Downloaded from hlayiso.com
NATIONAL
SENIOR CERTIFICATE
IBANGA 12
ISIXHOSA ULWIMI LWASEKHAYA (HL)
IPHEPHA LOKUQALA (P1)
NOVEMBA 2019
AMANQAKU: 70
IXESHA: Iiyure 2
Olu viwo lunamaphepha ali-12.
Akuvumelekanga ukufotokopa eli phepha Tyhila iphepha
Skip to contentAll 2019 papers 





View all





isiXhosa HL Grade 12 P1 NSC November Exams 2019 QP
Grade 12 isiXhosa HL Paper 1 question paper from the NSC November Exams 2019, 12 pages. Read online or get the free PDF download, memo linked when available.
Isixhosa Hl · Grade 12 · NSC November Exams · 2019 · isixhosa. Question paper, 12 pages. Read online or download the PDF.
- Subject
- isiXhosa HL
- Grade
- Grade 12
- Language
- Isixhosa
- Document type
- Question paper
- Year
- 2019
- Exam period
- NSC November Exams
- Paper
- 1
- Curriculum
- CAPS
- Pages
- 12
- File size
- 430.8 KB
Free to read online, no sign-up needed
Loading document…
Loading document…
1 of 12
This exam
NSC November Exams 2019
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1Izakhiwo nemigaqo yolwimi / Language Structures and Conventions30 marks
- Question 3Ukufunda nokubukela / Reading and Viewing (non-literary)10 marks
- Question 4Izakhiwo nemigaqo yolwimi / Language Structures and Conventions10 marks
- Question 5Izakhiwo nemigaqo yolwimi / Language Structures and Conventions20 marks
Document textSearch extracted text and jump to a page.
Downloaded from hlayiso.com
IsiXhosa Ulwimi Lwasekhaya (HL)/P1 2 DBE/Novemba 2019
NSC
IPHEPHA LEMIYALELO NEENGCACISO
1. Eli phepha lemibuzo LINAMACANDELO AMATHATHU:
ICANDELO A: Uvavanyo lokuqonda (30)
ICANDELO B: Ushwankathelo (10)
ICANDELO C: Izakhi nemigaqo yokusetyenziswa kolwimi (30)
2. Funda YONKE imiyalelo ngocoselelo.
3. Phendula YONKE imibuzo.
4. Qala ICANDELO NGALINYE kwiphepha ELITSHA.
5. Krwela umgca ekupheleni KWECANDELO NGALINYE.
6. Nombola iimpendulo ngokuchanekileyo ngokwendlela ekunonjolwe ngayo
kwiphepha lemibuzo.
7. Shiya umgca emva kwempendulo NGANYE.
8. Qwalasela ngokukodwa upelo nolwakhiwo lwezivakalisi.
9. Iingcebiso malunga nolwabiwo lwexesha:
ICANDELO A: Imizuzu engama-50
ICANDELO B: Imizuzu engama-30
ICANDELO C: Imizuzu engama-40
10. Bhala ngokucocekileyo nangokucacileyo.
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 3 DBE/Novemba 2019
NSC
ICANDELO A: UVAVANYO LOKUQONDA
UMBUZO 1: UKUFUNDELA INTSINGISELO NOKUQONDA
Funda IZICATSHULWA A no B ezingezantsi uze uphendule imibuzo esekwe kuzo.
ISICATSHULWA A
IMBEKO AYIKHETHE BANI
1 Akukho kungabaza xa kuchazwa imbeko. Ngazwinye, umthetho, isiko,
isithethe, indalo, inkolo, ziyibona imbeko iphakathi komntu nomntu, umntu
nomntwana, umntwana nomntu, de kuye kuqhina kwizilwanyana nabantu,
inkcubeko nabantu okanye izindlu nabantu. Eli gama 'umntu' ngokwale nkcaza
libhekisa kum nawe kwaye lithetha ukuba ayikho imbeko engekho umntu. 5
Ndicinga ukuba ayiphelelanga inkcaza yembeko engaquki izithako ezifana
nentlonipho, intobeko, ukuxabisa umntu, ukumphulaphula nokumhoya. Intetho
yamaXhosa ethi, 'inik'inika', ithetha ukuba 'yenza kwabanye njengoko ufuna
kwenziwe kuwe'. Lilonke, ukuba nembeko kukunika imbeko kumntu ngamnye
ungajonganga nzuzo, ungayisekanga nakubudala. Ngaloo ndlela imbeko 10
isisithako esibalulekileyo sokugxeka nokuncoma ukuchubeka komntu.
2 Iciko lakwaTom xa lichaza imbeko lithi, 'imbeko asiyiyo nanto ukuba yigolide
kwaXhosa' kwaye ayinalo inqanaba lobomi engafuneki kulo. Ibutyhutyha'
bonke ubomi boluntu ukususela ebuntwaneni ukuya ezinkondeni ide iye
kuqhina ekuhlonipheni izinyanya. Asithi na kaloku ilizwi lezinyanya alizanga 15
lawa phantsi? Ongaziniki imbeko izinyanya angathi kanti uzivimba ubutyebi
beli lizwe.
3 Imbeko iqala ekhaya. AmaKristu athi, 'Beka uyihlo nonyoko ukuze imihla
yakho yolulwe emhlabeni'. Ikakhulu kulindelwa ukuba imbeko isuka
komncinane iye komkhulu nangona kubayimfuneko ukuba iqale komdala iye 20
komncinane. OkaMavela uluxhasa olu luvo ngokuthi, isizwe esizinzileyo
sisizwe esikholose ngokubantloni nesikhuthaza intlonipho phakathi kwabantu.
Kweso sizwe, omncinci uhlonipha omdala, ukuze nomdala alinganisele lowo
umncinci ngentlonipho emfaneleyo. Uthathwa njengonembeko wakungali xa
uthunywa, ucele xa uza kuhamba, uxele xa ungakwazi ukubuya ngethuba 25
lesiqhelo, uphendule ngentlonipho lonke ixesha; 'ewe mama, ewe tata', ewe
mntwanam, ungamgrwangxuli umntu, uvisisana ungavisisani nakuthethayo,
ukungaphenduli xa ungxoliswa,kanti nokungadlali ngefoni xa kuthethwa nawe.
Nabadala ke mabazeke mzekweni.
4 Kuthe kanti zazibalulekile ezinye izinto ezazisenziwa sisebancinane. 30
Abakudala abazali babesazi kunye nabantwana babo ukuba, 'umntwana
akangowomzali lo umzalayo kuphela'. Bonke abazali ahlangana nabo
umntwana ngooyise noonina kwaye ngumgomo wakhe ukuziphatha ngendlela
efanayo abazali bakhe bekho okanye bengekho. Nabazali kufuneka benjenjalo
phambi kwabantwana. Asazi nokuba lemka nontloyiya na elo lizwi xa 35
kunamhlanje kuba uva umzali wanamhlanje eligoba eli lizwi esithi,
'akuzalelwana' ngokumthuma nje evenkileni umntwana ungadanga wabhekisa
lizwi lithini. Nabantwana namhlanje benza nantoni na phambi kwabangoku
abazali kuba abazali bakhulelwe kukoyikana endaweni yokuhloniphana.
Intetho ethi, 'Umzali uzalela omnye' ingundile, kuba baninzi abazali 40
nabantwana abayishiye apho ikhedamile.
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 4 DBE/Novemba 2019
NSC
5 Masikhe sichophele lo mcimbi wokunika imbeko kumntu ngamnye. Abanye
abantu bacinga ukuba umntu ohluphekayo akafanelwanga kunikwa mbeko
kwaye naye akafanelanga kunika mntu mbeko. Singayiphehlelela kulo Mzantsi
Afrika mtsha ingcingane yokuba umntu odlakazelayo akanakukumisa endleleni 45
athethe nawe? Ukudlakazela kumhlutha ubuntu na umntu? Kwathini le nto
kufuneka abantu baqale babe nezinto ukuze banikwe imbeko? Abantu
kutshanje sebehlonitshwa ngokwenza izinto ezinkulu okanye babeneemoto
zikaNokutsho. Isidima sabazali abangathathi ntweni semka namanzi
kubantwana babo bakuhlupheka abo bazali. Sisizwe esinjani eso? 50
6 Ubusazi ukuba ngokwenkcubeko yomXhosa, ukubulisa oku kukodwa yindlela
yokubonakalisa imbeko? Ndikhumbula kudala babekho abantwana ababesithi
bakuya kufunda eJC babuye sele bengasafuni ukuvuka babulise bathi, 'Mholo
Tata, Mholo Mama!' ngenxa yokuba becinga ukuba xa abazali babo
bengayanga sikolweni bona sele bekwinqanaba elingentla kwembeko. 55
Wonzakala ukhaba iimviko nje! Ululeko sisixhobo sokufumana imbeko.
Kumakhaya amaninzi onkqonkqoza abe sele egxuphuleka engena
kungekathiwa, 'Ngena!', uyajikiswa, angabi senza naloo nto ebegxashiza eze
kuyenza. Akujikiswa uyaqalela ankqonkqoze kude kuthiwe, 'Ngena!', abulise,
bavume andule ke ukuthetha oko akuzeleyo. Oku kwenziwa nakowomnye 60
umzi umntwana othunyiweyo. Baqeqeshelwa kumkhwa wokubulisa ukuze
kukhule ukuxabisana. Namhlanje sekuthe ndii lo mkhuba wokumbonzeleka
kungabuliswa. Nabadala sebethe nkxu kulo mkhuba. Xa ubulisa uthetha
ukuthi, 'Ndiyakubona, ndibuxabisile ubukho bakho kule ndawo sikuyo kunye'.
7 Ayikho imbeko engadutyelwanga ngentlonipho. Nakwilizwe lokuphangela, 65
inik'inika. Umsebenzi makahloniphe umphathi, umphathi ahloniphe umsebenzi.
Akubikho sivuno apho bangqavulanayo, bagrwangxulane abaphathi
nabasebenzi. Kukhula ukungathembani kuba amehlo agcwala ungcume
lokuva ngathi uyacalucalulwa sibe nzathalala isivuno. Ukuba awumhloniphi
umphathi, hlonipha isihlalo abekwe kuso. 70
[Isicatshulwa sithathwe kuvimba wabevi]
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 5 DBE/Novemba 2019
NSC
ISICATSHULWA B
[Ucatshulwe kwi-google-images.com]
ISICATSHULWA A
Jonga kumhlathi woku-1.
1.1 Bhala ngawakho amazwi isivakalisi esibhalwe ngqindilili. (1)
1.2 Chaza injongo yokusetyenziswa kwebinzana, '... libhekisa kum nawe'
kwisivakalisi esinomgca ngaphantsi. (2)
1.3 Khankanya zibeMBINI kwizithako eziyenza iphelele inkcaza yembeko. (2)
Jonga kumhlathi wesi-2.
1.4 Kuthetha ukuthini ukuthi, 'ilizwi lezinyanya alizanga lawa phantsi'? (1)
Jonga kumhlathi wesi-3.
1.5 Bhala igama ELINYE endaweni yebinzana, 'uyihlo nonyoko'. (1)
1.6 Sizisa ntsingiselo ni isihlanganisi, 'nangona' kwisivakalisi esibhalwe
bukekela? (2)
1.7 Nika ingcamango ephambili yalo mhlathi. (2)
Jonga kumhlathi wesi-4.
1.8 Chaza umahluko kwindlela yabazali bakudala yokutolika ubuzali
neyabanamhlanje. (2)
1.9 Sibethelela ngcinga ni isimamva u-'ana' esiphawulwe ngqindilili? (1)
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 6 DBE/Novemba 2019
NSC
1.10 Xela isizathu sokuba kuthiwe ingundile intetho ethi umzali uzalela omnye
ngokwalo mhlathi. (1)
Jonga kumhlathi wesi-5.
1.11 Phawula ngokusetyenziswa kombuzo buciko kulo mhlathi. (2)
1.12 Ngqina uluvo lombhali olukulo mhlathi ngokunika imbeko abantu
abadlakazelayo. (2)
Jonga kumhlathi wesi-6.
1.13 Chaza indlela yokunqwanqwadela abantwana kumkhwa wokunkqonkqoza
phambi kokuba bangene endlini. (2)
1.14 Khetha impendulo echanekileyo kwezi zilandelayo. Injongo yokusetyenziswa
kwentetho ngqo ngokuzingileyo kulo mhlathi:
A Kukuthundeza ngomfanekiso ngqondweni wencasa.
B Kukuthundeza ngomfanekiso ngqondweni wokuva.
C Kukuthundeza ngomfanekiso ngqondweni wokuphatha.
D Kukuthundeza ngomfanekiso ngqondweni wevumba. (1)
Jonga kumhlathi wesi-7.
1.15 Caphula amagama aMABINI alandelelanayo axela izenzo zabantu
abangenambeko. (2)
ISICATSHULWA B
1.16 Chaza ubaxo olubonakala kulo mfanekiso. (2)
ISICATSHULWA A no B
1.17 Xela isenzo esinokwenza esi sibini sithathwe njengesingenambeko
ngokomhlathi wesi-3. (2)
1.18 Ingaba ISICATSHULWA B siyawuxhasa umyalezo wesicatshulwa A? Xhasa
impendulo yakho. (2)
AMANQAKU ECANDELO A: 30
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 7 DBE/Novemba 2019
NSC
ICANDELO B: USHWANKATHELO
UMBUZO 2: UKUSHWANKATHELA.
ISICATSHULWA C sithetha ngezinto onokuzenza xa uqala ishishini. Shwankathela
ngamazwi akho unike izinto onokuzenza xa uqala ishishini.
QAPHELA:
1. Bhala UMHLATHI usebenzise amazwi akho kangangoko unako.
2. Isishwankathelo sakho masiquke iingongoma ezisiXHENXE ungedluli
kumagama angama-70.
3. AKULINDELEKANGA ukuba ubhale isihloko xa ushwankathela.
4. Bhala phantsi inani lamagama owasebenzisileyo wakugqiba.
ISICATSHULWA C
UKUQALA ISHISHINI
Kubalulekile ukuba xa uza kuqala ishishini uyazi imveliso oza kushishina ngayo
nezakhono onazo eziya kukunceda ukulikhulisa. Qala ngokwenza isicwangciso
phambi kokuba ugxile ekwakheni ishishini. Thabatha usiba lokubhala nephepha ubhale
oko ufuna ukukuqala nezinto oza kuzifuna. Makucace gca ukuba ushishino lwakho
lugxile kuluphi udidi lwabantu umzekelo abaphangeli, abengingqi yakho, abakhathelele
impilo yabo, ababudala buthile okanye abangenalo ithuba lokwenza imisebenzi
yekhaya. Zibuze ukuba uza kukhuphisana nabani na. Qinisekisa ukuba sele
bebangaphi abantu asele beshishina ngale mveliso uzimisele ukushishina ngayo uze
uthelekise amaxabiso abawabizayo nomgangatho wemveliso, ukuze ukusebenzise
oko ngenjongo yokuloba abathengi abaninzi.
Njengosomashishini kubalulekile ukuba uzithengise ebantwini ngendlela efanelekileyo
ngokuthi ubachazele inzuzo abaya kubanayo ngokuthenga le mveliso yakho.
Umzekelo ukuba uthengisa isiqholo somzimba khetha isigama esiza kubenza
abathengi abo babenomdla. Khumbula ke ukubeka phambili ukuthengisa izinto
ezisemgangathweni kunokuthengisa izinto ezininzi ezingekho mgangathweni.
Chonga ixesha elifanelekileyo lokuthengisa imveliso yakho nabantu oza
kubathengisela. Kubalulekile ukuba nesakhono sokubona indlela eliqhuba ngayo
ishishini lakho. Yiba nekhasi lonxibelelwano elinjengofacebook oqamele ngalo oza
kuthi uthethe kulo xa uthengisa imveliso yakho. I-intanethi lilizwe elityebe zizixhobo
ezilinde wena ukuze uzikhangele wakugqiba uzisebenzise. Ugoogle makabe
ngumhlobo wakho omkhulu kuba xa kukho into ongakwazi ukuyenza, bhenela kuye
uya kuba sisisombululo saloo ngxaki unayo.
Ukukhulisa eli shishini lakho, cela uluvo kumcebisi werhafu ukuze uqiniseke ukuba
awugilani nemigaqo yokuhlawulwa kwerhafu. Vula i-akhawunti yeshishini lakho
ebhankini ukuze ukwazi ukulandelela ingeniso nenkcitho yeshishini.
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 8 DBE/Novemba 2019
NSC
Kubalulekile ukwenza isicwangciso sexesha elifutshane nesexesha elide ukuze ukwazi
ukujonga ukuba ubheka phambili na okanye ubuya umva ukuze ulungise. Esi
sicwangciso masidandalazise indlela oza kuyichitha ngayo ingeniso yeli shishini
khonukuze uncedakale uthabathe izigqibo zokuliqhuba ngempumelelo. Nokokuba
awunazixhobo zisemgangathweni uxhomileyo ungenza lukhulu ngoko
unakho.Thabatha usiba nephepha ubhale konke onqwenela ukukwenza ukuqala
ishishini elo lakho.
[Sicatshulwe kwimagazini ethi, Sanlam Reality, iphepha lama-38–39 saguqulelwa esiXhoseni,
saze sahlelwa]
AMANQAKU ECANDELO B: 10
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 9 DBE/Novemba 2019
NSC
ICANDELO C: IZAKHI NEMIGAQO YOKUSETYENZISWA KOLWIMI
UMBUZO 3: ISIBHENGEZO NTENGISO
Funda esi sibhengezo ntengiso singezantsi uze uphendule imibuzo esekwe kuso.
ISICATSHULWA D
[Sicatshulwe kwi-http//google adverts internet saguqulelwa esiXhoseni saze sahlelwa]
3.1 Nika imisebenzi yale mveliso ibemiBINI. (2)
3.2 Xela igama lale mveliso ithengiswayo. (1)
3.3 Sinika ntsingiselo ni ngale mveliso isiphawuli, 'entsha'? (1)
3.4 Nika isizathu sokusetyenziswa komfanekiso wentombazana nemoto entle
kule ntengiso. (2)
3.5 Kubethelela ngcinga ni ukuphindaphinda igama u 'hlala' kule ntengiso? (1)
3.6 Ngumqondiso wantoni umbala omhlophe? (1)
3.7 Ingaba uyangqinelana nebango lokuba lungqingqwa ukhuseleko
kwiintsholongwane xa luyi-98%? Xhasa impendulo yakho. (2)
[10]
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 10 DBE/Novemba 2019
NSC
UMBUZO 4: IKHATHUNI
Funda le khathuni ingezantsi uze uphendule imibuzo esekwe kuyo.
ISICATSHULWA E
ISAKHELO SOKU-1 ISAKHELO SESI-2 ISAKHELO-3
[Ithatyathwe kwi-intanethi kuwww.feuti.com yaguqulelwa yaze yahlelwa]
4.1 Bhala intetho kaZani ekwisakhelo sokuqala ngamazwi akho. (1)
4.2 Nika iindlela zibeMBINI zobaxo ezisetyenziswe kwisakhelo sesi-2. (2)
4.3 Chaza umahluko kwisithomo sikaTie ngexesha agxothwayo nangexesha
emkayo emsebenzini. (1)
4.4 Kunika ngcinga ni ukunyukela kwenani lophawu lokukhuza kwisakhelo
sesi-3? (2)
4.5 Ngqina ukuba nabasebenzi bebengonwabanga ngobukho bukaTie
emsebenzini. (2)
4.6 Ucinga ukuba umzobi wale khathuni unengcinga ebethelelekileyo ngesini
esithile kwindawo zokuphangela? Xhasa impendulo yakho. (2)
[10]
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 11 DBE/Novemba 2019
NSC
UMBUZO 5: IPROZI
Funda esi sicatshulwa singezantsi uze uphendule imibuzo esekwe kuso.
ISICATSHULWA F
IMBEKO
1 Imbeko asiyiyo nanto ukuba yigolide kwaXhosa. Yiyo loo nto ongenayo
engabalelwa bantwini, nqwa nebhuxenge lesilambi. Imbeko le yendele
nzulu ebomini besiXhosa, yaye ibutyhutyha bonke ubomi boluntu ukususela
ebantwaneni ukuya kutsho ezinkondeni esezitshotshobelela
ngasemangcwabeni azo. Phofu esona siphelo asibubo budala kuba ezi 5
nkonde zisebenzisana nezinyanya. Andithi ilizwi lesinyanya alizanga lawa
phantsi kwaXhosa? – Ukuba igqirha lithe izinyanya zifuna kwenziwe oku
noku, akusokuze kungenziwa. Nangona imbeko isuka ikakhulu komncinane
iye komkhulu, ngamanye amaxesha kuba yimfuneko okokuba iqale
komdala iye komncinane. 10
2 Uthi wakubhekisa ezantsi ukucinga ngeempembelelo zembeko ebomini
bakwa Xhosa, ube nomoya wokuthi mhlawumbi ookhokho bookhokho
abaseka obu bomi, ukuba kukho into enjalo, beva iMvana xa yayisithi,
'Banoyolo abenza ubulungisa kuba bona baya kubizwa ngokuba
bangabantwana bakaThixo.' Ndinalo mcamango kuba ndisazi ukuba imbeko 15
ithe xhaxhe nangaphezu kobuthixo kwaXhosa.
3 UThixo oxolelayo uyabaxolela abantu baKhe, uxolo lwakhe luphakathi
kwakhe nomntu, naphakathi komntu nomntu. Kunjalo kuba, lukho uxolo
phakathi kwabantu, uthando luya kubakho. Uthando luzala uvelwano.
Zonke ezi zinto ziimpawu zeZulu, into ethetha ukuba unazo 20
sowuphawulelwe iZulu.
[Sithathwe kwincwadi ethi, Ndithungile Selani ebhalwe ngu: DV Tom, iphepha lama-95
saze sahlewa]
5.1 Nika intsingiselo yegama elibhalwe bukekela kwisicatshulwa. (2)
5.2 Yakha isivakalisi esitsha ngesenzi u-zifuna sibe neenjongosenzi ezimbini. (2)
5.3 Xela umsebenzi wesakhi esibhalwe ngqindilili kwisivakalisi esingezantsi.
… ukususela ebantwaneni ukuya kutsho ezinkondeni. (1)
5.4 Yakha isivakalisi esinegama elibhalwe bukekela kwesi sivakalisi singezantsi
sibe nentsingiselo eyahlukileyo.
Imbeko le yendele nzulu. (2)
5.5 Xela udidi lwesibanjalo esibhalwe ngqindilili kumgca we-13. (1)
Akuvumelekanga ukufotokopa eli phepha Tyhila iphepha
Downloaded from hlayiso.com
IsiXhosa Ulwimi Lwasekhaya (HL)/P1 12 DBE/Novemba 2019
NSC
5.6 Chaza indlela esisetyenziswe ngayo isifanekisozwi esikrwelelwe umgca
ngaphantsi kwesi sivakalisi singezantsi.
.... imbeko ithe xhaxhe nangaphezu kobuthixo kwaXhosa. (1)
5.7 Bhala igatya eliyintloko lesi sivakalisi silandelayo.
UThixo oxolelayo uyabaxolela abantu baKhe. (1)
[10]
AMANQAKU ECANDELO C: 30
AMANQAKU EWONKE: 70
Akuvumelekanga ukufotokopa eli phepha
Study this subject
Recommended for this subject

Question paper
isiXhosa HL Grade 12 P3 NSC November Exams 2019 QP

Question paper
isiXhosa HL Grade 12 P1 NSC November Exams 2021 QP

Question paper
isiXhosa HL Grade 12 P1 NSC November Exams 2016 QP

Question paper
isiXhosa HL Grade 12 P1 NSC November Exams 2015 QP

Question paper
isiXhosa HL Grade 12 P1 NSC November Exams 2014 QP

Memorandum
isiXhosa HL Grade 12 Paper 1 NSC November Exams 2017 Memo
More from Grade 12 isiXhosa HL

Annual teaching plan
Gr 12 IsiXhosa HL ATP 2023 24

Memorandum
isiXhosa HL Grade 12 Paper 1 Eastern Cape Mock 2025 Memo

Memorandum
isiXhosa HL Grade 12 Paper 3 Eastern Cape Mock 2025 Memo

Memorandum
isiXhosa HL Grade 12 Paper 1 NSC June 2025 Memo

Memorandum
isiXhosa HL Grade 12 Paper 2 NSC June 2025 Memo

Memorandum