Downloaded from hlayiso.com
NATIONAL
SENIOR CERTIFICATE
IBANGA 12
ISIXHOSA ULWIMI LWASEKHAYA (HL)
IPHEPHA LOKUQALA (P1)
FEBRUWARI/MATSHI 2012
AMANQAKU: 70
IXESHA: 2 iiyure
Olu viwo lunamaphepha ali-14.
*XHOHL1*
Akuvumelekanga ukufotokopa eli phepha Tyhila iphepha
Skip to contentAll 2012 papers 





View all





isiXhosa HL Grade 12 P1 Supplementary Exams 2012 QP
Grade 12 isiXhosa HL Paper 1 question paper from the Supplementary Exams 2012, 15 pages. Read online or get the free PDF download, memo linked when available.
Isixhosa Hl · Grade 12 · Supplementary Exams · 2012 · isixhosa. Question paper, 15 pages. Read online or download the PDF.
- Subject
- isiXhosa HL
- Grade
- Grade 12
- Language
- Isixhosa
- Document type
- Question paper
- Year
- 2012
- Exam period
- Supplementary Exams
- Paper
- 1
- Curriculum
- CAPS
- Pages
- 15
- File size
- 404.2 KB
Free to read online, no sign-up needed
Loading document…
Loading document…
1 of 15
This exam
Supplementary Exams 2012
- Paper 1Question paper
- Paper 2Question paper
- Paper 3Question paper
Questions in this paper
- Question 1.1Ukufunda nokubukela / Reading and Viewing (non-literary)20 marks
- Question 1.2Ukufunda nokubukela / Reading and Viewing (non-literary)20 marks
- Question 3Ukufunda nokubukela / Reading and Viewing (non-literary)10 marks
- Question 4Izakhiwo nemigaqo yolwimi / Language Structures and Conventions10 marks
- Question 5Izakhiwo nemigaqo yolwimi / Language Structures and Conventions10 marks
Document textSearch extracted text and jump to a page.
Downloaded from hlayiso.com
Downloaded from hlayiso.com
IsiXhosa Ulwimi Lwasekhaya (HL)/P1 2 DBE/Februwari–Matshi 2012
NSC
IMIYALELO NENGCACISO
1. Eli phepha lemibuzo LINAMACANDELO AMATHATHU:
ICANDELO A: Uvavanyo lokuqonda (30)
ICANDELO B: Isishwankathelo (10)
ICANDELO C: Ulwimi (30)
2. Funda YONKE imiyalelo ngocoselelo.
3. Phendula YONKE imibuzo.
4. Qala icandelo NGALINYE kwiphepha ELITSHA.
5. Krwela umgca ekupheleni kwecandelo ngalinye.
6. Nombola impendulo nganye kanye ngokwendlela enonjolwe ngayo
kwiphepha lemibuzo.
7. Shiya umgca emva kwempendulo nganye.
8. Bhala ngokucocekileyo nangokucacileyo.
9. Qwalasela ngokukodwa upelo nolwakhiwo lwezivakalisi.
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 3 DBE/Februwari–Matshi 2012
NSC
ICANDELO A: UVAVANYO LOKUQONDA
UMBUZO 1
ISICATSHULWA A
1.1 Funda esi sicatshulwa uze uphendule imibuzo elandelayo.
UNGAVUMI UKUTSALELWA PHANTSI NGAMAVILA
1 Mlisela nomthinjana wakowethu kule nyanga uFat Charlie uza kuthetha
ngabantu abatsalela abanye ezantsi. Kuzo zonke iindawo ehlabathini
uya kusoloko udibana nabantu abafuna ube livila elinolunya njengabo.
Abanye bangade bazibize njengabahlobo bakho, kodwa ngabo abaya
kuzama ukukudodobalisa. Niyavuya ke njengokuba uFat Charlie eza
kuxukusha lo mba uyingxaki enkulu eluntwini lwakowethu?
2 Abantu kaloku badalwe bafana nento elula ekwaziyo ukudada emanzini.
Into edadayo xa uyicinezela emanzini iyatshona, kodwa wakuyiyeka
iphinde idade ngaphezulu kwakhona, kufuneke ukuba ubophelele ilitye
elisindayo kuloo nto ukuze izike. Nasebantwini bakhona abantu
abasoloko befuna ukukutsalela ezantsi. Unokubafumana kwezi ndawo
zilandelayo: esikolweni, eYunivesithi, emsebenzini, eklabhini okanye
ecaweni. Nawe uyazi ukuba oko ubukhula ubusoloko ulunyukiswa
ngabahlobo abangalunganga, abakufundisa imikhwa emibi
enjengokutshaya, ukusela nokusebenzisa iziyobisi. Abo ke ngabantu
abakutsalela ezantsi kwaye kulula ukubabona nokubaphepha.
3 Kubalulekile ukuzikhwebula kubantu abanjalo, kuba wakuba sengxakini
akunakugxeka omnye umntu xa uthe wazibandakanya nabo nokuba
ungazithethelela uthini. Ukhe wathetha ngezi zinto uFat Charlie
ngaphambili, kwaye akazimiselanga kuziphinda, qha ufuna ukuthetha
ngabantu abakutsalela ezantsi ekunzima ukubabona nangabantu
abanjalo ekunyanzelekileyo ukuba udibane nabo. Abo bantu abayi
kukukhuthaza ukuba wenze izinto ezimbi kodwa nabo babe beyingozi
kuwe. Ngabona bayingozi kuba kaloku xa uthanda uyakwazi
ukuzikhwebula kwimikhwa yokusebenzisa iziyobisi, kodwa aba
ngabantu ekunzima ukubabona abakutsalela phantsi ubomi bakho
bonke.
4 Sidalelwe ukuba ukuze siphumelele ebomini kufuneka sikwazi
ukuzikhupha kwiimeko ezisitsalela ezantsi. Uninzi lwethu lufuna
ukusebenzisa izinto ngendlela eya kulwenza luqhubele phambili
ebomini. Phofu ke leyo yinto oluzikhethela yona. Ngelishwa ke, phandle
apha kukho abantu abangafuniyo ukuqhubela phambili, baphinde
bangafuni kubona mntu uqhubela phambili, oko kukuthi baziintshaba
zenkqubela-phambili. Aba bantu bendithetha ngabo ke ngabantu
abayingozi kwaye unokubafumana naphi na. Esikolweni ngabo
abakwenza intlekisa ngenxa yokuba uthabatha inxaxheba ezifundweni
ukuze uqhube kakuhle kuzo.
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 4 DBE/Februwari–Matshi 2012
NSC
5 Uya kubafumana abantu abanjalo nkqu naseYunivesithi. Abo bantu
baya kukuhleka xa usiya kuzo zonke izifundo, yaye uwenza ngexesha
umsebenzi wakho wesikolo. Ngaphezulu abantu abanjalo uyabafumana
nasemsebenzini. Ebomini xa uzimisele ukusebenza ungahlali nje
usonge izandla, bakuthiyela kwaloo nto. Bangakuxelela nokuba
'ungakhawulezisi' ukwenza umsebenzi wakho kuba oko kuza kwenza
bona babonwe bengamavila.
6 Singakulwa njani ke oku? Oko ungakwenza ngokomelela nokwazi
ukuba xa usilwa nalo mkhwa uya kuzibona womelele. Zazi ukuba ufuna
ntoni ebomini, uzibekele izinto ofuna ukuziphumeza. Abantu abagxeka
izinto esiziphumezileyo ngamavila anomona esifanele ke ngoko ukuba
singawamameli konke-konke. Oku ukubona kakhulu kwiindawo
zokusebenza, apho basebenzisa izigrogriso ude uzibone ungathethiswa
ngabantu, abanye besasaza amarhe ngawe okanye benzele phantsi
umsebenzi wakho.
7 Ungalwa nale meko ngokukhumbula ukuba asinguwe wedwa onale
ngxaki, kukho abantu abakufutshane nawe, nonokubhenela kubo,
njengomphathi wakho. Zama ukwenza umphathi wakho akwazi
ngokumbonisa ukuba uzimisele ukufunda nokwenza umsebenzi
ngendlela efanelekileyo. Ukhumbule ukuba oku asikokuzithandisa kuye,
yindlela yokuqhubela phambili. Khumbula ukuba abantu abakutsalela
ezantsi abangabo abahlobo bakho. Xa besoloko bephepha ukwenza
umsebenzi, balahlekisa bani? Bayazilahlekisa kodwa bengaqondi ukuba
baphucula ubomi babo babadodobalisayo. Ngenye imini baza kubona
bebashiye ngasemva abantu ababezama ukubatsalela ezantsi. Sonke
sikhe sizibone sikwiimeko esingathi asinakuphuma kuzo, size
sinqwenele nokuba nabanye abantu bazibone bekwiimeko esikuzo,
kodwa yazi oku, impumelelo yomnye umntu asiyiyo ekwenza
ungaphumeleli. Impumelelo yomnye umntu ingakukhuthaza, ikwenze
ufune ukufana naloo mntu uphumelelayo itsho ke loo nto ikwenze nawe
uphumelele. Uyoyisakala xa uvumela ukungenwa bubuvila uze uqale
ukugxeka abanye abantu ngengxaki yakho. Kunzima ukunqwenela
impumelelo yomnye umntu xa wena ungaphumeleli uze ubone omnye
umntu esiba nethamsanqa kodwa kufuneka usoloko uzixelela ukuba
impumelelo yakho ayindenzi mna ndingaphumeleli.
[Sicatshulwe kwi-BONA ka-Oktobha 2008, amaphepha 89–90 saza sahlelwa]
Jonga kumhlathi 1
1.1.1 UFat Charlie uza kuthetha ngantoni kule nyanga? (1)
1.1.2 Chonga kwisicatshulwa isivakalisi esiphuhlisa ukuba abantu
abafuna ukuba ube livila bafumaneka kuyo yonke indawo. (1)
1.1.3 Ingaba umbhali uzama ukusixelela ntoni ngabahlobo xa esithi,
'Abanye bangade bazibize njengabahlobo bakho, kodwa ngabo
abaya kuzama ukukudodobalisa'? (1)
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 5 DBE/Februwari–Matshi 2012
NSC
Jonga kumhlathi 2
1.1.4 Khankanya indawo ibe NYE onokubafumana kuyo abantu
abasoloko befuna ukukutsalela phantsi. (1)
1.1.5 Nika umkhwa ombi ube mNYE onokuwufundiswa ngabahlobo
abangalunganga ngokwesicatshulwa. (1)
Jonga kumhlathi 3
1.1.6 Igama 'ukuzikhwebula' elisetyenziswe kwisicatshulwa lithetha
ukuthini? (1)
1.1.7 Khankanya udidi lube luNYE lwabantu uFat Charlie afuna
ukuthetha ngabo (1)
Jonga kumhlathi 4
1.1.8 Ingaba yinyani okanye luluvo ngokwesicatshulwa ukuba:
'Sidalelwe ukuba ukuze siphumelele ebomini kufuneka sikwazi
ukuzikhupha kwiimeko ezisitsalela ezantsi.' (1)
1.1.9 Chaza iindidi zibe mBINI zabantu abaziintshaba zenkqubela
phambili. (2)
1.1.10 Sizathu sini esibangela ukuba aba bantu kuthethwa ngabo apha
ngasentla bakwenze intlekisa esikolweni? (1)
Jonga kumhlathi 5
1.1.11 Yintoni ekwenza intlekisa kwaba bantu bakutsalela ezantsi nkqu
naseYunivesithi? (1)
1.1.12 Khetha impendulo echanekileyo.
Ibinzana 'ukungahlali nje usonge izandla' lithetha:
A Ukusoloko uthandaza.
B Ukusoloko unento oyenzayo.
C Ukusoloko uhleli usong'izandla. (1)
Jonga kumhlathi 6
1.1.13 Khetha into ibe NYE kwisicatshulwa onokuyenza ukuze usinde
ekutsalelweni ezantsi ngamavila. (1)
1.1.14 Xela iindlela zibe mBINI azisebenzisayo amavila emsebenzini
ukukutsalela phantsi. (2)
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 6 DBE/Februwari–Matshi 2012
NSC
Jonga kumhlathi 7
1.1.15 Nika intsingiselo yegama 'ukulwa' ngokwasesicatshulweni. (1)
1.1.16 Uyavuma okanye uyala ukuba umphathi wakho angaluncedo kuwe
xa usengxakini? Xhasa impendulo yakho ngokwesicatshulwa. (1)
1.1.17 Cacisa okuphuhliswa sesi sivakalisi silandelayo:
'Impumelelo yomnye umntu ingakwenza nawe uphumelele'. (1)
1.1.18 Uziva njani xa ubona omnye umntu esiba nethamsanqa
lokuphumelela? (1)
1.2 ISICATSHULWA B: OKUBONWAYO
Qwalasela lo mfanekiso ungezantsi uze uphendule imibuzo elandelayo.
Themba ingaba
uyaqonda?
Titshala ndiyakwazi
ukudibanisa, ingxaki
endinayo kukwahlula. Xa
unokundinceda nje kwelo
cala ndingayinjinga
nakumdlalo wevidiyo.
B
A
[Ucatshulwe kwi-intanethi www.cartoon.co.za waza wahlelwa]
1.2.1 Babonakala bekweyiphi indawo abantu abakule khathuni? (1)
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 7 DBE/Februwari–Matshi 2012
NSC
1.2.2 Xhasa impendulo oyinike ku-MBUZO 1.2.1 ngento eNYE ecacileyo
oyibona kwikhathuni. (1)
1.2.3 Ngubani lo uzotywe wamkhulu kule khathuni? (1)
1.2.4 Gqibezela esi sivakalisi silandelayo ngokukhetha impendulo
echanekileyo. Injinga ngumntu ...
A ofundileyo.
B obalasele kwinto ethile.
C ongenalwazi. (1)
1.2.5 Xa ujonge le khathuni kutheni umntu B, eqwalasele umntu A? (1)
1.2.6 Sesiphi esi sifundo senziwayo kweli gumbi? (1)
1.2.7 Uthi yintoni ingxaki anayo umntu A kwesi sifundo usikhankanye
ngasentla? (1)
1.2.8 Yintoni le afuna ukuyenza umntu A akuba efumene isisombululo
sengxaki yakhe? (1)
1.2.9 Uzalana njani umxholo wesicatshulwa A nomxholo wesicatshulwa
B? (2)
AMANQAKU ECANDELO A: 30
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 8 DBE/Februwari–Matshi 2012
NSC
ICANDELO B: ISISHWANKATHELO
UMBUZO 2
Funda esi sicatshulwa silandelayo, uze usishwankathele ngokweengongoma okanye
ngokomhlathi. Landela le miyalelo xa ushwankathela:
• Chonga iingongoma eziphambili ezisi-7 uze uzicwangcise ngendlela
ehambelanayo nethungelanayo. (7)
• Sebenzisa izivakalisi ezipheleleyo, ubhale ngawakho amazwi, ungawulahli
umxholo.
• Qaphela indlela echanekileyo yokusetyenziswa kolwimi, iimpawu zobhalo
nococeko. (3)
• Ubude bomthamo wesishwankathelo mabube ngama-70 amagama.
• Kunyanzelekile ukuba ulibhale ngokuchanekileyo inani lamagama
owasebenzisileyo ngezantsi kwesishwankathelo.
YENZA OKUNGAPHEZULU
Njengenkokheli yebandla elikhulayo, kufanele ndithathe izigqibo ngokuqesha
nangokugxotha abantu. Njengokuba ndibhala, ndicinga ngamanqanaba amathathu
abantu. Kukho abantu abarhuqa iinyawo, abenza isiqhelo nabagqwesayo. Abarhuqa
iinyawo benza okuncinane, abenza ngokuqhela benza oko kulindelekileyo,
abagqwesayo bona benza okungaphezulu kunoko kulindelekileyo. Ihlabathi lizele
ngabantu abarhuqa iinyawo nabaqhelileyo kuwo onke amashishini nasemisebenzini.
Sifanele sibe khona isizathu esenza ukuba ama-80% obutyebi behlabathi bube
sezandleni zabantu abangaphantsi kwe-10%. Umntu ofuna ukuba ubomi bakhe
buhambele phambili, ufanele ukuba enze isigqibo namhlanje azikhwebule kwiimbutho
zabarhuqa iinyawo angene kwisikolo sabagqwesayo. Akukhathaliseki nokuba
uyinkosikazi ehleli ekhaya okanye i-CEO yenkampani enkulu, ungangogqwesileyo.
Okokuqala, zityhale ngokwakho ungakhawulezi ukuzincoma. Xa ufuna ama-50%
ukuze uphumelele, musa ukuzibekela ama-51%, jonga phaya kuma-90% okanye
kuma-80%. Masithi ufanele ukuba sentlanganisweni ngentsimbi yesi-08:00 kusasa,
wena fika ngeye-07:45 ukuzinika ixesha elaneleyo lokulungiselela intsimbi yesi-08:00.
Emsebenzini musa ukuhamba kuqala kunomphathi wakho. Zama ukuwenza
umsebenzi wakho nangaphezu kwamaxesha amisiweyo.
Okwesibini, ufanele uqonde ukuba zikho iindlela ezifikelelekayo zokwenza okwenzayo.
Phambi kweMfazwe yeHlabathi yesiBini, iMelika yayivelisa ama-80% eempahla
zehlabathi. Kwixesha nje elincinci emva kwemfazwe, amaJapan aqala ukuqhaqha
izinto zombane ezazisuka eMelika ukuze afunde ukuba zisebenza njani, enze ezawo.
Ekuqaleni iimveliso zabo zazisaziwa ngokungabikho semgangathweni, waze umntu
othile waseMelika waya eJapan wabafundisa ukuphucula konke abakwenzayo.
Namhlanje iimveliso zaseJapan zisemgangathweni.
Okwesithathu, yiba yincutshe kwinto oyenzayo. Umpheki makabe ngumpheki
ophambili, umfundi abe ngumfundi ogqwesileyo, umntu olungisa iimoto,
makaziqeqeshe ukuze abe yincutshe kuzo. Unako ukuwubiza ngokwakho umvuzo
owufunayo xa usaziwa njengencutshe. Abantu bayanyanzeleka ukuba bakuhlawule.
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 9 DBE/Februwari–Matshi 2012
NSC
Okokugqibela, yixabise imfundo nolwazi. Hlala uthe qoko. Indlela esiphila, esidlala,
esisebenza nesiqhuba ngayo ishishini iyatshintsha yonke imihla. Into yokungaluhlaziyi
rhoqo ulwazi lwakho ingenza ukuba wenze izinto ngendlela yakudala. Qongqotha
ipokotho yakho ukuze uzalise ingqondo yakho, kuba ingqondo yakho iza kuyigcwalisa
kungekudala ipokotho yakho.
[Sicatshulwe kwi-BONA kaMatshi 2011, iphepha lama-90 saza sahlelwa]
AMANQAKU ECANDELO B: 10
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 10 DBE/Februwari–Matshi 2012
NSC
ICANDELO C: ULWIMI
UMBUZO 3: ISIBHENGEZO-NTENGISO
ISISULU SEENCWADI ZESIXHOSA!!!
Khawuleza isisulu siyaphela!!!
Zonke zibhalwe ngoompondo-zihlanjiwe,
zentetho yesiXhosa
Evuka mva yeha-a-a!!!
Nini?
NgoMgqibelo wama-23 kuTshazimpunzi 2011
Phi?
KwaMfuna-lwazi
3 Silimela Street eCumakala
Amaxabiso ayafikeleleka kubantu bonke
(Asukela kuma-R35,00–R45,00)
Xa uthenge isixa uziselwa mahala.
1
1 2
3
Nxibelelana nathi kwezi nombolo: 047 531 1962/072 590 2728
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 11 DBE/Februwari–Matshi 2012
NSC
3.1 Sizathu sini esibangela ukuba kubhalwe amagama asisihloko ngefonti enkulu
kwesi sibhengezo-ntengiso? (1)
3.2 Siloba oluphi udidi lwabantu esi sibhengezo-ntengiso? (1)
3.3 Cacisa intsingiselo equlethwe ligama 'oompondo-zihlanjiwe' ngokwesi
sibhengezo-ntengiso. (2)
3.4 Xa kusithiwa, 'Evuka mva yeha-a-a!!!' kuthethwa ukuba:
A Ofike mva wozifumana zonke.
B Ofike mva wofumana isaphulelo.
C Ofike mva uya kuphoswa. (1)
3.5 Ukuba ibinguwe onelishishini ubunokuthengisa ezi ncwadi na? Xhasa
impendulo yakho. (1)
3.6 Yintoni injongo yokusetyenziswa kwemifanekiso kwesi sibhengezo-ntengiso? (1)
3.7 Chonga ibinzana elibonisa ukuba ezi ncwadi azibizi kakhulu ngokwexabiso. (1)
3.8 Yintoni injongo yokuba kubhalwe iinombolo zemfono-mfono kwesi
sibhengezo-ntengiso? (1)
3.9 Bathenjiswa ntoni abantu abathenge isixa seencwadi kwesi sibhengezo-
ntengiso? (1)
[10]
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 12 DBE/Februwari–Matshi 2012
NSC
UMBUZO 4: IKHATHUNI
[Icatshulwe kwimagazini i-Bona kaOktobha 2008]
4.1 Nika isichasi segama 'bayizolo'. (1)
4.2 Sebenzisa isibizo 'inkomo' ukwakha iqhalo. (1)
4.3 Chonga eyona mpendulo echanekileyo kwezisezigweqeni kwisivakalisi
esilandelayo.
UChiskop (ukholelwa/ukholwa) kakhulu kwinkcubeko yakhe. (1)
4.4 Ingaba ibinzana 'vala loo mlomo' liphuhlisa ntoni? (2)
4.5 Kwibhokisi F isivakalisi esithi 'angathini ukufuna umxhelel' inkomo,
engazange akushiye nkqu nenkukhu le?' sityhila ntoni malunga nendlela
uShoti azibona ngayo izithethe namasiko. (1)
4.6 Ucinga ukuba aba bantu baphila kweliphi ixesha? Xhasa impendulo yakho
ngokwakwibhokisi A. (2)
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 13 DBE/Februwari–Matshi 2012
NSC
4.7 Ingaba inkangeleko yobuso bomntu ongasekhohlo kwabanye nongenanwele
entloko kwibhokisi F iphuhlisa ntoni? (1)
4.8 Isibini kwibhokisi G siyaleqana kuba:
A Singavisisani ngomcimbi esithetha ngawo.
B Sisiya kudlala ibhola yabo.
C Sikugqatso lweembaleki. (1)
[10]
UMBUZO 5: ISICATSHULWA
Funda esi sicatshulwa, wandule ukuphendula imibuzo elandelayo.
Umntu xa uthe wamenza into embi akayilibali de aye kwelabafileyo. Uthi nokuba sele
ukwelemimoya wena, xa ebona unyana okanye intombi yakho kuthi qatha nto
engqondweni yakhe. Womva ngamanye amaxesha lowo wenziwa into embi esithi,
'Kwedini, into endakha ndayenziwa nguyihlo imbi kakhulu, andisayi kuze ndiyilibale.' Oku
kukwayinyani naxa wakha wakwenzela into entle akayilibali.
Omnye umntu ngenxa yento entle awakha wayenzelwa nguyihlo nokuba sewafa, ude
afune ukuba obo bulungisa abubuyekeze kumntwana wakho. Uthi ukuba unesisusa
ubone ugidelwa ngemazinyo asibhozo inkabi yegusha kusithiwa, 'Ndikhumbula
imisebenzi kayihlo, mfo kaNantsi.' Kuthi ngenxa yokwanda kwenkohlakalo eluntwini,
ufumanise ukuba uninzi luyazilibala izinto ezintle luqaqambise ezimbi ezinkumbulweni.
[Sicatshulwe kwincwadi IMITHA YELANGA, WK Thamsanqa, iphepha 75]
5.1 Igama 'kwelabafileyo' kwesi sivakalisi singezantsi lisetyenziselwe ukubonisa
ntoni?
Myeke de aye kwelabafileyo. (1)
5.2 Msebenzi mni owenziwa sisiphawuli esikrwelelwe umgca ngaphantsi kweli
binzana lilandelayo?
... wenziwa into embi ... (1)
5.3 Isifanekisozwi u-qatha sisetyenziswe njani kwesi sivakalisi singezantsi?
Ivele yathi qatha engqondweni into awayenziwa nguyise. (1)
5.4 Funda esi sivakalisi sifutshane uze unike imo elandulayo yesenzi
esikrwelelweyo.
Ndikhumbuze hleze ndiyilibale loo mini. (1)
5.5 Chonga isiphene kwesi sivakalisi silandelayo usilungise.
Uninzi liyazilibala izinto ezintle zabantu. (1)
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 14 DBE/Februwari–Matshi 2012
NSC
5.6 Nika igama elisisithethantonye kwigama elikrwelelwe umgca kwisivakalisi
esilandelayo.
nokuba sele ukwelemimoya ... (1)
5.7 Isenzi esikrwelelwe umgca ngaphantsi ukubuyekeza kwisivakalisi
esingezantsi sinika yiphi intsingiselo?
Ufuna ukubuyekeza obo bulungisa kumntwana wakhe. (1)
5.8 Ingaba isenzela kwisivakalisi esilandelayo sinika ntsingiseloni?
Indoda igidela enye ngenkabi yegusha. (1)
5.9 U-kayihlo okwisivakalisi esingezantsi usetyenziselwe ukuphuhlisa ntoni?
Ndikhumbula imisebenzi kayihlo. (1)
5.10 Ingaba isakhi u-ngu- osetyenziswe kwisivakalisi esilandelayo ubonisa:
... into endakha ndayenziwa nguyihlo imbi kakhulu.
A Ukuba usisakhi sibaluli
B Ukuba sisakhi sibanjalo
C Ukuba sisakhi sotyumbo (1)
AMANQAKU ECANDELO C: 30
AMANQAKU EWONKE: 70
Akuvumelekanga ukufotokopa eli phepha
Study this subject
Recommended for this subject

Question paper
isiXhosa HL Grade 12 P1 Supplementary Exams 2017 QP

Question paper
isiXhosa HL Grade 12 P1 Supplementary Exams 2016 QP

Question paper
isiXhosa HL Grade 12 P1 Supplementary Exams 2014 QP

Question paper
isiXhosa HL Grade 12 P2 Supplementary Exams 2018 QP

Question paper
isiXhosa HL Grade 12 P3 Supplementary Exams 2018 QP

Question paper
isiXhosa HL Grade 12 P3 Supplementary Exams 2014 QP
More from Grade 12 isiXhosa HL

Annual teaching plan
Gr 12 IsiXhosa HL ATP 2023 24

Memorandum
isiXhosa HL Grade 12 Paper 1 Eastern Cape Mock 2025 Memo

Memorandum
isiXhosa HL Grade 12 Paper 3 Eastern Cape Mock 2025 Memo

Memorandum
isiXhosa HL Grade 12 Paper 1 NSC June 2025 Memo

Memorandum
isiXhosa HL Grade 12 Paper 2 NSC June 2025 Memo

Memorandum