Downloaded from hlayiso.com
NATIONAL
SENIOR CERTIFICATE
IBANGA 12
ISIXHOSA ULWIMI LWASEKHAYA (HL)
IPHEPHA LOKUQALA (P1)
NOVEMBA 2021
AMANQAKU: 70
IXESHA: Iiyure 2
Olu viwo lunamaphepha ali-12.
Akuvumelekanga ukufotokopa eli phepha Tyhila iphepha
Skip to contentAll 2021 papers 





View all





isiXhosa HL Grade 12 P1 NSC November Exams 2021 QP
Grade 12 isiXhosa HL Paper 1 question paper from the NSC November Exams 2021, 12 pages. Read online or get the free PDF download, memo linked when available.
Isixhosa Hl · Grade 12 · NSC November Exams · 2021 · isixhosa. Question paper, 12 pages. Read online or download the PDF.
- Subject
- isiXhosa HL
- Grade
- Grade 12
- Language
- Isixhosa
- Document type
- Question paper
- Year
- 2021
- Exam period
- NSC November Exams
- Paper
- 1
- Curriculum
- CAPS
- Pages
- 12
- File size
- 524.3 KB
Free to read online, no sign-up needed
Loading document…
Loading document…
1 of 12
This exam
NSC November Exams 2021
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1Ukufunda nokubukela / Reading and Viewing (non-literary)30 marks
- Question 3Ukufunda nokubukela / Reading and Viewing (non-literary)10 marks
- Question 4Izakhiwo nemigaqo yolwimi / Language Structures and Conventions10 marks
- Question 5Izakhiwo nemigaqo yolwimi / Language Structures and Conventions19 marks
Document textSearch extracted text and jump to a page.
Downloaded from hlayiso.com
IsiXhosa Ulwimi Lwasekhaya (HL)/P1 2 DBE/Novemba 2021
NSC
IMIYALELO NENGCACISO
1. Eli phepha lemibuzo LINAMACANDELO AMATHATHU:
ICANDELO A: Uvavanyo Lokuqonda (30)
ICANDELO B: Ushwankathelo (10)
ICANDELO C: Izakhi nemigaqo yokusetyenziswa kolwimi (30)
2. Funda YONKE imiyalelo ngocoselelo.
3. Phendula YONKE imibuzo.
4. Qala ICANDELO NGALINYE kwiphepha ELITSHA.
5. Krwela umgca ekupheleni KWECANDELO NGALINYE.
6. Nombola iimpendulo ngokuchanekileyo ngokwendlela ezinonjolwe ngayo
kwiphepha lemibuzo.
7. Shiya umgca emva kwempendulo NGANYE.
8. Qwalasela ngokukodwa upelo nolwakhiwo lwezivakalisi.
9. Iingcebiso malunga nolwabiwo lwexesha:
ICANDELO A: Imizuzu engama-50
ICANDELO B: Imizuzu engama-30
ICANDELO C: Imizuzu engama-40
10. Bhala ngokucocekileyo nangokucacileyo.
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 3 DBE/Novemba 2021
NSC
ICANDELO A: UVAVANYO LOKUQONDA
UMBUZO 1: UKUFUNDELA INTSINGISELO NOKUQONDA
Funda IZICATSHULWA A no B ezingezantsi uze uphendule imibuzo esekwe kuzo.
ISICATSHULWA A
UJERUSALEMA, NESHWANGUSHA LECOVID-19
1 UJerusalema ligama lengoma kaMaster KG noNomcebo Zikode ebisematheni
kwihlabathi liphela ngexesha lobhubhane wesifo esibangelwa yintsholongwane
iKhorona ebisovuyavuya ihlabathi. Yingoma ebenehlumelo elingumdaniso nawo
okwabizwa Jerusalema. Iqela iNowhere laseAngoIa liwenze waduma lo mdaniso
ngokuqhayisa ngeevidiyo zalo lidanisa kumaqonga onxibelelwano licela 5
umngeni kwabazivayo. Ingoma uJerusalema ithwele intshinga yodumo ngokuthi
inwenwe ngokomlilo wedobo ukufikelela kwihlabathi lonke ngamaqonga
onxibelelwano esingabala kwaphambili kuwo uTwitter, WhatsApp ngokunjalo
nakwawomculo, uShazam, YouTube noSpotify. Esinye sezizathu zokuthwala
intshinga kwale ngoma kukusasaza umoya wethemba oye waphakamisa 10
imimoya ebisele idakumbile ngenxa yesifo iCovid-19. Umoya wethemba
utyaleke ngokuthi abantu, abantwana nabasebenzi nkalo zonke zehlabathi
bazibone sebedanisa kunye, besebenzisana, bemoyamnye.
2 Akukholelekanga ukubona ihlabathi limanyene ngomdaniso, lidanisela
ingoma enye uJerusalema, kunye ngaxeshanye ngexesha ubhubhane 15
wentsholongwane ikhorona enza iziqwenga kwihlabathi. Ngokudanisa, livuma
kunye ihlabathi, lizibone selibekele phaya kude imiqobo esekwe kulwimi,
kubudala, kubulungu beenkolo ezithile, kwizihlalo zokulawula emisebenzini kanti
nesekwe kuhlanga oluthile, okanye kubumi bezwekazi elithile. Mhlawumbi
amazwi ale ngoma athi iJerusalem ilikhaya afumana isihlalo kwabaneziva 20
emimoyeni ize ibeyiyona rhali, edibanise imihlambi eyalanayo kuba nabani
uyalifuna ikhaya.
3 Kubengomnye umnqa ukubona ihlabathi lijule ngefestile uchuku lokufuna
ukutolikelwa ingoma phambi kokuba liyivume okanye live intsingiselo yayo.
lintlanga ngeentlanga zehlabathi ziyivume injengoko yayibhaliwe ngoLwimi 25
IwesiZulu, ingaguqulelwanga nakolunye kwezazo iilwimi. linkcubeko zehlabathi
lonke ukusuka kwiindawo zasemaphandleni, kumanxweme eelwandle
zaselndiya, eParis nasePortugal ukuqhina ePitoli esembindini, zidityaniswe
zahlanganiswa nguJerusalema. Kunjalonje wasiphula nolwamvila lokubukulana
kwamazwe, kwaphela ukucalucalulana ngokobuhlanga befunana apha 30
ngomdaniso noncuthu Iwengoma. Lonke olu manyano lube ngumathunga
wokumelana nomngeni weshwangusha eliyiCovid-19 ebeligqugqisa ihlabathi.
4 Ingoma uJerusalema ibengumzekelo ophilayo ogqamise amandla engoma
ngokwemveli ngakumbi kwingxaki yeCovid-19. Imisebenzi yengoma
ekukuphilisa imiphefumlo, ukususa iimvakalelo zokuxhalaba, ukushenxisa 35
uloyiko okomzuzwana ikwenze nakubantu abebesele bebunikezela
besemisebenzini, nabebekumakhuko okufa, ezibhedlele kanti
nakwabakwizihlalo ngezihlalo zokuphatha kwihlabathi lonke. Isebenze
njengomvuseleli wethemba kubasebenzi ezibhedlele behlaziya injongo yabo
yokuhoya iingxwelerha zeCovid-19. Owazi amayeza angathi ibeliyeza lamandla 40
nokuphakamisa umoya kuba bebedanisa kunye bakugqiba baye kusebenza
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 4 DBE/Novemba 2021
NSC
kunye kwizibhedlele sele bewuva ukhaphukhaphu umsebenzi wokujongana
nombulali oyiCovid-19.
5 Luchukumiseko olwahlukileyo olwenziwe yingoma uJerusalema kumazwe
ehlabathi. Asinguye nabani ofumana ukuhoywa ziiPrezidanti ngolu hlobo. Nkqu 45
nowayesakuba yiPrezidenti yaseMelika uMnumzana Trump ubebonwa kumajelo
eendaba naye ekwadanisela uJerusalema. Yingoma ethe ngokuthi ndi-i-i kwayo
yabonakala sele ibusondela kwisihlalo somhobe wesizwe soMzantsi Afrika
nehlabathi. UPrezidanti woMzantsi Afrika uMnumzana Ramaphosa ude
wamisela ukuba, ngomhla wamagugu wama-24 kuSeptemba ngowe-2020, 50
kudaniswe umdaniso kaJerusalema. Kumyalezo wakhe uthe uJerusalema
ngumqondiso wokuphilisa umoya welizwe oqhuba okuhle. Uyalele abantu beli
ukuba bayivume Ie ngoma ukuze bacamngce, bakhumbule abasele
besandulele, bavuyele nethuba lokungxenga amandla ombulalazwe oyiCovid-19
besesisizwe esisabambeneyo. 55
6 lividiyo zale ngoma eziqulethe umdaniso wayo obutyalwa ngokuxhonywa nazo
zibe ngathi zenza ngomlingo ukufikelela kwihlabathi lonke zibe ngathi zithi
'Vuleka hlabathi' nanjengoko bezilwatyuza amazwe ehlabathi amiselwe
ilockdown. Ngeliphandle iividiyo zikaJerusalema zibe ngumavulakuvaliwe.
Ngexesha ebekungandwendwelwana nangamakhaya bezityhuluba zingena 60
kumakhaya ngamakhaya kusabelwana ngazo nomoya wazo. Zombini, ingoma
nevidiyo zityale umoya wethemba oye usakhelana, wakhula ngaxeshanye
nesantya sentsholongwane yeKhorona ukufikelela kumazwe ehlabathi.
7 Le ngoma inwenwe ngesantya esimangalisayo. Ude athi omele iqonga
likaShazam uJerusalema ibe yiyona ngoma abantu ebebephuma izithuba 65
befuna iinkcukacha ngayo-ukuyishazama ngolwimi lwabayisebenzisayo. Bambi
bebengayiqwalaseli bayibukele phaya kwiqonga, bebeyothula, bayigcine, benze
eyabo emitsha imidaniso neevidiyo, baze bazixhome kumaqonga sele
ingu#Jerusalem. EsiNgesini igama, Shazam lithetha 'umlingo', kuba lilumelo
Iwemilingo ethathelwa kwiifilim nasezintsomini zamaqhawe amaNgesi. Ingoma 70
uJerusalema nayo ifumana ukufaniswa kwamandla ayo okunwenwa nesenzo
sokushazama ngenxa yokuhamba ngesantya esinguqhwanya,
esingakholelekiyo sele kuvaliwe.
8 Ngangamandla ebenawo le ngoma ayitshintshanga indlela yokuphila, koko
yongeze nesigama sethu ngexesha leCovid-19. Kuludwe olufutshane 75
Iwesigama sikaPanSALB ngowama-2020, uvele uJerusalema njengelinye
lamagama asetyenziswe rhoqo ephala kunye naweCovid-19. Inene
uJerusalema ugqwesile njengengoma ngokumanya, ukubopha amanxeba,
ukususa ingevane, ukuthundeza, ukuthomalalisa, nokunika ithemba kwihlabathi
liphela. 80
[Sicatshulwe kwi-City Press, 14 Februwari 2020, saguqulelwa esiXhoseni, saze sahlelwa]
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 5 DBE/Novemba 2021
NSC
ISICATSHULWA B
[Ucatshulwe kwi-intanethi, www.googleimages.com waze wahlelwa]
IMIBUZO: ISICATSHULWA A
Jonga kumhlathi woku-1.
1.1 Khankanya ixesha ezimbalini eye yaduma ngalo ingoma uJerusalema. (1)
1.2 Xela ukuba iqela laseAngola liyenze yaduma njani ingoma uJerusalema. (1)
1.3 Nika naliphi iqonga lonxibelelwano elisetyenziswe ukudumisa ingoma
uJerusalema ngokwalo mhlathi. (1)
1.4 Lizisa ntsingiselo ni igama 'esinye' elinomgca ngaphantsi kumhlathi 1? (1)
1.5 Nika zibeziBINI izizathu zokuba uJerusalema athwale intshinga ngokwalo
mhlathi. (2)
Jonga kumhlathi wesi-2
1.6 Cacisa intsingiselo yegama 'ubhubhane' ngokomxholo walo mhlathi. (2)
1.7 Nika nawuphi umqobo kwebibekelwa kude xa kudaniswa ngengoma
uJerusalema. (1)
1.8 YINYANI/BUBUXOKI ukuba uJerusalema uvule ithanda phakathi kwabantu
ngexesha leCovid-19? Xhasa impendulo yakho. (1)
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 6 DBE/Novemba 2021
NSC
Jonga kumhlathi wesi-3
1.9 Nika intsingiselo yebinzana elibhalwe ngqindilili ngokwakulo mhlathi. (1)
1.10 Ngqina ngokufumana kulo mhlathi ukuba ingoma uJerusalema idale
umanyano kwihlabathi. (1)
Jonga kumhlathi wesi-4
1.11 Nika imisebenzi emiBINI yengoma exelwe kulo mhlathi. (2)
Jonga kumhlathi wesi-5
1.12 Caphula kulo mhlathi isifanekisozwi esinika intsingiselo yokuba uJerusalema
wanwenwela kwihlabathi jikelele. (1)
1.13 Xela injongo kaPrezidanti yokuyalela ukuba kubhiyozelwe umhla wamagugu
ngengoma uJerusalema ngonyaka wama-2020. (2)
Jonga kumhlathi wesi-6
1.14 Uyavumelana noluvo lombhali olunomgca ngaphantsi? Xhasa impendulo
yakho. (2)
Jonga kumhlathi wesi-7
1.15 Khetha impendulo echanekileyo kwezi:
Igama 'ukuyishazama' ngokwalo mhlathi lithetha:
A Ukufuna iinkcukacha zengoma ngoYouTube.
B Ukufuna iinkcukacha zengoma kwiApp uShazam.
C Ukuthumelela umhlobo ingoma ngoWhatsApp.
D Ukulinganisa ingoma yemvumi ngoSpotify. (1)
1.16 Chaza ukuba lo mhlathi umfanisa njani uJerusalema oyingoma noShazam. (1)
Jonga kumhlathi wesi-8
1.17 Ibenafuthe lini le ngoma kwisigama sakwaPanSALB? (1)
1.18 Ngokolwakho uluvo luluphi udidi lwabantu olunokuvuyela ukufunda esi
sicatshulwa? Xhasa impendulo yakho. (2)
IMIBUZO: ISICATSHULWA B
1.19 Nika izizathu eziBINI zokuthi aba bantu badanisa ngexesha leCOVID 19. (2)
1.20 Lo mfanekiso ungqinelana njani nomhlathi wesibini ukuba uJerusalema
waphule umqobo obubudala? (2)
1.21 Nika imfundiso enikwa zezi zicatshulwa zibini ngengoma. (2)
AMANQAKU ECANDELO: A 30
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 7 DBE/Novemba 2021
NSC
ICANDELO B: USHWANKATHELO
UMBUZO 2: UKUSHWANKATHELA
ISICATSHULWA C sithetha ngezinto ekumele uzazi phambi kokuba ube nguDJ.
Shwankathela ngamazwi akho unike ulwazi olubalulekileyo kwabafuna ukuzama
ukubangooDJ.
QAPHELA:
1. Bhala UMHLATHI ongenaziphene usebenzisa amazwi akho kangangoko unako.
2. Isishwankathelo sakho masiquke iingongoma EZISIXHENXE ungedluli
kumagama angama-70.
3. AKULINDELEKANGA ukuba ubhale isihloko xa ushwankathela.
4. Bhala phantsi inani lamagama owasebenzisileyo wakugqiba.
ISICATSHULWA C
OKUBALULEKE UKWAZI PHAMBI KOKUZAMA UKUBANGUDJ
IsiXhosa sithi, 'Inyathi ibuzwa kwabaphambili'. Ezi ziingcebiso ezinikwe ngesisa
ngoFacebook kulowo uzama ukubanguDJ. Kuyimfuneko ukuba ube nomsebenzi
okanye isingxungxo onokuxhomekeka kuso ngemali ngeli xesha usazama isakhono
sokudijeya. Kaloku kusafuneka uzenzele abalandeli. Ngamanye amaxesha abalandeli
ungabenza ngokudlalela abantu mahala ukuze bakubone, bawuthande nomsebenzi
wakho.
Khumbula, kaloku ukudijeya kuyabufuna ubuxhakaxhaka obuzizixhobo zokudijeya
ezisemgangathweni. Kungabubuchule ke ukuzama ukufumana izixhobo ezinamandla
okukhupha isandi osifunayo nokuba zingamasekeni asomeleleyo. Usenokufumana
nokuba zizipikha nezikhuselizandi zokunqanda ukungxolela abantu nabamelwane xa
usaziqeqesha ekhaya.
Gcina engqondweni ukuba nangona uza kube uwucwangcise wawuyondelelanisa
umculo wakho, kuluncedo ukubanika ithuba abalandeli bakho bancedise kwizigqibo
zeengoma ezinokudlalwa, okanye ekunokuqalwa ngazo. Umoya wabalandeli
uyancedisa kakhulu ekuthatheni izigqibo zomakudlalwe, kangangokuba nokuba sele
ikukruqule ingoma kufuneka uqhube uyidlale xa besayithanda abalandeli. Ungalwenza
nangomboko unxibelelwano nabalandeli kuba awuzidlaleli.
OoDJ abaninzi bathi asibobuchule ukusuka udijeye ungakhange urhece ulwazi lomculo
okanye imfundwana engokudlala izixhobo zokucula. Ulwazi lungasikhulisa isakhono
sakho sokucula uzibone sele ungumdidiyeli womculo.
Mamelisisa, uwajongisise amasolotya esivumelwano ngakumbi abhalwe ngamagama
amancinci ukuze ungangeni emgxobhozweni ungaqondanga. Zifuna ingqiqo
izivumelwano osenokungena kuzo njengoko noomanejala besahluka. Ngoko yiba
nolwazi ngeengxaki abanokukufaka kuzo ngezivumelwano zabo. Kuyenzeka omnye
afune ukuthatha isixa esingama-90 eepesenti kwingeniso yeshishini, kanti abanye
bathatha ukusuka kwishumi ukuya kwamabini.
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 8 DBE/Novemba 2021
NSC
Ungazifunela umntu oza kukunika inkxaso engahexiyo kwimizamo yakho nanjengoko
zininzi iingxaki onokuhlangana nazo. Ngezinye iimini uza kubuya izinto
zingahambanga kakuhle okanye uphoxekile kwindawo obuye kudlala kuyo, okanye
imali ingezi ngexesha obulilindele, kube kufuneka uqhube usebenze. Akumfuni umntu
oza kuhlekisa ngengxaki yakho okanye athi, 'bendiyilindele loo nto'.
Hlaba ukhangele kuba ukuhamba kuyayitya imali nanjengoko uzakumana uhambela
iindawo ngeendawo nakumazwe ngamazwe. Yazi ukuba xa undwendwela amazwe
aphesheya ingafuneka imali eyiyeyakho nokuba umqashi uza kukuhlawulela iindleko
zokubhabha. Ngamanye amaxesha kungakhe kufuneke uzihlawulele ngokwakho
iindleko zendawo yokuhlala.
[Sithathwe www.facebook.com saze sahlelwa]
AMANQAKU ECANDELO B: 10
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 9 DBE/Novemba 2021
NSC
ICANDELO C: IZAKHI NEMIQAGO YOKUSETYENZISWA KOLWIMI
UMBUZO 3: ISIBHENGEZO NTENGISO
Funda esi sibhengezo (ISICATSHULWA D) Singezantsi uze uphendule imibuzo
esekwe kuso.
ISICATSHULWA D
[Uthathwe kwi-intanethi, www.google.com waze wahlelwa]
3.1 Xela igama leApp ethengiswa yile ntengiso. (1)
3.2 Chaza isizathu sokuba igama Shazam libhalwe ngoonobumba abakhulu. (1)
3.3 Ngqina ngeengongoma eziMBINI ukuba esi sibhengezo senza ngathi kulula
ukufumana ulwazi ngengoma xa usebenzisa iApp uShazam. (2)
3.4 Khetha impendulo echanekileyo kwezi:
Ubaxo oluthi 'ube lulonwabo wo-o-onke' lube sisixhobo esisetyenziselwe:
A Ukuthandabuzisa abathengi ngoShazam.
B Ukubizela abathengi kuShazam.
C Ukulibazisa abathengi ngoShazam.
D Ukunyanzela abathengi kuShazam. (1)
3.5 Caphula isigama esisetyenziswe ngenjongo yokwenza abathengi bathathe
amanyathelo okufumana iApp ethengiswayo. (1)
3.6 Sijoliswe koobani esi isibhengezo ntengiso? (2)
3.7 Ngqina okanye uchase ukuba ikho ingcinga ebethelelekileyo ngokwesini
kwesi sibhengezontengiso. Xhasa impendulo yakho. (2)
[10]
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 10 DBE/Novemba 2021
NSC
UMBUZO 4: IKHATHUNI
Funda le khathuni (ISICATSHULWA E) ingezantsi uze uphendule imibuzo esekwe
kuyo.
ISICATSHULWA E
[Icatshulwe kwi intanethi, www.garfield.com yaze yahlelwa]
4.1 Nika zibeMBINI izinto ezifumaneka kwiselula kaSive ezikwisakhelo
soku-1. (2)
4.2 Xela ukuba anika ntsingiselo ni amachaphaza amathathu kwintetho kaSive
ekwisakhelo sesi-3. (1)
4.3 Igama 'kodwa' kwisakhelo sesi-3 linika ngcinga ni ngale selula? (1)
4.4 Khetha impendulo echanekileyo kwezi zingezantsi.
Ukungabikho kwencoko kwisakhelo sesi-2 kwenziwa kukuba umzobi
ugqamisa isenzo sokuba uSive … yakhe.
A uvuyelana nokukhala kweselula
B ugadene nokukhala kweselula
C usaxelelana nonina ngeselula
D usalilelana nonina ngeselula (1)
4.5 Thelekisa uvakalelo lukaSive kwisakhelo soku-1 nakwisakhelo sesi-3. (2)
4.6 Chaza isenzo sikaLiyon asenze kuzo zozithathu izakhelo, esingahambelani
nengcinga yakhe ekwisakhelo sesi-3. (1)
4.7 Ucinga ukuba uphumelele umzobi wekhathuni ukungxolisa abantu abanqula
ukusebenzisa iiselula kunokuhoya abantu abahleli nabo? Xhasa impendulo
yakho. (2)
[10]
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 11 DBE/Novemba 2021
NSC
UMBUZO 5: IPROZI
Funda esi sicatshulwa (ISICATSHULWA F) singezantsi, sineempazamo ezithile
ezenziwe ngeenjongo uze uphendule imibuzo esekwe kuso.
ISICATSHULWA F
UVELA BAHLEKE
1 Kunamawele ayengeva, efana kunzima ukuwahlula nditsho nkqu nabazali
awo babesohluleka ukuwahlula ukuba lo ngubani, lowa ngubani ngenxa
yokufana. Esikolweni ibiba seso, ufike bebhidisa utitshalakazi angazi nokuba
ngubani owenze ntoni.
2 Lento yokumosha kwaba bantwana mihla le iye yamcaphukisa utata wabo 5
de wagqiba kwelokuba abajonge ngeliso lokhozi kwinto yonke abayenzayo
ingakumbi ezifundweni zabo.
3 Le nto iye yamenza waya eba bukhali omnye ezifundweni zakhe ngelixa
omnye wayengatyi kwanto. Nayo leyo ibenze baba namanye amaqhinga.
Lo ubukhali ezifundweni ebeye abhalele nalo ubuthuntu ukuze baphumelele 10
bobabini. Waqonda uyise ukuba ziyeza iimviwo zaphakathi enyakeni apho
aza kubona khona ukuba ngubani kanye kanye lo umqhathayo.
4 Okunene zifikile iimviwo labe lingekho tu ikroba lokuba eli lityayo emagameni
lincedise eli libuthuntu. Owokuqala use iziphumo zakhe kuyise wabe
efumene amashumi alithoba anesihlanu ekhulwini, ambethe uyise esithi 15
ufuna ikhulu ekhulwini. Lafika elesibini lize nesihlanu ekhulwini, lakubuzwa
nguyise, lathi umfowabo umbele la mashumi alithoba anesihlanu angekhoyo,
watyhafa uyise.
[Sicatshulwe kwiSol'ezwe lesiXhosa, 20 Septemba 2016, saze sahlelwa]
5.1 Lungisa isiphene sovumelwano esikwigama elibhalwe bukekela kwisivakalisi
esingezantsi.
'… kunzima ukuwahlula nditsho nkqu nabazali awo …' (1)
5.2 Tolika isiqwengana esingezantsi esinomgca ngaphantsi.
'babesohluleka ukuwahlula ukuba lo ngubani lowa ngubani ngenxa
yokufana.' (2)
5.3 Caphula isikhombisi esikhomba (a) apha nesikhombisi esikhomba (b) phaya
kwisivakalisi esingezantsi.
'… babesohluleka ukuwahlula ukuba lo ngubani lowa ngubani ngenxa
yokufana.' (2)
5.4 Lungisa isiphene sobhalo kwibinzana elibhalwe ngqindilili kumhlathi wesi-2. (1)
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 12 DBE/Novemba 2021
NSC
5.5 Nika isichasi segama, 'ubukhali' esikumhlathi wesithathu. (1)
5.6 Bhala ngokuchanekileyo imo yohlobo lolandelelwano olukwisenzi esibhalwe
ngqindilili ngezantsi.
Owokuqala use iziphumo zakhe kuyise wabe efumene amashumi alithoba
anesihlanu ekhulwini, ambethe uyise esithi ufuna ikhulu ekhulwini. (1)
5.7 Bhala ngokuchanekileyo igama elinomgca ngaphantsi kwisivakalisi
esingezantsi.
Owokuqala use isiphumo zakhe kuyise. (1)
5.8 Khetha kwizibiyeli intsingiselo kamabizwafane 'umbele' ehambelana
nempendulo yewele kumhlathi wokugqibela wale tekisi.
(Uthathe amashumi alithoba anesihlanu wawenza awakhe lashota elinye
iwele/uthathe amashumi alithoba anesihlanu wawanika iwele lakhe ukuze
ligcwalise ngawo kwawalo engaboni uyise.) (1)
[10]
AMANQAKU ECANDELO C: 30
AMANQAKU EWONKE: 70
Akuvumelekanga ukufotokopa eli phepha
Study this subject
Recommended for this subject

Question paper
isiXhosa HL Grade 12 P2 NSC November Exams 2021 QP

Question paper
isiXhosa HL Grade 12 P1 NSC November Exams 2019 QP

Question paper
isiXhosa HL Grade 12 P1 NSC November Exams 2016 QP

Question paper
isiXhosa HL Grade 12 P1 NSC November Exams 2015 QP

Question paper
isiXhosa HL Grade 12 P1 NSC November Exams 2014 QP

Memorandum
isiXhosa HL Grade 12 Paper 1 NSC November Exams 2019 Memo
More from Grade 12 isiXhosa HL

Annual teaching plan
Gr 12 IsiXhosa HL ATP 2023 24

Memorandum
isiXhosa HL Grade 12 Paper 1 Eastern Cape Mock 2025 Memo

Memorandum
isiXhosa HL Grade 12 Paper 3 Eastern Cape Mock 2025 Memo

Memorandum
isiXhosa HL Grade 12 Paper 1 NSC June 2025 Memo

Memorandum
isiXhosa HL Grade 12 Paper 2 NSC June 2025 Memo

Memorandum