Afrikaans Taal Graad 6.pdf

Downloaded from hlayiso.com LEERDER NOMMER Nkelea JAARLIKSE NASIONALE ASSESSERINGS 2010 nkelea GRAAD 6 TAALLEER: AFRIKAANS GESLAG (MERK ) SEUN DOGTER VAN NAME PROVINSIE GEBOORTEDATUM SKOOL SE NAAM EMIS NR. DISTRIK / STREEK Instruksies aan leerders: 1. Lees al die instruksies deeglik. 2. Beantwoord al die vrae in die spasies voorsien. 3. Hierdie toets duur 60 minute. 4. Jou onderwyser/es gaan jou help om die voorbeeld oefeninge te beantwoord voordat jy die toets begin. Voorbeeldoefeninge Voorbeeld 1 Omkring die letter met die regte antwoord. Koeie voorsien ons van ... A. kaas. B. botter. C. melk. D. roomys. Jy het die vraag reg geantwoord as jy c omkring het. Let wel:  In jou toets sal jy nog vrae soos beantwoord soos die wat jy nou voltooi het.  Doen jou bes om die vrae te beantwoord, al is jy nie seker van die antwoord nie.  Sryf die antwoord wat jy die beste is, neer en gaan aan met die volgende vraag.  Blaai om na die volgende bladsy wanneer jy ‘n bladsy voltooi het.  Kyk slegs na jou eie werk. Die toets begin op die volgende bladsy.

Downloaded from hlayiso.com Lees die verhaal en beantwoord die vrae. Die verhaal van ‘n Marmot Michael het mooi vir sy pa gevra om ‘n marmot as troeteldier aan te hou. Sy pa het ingestem, op voorwaarde dat Michael vir die diertjie sal sorg. “Ek sal,” het Michael belowe. “Onthou om die diertjie versigtig te hanteer en nooit aan die stert op te tel nie.” “Ek sal nie,” het Michael geantwoord. “Hy kan seerkry en sy oë sal uitval!” het sy pa plegtig bygevoeg. “Regtig!” het Michael verbaas geantwoord. “Ek gaan hom baie mooi hanteer .” Michael het ‘n hokkie gebou en houtsaagsels op die vloer gestrooi. Hy kies toe ‘n bruin marmot in die troeteldierwinkel. “Jy kan hom vrugte, rou groente en graanvlokkies voer,” het die eienaar gesê. “ Terloops, moet hom nie aan die stert optel nie, want sy oë gaan uitval.” “Ek weet,” het Michael geantwoord. Oppad huis toe begin Michael nuuskierig word. “Hoe kan ‘n marmot se oë uitval, as beide oë in sy kop vassit? Dit kan sekerlik nie net uitval nie.” Hy tel die klein diertjie versigtig op en beskou hom van ‘n kant af. Die oë het doodgewoon en normaal gelyk. Michael draai die klein, kriewelrige diertjie stadig om. Hy is effens bang om per ongeluk aan die stertjie te raak. Waar is die gevaarlike stertjie? Hy ondersoek die marmot oor en oor, maar vind geen stertjie nie. Michael hardloop huis toe om dit vir sy ma te noem. “Iets is verkeerd met my marmot.” Sy ma het uitgebars van die lag. “Marmotte het nie sterte nie,” het sy gesê. “Dit is net ‘n ou grappie.” “Julle het my geterg,” het Michael toe met ‘n sagte stemmetjie gesê. Daarna het hy opgehelder en sy stertlose troeteldier liefdevol terug in die hok gesit om met hom te speel. 1. Omkring die letter met die regte antwoord. (1) Hoekom het Michael die marmot oor en oor ondersoek? A. Hy wou nie aan die stert raak nie. B. Hy wou sien of die oë vassit. C. Hy het die stert gesoek. D. Hy wou die diertjie versigtig hanteer. Bladsy 2 van 10

Downloaded from hlayiso.com 2. Omkring die letter met die regte antwoord. (1) Die woorde “stadig ... . ...effens bang “ beteken dat Michael … A. ‘n bang persoon is. B. ‘n versigtige persoon is. C. besig is om die troeteldier te streel. D. besig is om die troeteldier te kielie. 3. Omkring die letter met die regte antwoord (1) Wat word bedoel met “ Daarna helder hy op…”? A. Hy het uitgeroep. B. Hy het gelag. C. Hy het verlig gevoel. D. Hy het ligte aangeskakel. 4. Beantwoord die volgende vraag in ‘n volsin. 4.1 Waaroor het Michael, op pad huis toe, nuuskierig geword? (1) 4.2 Hoekom het Michael opgehelder nadat hy met sy ma gepraat het? (1) 5. Beantwoord die volgende vraag. (1) Hoe kan die marmot seerkry? Bladsy 3 van 10

Downloaded from hlayiso.com 6. Beantwoord die volgende vraag. (1) Watter kleur was die marmot? 7. Beantwoord die volgende vraag. (1) Wat het Michael gedink was fout met sy marmot? 8. Omkring die letter met die regte antwoord. (1) “elke af en toe” beteken … A. elke week. B. soms. C. binnekort. D. elke maand. 9. Skryf die volgende sin in die teenwoordige tyd oor. (1) Michael het vir sy pa gevra om ‘n marmot aan te hou. 10. Skryf die volgende sin in die toekomende tyd oor. (1) Michael het ‘n hokkie gebou. 11. Skryf die volgende sin in die verlede tyd oor. (1) Michael hardloop huis toe. Bladsy 4 van 10

Downloaded from hlayiso.com 12. Skryf die meervoud van elke onderstreepte woord neer. 12.1 Die kombuis was vol pot. ____________________________ (1) 12.2 Nobel pryswenners is ons held. ______________________ (1) 12.3 Die boer het drie bees gekoop. ________________________ (1) 13. Groepeer die volgende frases as formele of alledaagse taal. Skryf jou antwoorde in die onderstaande tabel neer. (6) Goeie middag. Is jy OK? _____________ ______________ Hello! Hoe gaan dit met jou? Verskoon my, asseblief! Haai, jy! Dankie, meneer. Sal jy asseblief nou na my _____________ luister? Dankie! _______________________ Bly stil! Formeel Alledaags Bladsy 5 van 10

Downloaded from hlayiso.com 14. Ontwerp ‘n plakkaat vir jou skool se graad 7 afskeidsfunksie. Jou plakkaat moet ook aandui waar en wanneer die afskeidsfunksie sal wees. (5) Bladsy 6 van 10

Downloaded from hlayiso.com Lees die volgende paragraaf en beantwoord vrae 15 tot 17. ‘n Stokou leeu het siek in sy blyplek gelê. Al die diere van die bos het oor sy gesondheid navraag kom doen, buiten Jakkals. Wolf besluit om die saak onder Leeu se aandag te bring. Hy het toe gesê: “O magtige Koning, buiten Jakkals, is ons almal hier om te hoor hoe dit met u gaan.” Jakkals kom op daardie oomblik aan en hoor Wolf se laaste woorde. Leeu het na hom gekyk en met groot misnoë gebrul. 15. Skryf die teenoorgestelde van elke onderstreepte woord neer. 15.1 Leeu het siek in sy blyplek gelê. _______________________ (1) 15.2 Hier kom die ou leeu. ______________________________ (1) 15.3 Leeu het met groot misnoë gebrul. ________________________ (1) 16. Skryf die teenoorgestelde geslag vir elk van die volgende woorde neer. 16.1 Leeumannetjie ______________________ (1) 16.2 Koning _____________________________ (1) 17. Watter tipe woordsoorte is die onderstreepte woorde? Bv. werkwoord, selfstandige naamwoord, byvoeglike naamwoord of bywoord. 17.1 ‘n Stokou leeu lê siek in sy blyplek. _____________________________ (1) 17.2 O magtige Koning, ons het almal na u gesondheid kom verneem. ______________ (1) 18. Gebruik die voegwoorde om die sinne te verbind 18.1 Die leeu het gebrul. Die leeu was kwaad (want) (1) ________________________________________________________ 18.2 Die jakkals het ingekom. Die wolf het gepraat. (terwyl) (1) __________________________________________________________ Bladsy 7 van 10

Downloaded from hlayiso.com 19. Vul die ontbrekende woorde vir elke sin in. 19.1 Jakkals het gesê, “Ek sal medisyne__________ u siekte vind.” (1) 19.2 Leeu draai _______ Wolf en slaan hom katswink. (1) 20. Gebruik die inligting op die breinkaart om ‘n brief oor jou gunsteling sportsoort aan jou vriend/vriendin te skryf. (6) Aanhef Einde Brief aan ... Boodskap Adres ____________________________________________________________________________________ ____________________________________________________________________________________ ____________________________________________________________________________________ ____________________________________________________________________________________ ____________________________________________________________________________________ ____________________________________________________________________________________ ____________________________________________________________________________________ ____________________________________________________________________________________ ____________________________________________________________________________________ ____________________________________________________________________________________ ____________________________________________________________________________________ ____________________________________________________________________________________ Bladsy 8 van 10

Downloaded from hlayiso.com 21. Lees die volgende storie en skryf ‘n inleidingsparagraaf met ten minste vier (4) sinne. (4) Petra voel baie gelukkig. Sy het ‘n splinternuwe R50 noot van haar ouma ontvang as ‘n verjaarsdaggeskenk. Daar is so baie wat Petra graag wil koop – nie net vir haarself nie, maar ook vir haar gesin. Sy wil nuwe linte en haarknippies vir haar susters koop. Haar broer soek ‘n tydskrif oor musiek. Haar ouers hou weer van ‘n spesifieke soort sjokolade. Sy kon kwalik wag totdat sy by die winkels kom. Petra het in die winkel ingestap en haar hand in haar sak gesteek. Wat ‘n slag! Die R50 noot is verlore! _______________________________________________________________ _____________________________________________________________________ _____________________________________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ Bladsy 9 van 10

Downloaded from hlayiso.com Lees die volgende gedig en beantwoord vrae 22 tot 24. Suk-sukkel is mooi sy kopligte blink, sy wiele draai flink en sy doppie is rooi; maar as jy net wil ry en nooit vra nie wat hy wil hê of wat hom dalk pla nie sal hy begin stik, hy sal hakkel en hoes en as jy weer kyk, staan hy eenkant en roes. Lucas Malan 22. Skryf twee woorde wat rym in die gedig neer. (1) ________________________ , _________________________ 23. Omkring die letter met die regte antwoord. (1) “ sal hy hakkel en hoes” is ‘n voorbeeld van: A. Alliterasie B. Assonansie C. Ritme D. Rym 24. Omkring die letter met die regte antwoord. (1) “Sy wiele draai flink” beteken… A. sy wiele draai stadig. B. sy wiele draai vinnig. C. sy wiele draai moeilik. D. sy wiele draai skeef. Totaal = [50 punte] Bladsy 10 van 10