isiNdebele FAL Grade 12 Paper 2 NSC June 2016 Question Paper

Downloaded from hlayiso.com SENIOR CERTIFICATE EXAMINATIONS ISINDEBELE ILIMI LOKUTHOMA LOKWENGEZA (FAL) IPHEPHA LESIBILI (P2) 2016 IMITLOMELO: 70 ISIKHATHI: Ama-iri ama-2 Iphepheli linamakhasi ali-13. Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 2 DBE/2016 SCE YELELA 1. Umfundi kufanele afunde ikhaseli ngokukhulu ukuyelela ngaphambi kobana aphendule imibuzo. 2. Ungalingi ukufunda iphepha lemibuzo loke. Qala ikhasi lokumunyethweko elisekhasini elilandelako bese utshwaya iinomboro zemibuzo ebuzweko ngeencwadi ozifundileko kilomnyaka. Ngemuva kwalapho, funda imibuzo le bese ukhetha leyo ofisa ukuyiphendula. 3. Iphepheli LINEENGABA EZINTATHU: ISIGABA A: Inovela (35) ISIGABA B: Iindaba ezifitjhani (35) ISIGABA C: Iinkondlo (35) 4. Landela imiyalo onikelwe yona ekuthomeni kwaleso naleso sigaba ngokuyelela okukhulu. 5. Khetha IINGABA EZIMBILI uphendule ngazo. Phendula yoke imibuzo kuSIGABA A nakuSIGABA C. NOFANA Phendula yoke imibuzo kuSIGABA B nakuSIGABA C. NOFANA Phendula yoke imibuzo kuSIGABA A nakuSIGABA B. 6. Sebenzisa irhelo lokuhlola ukuqinisekisa bona yoke imibuzo uyiphendulile. 7. Tlola iinomboro zeempendulo njengombana zinjalo ephepheni lemibuzo. 8. Thoma isigaba ESINYE NESINYE ekhasini ELITJHA. 9. Isikhathi esiphakanyisweko sokuphendula isigaba ngasinye: ISIGABA A: Pheze imizuzu ema-60 ISIGABA B: Pheze imizuzu ema-60 ISIGABA C: Pheze imizuzu ema-60 Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 3 DBE/2016 SCE IKHASI LETHEYIBULA LOKUMUNYETHWEKO: Abafundi bayeleliswa bona baphendule yoke imibuzo. YELELA: PHENDULA IINGABA EZIMBILI KWAPHELA ISIGABA A: INOVELA Phendula YOKE imibuzo. INOMBORO YOMBUZO IMITLOMELO INOMBORO YEKHASI 1.1 UBonakele 18 5 1.2 UBonakele 17 6 ISIGABA B: IINDABA EZIFITJHANI – UZANGENZANI Phendula YOKE imibuzo. 2. 'Ilifu elinzima' 17 8 3. 'Isikhundla madoda' 17 9 ISIGABA C: IINKONDLO Phendula YOKE imibuzo. 4. 'Umona' 17 11 5. 'Licimile ilanga' 18 12 Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 4 DBE/2016 SCE IRHELO LOKUQINISEKISA Tlola itshwayo () erhelweni lokuqinisekisa elilandelako ukuhlola bona uphendule YOKE imibuzo elindelekileko. ISIGABA IINOMBORO INANI LEMIBUZO ITSHWAYO ZEMIBUZO EZOKUPHENDULWA () ISIGABA A: UMBUZO 1.1 1.1.1–1.1.10 2 UMBUZO 1.2 1.2.1–1.2.10 ISIGABA B: UMBUZO 2 2.1–2.11 2 UMBUZO 3 3.1–3.10 ISIGABA C: UMBUZO 4 4.1–4–9 2 UMBUZO 5 5.1–5.9 Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 5 DBE/2016 SCE ISIGABA A: INOVELA Kilesisigaba phendula YOKE imibuzo. UMBUZO 1: UBONAKELE – M Sikosana 1.1 Fundisisa itheksthi engenzasi bese uphendula imibuzo elandelako. ITHEKSTHI A 'Hi, hi, hi …! Kulila uBafunani. Heyi! Ungangibangeli itjhada lapha, ngisadinwe ngunyoko, nawe ungibangela itjhada. Awumtjeli ngani akuphe imali unyoko ngombana mina kuthiwa angisuye uyihlo. Uyihlo kuthiwa namtjhiya eHlazatje. Awuyi ngani eHlazatje uyokubawa kuyihlo wamambala?' kwatjho uMahlangu ngokukhulu ukusilingeka. 'Baba, m … n … mina a… a … ngi …,' kuphendula uBafunani ngephimbo lokulila. 'Thula! Ngithe kuwe phuma uphele uyokulilela unyoko ngemlanjeni!' Aphume uBafunani ayokuhlala ngaphandle, alile khulu. UMahlangu ahlale yedwana acabange ngeenkinga zakhe. 'Yoke iminyaka le ngondlana nabo, namhlanjesi bangibona bona ngisidlhadlha sabo. Nanje ngiyabuyelela ngiyatjho bonyana ngaze ngazilaya ngokwahlukana nomfazami womtjhado. Ngihlezi nje angazi bona unina nomntwanami batjhinga kuphi.' Athule kancancani uMahlangu. 'Kodwana e … uBafunani akanamlandu, umlandu unonina. Akukafaneli bona sithi nasibhalelwa kurarulula iinkinga zethu bese sisulela ebantwaneni bethu. Umlandu unabazali.' UBafunani ulila nje unina uyamizwa ngemlanjeni. Nguye loya eza agijima njengomntazana omutjha. Watjhiya umgqomu wamanzi ngemlanjeni, weza athwele izandla ehloko ungasuthi kukhona ohlongakeleko ngakwakhe. 'Ha, madekhethu, Kwenzenjani Bafunani? Ukubangisani uyihlo e … ngithi ukubangisani uMahlangu?' Adose uBafunani angene naye ngekhwitjhini. 'Akaka … ngenzi li … tho mma,' kwaphendula uBafunani. 'Uthini!' kwatjho uNaSilombo. 'NaSilombo, akhe wehlisele umoya wakho phasi,' kwatjho uMahlangu. [Ikhasi 47–48] 1.1.1 Wayeneminyaka emingaki uBonakele nakasuka eSiyabuswa? (1) 1.1.2 Ngokurhunyezweko tlola bona uBafunani bekafuna ukwenzani ngemali ayibawa kuMahlangu. Ipendulo ayibe liphuzu ELILODWA. (2) 1.1.3 Tlola bonyana uBafunani begade alilelani etheksthini engehla. Ipendulo ayibe liphuzu ELILODWA. (2) 1.1.4 Tlola ngephuzu ELILODWA bona ikulumo elandelako iveza uMahlangu amlingisi onesimilo esinjani. 'Kodwana e … uBafunani akanamlandu, umlandu unonina. Akukafaneli bona sithi nasibhalelwa kurarulula iinkinga zethu bese sisulela ebantwaneni bethu. Umlandu unabazali.' (2) Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 6 DBE/2016 SCE 1.1.5 Ucabanga bona ngiyiphi into ebeyenziwa nguNaSilombo ebonakala iyifundiso embi ekukhuliseni umntwana. Ipendulo ayibe liphuzu ELILODWA. (2) 1.1.6 UBonakele umtlhagwakhe azange uphele nanyana besele afumene ikamuru lokuqatjha eDaveyton. Sekela isitatimendesi ngephuzu ELILODWA. (2) 1.1.7 Hlathulula izehlakalo EZIMBILI lapha umlingisi onguBonakele avela khona ngebizo lakhe. (2) 1.1.8 Phendula isitatimende esingenzasi ngoLIQINISO nofana AKUSILO IQINISO bese usekela isiqunto osithathako ngephuzu ELILODWA. Indawo lapha bekuhlala khona umndeni kaBonakele bekusemaplasini. (1) 1.1.9 Tshwaya ngelihlo elibukhali ipilo mazombe yomlingisi onguNaMndebele. Ipendulo ayibe liphuzu ELILODWA. (2) 1.1.10 Ingabe UYAZWELANA nofana AWUZWELANI nomlingisi onguMbuyiseli ngesehlakalo sokobana uBonakele agcine akhambile kwakhe ngaphandle kokumlayelisa. Sekela ipendulwakho ngephuzu ELILODWA. (2) 1.2 Fundisisa itheksthi engenzasi bese uphendula imibuzo elandelako. ITHEKSTHI B UBonakele bekanganaso isikhathi sokudlala ngamathuba nakavelako. Wazimisela ngawo woke amandla anawo bona naye abe ngomunye wabantu abaziwako emdlalweni weendubulo. Lokhu ukuzimisela kwakhe bakubona aboKiller nabanye ababambisene kilesi sitlhopha. Njeke nabo benza koke okusemandleni wabo bona bamenze bona agcine selayikutana yeendubulo. Umphathi wakhe azange athande ukudla isikhathi sakaBonakele. Wamfaka esiqhemeni sababhadelwako kwezeendubulo. Kwamthokozisa khulu lokho uBonakele. Kwaduma iDaveyton yoke bonyana uBonakele selangomunye wabalwela unongorwana kwezeendubulo. Abanye bamfisela itjhudu kodwana abangamthandiko njengoSponono noNduku khabe bafisa ngasuthi uBonakele angeze aphumelela. Kwathi ngemva kwesikhathi esincani nje kwezwakala emaphephandabeni nemirhatjhweni bonyana uBonakele Mahlangu uzokubethana nesokana elivela ngaphetjheya kwelwandle bazokubanga unongorwana wephasi kwezeendubulo kilabo abasebangeni eliphakathi. Bonakele namhlanje uyindoda emadodeni, kodwana okunengi sizakukhuluma ngemva kobana sewulihlulile isokana ozokubambana nalweli ngenyanga esizayithoma le. Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 7 DBE/2016 SCE Ngiyathemba bona nawe sewuyazizwa neengazini bonyana uzalihlula. Akusinjalo ndoda? Kwabuza uKiller. Ngifisa ngathi ngabe sibethana khona kusasa lokhu okusako! Kade ngililindile ithuba elifana naleli. Namhlanjesi nami ngiyazizwa namtjhana ngilele bonyana ngiyindoda emadodeni. Abadala baqinisile nabathi ubudoda abukhulelwa. 'Namhlanje ngimi lo esele kutlolwa ngaye emaphepheni nosele aziwa kiyo yoke inarha njengekutana esakhulako' kwatjho uBonakele ngokukhombisa ukuthaba okukhulu. [Ikhasi 67] 1.2.1 Tlola ibizo lesokana elivela ngaphetjheya kwelwandle elalizokulwa noBonakele. (1) 1.2.2 Ngokurhunyezweko tlola bona uBonakele wafika njani lapha kuzibandulela khona aboKiller. (2) 1.2.3 UNaMndebele bekakuphi begodu enzani ngesikhathi uBonakele akhutjhwe emaphephandabeni kuthiwa uyokulwa noDuke? (2) 1.2.4 Tlola isizathu esenza bona uKiller athathe isiqunto sokobana ayokuthatha uBonakele ambandule emdlalweni wezeendubulo. (1) 1.2.5 Ketha ipendulo enembako kezingenzasi. Uyise lomntwana kaBafunani ngu … A Sponono. B Dilika. C Thokozani. D Killer. (2) 1.2.6 Hlathulula isizathu esenza bona uMahlangu agcine ayokufuna umndenakhe. Ipendulo ayibe liphuzu ELILODWA. (2) 1.2.7 Hlathulula irarano elavela hlangana noNaSilombo noBafunani ngemva kobana uMahlangu akhambile kwakhe eSiyabuswa. Ipendulo ayibe liphuzu ELILODWA. (2) 1.2.8 Phendula isitatimende esingenzasi ngoLIQINISO nofana AKUSILO IQINISO bese usekela isiqunto osithathako ngephuzu ELILODWA. Ngemva kobana uNaMndebele aziphe inarha emzinakhe, walifumana isekelo ebantwini agade abasebenzela. (1) 1.2.9 Coca uveze amazizwakho ngesehlakalo esibumba isitlhori senovela le. (2) 1.2.10 Nange unguNaSilombo ngiliphi igadango obewungalithatha ngesikhathi kugula umntwana kaBafunani nemali yokumusa emtholapilo unganayo? Ipendulwakho ayibe liphuzu ELILODWA. (2) IMITLOMELO YESIGABA A: 35 Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 8 DBE/2016 SCE ISIGABA B: IINDABA EZIFITJHANI Kilesisigaba phendula YOKE imibuzo. UMBUZO 2: UZANGENZANI – DM Jiyane nabanye 'ILIFU ELINZIMA' Fundisisa itheksthi engenzasi bese uphendula imibuzo elandelako. ITHEKSTHI C Nabafika ekhaya burhagale ubulwele. 'NaMarhubani ubona njani wena?' 'Akusingcono siye kibondlelazinukimiswani? Nasele kunje kumele silinge iindawo ezinengi. Kghani, sibuyele kwaNamkhokheli nofana siye kudorhodera?' 'Mina baba bengisithi ngcono siye kuMangothobana siyokwiza kuye, angithi uvele akutjele into ephelako nezwakalako.' 'UMangothobana?' 'Iye uMangothobana kanti sewumkhohliwe na?' 'Tjhe, ngiyambona awutjho isangoma esingancangange Bhabhisi?' 'Ingani ungizwa kuhle baba.' 'Uyazi ukhuluma njengomfazi namhlanje kuze. Uyazi besele kuthe tjhira kimi ngaye.' 'Mma! Mma! Ba … baba! Ningazitshwenyi khulu ngami ngilisani ngife.' 'Uthini? Uyarhapha. Sikulise ufe, ucabanga bona ekufenapho kumnandi ngiyabon?' NoKitimpana musukuphika naye mbambe ngapho simfake ekoloyini sikhambe. Nangambala afakwe ekoloyini uMpotlogwana idose, bebayokufika.' 'Thokoza!' 'Thokoza mndawu.' Ngenani kade nginilindile. Kuvuswe nabantu ebesele balele bonyana bambethele. Atjho athome ingoma. Abagulako! Bayeza kusasa bayeza, Abagulako! Bayeza kusasa bayeza. Utjho njalo weqa amalangatjha ugida isindawu. Iwahlo liwahlo likhambisana nengungu. Eqele phezulu azirhadle phasi. 'Heyi! Yethi … thi … thi. Makhosi! Sizani naku umnyama!' Atsirimezeke. Laba abambethelako batjhentjhe ingoma ngendlela okuvame kwenziwe ngayo nasele kukumbi. Kuthi kusenjalo athi rurhururhu aphume njengekule. Iragela phambili ingoma. UMpotlogwana ulele phakathi nendawo ukubuyiswa nokukhanjiswa yindeni kusathe khwephu. [Ikhasi 20–21] 2.1 Tlola igama lezibulo lekhabo kaMpotlogwana. (1) 2.2 Ubegade ayephi uMpotlogwana nazabe asahlelwe kugula nje? (1) 2.3 Rhunyeza ngephuzu ELILODWA izinto ezazenzeka kuMpotlogwana ezamenza bona acabange bona uphethwe yinyongo. (2) Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 9 DBE/2016 SCE 2.4 Tlola izinto eziphikisanako ezatjhiwo nguNombengula noDorhodera uNell ebathi zingunobangela wokugula kwakaMpotlogwana. (2) 2.5 UMangothobana watjela ababelethi bakaMpotlogwana bonyana benzeni ukuze aphole? (1) 2.6 Isenzo sababelethi bakaMpotlogwana sokuya ebantwini abanengi abahlukahlukene kangaka ukufikela lapha aphola khona uMpotlogwana sibaveza babalingisi abanjani? Ipendulwakho ayibe liphuzu ELILODWA. (2) 2.7 Ucabanga bona umtloli usilethela muphi umqondo ngokusivezela uMpotlogwana sele ahlanza inyoka? Ipendulwakho ayibe liphuzu ELILODWA. (2) 2.8 Tlola bewuhlathulule ikolelo yabantu bakwaThugwana. Ipendulo ayibe liphuzu ELILODWA. (2) 2.9 Ngokubona kwakho ingabe kubangelwa yini bona esiphethweni senovela le uMpotlogwana nakaphaphamako afune amanzi nokudla. (2) 2.10 Coca ngesiphetho sendatjana le. Ipendulo ayibe liphuzu ELILODWA. (2) [17] UMBUZO 3: UZANGENZANI – DM Jiyane nabanye 'ISIKHUNDLA MADODA' Fundisisa itheksthi engenzasi bese uphendula imibuzo elandelako. ITHEKSTHI D 'Kosi,' kutjho uJali, afumbethe ingwani ngezandla. 'Ubaba uMotha akasekho. Kuzwakele bona uthole ingozi yekoloyi, ngepelaveke. Manje Skhosana hlanganani noke, ngibone bona angibize wena ngizokwazisa kwamathomo. Lokho ngikwenziswa kukobana nginekinga yokobana ngubani ongakghona ukuthatha isikhundla sakaMotha? Kwesibili Skhosana, iinsebenzi zekhamphani yethu le, inengi lazo linommoya wezepolotiki. Nawe Skhosana bekutholakala bona ukhona ekubhenyogeni kwazo, kodwana ngiyakunyula ngombana bekuthi entambama ukghone ukungibethela umrhala nanyana ungibize ngize kwakho, ungitekele zoke, nokobana ngubani onommoya khulu.' 'Kosami!' kutjho uJali. Manje-ke Skhosana ngifuna ungiphe umbono bona ngubani esingamkhuphula esikhundleni sakhe, athathe isikhundla sakaMotha? Ngaphambi kobana uphefumule, ngifuna ungalibali bona uMotha bekafundile. Kungalokho nakubhenyogwako ubakghona ukunibiza abambe umhlangano nani, nikhulumisane. Kungalokho ubakghona ukungeluleka bona ngenzeni, ukuze iinhliziyo zenu nokuphatheka kwenu la ekhamphanini kubemnandi. Manje bakhona nokho abafunde pheze njengoMotha, kanti-ke nawe nanyana ungakafundi kangako, kodwana kade uyisebenzela i-Old Mutual. Phefumula-ke Skhosana ngizwe. Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 10 DBE/2016 SCE Wathi bona ezwe uSkhosana bona, uMotha ubhubhile kwamfikela bona ithuba ngelakhe-ke kwanje. Wacabanga ngekantorweni kaBotha waqeda bona isikhundla sobunduna, sokuphatha kade asililela. Kade balila la ekhamphanini balila ngoMotha, kesinye isikhathi bamthomelele namala. Namhlanje-ke uSkhosana uthole ithuba lokusithola isikhundla sokuba sisandla sakaBotha. [Ikhasi 47–48] 3.1 Tlola unobangela wokubhubha kwakaMotha. (1) 3.2 Tlola izinto EZIMBILI ezimamala ezazitjhiwo nguSkhosana ngoMotha nakabethela uBotha umtato. Ipendulwakho ayibe liphuzu ELILODWA. (2) 3.3 Tlola isizathu esenza bona uBotha azise uSkhosana kwamathomo ngokuhlongakala kwakaMotha ngaphambi kobana atjele ezinye iinsebenzi. (2) 3.4 Ngokurhunyezweko tlola into eyenza bona uBotha angazithembi iinsebenzi zekhamphani kanye noSkhosana bona angabanikela isikhundla sakaMotha. (2) 3.5 Hlathulula unobangela owenza bona uBotha anyule ukuthola umuntu ofunde njengoMotha ozokuthatha isikhundla sakhe. (2) 3.6 Ucabanga bona kungebangalani uSkhosana abeka imibandela yokungamenyezelwa kwesikhundla esatjhiywa nguMotha ukobana omunye nomunye umuntu ekhamphanini afake isibawo? Ipendulo ayibe liphuzu ELILODWA. (2) 3.7 Ucabanga bona isiphetho sendatjana le kusiphetho esilindelekileko nofana esingakalindeleki. Sekela isiqunto osithathako ngephuzu ELILODWA. (1) 3.8 Ingabe indlela umtloli aveze ngayo uSkhosana isitjelani ngesimilo sakhe? Ipendulwakho ayibe liphuzu ELILODWA. (2) 3.9 Ingabe isenzo sakaSkhosana sokuthabela ukubhubha kwakaMotha khona yena azokuthola isikhundla sakhe, SIYAMUKELEKA nofana ASAMUKELEKI? Sekela ipendulwakho ngephuzu ELILODWA. (2) 3.10 Nawuqalisisa isiphetho sendatjana le ingabe UYAZWELANA nofana AWUZWELANI noBotha njengomphathi we-Old Mutual? Sekela ipendulwakho ngephuzu ELILODWA. (2) [18] IMITLOMELO YESIGABA B: 35 Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 11 DBE/2016 SCE ISIGABA C: IINKONDLO Kilesisigaba phendula YOKE imibuzo. UMBUZO 4 Fundisisa ikondlo engenzasi bese uphendula imibuzo elandelako. UMONA – MS Ntuli 1 Nguhliziyokul' umafela ngendeni, 2 Sihlub' abany' iimpiko 3 Angazenzeli yena. 4 Ngumarhudul' amehlw' abomvu; 5 Wamalangab' atjhisa kutjhisa, 6 Abe makhaza kumakhaza. 7 Ngunyawo liphapha phezulu, 8 Nguhloko sithaya phasi. 9 Nguhliziyo silal' emini, sivuk' ebusuku: 10 Sirhulurhulu sirhuluphel' umnyama, 11 Uphetjhulwa mumoya, 12 Urhurhulwa mamanzi; 13 Upheka kuphakululwa, uphakulula kuphekwa. 14 Akwenzako kwaziwa nguye, umona. 4.1 Tlola bona umona ungathekiswe nayiphi inyoni. (1) 4.2 Buyelela utlole imida elandelako bese uthalela ivumelwano elitholakala kiyo utjho nokobona mhlobo bani wevumelwano: 'Ngunyawo liphapha phezulu, Nguhloko sithaya phasi.' (2) 4.3 Tlola izinto EZIMBILI ezenziwa mumuntu onomona ezifana nezenziwa babantu abaloyako? (2) 4.4 Tlola ubukondlo obumunyethwe mumuda we-13 wekondlo engehla. (1) 4.5 Dzubhula umuda osetjenziswe ekondlweni engehla ohlathulula bona umona wenza izinto emsitheleni ungabonwa babantu njengenyoni ekhamba ebusuku. (2) 4.6 Hlathulula imiqondo emunyethwe mimida elandelako: 4.6.1 'Nguhliziyokul' umafela ngendeni' (2) 4.6.2 'Sihlub' abany' iimpiko' (2) Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 12 DBE/2016 SCE 4.7 Ingabe imikghwa yomuntu onomona evezwe ekondlweni iyamukeleka na? Ipendulo ayibe liphuzu ELILODWA. (2) 4.8 Coca ngommoya omunyethwe yikondlo engehla le. Ipendulo ayibe liphuzu ELILODWA. (2) 4.9 Coca ngokuphumelela kwembongi ukusebenzisa iinthombe-ngqondo ezibonakala zisetjenziswe ngobunengi ekondlweni le. Ipendulo ayibe maphuzu AMABILI. (2) [18] UMBUZO 5 Fundisisa ikondlo engenzasi bese uphendula imibuzo elandelako. LICIMILE ILANGA – A Mnguni 1 Besihlezi kamnandi, 2 Sifukanyelwe nguwe, 3 Singezwa amakhaza, 4 Singezwa lothe. 5 Gadesi akusese njalo, 6 Ilanga licimile, 7 Licimile ilanga. 8 Isitjhaba soke savelelwa, 9 Kwahlaluka bona ngeze 10 Kwaphilwa. 11 Iinhliziyo zarhohlomela 12 Zigubuzeswe budisi bephasi, 13 Amehlo asala amlambokazi. 14 Sizakulibala njani 15 Ilothe liziphe amandla nje? 16 Lizakukhandelwa ngubani 17 Isitjhaba sibuthakathaka nje? 18 Ngawe savuka ebuthongweni, 19 Ngawe indlela yakhanya, 20 Yakhanya kanye tere! 21 Sakwazi ukuphila, sagadanga 22 Siqale phambili umkhanyo ukhona. 23 Gadesi uphi? 24 Besihlezi kamnandi 25 Singazi bona liyokufika ilanga, 26 Ilanga ngitjho eliginya nelanga 27 Isitjhaba sisale sisodwa. 28 Gadesi siyazi ngombana 29 Licimile ilanga. 5.1 Tlola bona ngiliphi ilanga elicimileko ekukhulunywa ngalo ekondlweni engehla le? (1) Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LokuThoma LokweNgeza (FAL)/P2 13 DBE/2016 SCE 5.2 Tlola izinto EZIMBILI ezihle ekukhulunywa ngazo ekondlweni le ezenziwe lilanga ngaphambi kobana licime. (2) 5.3 Dzubhula umuda osetjenziswwe ekondlweni engehla ositjela bona kwaba khona isililo esikhulu ngokucima kwelanga. (2) 5.4 Tlola ubukondlo obusetjenziswe yimbongi emideni elandelako: 5.4.1 'Sakwazi ukuphila, sagadanga' (1) 5.4.2 'Isitjhaba sisale sisodwa' (1) 5.5 Hlathululula bona imbongi itjho liphi ilanga emudeni olandelako: 'Ilanga … eliginya nelanga.' (2) 5.6 Tlola bewuhlathulule imihlobo yeenthombe-ngqondo emunyethwe mimida elandelako: 5.6.1 'Licimile ilanga' (1) 5.6.2 'Amehlo asala amlambokazi' (1) 5.7 Ingabe izinto ezivezwa sitjhaba ngelanga elicimilekweli zisitjelani ngalo? Ipendulo ayibe liphuzu ELILODWA. (2) 5.8 Coca ngomlayezo esiwethulelwa yimbongi ngekondlo engehla le. Ipendulo ayibe liphuzu ELILODWA. (2) 5.9 Coca ngommongondaba wekondlo le. Ipendulo ayibe mumuda OWODWA. (2) [17] IMITLOMELO YESIGABA C: 35 INANI LOKE: 70 Ilungelo lokukhuphela lifunjethwe