Downloaded from hlayiso.com
NATIONAL
SENIOR CERTIFICATE
IGREYIDI 12
ISINDEBELE ILIMI LOKUTHOMA LOKWENGEZA (FAL)
IPHEPHA LESIBILI (P2)
NOVEMBA 2019
UMHLAHLANDLELA WOKUTSHWAYA
IMITLOMELO: 70
Umhlahlandlela wokutshwaya lo unamakhasi ali-10.
Ilungelo lokukhuphela lifunjethwe Phendla
Skip to contentAll 2019 papers 





View all





isiNdebele FAL Grade 12 Paper 2 NSC November 2019 Memo
Grade 12 isiNdebele FAL Paper 2 memorandum from the NSC November Exam 2019, 10 pages. Read online or download the free PDF.
Isindebele Fal · Grade 12 · NSC November Exam · 2019 · isindebele. Memorandum, 10 pages. Read online or download the PDF.
- Subject
- isiNdebele FAL
- Grade
- Grade 12
- Language
- Isindebele
- Document type
- Memorandum
- Year
- 2019
- Exam period
- NSC November Exam
- Paper
- 2
- Curriculum
- CAPS
- Pages
- 10
- File size
- 350.7 KB
Free to read online, no sign-up needed
Loading document…
Loading document…
1 of 10
This exam
NSC November Exam 2019
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1.1Ukufunda nokubukela / Reading and Viewing (non-literary)20 marks
- Question 1.2Ukufunda nokubukela / Reading and Viewing (non-literary)17 marks
- Question 2.1Ubukghwari / Literature (Set Works)17 marks
- Question 2.2Ubukghwari / Literature (Set Works)19 marks
- Question 3.1Ubukghwari / Literature (Set Works)18 marks
- Question 3.2Ubukghwari / Literature (Set Works)17 marks
Document textSearch extracted text and jump to a page.
Downloaded from hlayiso.com
IsiNdebele ILimi LokuThoma LokweNgeza (FAL)/P2 2 DBE/Novemba 2019
NSC – Umhlahlandlela wokutshwaya
ISIGABA A: INOVELA
UMHLAHLANDLELA WOKUTSHWAYA UMBUZO 1
Umhlahlandlela wokutshwaya
1. Nangabe iimpendulo azikanonjorwa ngokufaneleko, tshwaya ukuya
ngokomhlahlandlela.
2. Nangabe ukupeleda kutjhugulula ihlathululo yependulo, ayingatlonyeliswa,
kodwana nangabe ayiyitjhugululi ihlathululo ayitlonyeliswe.
3. Nangabe abahlolwako abakasebenzisi abodzubhula lapho kufanele khona,
abangajeziswa.
4. Iimpendulo ezifuna imibono yabafundi, imitlomelo ayinganikelwa ipendulo yaka
IYE/AWA nanyana NGIYAVUMA/ANGIVUMI. Kumele kutjhejwe unobangela
nokusekelwa kwependulo kwaphela.
5. Akunamitlomelo ekumele yabelwe ULIQINISO/AKUSILO IQINISO nanyana
IQINISO/UMBONO. Kumele kutjhejwe unobangela nokusekelwa kwependulo
kwaphela
UMBUZO 1: UBONAKELE – M Sikosana
1.1 1.1.1 USigwadi uhlala eMgungundlovu. (1)
1.1.2 Besele baneminyaka emine bangasabonani. (1)
1.1.3 USigwadi uthunywe bezimu bona azokutjela uMahlangu kobana
akhambe ayokufuna umkakhe nomntwanakhe. (2)
1.1.4 Umuzi kaMahlangu awusagwalwa begodu awusasindwa
njengombana sekuhlala uNaSilombo nje, nakusahlala
uNaMndebele bewugwalwa begodu usindwa. (2)
1.1.5 Wathi akusingcono bona akhambele safuthi mhlambe bazakhe
bakghone ukuphila ipilo engcono. (1)
1.1.6 Isizinda sehlalo/isikopilo ngombana abantwaba basakholelwa
emadlozini ngikho uSigwadi angazange ala lokha abezimu
nabamthumako kanti noMahlangu naye akayibetheli mthalazeni
indaba elethwe nguSigwadi lo ngikho athatha igadango
lokuyokufuna umndenakhe. (2)
1.1.7 Akusilo iqiniso ngombana umlingisi oyikutani enovelini le
nguBonakele begodu nguye esingenisweni senovela anomraro
wokutlhoriswa nguNaSilombo. (1)
1.1.8 Umtloli bekahlose bona abantwaba bakwazi ukuzwa ngepi le bese
bakghone ukuyikhambela nekukulapho bahlangana khona
bobathathu bebabuyelana baba mndeni owodwa. (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P2 3 DBE/Novemba 2019
NSC – Umhlahlandlela wokutshwaya
1.1.9 Umukghwabo lo usivezela bona ubudlelwano babo abusesebuhle,
ngikho uMahlangu angakwazi la kwakhe khona umnakwabo
begodu nomnakwabo solo agcina ukubavakatjhela kusahlala
uNaMndebele. Namhlanje simthola la ngombana athunywe
bezimu.
(Umfundi angayibeka ngeyakhe indlela ezwakalako.) (2)
1.1.10 Angizwelani naye ngombana kuthiwa into enye nenye oyenza
komunye umuntu ngelinye ilanga nakuwe izakwenzeka,
UMahlangu watlhorisa uNaMndebele namhlanjesi kutlhoriswa
yena.
Ngiyazwelana noMahlangu ngombana ulinga ngamandla
ukukhombisa uNaSilombo bona uyamthanda begodu utlhogomela
nomntwanakhe uBafunani.
(Umfundi angayibeka ngeyakhe indlela ezwakalako.) (2)
1.1.11 Umtloli uphumelele ukusethulela isifundo bona umtlhago
uyamakha umuntu. Nanyana ungatlhaga kangangani kodwana
nawusunduza ngamandla ugcina sele uphumelela epilweni.
(Umfundi angayibeka ngeyakhe indlela ezwakalako.) (2)
1.2 1.2.1 Zizambatho.
Yimali.
Mahabhula.
(Zimbili iimpendulo kezingehla.) (2)
1.2.2 UBonakele wakhamba wayokugqekeza emarageni weba
amahabhula amakhulu wawathengisa amenzela imali
ebonakalako. (1)
1.2.3 -UBonakele waloba izembatho mhlana asuka kwabo aya
ngeBenoni watjhiya izambatho zakhe ngekoloyini agade ayikhwele.
-UBonakele wathathelwa imalakhe mhlana afika ngeDaveyton
yathathwa boNduku noSponono abathoma ngokumwunawuna. (2)
1.2.4 -Watlhoga indawo yokulala.
-Gade alambile/anganakudla.
-Wayenganazambatho.
-Gade alila/atlhuwisa.
(Yinye ipendulo kezingehla.) (1)
1.2.5 Ngicabanga bona into eyamupha amandla amatjha nethemba
lokuphila ipilo engcono kuzibandula kwakhe naboKiller nokwenza
bona azimisele ukudlula ekuthomeni khona azokuphila ngcono
nasele ayikutani yephasi. (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P2 4 DBE/Novemba 2019
NSC – Umhlahlandlela wokutshwaya
12.6 B/UBonakele alwa khona noDuke Hudson. (2)
1.2.7 Umtloli bekanqophe bona indaba itjharagane ukuya phambili
beyiyokufika esitlhorini nekukulapho afisa ukuyifikisa khona
ukuphumelelisa ummongondaba awuhlosileko.
(Ipendulo enembako izakwamukelwa.) (2)
1.2.8 Liqiniso ngombana uKiller wezwa bona uBonakele unamandla,
uhlule abesana ebebamhlanganyele esiteyitjhini. Ngemva kwepi
leyo uKiller wabona ikutani kezeendubulo.
(Ipendulo enembako izakwamukelwa.) (1)
1.2.9 Angimsoli ngombana uBonakele bekangekhe akwazi ukuhlala
nomuntu owamtlhorisa ngaleya ndlela. Bekazokuthi nakamqalako
malanga woke akhumbule ubuhlungu amzwisa bona.
Ngiyamsola ngombana uNaSilombo bekufanele ahlale nabo
akwazi ukubona ipumelelo kaBonakele bese azisole khona angeze
asenza omunye umuntu kumbi njengombana kusitjhiwo bona
iswazi lamva libuhlungu.
(Ipendulo enembako izakwamukelwa.) (1)
1.2.10 -Umtloli uphumelele ngombana esingenisweni sethulelwe umlingisi
oyikutani uBonakele.
-Esingenisweni sethulelwe indawo lapho inovela yenzeka khona
eSiyabuswa.
-Esingenisweni sivezelwe umraro umlingisi oyikutani aqalane nawo
wokutlhoriswa. (3)
IMITLOMELO YESIGABA A: 35
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P2 5 DBE/Novemba 2019
NSC – Umhlahlandlela wokutshwaya
ISIGABA B: UMDLALO
UMBUZO 2: UMNGANI – ST Nkambule
2.1 2.1.1 Ubelethwa kwaSithole. (1)
2.1.2 UMlakana udaniswe ngummakhe omtjele bona angasaraga
neemfundo zakhe kodwana akhambe ayokufuna umsebenzi. (2)
2.1.3 Wararwa kukuzwa umuntu omutjha esikhathini sanamhlanje athi
akafuni ukufunda njengoKhabo nje. (2)
2.1.4 UKhabo bekazama ukuveza umbono wokobana uyabakhuthaza
bona bangazibambezeli ngento abanganasiqiniseko sokobana
izokuphumelela. (2)
2.1.5 - Unina lakaMlakana wathi uMlakana ayokusebenza nomalumakhe
akhohlwe ngendaba yesikolo.
- Unina kaBusi naye gade angayingeni indaba kaBusi yokuraga
ngeemfundo wathi ayokufuna umsebenzi. (2)
2.1.6 Umphumela wabommaba kukobana abentwana babo angeze
babanabantu ababakhuthazako bona baragele phambili ngefundo,
yeke angeze babanalo ikusasa elikhanyako. (2)
2.1.7 Kuliqiniso ngombana uKhabo unemali yokuya esikolweni kodwana
ukhetha ukuthatha imali leyo athome ngayo irhwebo. Abentwana
abazimisele ukuraga ngeemfundo zabo njengoMlakana batlhoga
imali yokuzitlolisa eyunivesithi. (2)
2.1.8 Imveza amumuntu onganandaba nabanye abantu kodwana
ozitjheje yena kwaphela bona aphumelele.
(Ipendulo enembako izokwamukelwa.) (2)
2.1.9 Akusiyo into eyamukelekako ngombana sibabantu asibuyi
emakhaya afanako begodu uMlakana akakazikhetheli ukuba
nomndeni otlhagako. (2)
2.2 2.2.1 Abafundi abaphundwe sikhathi sokuthoma sebazazitlolisa ebusika. (1)
2.2.2 UBusi banoMlakana bahlangana ngebulungelweni leencwadi/
Elayibhrari. (1)
2.2.3 UBusi uthi uMlakana umsiza ngeemfundo ezibudisi begodu
unesineke, uyambekezelela. (2)
2.2.4 Isizathu kukobana basonda boke. (1)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P2 6 DBE/Novemba 2019
NSC – Umhlahlandlela wokutshwaya
2.2.5 Unobangela owenze bona u-Oscar angakuthabeli ukuhlangana
kukaBusi noMlakana kukobana ubengafuni bona uMlakana
aphumelele ukuza eyunivesithi ngombana athi uzobaphazamisa
yena noBusi. (2)
2.2.6 UBusi unehliziyo ehle ngombana ubesazimisele ukuragela
phambili ngokusiza uMlakana ngokufuna imali yokuzitlolisa
nanyana selathandana no-Oscar. U-Oscar unehliziyo embi
ngombana ubengasafuni bona uMlakana asizwe ngemali
yokuzitlolisa. (2)
2.2.7 Isenzo sakaKhabo sokungafuni ukuraga nefundo sisitjela bona
umntwana ongayithandiko ifundo/Othanda imali. (1)
2.2.8 Umnqopho kaSello noMbizo kukobana bafuna ukusebenzisa
abentwana abatlhagileko ukufezekisa iindingo zabo
zokubathengisisa iindakamizwa. (2)
2.2.9 Akusilo iqiniso, u-Oscar akanaso isirhawu begodu akakathembeki
ngombana wathandana noBusi azi bona uMlakana uyamsoma./
Bekangasafuni bona uMlakana azokufunda eyunivesithi.
(Ipendulo enembako izokwamukelwa.) (2)
2.2.10 Isenzo sakaSello sokobana angatjeli uMlakana ngemali amsize
ngayo bona ivelaphi kusisenzo esingamukelekiko ngombana
kufanele amazi umuntu loyo, kuphume kuye bona uyayamukela
nofana akayamukeli azokwazi ukumthokoza. (2)
2.2.11 Umtloli uphumelele ukusiphethela umdlalo lo ngombana sifumana
isiphetho esingakalindeleki okusiphetho-phekghu. Besingakalindeli
bona uMlakana uzokuphelela ejele. (2)
IMITLOMELO YESIGABA B: 35
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P2 7 DBE/Novemba 2019
NSC – Umhlahlandlela wokutshwaya
ISIGABA C: IINDABA EZIFITJHANI
UMBUZO 3: PHOSA AMEHLO – NJ Msiza nabanye
3.1 'NGANGINGATJHO' – NJ Msiza
3.1.1 Umndeni wakwaMbinakomo uhlala eTjhejani kwaDlawulale. (1)
3.1.2 Igama leyunivesithi eyatlolela uVukile incwadi yokumamukela yiMedunsa. (1)
3.1.3 - UVukile ufuna ukuragela phambili ngeemfundo zakhe ngombana ufuna
ukufundela ibizelo alithandako.
- UVukile ufuna ukuragela phambili ngeemfundo zakhe ngombana ufuna
ukuthenga umlilo wekoloyi nendlu kanokutjho. (2)
3.1.4 UVukile walandela ibizelo lobudorhodera. (1)
3.1.5 - UMbinakomo ufisa bona uVukile angeza azokusebenza naye ebubulweni
elithengisa iinkoloyi. (1)
- UMbinakomo ufisa bona uVukile ayokwenda abuyise iinkomo zakhe
amhlabela zona nakathombako. (1)
3.1.6 Amagama la aveza umqondo wokobana nangathana unina lakaVukile
bekanemali nofana asebenza bekazambhadelela umntwanakhe imali
yokuraga iimfundo zakhe. (2)
3.1.7 Isenzo lesi sisifundisa bona umntwana nakathanda ifundo woke umuntu uba
netjisakalo yokufaka isandla bona aragele phambili ngeemfundo zakhe. (2)
3.1.8 Liqiniso ngombana umtloli unikele umlingisi oyikutani igama lakaVukile
ngehloso yokusitjengisa bona ikoro yakwaMbinakomo yavuswa
ebuthongweni nguVukile ngokwenza izinto ezimbili ezihle. (Ulotjolwe
bewathola nebizelo lakhe.)
(Umfundi angayibeka ngeyakhe indlela ezwakalako.) (1)
3.1.9 Isehlakalo esakha isitlhori kulokha uVukile nakalayelisa uyise amtjela bona
uya esikolweni abe azi bona uyise akafuni ayokuthuthukisa iimfundo zakhe. (2)
3.1.10 Isihlokwesi esithi, 'Ngangingatjho' siyakhambelana nommongondaba
wendatjana le ngombana sithola uVukile athi bekangatjho bonyana
angakwazi ukufeza ibhudango lakhe lokuba ngudorhodera njengombana
uyise bekasiqabo endlelenakhe./UVukile ukghonile ukuthola isokana
elinetlha nelakwazi ukumlobola ngeenkomo uyise agade azifuna ngombana
athi wazihlabisa uVukile ngequde lakhe.
(Ipendulo enembako izakwamukelwa.) (2)
3.1.11 UMbinakomo uthatjiswe kukobana isifiso sakhe sifezekile sokobana uVukile
wendile bekwabuya iinkomo zakhe amthombisa ngazo. Okumthabise
khulukhulu kukobana namhlanjesi iinkomo zigcwele isibaya kwakhe.
(Umfundi angayibeka ngeyakhe indlela ezwakalako.) (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P2 8 DBE/Novemba 2019
NSC – Umhlahlandlela wokutshwaya
3.2 'NGEZE NGAWELA PHASI’ – SF Mthombeni
3.2.1 UNaMnyakeni usebenza emNyangweni wezeFundo esifundeni seGauteng. (2)
3.2.2 Isizathu esenza bona uNaMyakeni angakghoni ukuzwa umuntu okokodako lo
kukobana amehlwakhe bekanamathele emkhangisweni wesifunda
seTlhagwini ebegade ukhangisiwe. (1)
3.2.3 Ikolelo yabobaba kukobana iinkhundla zabomma kungephunyaneni
nokugada/ukutlhogomela abentwana. (1)
3.2.4 Sikhundla sabajameli abahlanu beeyingi ezahlukahlukeneko. (1)
3.2.5 -Bobabili bangenela ukuhlungwa mayelana nomsebenzi obukhangisiwe. (1)
-Bobabili botitjhere. (1)
3.2.6 Umnqopho kaMthimunye kukwehlisa abomma isithunzi nokubaqeda amandla
bona bangazitshwenyi ngokufuna iinkhundla eziphezulu emsebenzini.
(Umfundi angayibeka ngeyakhe indlela ezwakalako.) (2)
3.2.7 A/Mthimunye. (2)
3.2.8 Isenzo sakaMthimunye sisitjela bona umumuntu onegandelelo phezu
kwabantu bengubo nanyana afundile nje begodu akabahloniphi abantu
bengubo/Umumuntu othathela abantu bengubo phasi nonganathemba
lokobana bangaziphatha iinkhundla eziphezulu.
(Umfundi angayibeka ngeyakhe indlela ezwakalako.) (2)
3.2.9 Umnqopho womtloli kusikhombisa bona umbuso utjhidile ekolelweni yakade
yokobana indawo kamma kungephunyaneni nokwelusa abentwana.
(Umfundi angayibeka ngeyakhe indlela ezwakalako.) (2)
3.2.10 Umtloli esiphethweni sakhe usivezele isiphetho-phekghu ngombana
uMthimunye ubegade angakalindeli bona uNaMnyakeni kungaba nguye
okhethwa kilesisikhundla sokuba mjameli wesiyingi seManthole.
(Umfundi angayibeka ngeyakhe indlela ezwakalako.) (2)
IMITLOMELO YESIGABA C: 35
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P2 9 DBE/Novemba 2019
NSC – Umhlahlandlela wokutshwaya
ISIGABA D: IINKONDLO
UMBUZO 4: 'UYANGENA UMLOBOKAZI' – MS Ntuli
4.1 Basithi … Yivumelwano thoma.
Bathi … (2)
4.2 Inwabu. (1)
Ugubudu. (1)
4.3 Ifanatjhada/ifanangwaqa/ifanakamisa. (1)
4.4 Ummongondaba wendima le kukobana abobaba abathambele/abagidele
ukungena kukamalokazana womkhaya owembethe ingubo yesikhethu
bamhlabele nekomo yokumamukela. (1)
4.5 Imida le imumethe umqondo wokobana umakoti nakangena ekhakwakhe
ungena akhamba kancani njengenwabu begodu azembese ubuso
njengogubudu nawumthintako. (1)
4.6 Ngicabanga bona umakoti nonosokana babanga bona unosokana vane sele
abona kwangathi umakoti sekafuna ukuzenza umma wangekhayapha
njengalokha nakathoma ukutjhidisa izinto zangendlini ngaphandle kokubawa
imvumo kunosokana/kubangwa imali yendoda kamakoti lo ebigade iphiwa
unosokana lokha indodanakhe ingakathathi okutjho bona nje akasayitholi
seyitholwa ngumakoti lo. (2)
4.7 Imbongi inqophe ukusitjela bona abanye abomakhelana baba nomona lokha
nawenza izinto ezihle benza ngathi abafuni ukuzibona kanti bazibonela
ngemsitheleni ukwenzela bona bazokwazi ukukhamba bahleba ngazo. (2)
4.8 Liqiniso ngombana ekondlweni imbongi ithi bamangele ebebathi bayazazi,
abanye bathi akayikuwubona umendo okuhlathulula bona bakhona egade
bamphosa yeke-ke kwanje bararekile nesele bambona atjhada. (2)
4.9 Ilimu elimakghwakghwa lilimi elinamanga/elingakhisiko/elilwisako. (1)
4.10 Imbongi iphumelele ukusebenzisa isifaniso ukukhombisa indlela umakoti
akhamba kancani ngakho nakangena ekhakwakhe begodu wamfanisa
nogubudu ohlala aqale phasi nongeze wabubona ubuso bakhe ngombana
umakoti naye uyazigubuzesa nakazokwenda. (2)
4.11 Imbongi iphumelele ukusebenzisa ilimi elinembako emudeni lo ukuveza
tjhatjhalazi ummongondaba wekondlo le ngombana ikhuluma ngeenkomo
zoboya ezinengi ezilobola umakoti ngombana vele ekadeni bekungalotjolwa
ngemali kodwana ngeenkomo begodu ezinengi ngikho kuthiwa
zimasongesonge nje.
(Umfundi angayibeka ngeyakhe indlela ezwakalako.) (2)
[18]
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LokuThoma LokweNgeza (FAL)/P2 10 DBE/Novemba 2019
NSC – Umhlahlandlela wokutshwaya
UMBUZO 5: 'NGIYATHOKOZA' – JM Mthimunye
5.1 Imbongi yakhumbula okwadlulako nokusezako. (1)
5.2 Sithiyeleli/Isezura. (1)
5.3 Imbongo izikhakhazisa ngonosokanayo ngombana wamupha ikakaramba
yomyeni. (2)
5.4 Yivumelwano singathano. (1)
5.5 Imbongi ikhumbula umlambo iLigwa kanye nonosokanakhe. (1)
5.6 Ikondlo le imumethe ummoya ovangileko ngombana ekuthomeni imbongi
idaniswa kukobana itjhiya indawo ehlala kiyo le ngikho siyizwa ithi, 'Indlu
ekulu ngayiqala kabili kathathu' okusivezela ummoya wokudana. Bese
ikondlo le nasele iphakathi iba nommoya wokuthaba. Imbongi isebenzise
amagama athi 'Ukuthokoza kwami kwaphelela' ukuhlathulula bona ithabele
ukwenda ekhayeneli. (2)
5.7 Imbongi beyinqophe ukugandelela indlela esalisa ngayo nokutjengisa bona
kwamambala izimisele ngokutjhiya umuzi lo ahlala kiwo ibuyele ekhakwayo. (2)
5.8 - Imbongi ngokusebenzisa isilingisi esithi,'Thwi' inqophe ukusivezela indlela
ebeyijame ngayo ingasikinyeki. (1)
- Imbongi ngokusebenzisa isilingisi esithi,'Talala’ inqophe ukusivezela bona
indawo agade ajame kiyo beyinotjani obuhlaza ngokudluleleko. (1)
5.9 Umphumela wembongi wokubuyela ekhabo uzakuba kukhulisa ubuhlobo.
Kuthaba epilwenakhe ngombana ibuyele endaweni eyithandako.
(Umfundi angayibeka ngeyakhe indlela ezwakalako.) (1)
5.10 Imbongi beyikuthanda ekhakwayo ngombana ekondlweni le siyithola ibuyela
ekhakwayo ikhumbule unosokanayo.
Imbongi beyingakuthandi ekhakwayo ngombana yakghona ukusuka
yayokuhlala kenye indawo.
(Umfundi angayibeka ngeyakhe indlela ezwakalako.) (2)
5.11 Ummongondaba wekondlo kukobana imbongi ibuyela ekhakwayo. Itjhiya
indlu ekulu ebeyihlala kiyo, beyithokoza nehlalo ebeyinayo endlini le. Ibuye
ithokozele nokobana ibuyela kunosokanayo.
(Umfundi angayibeka ngeyakhe indlela ezwakalako.) (2)
[17]
IMITLOMELO YESIGABA C: 35
INANI LOKE: 70
Ilungelo lokukhuphela lifunjethwe
Study this subject
Recommended for this subject

Memorandum
isiNdebele FAL Grade 12 Paper 1 NSC November 2019 Memo

Memorandum
isiNdebele FAL Grade 12 Paper 3 NSC November 2019 Memo

Memorandum
isiNdebele FAL Grade 12 Paper 2 NSC November 2023 Memo

Memorandum
isiNdebele FAL Grade 12 Paper 2 NSC November 2022 Memo

Memorandum
isiNdebele FAL Grade 12 Paper 2 NSC November 2018 Memo

Memorandum
isiNdebele FAL Grade 12 Paper 2 NSC November 2017 Memo
More from Grade 12 isiNdebele FAL

Annual teaching plan
Gr 12 IsiNdebele FAL ATP 2023 24

Question paper
isiNdebele FAL Grade 12 P1 November 2024 NSC Question Paper

Question paper
isiNdebele FAL Grade 12 P2 November 2024 NSC Question Paper

Question paper
isiNdebele FAL Grade 12 P3 November 2024 NSC Question Paper

Question paper
isiNdebele FAL Grade 12 Paper 1 NSC June 2024 Question Paper

Question paper