Downloaded from hlayiso.com
NATIONAL
SENIOR CERTIFICATE
LIBANGA 12
SISWATI LULWIMI LWASEKHAYA (HL)
LIPHEPHA LEKUCALA (P1)
LWETI 2019
EMAMAKI: 70
SIKHATSI: Ema-awa 2
Leliphepha linemakhasi la-12.
Emalungelo agodliwe Phenya
Skip to contentAll 2019 papers 





View all





siSwati HL Grade 12 Paper 1 NSC November 2019 Question Paper
Grade 12 siSwati HL Paper 1 question paper from the NSC November Exam 2019, 12 pages. Read online or get the free PDF download, memo linked when available.
Siswati Hl · Grade 12 · NSC November Exam · 2019 · siswati. Question paper, 12 pages. Read online or download the PDF.
- Subject
- siSwati HL
- Grade
- Grade 12
- Language
- Siswati
- Document type
- Question paper
- Year
- 2019
- Exam period
- NSC November Exam
- Paper
- 1
- Curriculum
- CAPS
- Pages
- 12
- File size
- 291.3 KB
Free to read online, no sign-up needed
Loading document…
Loading document…
1 of 12
This exam
NSC November Exam 2019
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1.1Kufundza nekubuka (Reading and Viewing) — non-literary20 marks
- Question 1.2Kufundza nekubuka (Reading and Viewing) — non-literary10 marks
- Question 3Kubhala nekwetfula (Writing and Presenting)11 marks
- Question 4Tinhlaka nemitsetfo yelulwimi (Language Structures and Conventions)10 marks
- Question 5Tinhlaka nemitsetfo yelulwimi (Language Structures and Conventions)10 marks
Document textSearch extracted text and jump to a page.
Downloaded from hlayiso.com
Siswati Lulwimi Lwasekhaya (HL)/P1 2 DBE/Lweti 2019
NSC
TICONDZISO KULABAHLOLWAKO
1. Leliphepha lehlukaniswe TIGABA LETINTSATFU:
SIGABA A: Sivisiso (30)
SIGABA B: Sifinyeto (10)
SIGABA C: Takhi netimiso tekusetjentiswa kwelulwimi (30)
2. Fundza TONKHE ticondziso ngekucaphela.
3. Phendvula YONKHE imibuto ngeSiswati.
4. Cala LESO NALESO SIGABA ekhasini LELISHA.
5. Dvweba umugca emva kwaleso naleso sigaba.
6. Tinombolo tetimphendvulo atihambisane naleto letisephepheni lemibuto
njengobe tinjalo.
7. Shiya umugca emkhatsini wetimphendvulo takho.
8. Caphelisisa sipelingi/lupelomagama nendlela lewakha ngayo imisho.
9. Siphakamiso sekulawulwa kwesikhatsi:
SIGABA A: Lokungenani emaminithi la-50
SIGABA B: Lokungenani emaminithi la-30
SIGABA C: Lokungenani emaminithi la-40
10. Bhala ngebunono nangesandla lesifundzekako.
Emalungelo agodliwe Phenya
Downloaded from hlayiso.com
Siswati Lulwimi Lwasekhaya (HL)/P1 3 DBE/Lweti 2019
NSC
SIGABA A: SIVISISO
UMBUTO 1
1.1 Fundza letheksthi bese uphendvula imibuto lelandzelako.
ITHEKSTHI A
KUTIMISELA KULETSA IMPHUMELELO
1 Jabulile Magagula yintfombatane leyakhulela emakhaya endzaweni
yaseMbalenhle esifundzeni saseMpumalanga. Yintfombi leseyikhulile
leneminyaka lengemashumi lamabili nakune. Yena nebanakabo
labasihlanu bakhula bahlupheka bakhuliswa ngunina LaNkhambule
ngemadlana labeyitfola ngekubamba ematoho epulazini lebelikhicita 5
emazambane eBethal. Phela LaNkhambule washiya phasi sikolo
asasemabangeni lasetulu ngobe afuna kondla bantfwabakhe, lokona
likusasa lakhe. Jabulile, njengelitibulo kabo, bekuba ngumtfwalo wakhe
kutsi asale anakekela banakabo uma unina avukele emsebentini. Utsi
akatiboni ajakela kutfola umntfwana kuleminyaka lakuyo. Phela utsi 10
budze abuphangwa.
2 Naye Jabulile washiya phasi sikolo ngalesikhatsi asasesikhungweni
semfundvo lephakeme lapho bekafundzela umsebenti wekutfwebula
titfombe newekuba ngumhleli weliphephandzaba. Lokushiya phasi
kwabangelwa kweswelakala kwemali yekukhokhela tindleko tetifundvo 15
takhe ngobe ngaleto tikhatsi bekumatima kutfola imifundzate. Imphilo
yaba matima kwafika lapho asahamba afunana nemsebenti.
3 Asafundza sikolo Jabulile, wangenela tinkhulumiswano netemidlalo
yasesiteji. Unetitifiketi latitfola asafundza libanga lelishumi esikolweni
saseTibonele. Loko kwamvulela ematfuba lamahle ekutsi akhetfwe 20
njengemdlali losembili lokumele adlale emdlalweni lodvumile
wamabonakudze. Tintfo tacala lapho-ke kukhanya emndenini wakubo
njengobe satfole umsebenti wekuba ngumlingisi lodvumile kulomdlalo
wamabonakudze. Lomsebenti usintjintjile simo sasekhaya kubo.
Jabulile ucale ngekulungisa likhaya lakubo, walandza banakabo lapho 25
bebahlala khona babuyela ekhaya kubo. Make waJabulile
kwamjabulisa lebekwentiwa yindvodzakati yakhe ngobe
banakaboJabulile bamshiya yedvwa ahlupheka nabo batsi
bayowetama kwekutiphilisa. Lokwabuye kwamjabulisa kakhulu kutsi
Jabulile ambuyisele esikolweni ayewucedzelela tifundvo takhe, 30
sikhuluma nje sewunguthishela kuyo lendzawo labahlala kuyo
yasemakhaya eMpumalanga.
4 Loludvumo lwakhe Jabulile, aluzange lumente ayibalekele indzawo
yakubo ayewuhlala emadolobheni. Loku kwentiwa kutsi abekutsandza
kuhlala lapho akhulele khona. Nangabe abengakayi emsebentini 35
abevele ahambe aye ekhaya ayewuhlala nemndeni wakhe kanye
nebantfu lakhule nabo. Abebagceka bantfu labatsi nangabe
sebasebenta kahle bavele bahambe bayewuhlala emadolobheni
bakhohlwe ngemindeni yabo.
Emalungelo agodliwe Phenya
Downloaded from hlayiso.com
Siswati Lulwimi Lwasekhaya (HL)/P1 4 DBE/Lweti 2019
NSC
5 Umshado kwanyalo awukho enhlitiyweni yaJabulile futsi awukho 40
etinhlelweni takhe. Kulomnyaka utsi ufuna kutfutfukisa ummango
wangakubo. Utsi utawuhambela tikolo tangakubo ahambe anikelela
bantfwana labaswele bese ufundzisa bonkhe bafundzi kutsi kwentiwa
njani kute uphumelele emphilweni. Luhlelo lwakhe lutawucala
emmangweni wangakubo bese lwengcela nakuleminye labakhelene 45
nayo.
6 Umshado akusiyo intfo layijakile kepha lafuna kucala ngako
ngulamaphupho lanawo ngemndeni wakubo kanye nesifundza sakubo.
Lijaha lelitamshada utsi kumele lati kutsi lishada nemndeni wakhe
wonkhe ngobe ngeke akwati kuwulahla. Lesincumo usitsetse emva 50
kwekubona simo lakhule ngaphasi kwaso anebanakabo. Jabulile
akasuye umuntfu lotitjelako. Uma afikile ekhaya uhlala nawo wonkhe
umuntfu njengobe labo lababukela umdlalo lawudlalako
kumabonakudze bayambona ajabulela wonkhe umuntfu.
7 Lentfombi ibonga ummango wangakubo ngobe awunandzaba 55
neludvumo lwakhe kepha umemukela njengawo wonkhe umuntfu. Akati
nobe kubangwa kutsi ukhulele kuwo nobe kungalendlela laphila ngayo.
Kunebantfu lababongako labafaka sandla ekukhuleni kwakhe njengobe
sati kutsi umntfwana akasuye wemtali kuphela kepha wemmango
wonkhe. Labantfu bamesekela baphindze bamsita lapho abenetinkinga 60
khona. Labantfu bafaka sandla kakhulu kulomsebenti wekulingisa
lakuwo njengobe bewuyintfo langayati. Ngaleso sizatfu akatiboni
ehlukana nalabo bantfu kanye nalomdlalo ladlala kuwo. Bantfu
labanyenti bayakhohlwa lapho bachamuka khona kepha yena
bekusifiso sakhe kutsi achubeke adlale kulomdlalo wamabonakudze 65
lacala kuwo.
8 Jabulile unesifiso sekucedzelela tifundvo takhe tekutfwebula titfombe
kanye netebuhleli beliphephandzaba abe achubeka nekulingisa. Loko
kutawenta kutsi abe ngulonemakhono lamanyenti. Ngekwenta njalo,
ugcugcutela lusha kutsi lwati kutsi simo sasekhaya ngeke sakuvimba 70
kutsi ube nelikusasa lelichakatile.
[Itsetwe: ku-Ilanga, Indlovana 2018]
1.1.1 Khetsa imphendvulo yakho kuletilandzelako. Nguyiphi inkhulumo
lengafanela lamagama lacindzetelwe lasendzimeni yekucala
kuletheksthi lengenhla?
A Kudla indzaba
B Kudla titsendze
C Kudla ludzaka
D Kudla imphundvu (1)
1.1.2 Khokha umusho losendzimeni yesitsatfu kuletheksthi lengenhla,
lofakazela kutsi imfundvo ayinabudzala. (1)
Emalungelo agodliwe Phenya
Downloaded from hlayiso.com
Siswati Lulwimi Lwasekhaya (HL)/P1 5 DBE/Lweti 2019
NSC
1.1.3 Ngemaphuzu LAMABILI, bhala bumatima bekukhulisa umntfwana
ungenamsiti ubhekise kuletheksthi lengenhla. (2)
1.1.4 Bantfwana bangumliba loya embili. Fakazela lenkhulumo
ngemaphuzu LAMABILI lavetwe kuletheksthi lengenhla. (2)
1.1.5 Veta tintfo LETIMBILI letikuletheksthi letikhutsate Jabulile kutsi
akhetse kufundzisa lusha lwasesifundzeni kanye nasemmangweni
wangakubo. (2)
1.1.6 Yini imbangela yekonakala kwelikusasa lwelusha lwalomuhla
njengobe kwenteka kumake waJabulile endzimeni yekucala?
Nika KUBILI. (2)
1.1.7 Catsanisa indlela lusha lwalomuhla lolufundzile lolutsatsa ngayo
tintfo nendlela Jabulile lenta ngayo endzimeni yesine. (2)
1.1.8 Phawula ngesento sebanakaboJabulile sekushiya likhaya lakubo
kube kuhlushekwa. (2)
1.1.9 Utsini umbono wakho ngaloko lokushiwo nguJabulile ngemshado
endzimeni ye-5 nawukucatsanisa nendlela lusha lwalomuhla
loluwutsatsa ngayo umshado? Chaza. (2)
1.1.10 Uvumelana kangakanani nekutsi simo umuntfu latalelwa kuso asisho
lutfo ngelikusasa lakhe? Sekela imphendvulo yakho. (2)
1.1.11 Lenkhulumo letsi, 'Lenelitfunga ayisengeli phasi', icondzene nabani
kuletheksthi lengenhla? Usho ngani? (2)
Emalungelo agodliwe Phenya
Downloaded from hlayiso.com
Siswati Lulwimi Lwasekhaya (HL)/P1 6 DBE/Lweti 2019
NSC
1.2 Fundza lesibonwa bese uphendvula imibuto lelandzelako.
ITHEKSTHI B
[Itsetfwe: http://www.alamypictures.com]
1.2.1 Nika KUNYE lokuvetwe kulesibonwa lokungasita kutsi inkhulumo
yalona lome embili ivakale kahle. (1)
1.2.2 Yini lekhomba kutsi lona losembili kunentfo layikhomba
tetsamelilwati kulesibonwa? (1)
1.2.3 Bhala KUBILI locabanga kutsi kwente labantfu labakulesibonwa
bahlanganele ngaphandle. (2)
1.2.4 Uyavumelana yini nekutsi nangabe lona lokhulumako kulesibonwa
angatsatsa sikhatsi lesidze, angagcine asasele yedvwa? Sekela
imphendvulo yakho. (2)
1.2.5 Catsanisa umugca lodvwetjwelwe endzimeni ye-8 eTheksthini A
naloko lokwenteka eTheksthini B uvete budlelwano BUNYE
nemehluko MUNYE lokhona? Bhala KUBILI. (4)
SAMBA SESIGABA A: 30
Emalungelo agodliwe Phenya
Downloaded from hlayiso.com
Siswati Lulwimi Lwasekhaya (HL)/P1 7 DBE/Lweti 2019
NSC
SIGABA B: SIFINYETO
UMBUTO 2
Fundza letheksthi bese uyayifinyeta ngewakho emagama langabi ngetulu kwala-80.
Sifinyeto sakho sivete tintfo letisikhombisa letiveta bungoti betinatfo letivuselela
emandla.
CAPHELA
1. Sifinyeto sakho asibe ngendlela yetindzima (emapharagrafu).
2. Sifinyeto sakho asivete emaphuzu lamcoka lasikhombisa.
3. Yetama ngalokusemandleni kusebentisa emagama akho nawufinyeta.
4. Akukadzingeki kutsi ubhale sihloko.
5. Khombisa linani lemagama lowasebentisile ekugcineni kwesifinyeto sakho.
ITHEKSTHI C
BUNGOTI BETINATFO LETIVUSELELA EMANDLA
Bantfu labanyenti, ikakhulukati labasha, sebangene shice ekusebentiseni tinatfo
letinekhafeyini lenyenti lekutsiwa tivuselela emandla emtimbeni. Lucwaningo
leselwentiwe luveta kutsi letinatfo tinebungoti. Tiyingoti kangakanani emtimbeni?
Kutsiwa titsako letisetjentiswako nakuphiswa letinatfo tinashukela lomnyenti nema-
esidi lokuyingoti emtimbeni. Letinatfo tibanga kukhuluphala kakhulu lokungabanga
nesifo sashukela lesesicedze sive.
Basubatsi labanyenti bayakutfokotela kusebentisa letinatfo ngobe tibenta babe
nemdlandla kwesikhashana kantsi abakabuti elangeni. Ngekuhamba kwesikhatsi
letinatfo tikwenta kutsi ube nesifo sekuwa. Umuntfu agcine asola labanye atsi
bayamtsakatsa kantsi utitsakatse yena.
Nasetingene kahle engatini, umuntfu uphelelwa butfongo, acwashe busuku bonkhe.
Kungalali kulimata imitsambo yengcondvo igcine ingasasebenti kahle nesikhumba
sigcugce singasajabulisi ngobe singasakutfoli kuphumula.
Kadzeni bekwatiwa kutsi sifo setilondza tasesiswini sihlasela bantfu labadzala. Tintfo
setintjintjile lomuhla. Sekutfolakale kutsi letinatfo tenta sifo lesibulala ngisho nelusha
ngekuvitsita lingekhatsi.
Labasebentisa kakhulu letinatfo bahlala bakhatsatekile, betfuke nelite. Loko kuba
nemtselela nakulabo labasondzelene nabo. Kucitseka timali kuyiwe kubeluleki
nakubemanga kuyewuhlolwa inkinga yaloko kodvwa kungasiti. Inkinga isuke idalwe
ngumnikati ngekuba ngutsatsekile wetinatfo letiyingoti.
Kusetjentiswa ngalokwecile kwaletinatfo kugcine sekwenta umtimba ungasakhoni
kutentela tintfo. Umuntfu utsi nakavuka ajakele kuya etitolo letitsengisa lelisela
lemphilo. Labanye uma bangenayo imali yekutsenga letinatfo bayakhatsateka ngobe
kuba matima kucedza imisebenti lababekelwe yona.
Emalungelo agodliwe Phenya
Downloaded from hlayiso.com
Siswati Lulwimi Lwasekhaya (HL)/P1 8 DBE/Lweti 2019
NSC
Lolunye lucwaningo luvete kutsi inhlitiyo igcina ishayela etulu ngaletinatfo temandla.
Lokubuhlungu kutsi bantfu labanyenti basebentisa letinatfo bangakayi kuyewuhlola
simo semphilo yabo kubodokotela kutsi ngabe bakulungele yini kutisebentisa letinatfo.
Bajatjuliswa nje kutibona baphumelela kubukana nencwaba yemisebenti yelusuku
kantsi umsebenti awucedvwa. Lokubalulekile kuhlela kahle sikhatsi sakho sekwenta
imisebenti kunekuyibekela likusasa.
Bantfu labasebentisa letinatfo baya kakhulu endlini lencane bayewucitsa emanti
labangelwa nguletinatfo. Umtimba ugcine ungenamanti, tinso bese tiyoma, lokungenta
kutsi tigcine tifile.
Utigubhelelani ligodzi usaphila? Ungatilamulela kulombulali ngekudla kudla
lokutakunika emandla lokufaka ekhatsi emawolintji, ematamatisi nalokubabako.
Kutivocavoca kanye ngelilanga kungakushiya ujabulile, unemdlandla nengcondvo
lekhaliphile. Kunatsa emanti akube yinsakavukela kugezwa kwemehlo.
[Itsetfwe: kuBona, Indlovana 2018]
SAMBA SESIGABA B: 10
Emalungelo agodliwe Phenya
Downloaded from hlayiso.com
Siswati Lulwimi Lwasekhaya (HL)/P1 9 DBE/Lweti 2019
NSC
SIGABA C: TAKHI NETIMISO TEKUSETJENTISWA KWELULWIMI
UMBUTO 3: SIKHANGISI
Fundza lesikhangisi bese uphendvula imibuto lelandzelako.
ITHEKSTHI D
SMS
5522
INTAMAKUPHILA
SEWUNEMINYAKANYAKA UMBHALO WAKHO UNGATIWA NDZAWO?
Sibashicileli be-Intamakuphila singaletsa injabulo ebusweni bakho sikwentele konkhe loku:
1. Siyashicilela, sikutsengisele umbhalo wakho nange-inthanethi imbala.
2. Sikutfolela i-ISBN lokuyinombolo yencwadzi yakho.
3. Sikukhangisela umbhalo wakho ngangcondvomshini.
4. Sifaka incwadzi yakho ku-e-book, tinhlelo tekuchumana, bantfu bayifundze khona
ngekuyikhokhela.
5. Sikusita ngekukukhangisela ku-inthanethi.
Emaphesenti emali lobongwa ngayo la-40
[Itsetfwe: www.@publishers.com]
3.1 Phindza ubhale lomusho lokunombolo 3 kulesikhangisi bese ugucula ligama
lelicindzetelwe likhombe bukhulu bentfo. (1)
3.2 Yini kutsiwe emagama lamakhulu lakulesicubulo anemtselela lomuhle kulabo
labakhangisako? Nika KUNYE. (1)
3.3 Khetsa YINYE imphendvulo. Hlobo luni lwenkhulumo lolu lolukulomusho
lokunombolo 5 kulesikhangisi lesingenhla.
A Inkhulumo letsatsa luhlangotsi
B Inkhulumo leveta imfundzisolite
C Inkhulumo lenemandla ekuphatsa
D Inkhulumo lenekutsintsa imiva (1)
3.4 Hlanganisa lemisho lemibili lekunombolo ye-1 neye-2 ibe ngumusho lombici. (1)
Emalungelo agodliwe Phenya
Downloaded from hlayiso.com
Siswati Lulwimi Lwasekhaya (HL)/P1 10 DBE/Lweti 2019
NSC
3.5 Phawula ngekuvetwa kwalolomsikati kulesikhangisi. Usho ngani? (2)
3.6 Sebentisa libitomfutiselo lelingena ngaphasi kwalelibintana lemagama
lagcanyisiwe lakunombolo ye-4 kulesikhangisi emshweni lotakhele wona. (2)
3.7 Yini levetwe kulesikhangisi lengenta kutsi tetsamelilwati tingayiletsi imibhalo
yato kulabashicileli? Usho ngani? (2)
[10]
UMBUTO 4: IKHATHUNI
Fundza lekhathuni bese uphendvula imibuto lelandzelako.
ITHESKTHI E
Mine ngiyamangala kutsi
kusenemuntfu lolibele. Konje vele
nine madvodza aninanhlitiyo.
Inyandzaleyo!!!
Lesikolo sidzinga inchubomgomo lephatselene netindlela letikahle
tekujezisa emaphikankhani ladvunga sikolo.
[Itsetfwe: www.cartoonimpact.com]
4.1 Khokha umusho lokulekhathuni lengenhla lonenkhulumo letsatfwa
njengemaciniso ibe itsintsa imiva. (1)
4.2 Yini lebangele kutsi kusetjentiswe lesiga senkhulumo lesikulekhathuni
lengenhla? (1)
4.3 Ngusiphi sento salomake lesikhomba kutsi wetfukile futsi umangele? Nika
SINYE. (1)
4.4 Akha umusho ngelibitombici lelidvwetjelwe kulekhathuni lengenhla ukhombise
kutsi uyayati inshokutsi yalo. (1)
4.5 Titfolele ligama lelisiphawulo lelingachaza simo semtimba walomake bese
ulisebentisa emshweni lotakhele wona. (2)
Emalungelo agodliwe Phenya
Downloaded from hlayiso.com
Siswati Lulwimi Lwasekhaya (HL)/P1 11 DBE/Lweti 2019
NSC
4.6 Bhala saga lesingangena kulabocatjangiwe lesichaza kuvelelwa lishwa
kwalobabe ngalomake lome embikwakhe. (2)
4.7 Ucabanga kutsi ngusiphi senteko lesikhomba emandla ekuphatsa
kulekhathuni lengenhla? Usho ngani? (2)
[10]
UMBUTO 5: IPHROZI
Fundza letheksthi bese uphendvula imibuto lelandzelako.
ITHEKSTHI F
KUHLOLWA KWEMEHLO
Nangabe kadze wagcina kuyewuhlola emehlo, lesi sikhatsi lesihle sekukwenta loko.
Kusukumela etulu uyewuhlola kunemklomelo lomuhle. Njengobe sikhula nje, nemehlo
nawo ayakhatsala, abese avilapha kubuka. Phela kadze kwasa abukana
nebukhatikhati balomhlaba, adlojwa natintfuli netintfutfu letibuya etinkapanini. Kubona
kahle emehlweni kwenta kutsi ufundze kahle tincwadzi takho. Bafundzi labafaka tibuko 5
temehlo batfola emamaki lamahle etifundvweni tabo. Abatihluphi ngekufundzela kufa
nekuphila nabalungiselela luhlolo lwekuphela kwemnyaka.
Labashayela timoto bayaphepha impela emgwaceni. Lucwaningo lutsi bashayeli
baseMekeza abakushayi mkhuba kuyewuhlola emehlo. Linyenti lelenta lesento
kulabashayeli, bafana. Lititjela kutsi leyo yintfo lefanele bomake. 10
Nangabe kunesidzingo sekutsi utfole tibuko kudokotela wemehlo, sengiso sikhatsi.
Kulabo labakhala ngekutsi tikhwama tabo tite imali, hulumende ukwente kwaba lula
kutsi tibhedlela tibe nabodokotela bemehlo bamahhala. Noma banganibuta kutsi tona
letibuko lenitifakile, tibuko tini, bindzani sengatsi nifile.
Faka tibuko takho nanobe inhlitiyo ingakutfokoteli loko ngobe utawusindza 15
nasekubulaweni yinhloko lengapheli. Sive naso sitawuphepha kuletingoti letibikwa
imihla le emisakatweni, letibangwa ngulabo labangafuni kutsatsa teluleko
tabodokotela.
[Itsetfwe: Bona, 23 Indlovana 2018, Likhasi 32]
5.1 Phindza ubhale lomusho locindzetelwe endzimeni yesibili ulungise liphutsa
lelulwimi lelikuwo. (1)
5.2 Mcondvofana weligama leligcanyisiwe emshweni losendzimeni yekucala
uhambisana nalona lokulemisho lelandzelako:
A Kusukumela etulu uyewuhlola kunemholelo lomuhle.
B Kusukumela etulu uyewuhlola kunemhlatjelo lomuhle.
C Kusukumela etulu uyewuhlola kunenkhokhelo lenhle.
D Kusukumela etulu uyewuhlola kunemnikelo lomuhle. (1)
Emalungelo agodliwe Phenya
Downloaded from hlayiso.com
Siswati Lulwimi Lwasekhaya (HL)/P1 12 DBE/Lweti 2019
NSC
5.3 Khokha umusho losendleleni lephocako endzimeni yekugcina kuletheksthi
lengenhla. (1)
5.4 Yini kutsiwe sabito selucobo lesikulomusho lodvwetjelwe endzimeni yesitsatfu
sisetjentiswe njengesikhombabito lesigcizelelako? (1)
5.5 Sebentisa libito lelicindzetelwe endzimeni yesitsatfu emshweni lotakhele
wona libe ngumentiwansombo. (2)
5.6 Akha umusho ngesento lesicindzetelwe endzimeni yekucala, sinike
umcondvo wekwentana. (2)
5.7 Hlobo luni lwenkhulumo lolu loludvwetjelwe endzimeni yekucala? Sekela
imphendulo yakho. (2)
[10]
SAMBA SESIGABA C: 30
SAMBA SAKO KONKHE: 70
Emalungelo agodliwe
Study this subject
Recommended for this subject

Question paper
siSwati HL Grade 12 Paper 2 NSC November 2019 Question Paper

Question paper
siSwati HL Grade 12 Paper 3 NSC November 2019 Question Paper

Question paper
siSwati HL Grade 12 Paper 1 NSC November 2023 Question Paper

Question paper
siSwati HL Grade 12 Paper 1 NSC November 2022 Question Paper

Question paper
siSwati HL Grade 12 Paper 1 NSC November 2021 Question Paper

Question paper
siSwati HL Grade 12 Paper 1 NSC November 2020 Question Paper
More from Grade 12 siSwati HL

Annual teaching plan
Gr 12 Siswati HL ATP 2023 24

Memorandum
siSwati HL Grade 12 Paper 1 NSC November 2025 Memo

Memorandum
siSwati HL Grade 12 Paper 2 NSC November 2025 Memo

Memorandum
siSwati HL Grade 12 Paper 3 NSC November 2025 Memo

Memorandum
siSwati HL Grade 12 Paper 1 November 2024 NSC Memo

Memorandum