala ngaso sonke isikhathi? 50 [Inkundla Yesi-3, Isigcawu sesi-5, ikhasi 68–70] 17.1 Kubangelwa yini ukuthi kube nethoni yokuthukuthela kumlingiswa onguLondiwe kulesi siqeshana? (2) 17.2 Shono ukuthi umlingiswa onguMaMlanduli uvezwe njengomlingiswa onjani kulesi siqeshana. (2) 17.3 Chaza kafushane imbangela eyenza ukuthi umlingiswa onguMdaluli nomlingiswa onguLondiwe bangaboni ngaso linye. (3) 17.4 Fingqa ngamaphuzu AMATHATHU izigameko ezenzeka ezaba yimbangela yokuthi uMdaluli ahlasele uChivenga. (3) 17.5 Chaza ukuthi izenzo zikaLondiwe zisigqamisa kanjani isizinda senkathi kulo mdlalo. (2) 17.6 Ucabanga ukuthi wawuzoba njani umphumela empilweni kaMdaluli ukuba uLondiwe wakhuluma iqiniso emaphoyiseni? Sekela impendulo yakho. (2) 17.7 Iyini inhloso yombhali yokusethulela isigameko somlingiswa onguMdaluli oshaye uChivenga? Sekela impendulo yakho. (3) 17.8 Ngabe yimuphi umlayezo odluliswa ngumbhali ngokuthi kube khona umlingiswa onguZenyezile kulo mdlalo? Sekela impendulo yakho. (3) 17.9 Uyavumelana yini nombono wokuthi iphupho likaMdaluli lokuqala lalibikezela ukuguquka kwempilo emzini wakhe? Sekela impendulo yakho. (2) 17.10 Phawula ngempumelelo yombhali ekwethuleni isiphetho kulo mdlalo. (3) [25] Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 25 DBE/Unhlaba/Unhlangulana 2024 SC/NSC Confidential UMBUZO 18 (UMBUZO OMUDE) AWUWELWA UMNGENI – M Gcumisa Xoxa ngempumelelo yombhali yokwethula umyalezo othi, 'umhobholo unemiphumela engemihle kwabanye abalingiswa' emdlalweni othi: Awuwelwa UMngeni. Impendulo yakho mayibe yi-eseyi ehleleke kahle ibe namagama angama-340 kuya kwangama-390. [25] UMBUZO 19 (UMBUZO OMFUSHANE) AWUWELWA UMNGENI – M Gcumisa Fundisisa lesi siqeshana somdlalo bese uphendula imibuzo elandelayo. ISIQESHANA H MBONGOLO: Wena kaMashwilansimbi noNdabazabantu. Njengoba singaka lapha nje sonke saqhuma emthanjeni kaManyosi. Kodwa asiphelele. Ubala nje lolu olulapha. Silapha nje sizokhuza wona lo mhlola esiwuzwayo sithi: 'Hhawu! Pho khona izwe selifile uHulumeni njengoHulumeni usengaliqhatha kubhekiwe kanje pho! UNdabazabantu naye 5 uSomtsewu ababoni yini ukuthi ngokuvumela ukuba kuqeshulwe izwe likaManyosi liweliswe uMngeni konke nabantu balo kuyophanisa kubelungu, kuzoqhatha izwe?' ZITHULELE: (Wambhekisisa uMbongolo wase ebheka phansi ecabanga.) NODWENGU: Thina asizimisele ukuphikisana noHulumeni. Kepha-ke kulesi senzo 10 siyehluleka ukungameluleki noHulumeni uma esephaphalaza. Izwe akuyona into encane. Ngisho endulo ezikhathini zamakhosi kaZulu oShaka, oDingane nawoCetshwayo, umhlaba wawulwelwa, kufe abantu. Lo mhlaba akuwona nje owamaNgwazi kodwa ngowenkosi kaZulu nabantu bayo. Thina laba (ehwaqabala). 15 MCONDO: Mina ngiyowuwela ngesihlenga ngiyisidumbu uMngeni. UHulumeni akasitshele uma eqonde kusuke isibhicongo saseSandlwana. NODWENGU: (Ukhuza uMcondo.) GUNDANE: Uqinisile umfowethu uMcondo! Uqinisile impela. MCANJANA: Kungakuhle uHulumeni aphinde ayicabangisise kahle le nto eshiwo 20 nguSomtsewu asecabanga ukuyenza. USomtsewu yena uphendulwe yini ukuba abonisane nathi engakafiki esiphethweni salolu daba? Yini thina simane sitshelwe nje kungaboniswana nathi? ZITHULELE: (Ekhulumela phansi) Ngumfowenu nalona? (Ebuza kuSalimani.) SALIMANI: Kunjalo. Ngumfowethu wasoDibini lona. NguMcanjana. 25 MBONGOLO: Yena uSomtsewu unasibindi sini sokwemukela akutshelwa ngabelungu bamapulazi beyizifiki azi kahle kamhlophe ukuthi ngeke size siyemukele thina nesizwe sonke le mbudane? ZITHULELE: Bayakhuluma abantu bakho. Bayakhuluma abafowenu ngiyezwa. Kepha-ke aninamandla okuphikisa uMbusi wezwe. UHulumeni 30 akaphikiswa 'abantu'. Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 26 DBE/Unhlaba/Unhlangulana 2024 SC/NSC Confidential SALIMANI: Kanti yena yindoda enjani engelulekwa? Kungaba khona ukuthula uma kunjalo? Kanti ngamatshe yini ngoba abantu banegazi nemizwa nezinhliziyo ezingaphakelwa labo abasuswayo? Njengoba sebechaze baqeda abafowethu 35 uVimbingwenya akakaze abe yingxenye yamapulazi abelungu abathi awabo. NoMngeni awukwazi ukuba owabo. ZITHULELE: Ukubadelela laba bantu bakho bakwaVimbingwenya nabaseMngeni babuyele konkosana kuzobaxazululela izinkinga ezinkulu. Ngeke usabhekana nomsebenzi wokuxazulula izinkinga zabo udale 40 nokuthula kuleya ndawo. Ukuncipha kwabantu bakho ngale ndlela kuzokunciphisela nezinkinga. Abelungu futhi bazokhiqiza ukudla kuthenge nabantu bakho badle basuthe. SALIMANI: Yinhlamba leyo. Abazidlakudla. Izinkinga zabo azingesindi. MCONDO: Yimihlola lena! Wona amalungelo ethu anjengokuzifuyela 45 ngokuthanda nokuziphilela kamnandi siyobe sisawatholaphi uma singadayiswa ngale ndlela? ZITHULELE: Akukho malungelo azonilahlekela. Wonke amalungelo enu ayosala enjalo. Futhi nizoba seduze nanedolobha nithole kalula nezimvume zokusebenza eMgungundlovu. 50 MBONGOLO: Abadinge buduze bedolobha abantu bakithi. Uzobaqukula nenhlabathi ubasondeze edolobheni? [Inkundla Yoku-1, Isigcawu-sesi-3, ikhasi 15–17] 19.1 Kubangelwa yini ukuthi kube nethoni yokuthukuthela kumlingiswa onguMbongolo? Bhekisa impendulo yakho kulesi siqeshana. (2) 19.2 Shono ukuthi umlingiswa onguMcondo uvezwe njengomlingiswa onjani. Bhekisa impendulo yakho kulesi siqeshana. (2) 19.3 Chaza kafushane imbangela eyenza ukuthi uSalimani nabafowabo babe nomuzwa ongefani nokaZithulele kulesi siqeshana. (3) 19.4 Fingqa ngamaphuzu AMATHATHU izigameko ezenzeka ezaba yimbangela yokuthi abantu basemapulazini bahlasele abantu bakaSalimani. (3) 19.5 Chaza ukuthi izenzo zikaHulumeni emelwe nguZithulele zisigqamisa kanjani isizinda senkathi kulo mdlalo. (2) 19.6 Ucabanga ukuthi wawuzoba njani umphumela empilweni kaMphiliphili ukuba wakhuluma iqiniso kuSalimani mayelana nezenzo zikaSomtsewu zokumnika imali? Sekela impendulo yakho. (2) 19.7 Iyini inhloso kaZithulele yokusebenzisa abantu basemapulazini ukuba bayohlasela abakaSalimani? Sekela impedulo yakho. (3) 19.8 Ngabe yimuphi umlayezo odluliswa ngumbhali wokuthi kube khona ijaji laseMgungundlovu kule ndaba? Sekela impendulo yakho. (3) 19.9 Uyavumelana yini nombono wokuthi ukujeqeza emuva kukaSalimani ngokwenzeka ngenkathi kufika abelungu yikho okwenza ukuthi uSalimani akugweme ukuthathelwa umhlaba? Sekela impendulo yakho. (2) 19.10 Phawula ngempumelelo yombhali ekwethuleni isiphetho kulo mdlalo. (3) [25] Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 27 DBE/Unhlaba/Unhlangulana 2024 SC/NSC Confidential UMBUZO 20 (UMBUZO OMUDE) UBHUKU LWAMANQE – EJ Mhlanga Xoxa ngempumelelo yombhali yokwethula umyalezo othi, 'umhobholo wemali unemiphumela engemihle kwabanye abalingiswa' emdlalweni othi: Ubhuku Lwamanqe. Impendulo yakho mayibe yi-eseyi ehleleke kahle ibe namagama angama-340 kuya kwangama-390. [25] UMBUZO 21 (UMBUZO OMFUSHANE) UBHUKU LWAMANQE – EJ Mhlanga Fundisisa lesi siqeshana somdlalo bese uphendula imibuzo elandelayo. ISIQESHANA I NKUMBULO: Ungalokhu ubalisa okwenina Thamsanqa khuluma nje liyashona ilanga. THAMSANQA: (Ebamba esifubeni) Mfowethu ngigula ngenhliziyo. Engikwenziwe nguPhindisiwe ngeke ngikukhohlwe. NKUMBULO: Kwenzenjani Thamsanqa? 5 THAMSANQA: (Ephefumulela phezulu okomuntu ophelelwa ngumoya.) Ngisike nje elijikayo mfowethu. Kuvele ukuthi uPhindisiwe ngishada naye nje kanti ubeganile ngaphambili. Ugana mina nje akehlukanisile nomyeni wakhe uKubheka. NKUMBULO: Kangikuzwa kahle Thamsanqa? 10 THAMSANQA: Ungizwa kahle Nkumbulo. NKUMBULO: Isiphelile iminyaka emihlanu nihlala ndawonye sekuze kunengane. Pho kungenzeka kanjani lokhu? THAMSANQA: Izinto zimana ukwenzeka. (Ebuyela esihlalweni ahlale phansi.) NKUMBULO: Mfowethu ukhumbule ukuthi maningi amankentshane lapha 15 ngaphandle. Kunabantu abamane basukele amanga nje ngenxa yokuthi benomona ngendlela eniphilisana ngayo nonkosikazi wakho. Kufanele ukuqaphele nalokho THAMSANQA: Yiyona nje into engikutshela yona Nkumbulo. NKUMBULO: Ukhona umuntu ongashada kabili enkantolo? Abakubo bona 20 bakwenza kanjani lokho? (Ekhombisa ukumangala okukhulu.) THAMSANQA: Kwamina ngisadinga leyo mpendulo. NKUMBULO: Uyithola kuphi le ndaba Thamsanqa? THAMSANQA: Le ndaba ngiyithola ekhaya njengoba ubaba ubengibizile nje. Bayizwe ngomyeni wakhe ongapheli khona ekhaya ethi uzocela 25 okungokwakhe okusiswe kwaMathonsi. NKUMBULO: (Enikina ikhanda) Cha, bayedelela abanye abantu madoda. Isibindi esingaka uyosukela umuzi wendoda ukhuluma amanga? THAMSANQA: Kuthiwa akathumelanga uze yena mathupha? NKUMBULO: Ini? 30 THAMSANQA: Ngempela Nkumbulo mfowethu. NKUMBULO: Ngeke Thamsanqa! Kungavuka abangasekho. Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 28 DBE/Unhlaba/Unhlangulana 2024 SC/NSC Confidential THAMSANQA: Bavuke benzeni? NKUMBULO: (Ezwe ejuluka izithukuthuku zimfoma ebusweni.) Ingabe kuyadlalwa. 35 THAMSANQA: Kusesekuncane okuzwile. NKUMBULO: Empeleni lo muntu uchwensa wena Thamsanqa. Ayikho phela le ndaba. THAMSANQA: Ikhona. NKUMBULO: Kungani usho njalo? 40 THAMSANQA: Ekhaya bakholwe ngoba esekhipha isitifiketi somshado kwamina ngisibone ngalawa (Ekhomba amehlo omabili.) NKUMBULO: Musa ukudlala izigebengu Thamsanqa. Isiqiniseko sokuthi leso sitifiketi sisemthethweni yisiphi? Uyabona mfowethu abantu kulezi zinsuku bagangile. Kukhona abathile emnyangweni wezasekhaya 45 asebehlangene nalezi zigilamkhuba lapho kuganiswa khona abantu besifazane bengazi lutho. THAMSANQA: Kuphele nasozwanini ngenkathi sekuvela nesithombe somshado beqabulana esontweni bephahlwe umfundisi owashadisa ubaba nomama. 50 NKUMBULO: Usuke wayihlokoza le ndaba kuPhindisiwe? THAMSANQA: Kusuke esinamathambo. Uphike wema ngentaba. Okungicasule kakhulu ukuthi avuthe amalangabi nje engafuni ukuzwa lutho. NKUMBULO: Uphika umshado noma uphika lo muntu? THAMSANQA: Uyathintitha. 55 NKUMBULO: Manje ubona ukuthi ukholwe umuntu wezizwe kunalowo wasekhaya? THAMSANQA: Ukufa akukho ezizweni kusekhaya. NKUMBULO: Uqonde ukuthini Thamsanqa? Uqaphele ndoda ungalahlekelwa okukhona ngokungekho. THAMSANQA: Indaba isiqedwa ngumama uma ethi uke washaya ucingo kusihlwa 60 ngoMsombuluko. Uthe akamudle amqede uPhindisiwe. Akafunanga nakuzwa ukuthi ukhuluma nobani uvele wakhwela wadilika kumama esho nokuthi bavumelana ukuthi angamchitheli umuzi. [Inkundla Yesi-2, Isigcawu sesi-3, ikhasi 50–52] 21.1 Kubangelwa yini ukuthi kube nethoni yokuthukuthela kumlingiswa onguThamsanqa? Bhekisa impendulo yakho kulesi siqeshana. (2) 21.2 Shono ukuthi umlingiswa onguNkumbulo uvezwe njengomlingiswa onjani. Bhekisa impendulo yakho kulesi siqeshana. (2) 21.3 Chaza kafushane imbangela eyenza ukuthi uThamsanqa noNkumbulo babe nomuzwa ongefani kulesi siqeshana. (3) 21.4 Fingqa ngamaphuzu AMATHATHU izigameko ezaba yimbangela yokuthi uThamsanqa agcine eselwa nabakwaMakhunga. (3) 21.5 Chaza ukuthi izenzo zikaSikela zisigqamisa kanjani isizinda senkathi kulo mdlalo. (2) Akuvumelekile ukukopisha leli phepha Pheqa ikhasi

IsiZulu Ulimi Lwasekhaya (HL)/P2 29 DBE/Unhlaba/Unhlangulana 2024 SC/NSC Confidential 21.6 Ucabanga ukuthi wawuzoba njani umphumela empilweni kaPhindisiwe ukuba wakhuluma iqiniso ngenkathi uThamsanqa embuza ngomuntu oshaya ucingo? (2) 21.7 Iyini inhloso yombhali yokusethulela isigameko sokuthi umlingiswa onguThamsanqa ashaye uPhindisiwe? Sekela impendulo yakho. (3) 21.8 Ngabe yimuphi umlayezo odluliswa ngumbhali ngokuthi uNkululeko aye kwaMathonsi ayobatshela ngobudlelwano bakhe noPhindisiwe kule ndaba? Sekela impendulo yakho. (3) 21.9 Uyavumelana nombono wokuthi iphupho likaMaMhlongo lalibikezela ukufika kukaNkululeko nokungathembeki kukaPhindisiwe? Nikeza isizathu sempendulo yakho. (2) 21.10 Phawula ngempumelelo yombhali ekwethuleni isiphetho kulo mdlalo. (3) [25] AMAMAKI ESIQEPHU C: 25 AMAMAKI ESEWONKE: 80 Akuvumelekile ukukopisha leli phepha