IsiNdebele HL P1 Nov 2023 MG_hlayiso.com_.pdf

Downloaded from hlayiso.com NATIONAL SENIOR CERTIFICATE IGREYIDI 12 ISINDEBELE ILIMI LEKHAYA (HL) IPHEPHA LOKUTHOMA (P1) NOVEMBA 2023 UMHLAHLANDLELA WOKUTSHWAYA IMITLOMELO: 70 Umhlahlandlela wokutshwaya lo unamakhasi ali-11. Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LeKhaya (HL)/P1 2 DBE/Novemba 2023 NSC – Umhlahlandlela wokutshwaya ISIGABA A: UKUFUNDA NOKUZWISISA UMBUZO 1 Ukutshwaya ukufunda nokuzwisisa  Njengombana itjhejo liqaliswe ekuzwisiseni, ukupeleda okungasikho neemphoso zelimi akukameli kujeziswe ngaphandle kobana iimphoso lezo zitjhugulula okutjhiwoko/ukuzwisisa umqondo. (Iimphoswezo kumele zitjengiswe/zivezwe).  Nangabe abafundi basebenzise amagama abuya kelinye ilimi ngaphandle kwalelo elihlolwako, ungawatjheji amagama lawo, nangabe ipendulo ipha umqondo, ungajezisi. Nanyana kunjalo, nangabe igama elivela kelinye ilimi lisetjenziswe etheksthini begodu lifuneka ependulweni, lokho kuzokwamukelwa.  Iimpendulo ezifuna imibono yabafundi, imitlomelo ayinganikelwa ipendulo yaka- IYE/AWA nanyana NGIYAVUMA/ANGIVUMI. Kumele kutjhejwe/kutlonyeliswe ukusekelwa kwependulo kwaphela.  Akunamitlomelo ekumele yabelwe ULIQINISO/AKUSILO IQINISO nanyana IQINISO/UMBONO.  Nangabe iimpendulo zifuna igama linye kodwana umfundi yena unikele umutjho woke, tshwaya igama ekungilo ipendulo nangabe lithalelwe/litjengisiwe.  Nangabe kufuneka amaphuzu amabili/amathathu kodwana kutlolwe amanengi, tshwaya kwaphela wokuthoma amabili/amathathu.  Vumela ukwahluka kwamalimi wesiphande.  Emibuzweni la kukhethwa ipendulo enembako, yamukela kokubili, iledere elikhambisana nependulo ekungiyo NANYANA ipendulo nayitlolwe ngokuzeleko. Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LeKhaya (HL)/P1 3 DBE/Novemba 2023 NSC – Umhlahlandlela wokutshwaya 1.1 1.1.1 Sisebenzi esingasingutitjhere. (1) 1.1.2 Yi-Maslow''s Hierarchy of Needs. (1) 1.1.3 - Kwenza bona abafundi bakhuthalele ukuya eenkolweni ngombana bayazi bona baya endaweni lapha bavikeleke khona. (1) - Kusiza abafundi nabotitjhere bona bafunde bebafundise ngokutjhaphuluka nangokuthaba/Kwenza kube lula bona abafundi baphumelele eemfundweni zabo. (1) 1.1.4 - Kuqinisekisa bona iinkolo ziyakantjelwa.  (1) - Iinkolo ziba namasango alodlhelwako. / - Emasangweni wesikolo kuba nabonogada abamukela abafundi nabangenako ekuseni ngomnqopho wokuqinisekisa bona abangeni nezinto eziyingozi ezifana neendakamizwa nofana iinkhali. / - Kusebenzisana nomNyango wezokuPhepha nokuVikeleka ngokobana kesinye nesinye isikolo kuba namapholisa asilusako ukwenzela ukulwisana nobulelesi obungahle bube khona esikolweneso.  (ZIMBILI iimpendulo kezingehla.) (1) 1.1.5 - UmKhandlu oLawula isiKolo kufanele uqinisekise bona iindlwana zokuzithuma ziba sebujameni obulungele ukusetjenziswa, azinabungozi ebafundini nakibotitjhere njengokuthi zibe nemigodi evulekileko nengenza bona bawele ngaphakathi.  - UmKhandlu oLawula isiKolo kufanele wenze isiqiniseko (1) sokobana iindlwanezi zihlala zihlwengekile ngaso soke isikhathi. / - Esinye nesinye isikolo ngokusizana nomKhandlu oLawula isiKolweso kufanele sithathe amagadango aqinileko ekulwisaneni nomukghwa wokubhenywa kweendakamizwa ngeendlwaneni zokuzithuma ngombana abafundi ababhemako ababeki amaphilo wabo kwaphela engozini kodwana balimaza newabanye abafundi.  (ZIMBILI iimpendulo kezingehla.) (1) 1.1.6 Ngicabanga bona isizathu esenza bona amapholisa akhambe nezinja nakayokusetjha eenkolweni asuke enzelela bona izinjezi zikghone ukunukelela izinto ezingafunekiko/Amapholisa enzelela bona izinjezi zikghone ukufika nalapha amapholisa angekhe akghona ukufika khona nakazisetjhela wona awodwa/Amapholisa enzelela bona izinjezi zikghone ukugijimisa bezibambe abafundi abangahle balinge ukubaleka ngombana baphethe iindakamizwa neenkhali. (Umfundi angayibeka ngeyakhe indlela ezwakalako.) (2) Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LeKhaya (HL)/P1 4 DBE/Novemba 2023 NSC – Umhlahlandlela wokutshwaya 1.1.7 - Ngicabanga bona iinkhali neendakamizwa ezivamise ukutholwa mapholisa ebafundini nakabasetjhako zisuke zingene esikolweni ngokobana abafundi bazamukele efensini/edradeni ebantwini abasuke bajame ngaphandle kwesikolo.  (1) - Ngicabanga bona iinkhali neendakamizwa ezivamise ukutholwa mapholisa ebafundini nakabasetjhako zisuke zingene ngokobana abafundi vane baziphosele ngaphakathi kwamabala wesikolo lokha nabasese ngaphandle bese nabaqeda ukungena bayozithatha lapho baziphosele khona/Zisuke zingene esikolweni ngokobana abafundi bazifihle emizimbenabo lapho zingeze zibonakale khona lokha nabangena emasangweni/Ezinye zeendakamizwa ezifana nesangu zisuke zingene ngokudla okunjengamakuke abhagwe ngayo/Abanye abafundi basuke bathusele abonogada ngokuthi nabangabavumeli bona bangene nazo bazobathola ngaphandle bese bangena nazo ngobunjalo. (Umfundi angayibeka ngeyakhe indlela ezwakalako.) (1) 1.1.8 Okungaba mnqopho womNyango wezamaPhilo wokuyelelisa abotitjhere kobana banganikeli abafundi abagulela eenkolweni imitjhoga kubavikela bona bangathweswa umlandu nakungenzeka imitjhoga leyo igulise abafundabo ukuya phambili nofana ibabulale. (Umfundi angayibeka ngeyakhe indlela ezwakalako.) (2) 1.1.9 - Liqiniso, abotitjhere baba babelethi lokha abentwanaba nabaseenkolweni ngombana ngaphandle kokubafundisa bayaqinisekisa bona bathola ivikeleko, ithando netjhejo./ - Akusilo iqiniso ngombana kunabanye abotitjhere abadlelezela abafundi ngokomseme ngokubathembisa izinto eziphathekako ezifana nemali, ukudla nezembatho ukuze bavume ukuya nabo emsemeni/Abanye baya nabo emsemeni ngokobana babarogele ngokubathembisa ukubaphasisa. (Umfundi angayibeka ngeyakhe indlela ezwakalako.) (2) 1.1.10 - Lokhu okutjhiwo sitatimende esithi; 'kuthatha isitjhaba soke ukukhulisa umntwana' kwenzeka ngepumelelo emiphakathini yenarha le ngombana omunye nomunye umntwana obelethelwa endaweni ethileko akakhuliswa babelethi bakhe kwaphela kodwana usekelwa ngiwo woke amalunga womphakathi lowo ngokobana amvikele ezintweni eziyingozi ezifana nokulimala/ukwetjiwa abe amfundise ihlonipho nesimilo esihle. / Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LeKhaya (HL)/P1 5 DBE/Novemba 2023 NSC – Umhlahlandlela wokutshwaya - Lokhu okutjhiwo sitatimende esithi; 'kuthatha isitjhaba soke ukukhulisa umntwana' akwenzeki ngepumelelo ngombana enarheni le omunye nomunye umuntu uzicabangela yena nabentwabakhe kwaphela ngebanga lokobana izinto sezibiza khulu amalanga la, ngalokho-ke abantu babona kumthwalo ukondla umntwana womunye umuntu/Akwenzeki ngepumelelo ngombana ababelethi abanengi abasafuni bona abentwana babo bakhalinywe ngabanye abantu.  (2) (Umfundi angayibeka ngeyakhe indlela ezwakalako.) 1.1.11 Umbelethi angadlala indima ngokobana aqinisekise bona nangabe umntwanakhe unobulwele obuthileko abikele isikolo ukuze abotitjhere banikele umntwana loyo itjhejo elifaneleko nakudlalwa imidlalo engaba yingozi kuye/Umbelethi angadlala indima ngokobana asize umntwanakhe ukukhetha umdlalo olungele ubujamo bepilwakhe/Umbelethi angathengela umntwanakhe izembatho ezizomvikela emdlalweni azibandakanya kiwo. (Umfundi angayibeka ngeyakhe indlela ezwakalako.) (2) 1.2 1.2.1 - Iingidi/Isigidi. / - Imikhwa/Umukhwa.  (Ipendulo EYODWA kezingehla.) (1) 1.2.2 Esithombeni sesi-2 kubonakala ipholisa lisetjha iinkhwama zabafundi ngekumbeni yokufundela/ngetlasini. (1) 1.2.3 - Kukuba banengi khulu kwabo ngekumbeni yokufundela eyodwa nekungababhalelisa ukubona okutlolwe ebhodini nokuzwa utitjhere nakafundisako.  (1) - Kuvuleka kwekumba abafundela ngakiyo ngombana lokho kungabenza bona baqale koke okwenzeka ngaphandle bese abasalaleli utitjhere nakafundisako./ - Amadeske abahlezi phezu kwawo akabavumeli bona bangatlola boke ngesikhathi esisodwa./ - Ikumba abafundela ngakiyo le ibonakala ingabavikeli ebujameni bezulu obuhlukahlukeneko, njengalokha nakunelanga umtjhiso uvele uzifahlele, nakuna izulu livele libanethe, njll.  (ZIMBILI iimpendulo ezikhambisana nobujamo obubonakala esithombeni sesi-3.) (1) 1.2.4 Izakhamuzi zingabawa uRhulumende bona azokwakhela abentwababo isikolo esisebujameni obulungele ukufunda nokufundisa/Izakhamuzi zingazwana ngokukhupha inani elithileko lemali ukwenzela bona kulungiswe nofana kwakhiwe isikolweso ngobutjha/Izakhamuzi zingafaka iimbawo zomnikelo emabhizinisini/emabubulweni amakhulu angakghona ukunikela ngemali nofana ngezinto zokwakha iinkumba/amatlasi aphephileko eenkolweni/Izakhamuzi zingangenela amaphaliswano ahlukahlukeneko angakghona ukuthumbisa isikolo imali engasetjenziselwa ukwakha iinkumba/amatlasi aphephileko.  (Umfundi angayibeka ngeyakhe indlela ezwakalako.) (2) Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LeKhaya (HL)/P1 6 DBE/Novemba 2023 NSC – Umhlahlandlela wokutshwaya 1.2.5. Ngicabanga bona umbelethi ngamunye angenza isiqiniseko sokobana qobe kulilanga ngaphambi kobana umntwanakhe aphume ekhaya uyamsetjha, asetjhe nesikhwama sakhe seencwadi bese ugcina ngokumphekelela esikolweni ukwenzela ukubona bona endleleni akunazinto azifihle ngayizolo/Ababelethi bangahlala nabentwababo phasi babayelelise ngomphumela omumbi wokobana nabafumaneka banezinto ezingasisemthethweni bayokuba nomlandu lokho kone ikusasa labo nasele bafuna umsebenzi.  (Umfundi angayibeka ngeyakhe indlela ezwakalako.) (2) 1.2.6 - Ibhorodo elibonakala esithombeni soku-1 liyazisiza iinkolo ukuqinisekisa bona akungenwa nezinto eziyingozi emabaleni wazo ngombana liyelelisa woke umuntu okufaka hlangana nalabo abangaziko ukobana emabaleni wesikolo akungenwa nezinto ezikhonjisweko kiyo. / - Ibhorodo elibonakala esithombeni soku-1 alizisizi iinkolo ukuqinisekisa bona akungenwa nezinto eziyingozi emabaleni wazo ngombana abanye abantu nanyana bayibona bona libayelelisa ngokungafuneki kwezinto eziyingozi eenkolweni bangena nazo bazifihlile/ngokuzikhukhuthisa bebafike emabaleni wesikolo bazisebenzisele ukulimaza abafundi nabotitjhere. (Umfundi angayibeka ngeyakhe indlela ezwakalako.) (2) IMITLOMELO YESIGABA A: 30 Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LeKhaya (HL)/P1 7 DBE/Novemba 2023 NSC – Umhlahlandlela wokutshwaya ISIGABA B: UKURHUNYEZA UMBUZO 2 Isigaba esisirhunyezo Khetha ibizelo onekareko kilo/olithandako. Funisisa ngebizelo ozolikhetha ukghone ukuba nelwazi elaneleko ngalo. Thatha ibizelo elizokunikela amathuba ahlukahlukeneko womsebenzi. Yazi ubunjalo bakho khona uzokukhetha ibizelo elikufaneleko. Yenza/khetha ibizelo elibhadelako ukuze uphile ipilo oyifunako noyithandako. Khetha ibizelo elinganabungozi. Yenza irhubhululo ngesekelo lezeemali ongalifumana nawuyokufundela ibizelo olikhethileko. Tjheja ubude besikhathi sokufundela ibizelo lakho. Inani lamagama = 50 Tjheja: Imidzubhulo esekholomini yokuthoma yenzelwe ukukhumbuza abatshwayako ngemitjho edzujulwe bunqopha etheksthini. IMIDZUBHULO ESETHEKSTHINI AMAPHUZU AQAKATHEKILEKO 1. Khetha ibizelo olithanda ngehliziywakho 1. Khetha ibizelo onekareko yoke nonetjisakalo ngalo. kilo/olithandako. 2. Yenza irhubhululo elimayelana nebizelo 2. Funisisa ngebizelo olifunako ukwenzela bona ukghone ozolikhetha ukghone ukuba ukulizwisisa ngokungeneleleko. nelwazi elaneleko ngalo. 3. Qinisekisa bona ibizelo olikhethako 3. Thatha ibizelo elizokunikela linamathuba amanengi womsebenzi nasele amathuba ahlukahlukeneko ufumene iziqu zalo. womsebenzi. 4. Zazi bona umumuntu onjani ukuze ukhethe 4. Yazi ubunjalo bakho khona ibizelo elikhambelana nobunjalo bakho. uzokukhetha ibizelo elikufaneleko. 5. Khetha ibizelo elizokubhadela imali ehle 5. Landela/khetha nezokwanelisa iimfuneko zakho, ibizelo elibhadelako ukuze zomndenakho kanye nezinga lepilo ofuna uphile ipilo oyifunako ukuyiphila. noyithandako. 6. Ukuphepha kwepilwakho kuqakathekile, 6 Khetha ibizelo njeke qinisekisa bona ukhetha ibizelo elinganabungozi. eliphephileko nengeze lafaka ipilwakho engozini. 7. Funisisa bona akhona amabubulo anikela 7. Yenza irhubhululo ngesekelo ngesizo lezeemali lokha nawuyokufundela lezeemali ongalifumana ibizelo olifunako emaZikweni aPhakemeko nawuyokufundela ibizelo wezeFundo. olikhethileko. 8. Tjheja bona ibizelo olithandakweli lithatha 8. Tjheja ubude besikhathi isikhathi esingangani ukulifundela. sokufundela ibizelo lakho. Amaphuzu ali-7 kangehla. Inani lamagama asetjenzisweko = 50 Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LeKhaya (HL)/P1 8 DBE/Novemba 2023 NSC – Umhlahlandlela wokutshwaya IGRIDI YOKUTSHWAYA UKURHUNYEZA. Ukutshwaywa kwesirhunyezo kudzimelele ekuvezweni kwamaphuzu aqakathekileko ngokufunwa mbuzo. Isirhunyezo kumele sitshwaywe ngalindlela:  Ukwabiwa kwemitlomelo: o 7 imitlomelo emaphuzwini ali-7 (Umtlomelo owodwa kilelo nalelo phuzu eliqakathekileko) o 3 imitlomelo yelimi o Inani loke: 10  Ukwabiwa kwemitlomelo yelimi lokha ohlolwako nakasebenzise amagamakhe. o 1–3 yamaphuzu alungileko: nikela umtlomelo owo-1 welimi. o 4–5 yamaphuzu alungileko: nikela imitlomelo emi-2 yelimi. o 6–7 yamaphuzu alungileko: nikela imitlomelo emi-3 yelimi.  Ukwabiwa kwemitlomelo yelimi lokha ohlolwako angakasebenzisi amagamakhe. o 6–7 yemidzubhulo: akatlonyeliswa ilimi. o 4–5 yemidzubhulo: nikela ubunengi bomtlomelo owo-1 welimi. o 2–3 yemidzubhulo: nikela ubunengi bemitlomelo emi-2 yelimi. TJHEJA:  Ukubala amagama: o Abatshwayi kumele baqinisekise inani lamagama asetjenzisweko. o Ungaphunguli imitlomelo nangabe ohlolwako akhange atjengise inani lamagama alisebenzisileko namkha nangabe inani atlole bona ulisebenzisile akusingilo. o Nangabe ubude obulindelweko budlulile, funda bewufike emagameni ama-5 bese awusarageli phambili nesirhunyezweso. o Iinrhunyezo ezifitjhani kodwana zinawo woke amaphuzu aqakathekileko akukameli zijeziswe. IMITLOMELO YESIGABA B: 10 Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LeKhaya (HL)/P1 9 DBE/Novemba 2023 NSC – Umhlahlandlela wokutshwaya ISIGABA C: IZAKHI NEMITHETJHWANA YOKUSETJENZISWA KWELIMI Ukutshwaya ISIGABA C  Ukupeleda: o Iimpendulo ezifuna igama linye kumele zitlonyeliswe nanyana kungakapeledwa kuhle, ngaphandle kokobana iphoso itjhugulula okutjhiwo ligamelo/ihlathululo yegamelo. o Eempendulweni ezimumutjho opheleleko, ukungakapeledeki kuhle akujeziswe nangabe iimphoso zisesakhiweni selimi elihlolwako. o Nangabe kuhlolwa isirhunyezo, ipendulo kumele ibe netshwayo elifaneleko (ungci).  Ukwakheka kwemitjho kumele kukhambelane nehlelo begodu kunikelwe ngemitjho ezeleko/njengokutjho komyalo.  Emibuzweni la kukhethwa ipendulo enembako, yamukela kokubili, iledere elikhambisana nependulo ekungiyo NANYANA ipendulo nayitlolwe ngokuzeleko. UMBUZO 3: UKURHUMUTJHA ISIKHANGISO 3.1 - Amateki/Amanyathelo wokugijima.  (1) - Iwatjhi.  (1) 3.2 Kuthengiselwa abantu abaphethe ubufakazi bokobana babagijimi bamaphaliswano kwaphela/Kuthengiselwa abanamakarada kwaphela. (1) 3.3 D/lokubandlulula.  (1) 3.4 Isizathu sokutloleka butjhigama kwamagama la kungombana kumagama angasiwo wesiNdebele asetjenziswe hlangana namagama wesiNdebele.  (2) 3.5 Imikhiqizo ekhangiswe esikhangisweni esingehlesi iyakhambelana neensetjenziswa zabagijimi ngombana kanengi abantu abagijimako bambatha amateki babophe nomhlobo lo wewatjhi ukwenzela bona bakghone ukuqala isikhathi, ibanga abaligijimileko nokubetha kwehliziyo. (Umfundi angayibeka ngeyakhe indlela ezwakalako.) (2) 3.6 - Isikolodo. / - Ikarada.  (YINYE ipendulo kezingehla.) (1) 3.7 Ukudiselwa ziinyawo – kufika endaweni muva sele kuphelile. USolani bamtjelile bona naye afike azokukhetha izambatho ezingamlingana kilezo ezitjhiywe nguyisemkhulu, wadiselwa ziinyawo.  (Yamukela neminye imitjho engavezwa bafundi ikani nakuvela isitjhwesi.) (1) [10] Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LeKhaya (HL)/P1 10 DBE/Novemba 2023 NSC – Umhlahlandlela wokutshwaya UMBUZO 4: UKURHUMUTJHA IKHATHUNI 4.1 - Likhandlela elikhanyako/elivuthako.  (1) - Yitotjhi ekhanyisweko. / - Lilerhe elicimileko.  (ZIMBILI iimpendulo kezingehla.) (1) 4.2 Yimalikazi enengi esele bazoyibhadelela igezi abayibona ephepheni eliphethwe ngubaba lo/Okhunye okubararako kukhuphuka kwegezi godu inyanga ezako. (1) 4.3 Isisetjenziswa esiphethwe ngumma lo nange asitjhiya sisodwa sikhanya singagcina sitjhisa indlu yoke okufaka hlangana ipahla nabantu abangaphakathi.  (1) 4.4 Ngicabanga bona ebegade kungenziwa babantu abavezwe ekhathunini engehla le ukujamiselela igezi ehlala icinywa kufaka ama-solar panels nofana ijenereyitha ekuziinsetjenziswa ezikghona ukukhiqiza igezi.  (Umfundi angayibeka ngeyakhe indlela ezwakalako.) (2) 4.5 Ngokubona kwami lokhu kuzowuthinta kumbi umndeni lo ngombana angeze usakghona ukuyithenga nasele ikhuphukile bewube nemali yokuthenga ezinye iimfuneko ozitlhogako njengombana kubabantu abangasebenziko nje.  (Umfundi angayibeka ngeyakhe indlela ezwakalako.) (2) 4.6 Kkz.  (1) 4.7 Abomma bayokulaphisa ubaba enyangeni ngombana unesifo sokuwa.  (Umfundi angazakhela wakhe umutjho ikani nakatjhugulule igama elithi inyanga laba ngundaweni/isandiso sendawo.) (1) [10] UMBUZO 5 5.1 Umhlophe.  (1) 5.2 Limumethe isabizwana sokukhomba/sokukhomba eduze. (1) 5.3 UNaNtuli naye ngokwakhe bekatjho bona umrharidzwenakhe/umrharidzweni semumuntu wekosi.  (1) 5.4 Yipambosi yokwenzela. (1) 5.5 Usakhuluma khulu ngeendaba zeemsebenzini nanyana asekhaya .  (1) 5.6 Bengeze angena ihlatjhana/ihlathi/ehlathini ayokufuna utjani. (1) 5.7 Ukhuluma angakajami ngeenyawo.  (Umfundi olandule isenzo esithi; ‘ukhuluma’ nomfundi olandule izenzo zombili akangatlonyeliswa.) (2) Ilungelo lokukhuphela lifunjethwe Phendla

Downloaded from hlayiso.com IsiNdebele ILimi LeKhaya (HL)/P1 11 DBE/Novemba 2023 NSC – Umhlahlandlela wokutshwaya 5.8 Indlu yegagu iyanethela – umuntu ozenza kwangathi wazi khulu izinto zakhe zivama ukungazisi. UMbulawa nakahlangana nabantu akazikhohlwa ahlakaniphile kodwana nakungimi vane sengimqale ngitjho bona indlu yegagu iyanethela. (Yamukela neminye imitjho engavezwa bafundi ikani nakuvela isagesi.) (2) [10] IMITLOMELO YESIGABA C: 30 INANI LOKE: 70 Ilungelo lokukhuphela lifunjethwe