Downloaded from hlayiso.com
NATIONAL
SENIOR CERTIFICATE
IBANGA 12
ISIXHOSA ULWIMI LWASEKHAYA (HL)
IPHEPHA LOKUQALA (P1)
NOVEMBA 2014
AMANQAKU: 70
IXESHA: 2 iiyure
Olu viwo lunamaphepha ali-12.
Akuvumelekanga ukufotokopa eli phepha Tyhila iphepha
Skip to contentAll 2014 papers 





View all





isiXhosa HL Grade 12 P1 NSC November Exams 2014 QP
Grade 12 isiXhosa HL Paper 1 question paper from the NSC November Exams 2014, 12 pages. Read online or get the free PDF download, memo linked when available.
Isixhosa Hl · Grade 12 · NSC November Exams · 2014 · isixhosa. Question paper, 12 pages. Read online or download the PDF.
- Subject
- isiXhosa HL
- Grade
- Grade 12
- Language
- Isixhosa
- Document type
- Question paper
- Year
- 2014
- Exam period
- NSC November Exams
- Paper
- 1
- Curriculum
- CAPS
- Pages
- 12
- File size
- 1.0 MB
Free to read online, no sign-up needed
Loading document…
Loading document…
1 of 12
This exam
NSC November Exams 2014
- Paper 1Question paper
- Paper 2Question paper
- Paper 3Question paperMemo
Questions in this paper
Document textSearch extracted text and jump to a page.
Downloaded from hlayiso.com
IsiXhosa Ulwimi Lwasekhaya (HL)/P1 2 DBE/Novemba 2014
NSC
IPHEPHA LEMIYALELO NEENGCACISO
1. Eli phepha lemibuzo LINAMACANDELO AMATHATHU:
ICANDELO A: Isicatshulwa (30)
ICANDELO B: Ushwankathelo (10)
ICANDELO C: Izakhi nemigaqo yokusetyenziswa kolwimi (30)
2. Phendula YONKE imibuzo.
3. Qala icandelo NGALINYE kwiphepha ELITSHA.
4. Krwela umgca ekupheleni kwecandelo NGALINYE.
5. Nombola iimpendulo ngokuchanekileyo ngokwendlela ezinonjolwe ngayo
kwiphepha lemibuzo.
6. Shiya umgca emva kwempendulo nganye.
7. Qwalasela ngokukodwa upelo nolwakhiwo lwezivakalisi.
8. Iingcebiso malunga nolwabiwo lwexesha:
ICANDELO A: 50 imizuzu
ICANDELO B: 30 imizuzu
ICANDELO C: 40 imizuzu
9. Bhala ngokucocekileyo nangokucacileyo.
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 3 DBE/Novemba 2014
NSC
ICANDELO A: ISICATSHULWA
UMBUZO 1
ISICATSHULWA A
1.1 Funda esi sicatshulwa uze uphendule imibuzo elandelayo.
IMPEMBELELO
1 Impembelelo ifana nekrele elintlangothi mbini, elithi lisike ngolu uhlangothi
ngeli xesha, libuye lisike ngolunye ngelinye ixesha. Impembelelo isika
kabuhlungu ngokubulalayo ngelinye ixesha njengesigebenga, ize ngelinye
ixesha isike ngokuphilisayo njengegqirha elisusa isidlanga. Impembelelo
ayinakwenzeka kungekho mntu wesibini njengokuba imfazwe ingenakubakho 5
kungekho lutshaba.
2 Masikhe siqwalasele impembelelo esebenza phakathi kwamaqabane
amabini, nokuba ngabafana nokuba ngamantombazana. La maqabane adla
ngokubonwa ekunye esenza izinto ngokufanayo, ade maxa wambi
ngokuvana kwawo afaniselane nangesinxibo. Kukho nto inye phofu 10
angenakufaniselana ngayo ingqondo, kuba kaloku abantu badalwa
beneengqondo ngeengqondo. Isebenza ngamandla impembelelo kulo
mahluko.
3 Lisuka elinye iqabane libonise into ekufanele yenziwe, into ethi
isakuphengululwa ihluzwa kuzikiswa ingqondo ifumaniseke intle, ilungile, 15
kube kuhle xa athe avana avumelana ukuba mayenziwe loo nto intle
ilungileyo. Iqabane lisuka licebise maxa wambi ukuba makwenziwe into
engalunganga, libonise ilungelo elinokuzuzwa kuloo nto imbi, kuba kubi xa
athe amaqabane lawo avana avumelana ukuba makenze loo nto imbi.
Yimpembelelo le eluhlangothi lusika ngokubulalayo kuba la amaqabane 20
ayeyeliselana.
4 La maqabane amelwe kukukhuthazana ekwenzeni okulungileyo, anqandane
ekwenzeni okukhohlakeleyo, kuba nangani engafani ngengqondo, ayafana
ngokwahlula okulungileyo kokungalunganga. Into elungileyo, ilungile,
engalunganga ayilunganga. Inye kuphela yaye ilula indlela yokuvavanya 25
ukuba kukho umntu ofumana kunzima ukucalula ukulunga okanye
ukungalungi kwento, kukubuza umbuzo. Ndingeva njani na mna xa into enje
inokwenziwa kum okanye kumntu wakuthi? Lo mbuzo ulandela laa mthetho
mdala wamanyange othi, 'Yenza kwabanye abantu njengoko unga bangenza
ngako kuwe'. Kungcono ukuba mayiqhawuke imvisiswano, buphele 30
ubuqabane, ibe lelo lihambe indlela yalo ebomini ukuba kula maqabane
mabini kukho oluphikisayo olu vavanyo, okanye ofuna kwenziwe into
engalunganga.
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 4 DBE/Novemba 2014
NSC
5 Amandla empembelelo siwabona nasezikolweni apho athi umfundi
otshatsheleyo ngengqondo ukuphaphama, oliyolisa ezimbuthweni, 35
oyimbalasane emidlalweni, othandwayo nohlonelwayo aphulaphulwe
ngumndilili wabafundi, abe nempembelelo kuninzi lwabafundi. Umfundi
oneempawu ezinje ukuba ntle kwazo unakho ukuwuphakamisa umgangatho
wesikolo ngokuthi aphembelele abanye abafundi ukuba bakhuthale
ezifundweni zabo, bagcine imithetho yesikolo, bathobele abasemagunyeni. 40
Impembelelo yomfundi onezi mpawu zintle ibonakala inoncedo ngamaxesha
ezidubedube. Yena mntu uphulaphulwayo unakho ukuthetha neziphatha-
mandla ukuba zilungise ezo ndawo zikhalazelwa ngabafundi ngokuyimfanelo.
Uye athi ngelisu athetha – thethane nabafundi abathile ukuze bathi bebonke
babonise umndilili wabafundi ukufa amanqe kwale nto bayikhalazelayo, 45
bababonise kananjalo ukuba ukuxulutywa kwabaphathi ngamatye,
nokuqhekezwa kweefestile, nokutshiswa kwezindlu, bekungasayi kusilungisa
isikhalazo sabo nokuba besiphatheka, endaweni yoko isenzo esinje
sobundlobongela singaba nebuyambo elibi, abanye abafundi baphoswe
yimfundo, lonakale ikamva labo. 50
6 Umfundi othi enala mandla, ibe impembelelo yakhe imbi unakho ukusitsalela
ezantsi isikolo ngokuthi asebenzise iimpembelelo ezinxamnye nezo
ziphakamisa umgangatho. Ebantwini ngokubanzi, ngakumbi ezidolophini
ezinkulu, umntu oliciko lokuthetha enobukhali, ophulaphulwayo, unakho
ukubanceda abantu abaninzi ngokuthi ngempembelelo yakhe abacebise 55
ngeendlela-ndlela zokulungisa intlalo nemisebenzi yabo, abafundise iindlela
ngeendlela zoqoqosho, inzondelelo nokugudisa emisebenzini yabo, iindlela
abanokuthi ngokusemthethweni babhekise izikhalazo zabo kwabo
bongamileyo. Umntu onempembelelo enje ukufaneleka angasiphakamisa
isizwe, adale intlalo – mnandi phakathi kwabantu. 60
7 Inakho enye inkokeli ukuthi inabo nje ubuciko bokuthetha nengqondo
ebukhali, ibalukuhle abantu, ithi ithetha ngoqoqosho nje kanti isekeleze
ukutyebisa, kanti ithetha ngentlalo-ntle nje isekeleze olwayo udumo, ithi
ngobuciko bayo ibakhuthaze abantu bafune amalungelo abo ngokungekho
mthethweni, ibafunze eweni, yehle intlekele, kufe abantu, bambi baphoswe 65
ezintolongweni baphelelwe yimisebenzi kulambe iintsapho, ibe yona le
nkokeli ihleli kwezitofotofo, isitya ibhotolo. Utsho ngakhona okaMqhayi kwilivo
lakhe 'INKOKELI' kulaa ncwadi kaBennie 'IMIBENGO', ukuthi, 'inkokeli
mayibuve ubunzima obuviwa ngaba bantu ebakhokelayo'.
8 Impembelelo isebenza kakhulu ekhaya kuba abantu bekhaya basoloko 70
bekunye ngaphandle kwamaxa bahlulwe yimigama ngenxa yomsebenzi.
Isebenza phakathi kwabazali bobabini, phakathi kwabazali nabantwana
naphakathi kwabantwana bodwa. Kubalulekile ukuba abazali bahambe
ngokufanelekileyo kuba ingqeqesho yenziwa ngokuthetha nangomzekelo
ngenxa yobukhulu bempembelelo yabazali kubantwana babo. 75
[Sicatshulwe kwincwadi yamavo ethi, AMAVO AMAFUTSHANE ebhalwe nguA,
Madala, amaphepha 65–68 saze sahlelwa.]
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 5 DBE/Novemba 2014
NSC
Jonga kumhlathi 1
1.1.1 Xela izinto zibe MBINI ezikwisicatshulwa ezifaniswa
nempembelelo. (2 )
1.1.2 Yenzeka kubani impembelelo ngokwesicatshulwa? (1)
Jonga kumhlathi 2
1.1.3 Iqabane kwisicatshulwa lithetha ntoni? Khetha impendulo
efanelekileyo kwezi zingezantsi:
A Umngcatshi. (1)
B Umhlobo.
C Umpolitiki.
D Usiyaluka.
1.1.4 Caphula into ibe NYE la maqabane mabini akhankanywe
kwisicatshulwa anokwahluka ngayo. (1)
Jonga kumhlathi 3
1.1.5 Bhala isithethantonye segama 'isakuphengululwa'
elikwisicatshulwa. (1)
Jonga kumhlathi 4
1.1.6 Yintoni anokuyenza la amaqabane xa ezibona enokwayeliselana? (2)
1.1.7 Bhala ngamazwi akho intetho ethi, 'Yenza kwabanye abantu
njengoko unga bangenza ngako kuwe.' (2)
Jonga kumhlathi 5
1.1.8 Yintoni ongayenza ukuthintela impembelelo engalunganga
ingakuchaphazeli? Cacisa. (2)
1.1.9 Thelekisa iindlela EZIMBINI anokuthi umfundi oyimbalasane abe
nefuthe ngazo kwabanye ngokwesicatshulwa. (2)
Jonga kumhlathi 6
1.1.10 Bungasisixhobo sotshintsho esilungileyo njani ubuciko
obulungileyo ekuhlaleni? (2)
Jonga kumhlathi 7
1.1.11 Uthetha ukuthini umbhali xa esithi inkokeli mayibuve ubunzima
obuviwa ngabantu ebakhokelayo? (2)
1.1.12 Angawubonakalisa njani umzali umzekelo wempembelelo entle? (1)
Jonga kumhlathi 8
1.1.13 Ufunde ntoni kwesi sicatshulwa? (1)
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 6 DBE/Novemba 2014
NSC
1.2 ISICATSHULWA B: OKUBONWAYO
Qwalasela lo mfanekiso ungezantsi uze uphendule imibuzo elandelayo.
3
1 2
Ndiza kukhe
Ndiyakuyala, ndiyicinge le
luqwalasele olu nto
phawu, lube uyithethayo,
nentsingiselo kodwa …
kuwe!
[Ucatshulwe kwi-intanethi www.googlesearch.com waze wahlelwa.]
1.2.1 Kwenzeka ntoni kulo mfanekiso? (2)
1.2.2 Lumele ntoni uphawu olukwiqam lesibini? (2)
1.2.3 Ibonisa ntoni inkangeleko yobuso bomntu ocingayo okwiqam
lesithathu? Xhasa impendulo yakho. (2)
1.2.4 Xela izinto EZIMBINI ezifana ngazo izicatshulwa A no B. Khankanya
izinto ezahluke ngazo ezi zicatshulwa zozibini. (4)
AMANQAKU ECANDELO A: 30
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 7 DBE/Novemba 2014
NSC
ICANDELO B: USHWANKATHELO
UMBUZO 2
Funda ngocoselelo ISICATSHULWA esingezantsi. Kwesi sicatshulwa kunikwa
iingcebiso ngexabiso lempumelelo.
QAPHELA: Kulindeleke ukuba wenze oku kulandelayo:
• Shwankathela ngawakho amazwi ungacaphuli njengoko kubhaliwe kwitekisi.
• Impendulo yakho mayingadluli kumagama angama-70–80.
• Shwankathela ngomhlathi kuphela.
• Akulindelekanga ukuba ubhale isihloko sesishwankathelo.
• Qaphela indlela echanekileyo yokusetyenziswa kolwimi, iimpawu zobhalo
nococeko.
• Bhala phantsi inani lamagama owasebenzisileyo wakugqiba.
LE NT'UTHANDO!
1 Uthando masivume, luyinxalenye yobomi bethu. Kubhaliwe kanobom ngalo
kwiinoveli nakwezinye iintlobo zeencwadi ezikhoyo, iifilimu ezininzi esizibukela
kumabonakude nasebhayaskophu zingothando. Sibabonile abadlali beqonga
besizobela umfanekiso walo ngendlela apha eyonwabisayo.
2 Umhla we-14 kuFebruwari, nobizwa ngokuba ngumhla kaValentina, ngumhla 5
wokuvuselela uthando ezintliziyweni zabantu. Ngaphandle kolu suku
lukaValentina, zikho nezinye iintsuku ezibekwa bucala njengezixabisekileyo
phantsi kwalo mba wothando ezifana nosuku lokukhumbula bonke abantu
abangoomama, usuku lokukhumbula ootata kwakunye nosuku losapho luphela.
3 Ukongeza kuyo yonke loo nto kukwakho nezikhumbuzo zemihla yokuzalwa 10
kwabantu ezihlala ziqhubeka njalo amaxesha ngamaxesha. Zonke ezi zithethe
zikhankanyiweyo singatsho ukuthi ziziqhamo ezihle kuba zikhuthaza uthando
phakathi kwabantu.
4 Uthando lwenza usapho luhlale luthandana, luxhasana, lukhathelelana. Ilungu
ngalinye liyakwazi ukuziva libalulekile, lihoyekile, lixabisekile. Ukuthandwa 15
nokuhoywa nokufekethiswa ngabantu yinto emnandi kunene ngokuba imtsho
umntu azive exolile emphefumlweni.
5 Olunye uthando lolwabahlobo nabantu bonke. Singayintoni ngaphandle
kwabanye abantu? AmaXhosa ayibona ukuba akulunganga ukuba yinkomo edla
yodwa. Izihlobo nabantu jikelele zinjengesongo kukutya obububomi, zenze ubomi 20
buphelele. Aphinda athi amaXhosa akukho qili linokuzikhotha umhlana. Umntu
ngumntu ngabantu. Ukungakhathaleli abantu kunokwenza ungabungcamli
ubuncwane bokuphila.
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 8 DBE/Novemba 2014
NSC
6 Uthando yinto echukumisa iintliziyo zabantu. Bayafa abantu ngenxa yothando
ukanti bayayishiya imizi yabo kwangenxa yalo. Luphi uthando xa abantu 25
bebulalana ngolu hlobo kule mihla? Luphi uthando xa eyekwa umntu aye kweyela
aze ahlekwe emva koko? Luphi ke uthando xa abantu besifa yindlala kodwa
abanye balahla ukutya emigqomeni ngenxa yokuxakwa bubuninzi bako. Masikhe
sizibhence, sizifune, sizigocagoce, hleze kuthi kanti saphulukana nothando
kudala. 30
7 Uvela phi na wena mntu ungalwaziyo uthando into ebaluleke kangaka nexatyiswe
kangaka ziintlanga zonke? Ngaphandle kothando uziva uze. Akumphulaphulanga
na umzali wakho eniyala ekhaya ukuba ze nithandane ningabantwana bomzi
omnye nje? Baqhutywa yintoni kanene abo babini baye bazimanye ngeqhina
lomtshato esidlangalaleni? Iimbongi zithethile kakhulu ngalo kwimibongo yazo. 35
[Sicatshulwe kwinoveli ethi, UNAMBITHEKO ebhalwe nguM,
Yekela amaphepha 52-55 saze sahlelwa.]
AMANQAKU ECANDELO B: 10
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 9 DBE/Novemba 2014
NSC
ICANDELO C: IZAKHI NEMIGAQO YOKUSETYENZISWA KOLWIMI
UMBUZO 3: UKUCAZULULA ISIBHENGEZO-NTENGISO
Funda esi sibhengezo-ntengiso singezantsi uze uphendule imibuzo elandelayo.
ITI YAMACHIZA ENDALO, IMBAMBAZELA
IZOBOZA INGQONDO NOMZIMBA!
Ikunika:
Impilo Amandla
IKUNIKA:
Incedisa
ekucoleni
ukutya
Ulonwabo
Ukuphumla
Impilo
Ihlaziya
amalungu
angaphaka-
thi
Intliziyo iba ngumqaba-qaba
Yisebenzise usinde ekufeni.
Zikhuphe ebukhobokeni ufumane inkululeko yempilo wena nosapho lwakho kule mveliso yendalo!
Qhagamishelana nathi kwa – www.googlesearch.com
[Sicatshulwe kwi-intanethi - www.googlesearch.com saza sahlelwa]
[Sicatshulwe kwi-intanethi- www.googlesearch.com, saza sahlelwa]
3.1 Sijoliswe koobani esi sibhengezo-ntengiso? Xhasa impendulo yakho. (2)
3.2 Nika into ibe NYE oyifumana ngokusebenzisa le ti yamachiza endalo ekwesi
sibhengezo-ntengiso. (1)
3.3 Ingaba islogani sesi sibhengiso-ntengiso siyahambelana nesihloko? Xhasa
impendulo yakho. (2)
3.4 Yintoni injongo yombhali ngokusebenzisa amagqabi emfanekisweni
osetyenziswe kwesi sibhengezo-ntengiso? (1)
3.5 Sebenzisa isibizo 'intliziyo' kwisivakalisi kuphuhle intsingiselo eyahlukileyo
kule ikwisibhengezo-ntengiso? (2)
3.6 Lwenze msebenzi mni kubathengi ulwimi olusetyenziswe ngumthengisi kweli
binzana lingezantsi. Cacisa.
'Yisebenzise usinde ekufeni.' (2)
[10]
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 10 DBE/Novemba 2014
NSC
UMBUZO 4: UKUCAZULULA IKHATHUNI
1 Bafundi, nanku Usinika njani isihloko esinje,
umsebenzi titshalakazi? Uthetha ukuba
obhalwayo wale akusilandeli kwiindlela
ISINCOKO kota ebhodini.
Ndifuna ukuba
zonxibelelwano zala
maxesha? Konke
niwenze ngolu ebesikwenza sikuxhomile
Izinto endizenze hlobo:
kwimithombo yonxibelelwano
ngeeholide yethu, kooMixit, Facebook,
zasehlotyeni. Twitter, Instagram nezinye.
2
Zonke ezi ndlela
uzikhankanyayo
aziluphuculi
ulwimi lwenu.
Who-o-wu!
4 akaqondi lo,
uyashiywa
ngamaxesha.
3
[Icatshulwe kwi-intanethi- www.googlesearch.com, saza sahlelwa]
4.1 Nika umsebenzi onikwa abafundi ngutitshalakazi kule khathuni? (1)
4.2 Xela ENYE yeendlela zonxibelelwano zala maxesha ekhankanywe kule
khathuni. (1)
4.3 Ingcingane ekwiqam lesi-3 iveza ntoni ngesimo somfundi? Xhasa impendulo
yakho. (2)
4.4 Isimnini 'zasehlotyeni' siphuhlisa ntoni? Khetha impendulo kwezi zingezantsi.
A Zezikabani
B Zezaphi
C Zezantoni
D Zezanini (1)
4.5 Sakhiwe kwesiphi isigaba sentetho isibizo 'ukusebenza'? (1)
4.6 Uthetha ukuthini umfundi xa esithi 'akusilandeli' kwiqam lesi-2? (2)
4.7 Bonisa ukulunga nokungalungi kweendlela zonxibelelwano zala maxesha? (2)
[10]
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 11 DBE/Novemba 2014
NSC
UMBUZO 5: ULWIMI NEZAKHONO ZOKUHLELA
Funda esi sicatshulwa, wandule ukuphendula imibuzo elandelayo.
UKUBALULEKA KOKUZIQEQESHA
1 Esona sakhono sibalulekileyo ekufuneka wonke umntu enaso kukwazi
ukuziqeqesha. Esi sakhono sifuneka nkalo zonke zobomi. Ligcuntswana labantu
eliqinisayo kuso nangona luwazi amandla aso. Ukuziqeqesha akubhekiselelanga
ekubeni lukhuni nasekuzenzeni ikheswa koko kukwangeza isuntswana lokuba
nokuzilawula, ukusebenzisa ingqondo, ukwazi ukunyamezela indlela ophila ngayo 5
nokuba namandlakazi angaphakathi. Uyakwazi ukubulawula ubomi bakho xa
unezi zinto.
2 Ukuziqeqesha kukunceda ukwazi ukunamathela kwizigqibo zakho, uzilandele
ungatshintshanga ngqondo, le yenye yeendlela zokufezekisa amaphupha akho.
Uyakwazi ukwenza izigqibo ungajiki, unamathelise ingqondo, iingcingane 10
nezenzo zakho kweso sigqibo ukuze usiphumeze xa unesi sakhono. Ubonakala
njengomntu owomeleleyo ngaphakathi xa ukwazi ukumelana nemiceli-mingeni
efana nokoyisa ukubekela izinto amangomso nokonqena. Uzingisa ungajiki.
3 Okona kubalulekileyo ngesi sakhono kukukwazi ukuzeyisa. Uyahlukana nokufuna
ulonwabo lomzuzwana, uziphosanise nenzuzo emandla. Imigibe nezabatha 15
zibekwa endleleni yempumelelo. Umntu ofuna ukumelana nazo kufuneka abe
nokunyameka nokunyamezela, akanakuyenza loo nto engakwazi ukuziqeqesha.
Ubani xa ekwazi ukuziqeqesha uba namandla nokuzithemba, loo nto idale ukuba
ube ngumntu owonwabileyo nowanelisekayo.
[Sicatshulwe kuvimba wabevi saza sahlelwa]
5.1 Xela ukuba igama 'ligcuntswana' lisetyenziswe njengantoni? Khetha
impendulo kwezi zingezantsi.
A Sibaluli
B Sibanayo
C Sisibayiyo
D Simelabizo (1)
5.2 Nika isigaba sentetho segama elikrwelelwe umgca ngaphantsi kwesi
sivakalisi:
Esi sakhono sifuneka nkalo zonke zobomi. (1)
5.3 Guqula esi sivakalisi singezantsi sibe kwimo evumayo.
Ukuziqeqesha akubhekiselelanga ekubeni lukhuni. (1)
5.4 Lungisa isiphene sobhalo esikwesi sivakalisi singezantsi:
Ubani xa ekwazi ukuziqeqesha ubanamandla nokuzithemba. (1)
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 12 DBE/Novemba 2014
NSC
5.5 Bhala le ntetho ilandelayo ibe kwingxelo-ntetho.
Umbhali uthi kumfundi, 'Xa unesi sakhono uyakwazi ukwenza izigqibo
ungajiki ...' (2)
5.6 Caphula amagama abe MABINI azizithethantonye kumhlathi wesi-3. (2)
5.7 Sebenzisa isiqu sesenzi 'funa' kwisivakalisi sithabathe iinjongosenzi
EZIMBINI ngoncedo lwezimamva. (2)
[10]
AMANQAKU ECANDELO C: 30
AMANQAKU EWONKE: 70
Akuvumelekanga ukufotokopa eli phepha
Study this subject
Recommended for this subject

Question paper
isiXhosa HL Grade 12 P1 Supplementary Exams 2014 QP

Question paper
isiXhosa HL Grade 12 P1 NSC November Exams 2021 QP

Question paper
isiXhosa HL Grade 12 P1 NSC November Exams 2019 QP

Question paper
isiXhosa HL Grade 12 P1 NSC November Exams 2016 QP

Question paper
isiXhosa HL Grade 12 P1 NSC November Exams 2015 QP

Memorandum
isiXhosa HL Grade 12 Paper 3 NSC November Exams 2014 Memo
More from Grade 12 isiXhosa HL

Annual teaching plan
Gr 12 IsiXhosa HL ATP 2023 24

Memorandum
isiXhosa HL Grade 12 Paper 1 Eastern Cape Mock 2025 Memo

Memorandum
isiXhosa HL Grade 12 Paper 3 Eastern Cape Mock 2025 Memo

Memorandum
isiXhosa HL Grade 12 Paper 1 NSC June 2025 Memo

Memorandum
isiXhosa HL Grade 12 Paper 2 NSC June 2025 Memo

Memorandum