isiXhosa HL Grade 12 P1 NSC November 2025 Question Paper

Confidential NATIONAL SENIOR CERTIFICATE IBANGA 12 ISIXHOSA ULWIMI LWASEKHAYA (HL) IPHEPHA LOKUQALA (P1) NKANGA 2025 AMANQAKU: 70 IXESHA: Iiyure 2 Olu viwo lunamaphepha ali-13. Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 2 DBE/Nkanga 2025 NSC Confidential IMIYALELO NENGCACISO 1. Eli phepha lemibuzo LINAMACANDELO AMATHATHU: ICANDELO A: Uvavanyo Lokuqonda (30) ICANDELO B: Ushwankathelo (10) ICANDELO C: Izakhi nemigaqo yokusetyenziswa kolwimi (30) 2. Funda YONKE imiyalelo ngocoselelo. 3. Phendula YONKE imibuzo. 4. Qala ICANDELO NGALINYE kwiphepha ELITSHA. 5. Krwela umgca ekupheleni KWECANDELO NGALINYE. 6. Nombola iimpendulo ngokuchanekileyo ngokwendlela ekunonjolwe ngayo kwiphepha lemibuzo. 7. Shiya umgca emva kwempendulo NGANYE. 8. Qwalasela ngokukodwa upelo nolwakhiwo lwezivakalisi. 9. Iingcebiso malunga nolwabiwo lwexesha: ICANDELO A: Imizuzu engama-50 ICANDELO B: Imizuzu engama-30 ICANDELO C: Imizuzu engama-40 10. Bhala ngokucocekileyo nangokucacileyo. Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 3 DBE/Nkanga 2025 NSC Confidential ICANDELO A: UVAVANYO LOKUQONDA 2025 UMBUZO 1: UKUFUNDELA INTSINGISELO NOKUQONDA Funda IZICATSHULWA A noB ezingezantsi uze uphendule imibuzo esekwe kuzo. ISICATSHULWA A UYINTONI NA KANYE UMLILO? 1 Umlilo uyaxaka, siyawoyika, siyawufuna. Uxaka ngeendlela ezahlukileyo ezitolika ukusebenza kwawo okubonakala kwiintetho, izenzo neemvakalelo zabantu zemihla ngemihla. Yakhe yathi inkosi yabaThembu baseRhode, 'Into yomlilo iyaxaka kuba izol'oku bekonwatyiwe, kutshiswa amatayara ngelibhiyozela ukwamkela unyaka omtsha. Ngesanamhlanje isifingo, 5 uMaXaba ezants'apha, ndiva ekhwaza, "Fire! Fire!", ndiyambuza ukuba uphi na umlilo, uthi yena ugxotha umshologu, uyoyika. Ngoku ndiyawaxakiwe oonoteksi banomsindo bangaphaya kwedike lomlilo batshisa amatayara. Ngelabo banyanzelisa urhulumente ukuba asombulule ingxaki yabo. Kanti ukuthi 'mlilo' kuthetha ntoni?' 10 2 Intetho yenkosi yenza udide umlilo yakuveza ukuba abonwabileyo bathath'umlilo, abanomsindo bavez'umlilo, aboyikayo babiz'umlilo. Abawuchazayo baxakisa okwabo. Uthi omnye lidangatye, omnye athi lilahle, ixake xa nomnye athi ngumlilo nalaa lozi lozi usehlathini phaya-a-a abe nophethe imatshisi yodwa esithi uphethe umlilo. Basilahle mpela abathi umlilo 15 yinto etshisayo. Kuthi qatha ukungabinadangatye kovundu namanzi, lube nosana olunefiva kusithiwa lungumlilo ukutshisa oku. Mhlawumbi okosana sekubhekiswa ekubaxekeni kobushushu obukukutshisa njengomlilo hayi ukutshisa okungumlilo. Ingathi umlilo obaswayo sowubondene nomlilo ononga ukuthetha uneenjongo zokubaxa. 20 3 Umlilo uxaka sele usetyenziswa njengomqondiso kwiintetho ukuze utyhile iqondo lochukumiseko kuvakalelo ngento echazwayo. Ungalityhila iqondo lobushushu bothando, obomsindo kanti nokwenza kakuhle komntu kwinto ethile. Iwathatha phi intetho amandla okwenza umqondiso ngokusebenzisa umlilo? Kokuya kufanekiswa kwento namanqanaba okuvutha komlilo. 25 Khumbula, umlilo sisiphumo sokuqhwitha. Kwakuqhwithwa kuphuma idangatye, lakukhula idangatye, uyadwanguza umlilo. Uthotha, ufe emva kokudwanguza, kusale amalahle asenokubanothuthu okanye aphele eluthuthu okanye eluvundu. Anobungozi amalahle agqunywe luthuthu okanye aluvundu kuba ukutsha akucingeleki nakubani. Kutsho ukuthi intetho iyawasebenzisa 30 amanqanaba omlilo ngenjongo yokuqaqambisa iimvakalelo zezithethi ngento ethile. 4 Umqondiso olinqanaba lomlilo elikukuqhwitha uthi sele usicacisa gca isenzo sokuthi into isaqala ibe seyibanamandla kodwa uxakise. Kusuka kuthiwe uthando, intetho, umsindo ziyaqhwitha nazo xa zithe zisaqala kwabonakala 35 iziqwenga. Neembaleki zerileyi ziyaqhwitha kuba azizifudumezi, zibalekela Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 4 DBE/Nkanga 2025 NSC Confidential ukuzaphula kusasukwa. Kufaniseka nokuqhwitha komcinga kuba wona uhleli uzitshisa iintupha engekalumeki nesibane obeqhwitha. Kaloku abufuneki nganto ubungakanani bomlilo ukuze kuvakale ukutshisa kwawo. Kuyacaca ukuba amava okutshiswa ngumlilo esithethi nawomameleyo abayibhlorho 40 yokuqonda nokuqondisa imiyalezo. Amava ayakunxulumanisa okuthethwayo nokusebenza komlilo wokwenyani. 5 Neencoko eziqhutywa ngetekhnoloji umlilo uyavela ungomnye kwimiqondiso exakayo yothando. Lo mlilo siwoyikayo xa uzii-emoji uchukumisa, ufukame iimvakalelo zothando, ezovuyo nezolonwabo. Uva intswahla apho bakhoyo 45 oorheme neenzwakazi. Umlilo wolonwabo uphenjwe ngemifanekiswana elukrozo yomlilo ebizwa emoji abaqhwitha balumeke ngayo ulonwabo kwimiyalezo kaWhatsApp. Ii-emoji eziyimifanekiso eligqange lomlilo ziqhwitha zilayite imililwana kwiintliziywana ezilangazelela uthando. Yi-emoji engumlilo ethe ngcu ezantsi komfanekiso ofikayo womfo okanye wentombi kaNantsi 50 ebonakala iziphuthumile, icikiziwe exhokonxa imikhwazo, 'Watshaaa!!!' 'Sitshi-ise singabakho!!' 'Siiiiiiii! Masambe Madangatye!!!' 'Ungumlilo mntase!!' Urheme okanye intokazi iyabobotheka, iphendula nge-emoji eyintliziyo ekhatshwa yengumlilo. Nalo ke idangatye langaphakathi elingumlilo wokuzithemba, ubone exhuma, enyuka esehla, okhe amaxhaga, avakale 55 esithi, 'sinjalo kaloku thina ekhaya'. Isengumlilo ozisa ubuhlungu noloyiko na ke lo? 6 Makhe sindwendwele icala lomlilo, elichukumisa iimvakalelo zokoyika emntwini. Abaneenkumbulo zeziqwenga ozenzayo bankwantyiswa nakukuliva lilodwa igama, 'umlilo'. Wubone xa uvala iindlela kude kucace ukuba makhe 60 kulindwe, uthi de kuba besoyika ukulumekeka. Uyavala endlwini ngaphakathi nasemotweni umlilo, batshe babeluthuthu abangaphakathi. Ekuncomeni nasekukhuzeni ukuziphatha, umsindo womntu ufaniswa nomlilo ongalawulekiyo, odlwayizayo nanjengoko ukudlwayiza komlilo kusithiwa ngamalangatye. Imvakalelo yokoyika ithinteka kumXhosa kwakuthiwa 65 ebevuth'amalangatye. 7 Umlilo ongulozilozi, nguwona mncinci ngenkangeleko kodwa uxaka ngokuba wakusetyenziswa njengomqondiso udala umfanekiso ntelekelelo wethemba kwabakhasa phantsi kwentlungu. Indawana ekwingoma kaZahara ingqina ngokuthi, ekupheleni kwetonela kukho ulozilozi wethemba lokuphumela. 70 Ulozilozi ukukukhanya okungenamandla makhulu omlilo kangangokuba ubungakanani bawo bungalinganiseka nokukhanya kwenkanyezi. Kodwa indwadunge yomhambi eyoyika ukuxinwa ziziporho nezithunzela kwesikabhadakazi, ingenaso nesinye isixhobo sokuzilwela, ithembela kulozilozi wokukhanya ukuzikhupha kwisithokothoko sobumnyama. 75 8 Abupheleli ubuchule bokuchaza ukubangumlilo komlilo de oqondiswayo abe wayekhe wawubona ukwimeko ekuqondiswa ngayo. IsiXhosa sihlumisa izagwelo zokuthetha kwiintlungu ozenza ebantwini umlilo kunye nolonwabo abalufumana kuwo. Uyingxaki enjalo ukufuneka umlilo. [Sithathwe ku-Vimba wabevi] Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 5 DBE/Nkanga 2025 NSC Confidential ISICATSHULWA B [Uthathwe ku-ww.southafrica.net] IMIBUZO: ISICATSHULWA A Jonga kumhlathi woku-1 1.1 Xela into eyenza uxake umlilo ngokwalo mhlathi. (1) 1.2 Nika zibeMBINI izinto okubonakala kuzo ukuxaka komlilo ngokwalo mhlathi. (2) 1.3 Khankanya zibeMBINI iinjongo abawusebenzisele zona abantu umlilo ngokwentetho yenkosi. (2) Jonga kumhlathi wesi-2 1.4 Dwelisa zibeMBINI iimvakalelo ezingafaniyo eziqhubela abantu ekusebenziseni umlilo. (2) 1.5 Chonga kwimigca ebhalwe ngqindilili, abemaBINI amagama, anika ingcinga yokuba isicatshulwa siyayithandabuza intsingiselo esiyinikayo ngegama 'umlilo'. (2) Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 6 DBE/Nkanga 2025 NSC Confidential Jonga kumhlathi wesi-3 1.6 Xela ukuba iwathatha phi intetho amandla okwenza umqondiso ngomlilo ngokwalo mhlathi. (1) Jonga kumhlathi wesi-4 1.7 Caphula kwisivakalisi esibhalwe bukekela isihlanganisi esithetha ukuba ukungazifudumezi sisizathu sokuthi ziyaqhwitha iimbaleki. (1) Jonga kumhlathi wesi-5 1.8 Ngqina ngolwazi olukulo mhlathi ukuba ii-emoji ziyakuphelisa ukoyika umlilo ngokwalo mhlathi. (1) 1.9 Khetha ukuba isimamva u'-ana' sisebenze ukuncoma na okanye ukuphoxisa ngokwendlela esisebenze ngayo kulo mhlathi. Cacisa impendulo yakho. (2) 1.10 Xela isiphumo sovakalelo emva kwemikhwazo eyenziwa kwakufika umfanekiso okhatshwa yi-emoji yomlilo. (1) Jonga kumhlathi wesi-6 1.11 Nika isizathu sokoyika kwabantu kwakukhankanywa igama 'umlilo' ngokwalo mhlathi. (1) 1.12 Xhasa ukuchaneka kokufaniswa komsindo nomlilo odlwayizayo ngokwalo mhlathi. (2) Jonga kumhlathi wesi-7 1.13 Nika ingcamango ephambili yalo mhlathi malunga nobuncinci bomlilo. (2) Jonga kumhlathi wesi-8 1.14 Caphula isivakalisi esithetha ukuba umntu ongakhange awubone umlilo akukho lula kuye ukuqonda intsingiselo yezagwelo ezingomlilo. (1) 1.15 Chaza ukuba isiXhosa sizithatha phi izagwelo zokuthetha ngokwalo mhlathi. (1) Jonga kwitekisi A yonke 1.16 Xela udidi lwabantu abafanele ukufunda esi sicatshulwa. Xhasa impendulo yakho. (2) Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 7 DBE/Nkanga 2025 NSC Confidential ISICATSHULWA B 1.17 Xela zibeMBINI izinto onokusetyenziselwa zona umlilo ngokwakulo mfanekiso. (2) 1.18 Ngqina ukuba umfanekiso uyaluxhasa uluvo lokuba umlilo uyafuneka. (2) 1.19 Cacisa indlela lo mfanekiso ozithoba uzinyuse ngayo izibilini zomntu ofunde umhlathi wesi-6. (2) AMANQAKU ECANDELO A: 30 Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 8 DBE/Nkanga 2025 NSC Confidential ICANDELO B: USHWANKATHELO UMBUZO 2: UKUSHWANKATHELA ISICATSHULWA C sithetha ngokunokwenziwa ngumntu ukuze abenokuzola nokuzithemba kwiintetho neengxoxo. Shwankathela ngamazwi akho unike iingcebiso ngokunokwenziwa ngumntu ukuze abenokuzola nokuzithemba kwiintetho neengxoxo azenzayo. QAPHELA: 1. Bhala UMHLATHI ongenaziphene usebenzisa amazwi akho kangangoko unako. 2. Isishwankathelo sakho masiquke iingongoma EZISIXHENXE ungedluli kumagama angama-70. 3. AKULINDELEKANGA ukuba ubhale isihloko xa ushwankathela. 4. Bhala phantsi inani lamagama owasebenzisileyo wakugqiba. ISICATSHULWA C YENZA INTETHO UNOKUZOLA NOKUZITHEMBA Inyaniso kukuba sonke sibanexhala xa siza kwenza intetho kwinyambalala yabantu, ingakumbi xa sifuna ukubonakala sinolwazi olunzulu noluphangaleleyo ngento esithetha ngayo. Nakwiingxoxo ukubhabhazela nokuthethela phezulu ziimpawu zokungazithembi kwanokuxhomekeka kwiimbono zabanye abantu ngesikuthethayo. Onezakhono zokuzola nokuzithemba angaphumelela kwiintetho neengxoxo athatha inxaxheba kuzo. Ophala angxamele ukugqiba kwintetho ayenzayo ubashiya abamameleyo bengawuvanga nowona myalezo agxile ukuwudlulisa. Unokuqinisekisa ukuzola ngokulawula indlela aphefumla ngayo ukwenzela omameleyo abone kufanelekile ukuba aphulaphule ukuze aqonde. Ukuqonda nokuvakala asinto inye. Baninzi abacinga ukuba ivakala intetho bakuphakamisa ilizwi. Makathethe ngethoni ephantsi, azole ukuze ubetheleleke umyalezo wakhe. Akuthethwa ukuba mayithotywe ithoni kude kungaviwa nokuthethwayo. Ivakala kamnandi intetha yomntu okusebenzisa ngengqiqo ukunqumama. Abantu banokukusebenzisa ngengqiqo ukunqumama ukuze bahlale bezolile bangaphahluki kwaye bakunqumama ngokuzithemba bakwetyisa lula abaphulaphuleyo okuthethwayo. Ukwenza intetho kusenokulandelwa yimibuzo yabaphulaphuli. Ukungazilungiseleli kungenza sibenexhala isithethi sibhude kwintetho yaso. Icebiso lisekubeni aze seleziqwebile iimpendulo zemibuzo enokuvela. Kumenza azole, angoyiki, azithembe nokuzithemba kwintetho yakhe. Bubuchule obusebenza kakuhle kakhulu nakwiingxoxo apho ixesha nengqondo ezinzileyo zifuneka kakhulu. Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 9 DBE/Nkanga 2025 NSC Confidential Ukuhlonipha izimvo zomntu ngamnye kwiingxoxo sisakhono esizizinzisayo zonke izithethi kuba siyaqinisekisa komanyelweyo ukuba umanyelwe weviwa. Isithethi esihlonipha ezinye kwiingxoxo sibanokuzola sizithembe. Makazihloniphe izithethi kunxibelelwano nabantu okanye umntu axoxa naye nangokumana eshwankathela iziqanaqwana zengxoxo yabo kanye apha phakathi engxoxweni. Liyinene elokuba bakho abantu abathetha bencedisa ngezandla kodwa kwahlukile ekuhesheni kuba kona kudiza ukungabinantlonipho. Ubusazi ukuba izijekulo ezihambelana namazwi ziyiqhubezela incoko namazwi ngokucacisa atsho nobengaqondanga azibone eyinxalenye yencoko okanye ingxoxo? Zola, ukhulise umyalezo wentetho okanye ingxoxo okuyo ngokuchana izijekulo kuba ziqinisekisa ukubandakanyeka komntu wonke. Ubakho umntu othi ngoku selencokola abambe umzimba. Ukukhululeka komzimba kwiingxoxo nentetho kwenza nabaphulaphuli babone ukuzola nokungathandabuzi kothethayo. Qinisekisa ukuzola nokuzithemba ekudluliseni umyalezo ngokusebenzisa umzimba okhululekileyo. Abantu bayaqiniseka ukuba akayithandabuzi into ayithethayo ade abone sowuthengwa naloo mbono wakhe. [Sithathwe ku-https://potomac.edu/how-to-learn-a-foreign-language] AMANQAKU ECANDELO B: 10 Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 10 DBE/Nkanga 2025 NSC Confidential ICANDELO C: IZAKHI NEMIGAQO YOKUSETYENZISWA KOLWIMI UMBUZO 3: ISIBHENGEZO NTENGISO Funda esi sibhengezo ntengiso (ISICATSHULWA D) singezantsi uze uphendule imibuzo esekwe kuso. ISICATSHULWA D [Ithathwe ku-http//www.ray-ban.com] 3.1 Nika zibeMBINI iindlela isibhengezo esenze ngazo umtsalane. (2) 3.2 Ngqina ngokukwisibhengezo ukuba iindondo zakwaRay Ban zahlukile kwezinye iindondo. (2) Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 11 DBE/Nkanga 2025 NSC Confidential 3.3 Chonga ibinzana elicaciswa kakuhle ngumfanekiso wetapile kwisivakalisi esingezantsi. 'Ungade uqhotse amehlo akho uzibhutyule nobuso.' (2) 3.4 3.4.1 Khankanya umfanekiso ngqondweni odalwa kukusetyenziswa kwebinzana 'uqhotse amehlo'. (1) 3.4.2 Chaza indlela umfanekiso ngqondweni omqweqwedisa ngayo umthengi ukuba akhethe iindondo zakwaRay-Ban. (1) 3.5 Khetha ukuba kwinjongo yokuthengisa iindondo zakwaRay-Ban lichanekile na okanye alichanekanga igama, 'Ungade' alisebenzisileyo umthengisi. Xhasa impendulo yakho. 'Ungade uqhotse amehlo akho uzibhutyule nobuso.' (2) [10] UMBUZO 4: IKHATHUNI Funda le khathuni (ISICATSHULWA E) ingezantsi uze uphendule imibuzo esekwe kuyo. ISICATSHULWA E [Ithathwe ku-www.babyblues.com] 4.1 Nika umsebenzi wamachokoza amathathu akwintetho kaTito ethi, 'Ndiza kuxe ...' ekwisakhelo 1. (2) 4.2 Chonga ibinzana elimenza u'IYHA-A!' atolikeke ngokungathi uyavuyelela ngokwakwisakhelo 1. (1) Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 12 DBE/Nkanga 2025 NSC Confidential 4.3 Khetha ngezantsi udidi lolwimi olusetyenziswe kwimpendulo kaZuzu njengoko icatshulwe kwisakhelo 1. 'Owu yhini! Mntase. Ungamxeleli torho.' A Oludlelelelayo B Olucengayo C Olugxagxamisayo D Olunocalucalulo (1) 4.4 Chaza injongo engalunganga kaTito ngoZuzu ayibonakalisa ngokuzigquma amehlo kwisakhelo 3. (2) 4.5 Ngqina ukuba isenzo sikaTito esikwisakhelo 3 sokuxela uZuzu asihambelani nenjongo equlethwe ligama u'nokuba' ngokwesakhelo 2. (2) 4.6 Cacisa umyalezo ewudlulisayo le khathuni ngokuthemba okanye ukuthembeka komntu. (2) [10] UMBUZO 5: IPROZI Funda esi sicatshulwa (ISICATSHULWA F) singezantsi uze uphendule imibuzo esekwe kuso. ISICATSHULWA F MASIVUSELELE UBUHLOBO 1 'Andisele lakubulawa nini makwedini', Kutheni ingathi uthe nqa? Kaloku ubuhlobo bakhiwa ngeendlela ngeendlela. Litsho isele lithwele unyana womntu limkhupha emanzini limsa kunina. Ngeli xesha unina usentlungwini yokulahlekelwa ngunyana wakhe. Uya kuzigqibezelela mphulaphuli okanye ubuze kwizinto zoMasoka zona zilaziyo ibali. Bude ubomi. Uya kuncedwa 5 ngumntu ongamaziyo, umntu odibana naye apha esithubeni. Benditshilo kaloku, zininzi iindlela zokwakha ubuhlobo. 2 Baye bathi abanye bethetha, isihlobo sokwenene, sisihlobo sezinyo. Bathetha ngokuthetha bekhusela ubuhlobo babo. Kuthiwa benzelana izinto ezintle ezinkulu nezingalibalekiyo kubomi babo. Ude lowo umhlobo odlule nozalwa 10 naye umntu ngovelwano nentsebenziswano. 3 Kanene bakhiwa njani? Mhlawumbi kungona unomdla wokubakha. Akukho nanxamleko andithethi ke ngabo ubunzima, abukho. Yinto elula. Yenza le nto inga ingenziwa kuwe. Mcingele omnye xa umbona esengxakini. Zama ukuncedisana naye aphume kuloo meko. Anditsho mna umntu omcinezelayo 15 omnye athande ukumbona xa esengxakini ecinezelekile. Hleka ngexesha loko, kwaye uhlekise, uvuye ude uvuyise nabanye. Lila xa kufuneka kunjalo kwaye ulilisane nabanye. Yenza oko unga kungenziwa kuwe. [Sithathwe kwincwadi Uvimba ngokubhalwe nguKN Qamata nabanye; iphepha 34] Akuvumelekanga ukufotokopa eli phepha Tyhila iphepha

IsiXhosa Ulwimi Lwasekhaya (HL)/P1 13 DBE/Nkanga 2025 NSC Confidential 5.1 Xela umsebenzi weempawu zocaphulo kwisivakalisi esibhalwe ngqindilili. 'Andisele lakubulawa nini makwedini'. (1) 5.2 Lungisa isiphene sopelo kwigama elinomgca ngaphantsi. ... ubuze kwizinto zoMasoka zona zilaziyo ibali. (1) 5.3 Chaza umahluko kwintsingiselo eziswe zizimaphambili zamagama 'isihlobo ... ubuhlobo' asetyenziswe kwisicatshulwa. (1) 5.4 Chonga amagama amaBINI achazayo kwisivakalisi esingezantsi. Kuthiwa benzelana izinto ezintle ezinkulu kubomi babo. (2) 5.5 YINYANI/BUBUXOKI ukuba isakhi u'ngo' esibhalwe ngqindilili siqulethe intsingiselo yokuba bathetha phantsi komxholo wokuthetha? Xhasa impendulo yakho. Bathetha ngokuthetha abantu bekhusela ubuhlobo babo. (2) 5.6 Chonga igama eliyalelayo kwisivakalisi esingezantsi. Yenza le nto unga ingenziwa kuwe. (1) 5.7 Bhala imo elandulayo yesi sivakalisi singezantsi. Mcingele omnye umntu. (1) 5.8 Chaza intsingiselo eziswa sisimamva esinomgca ngaphantsi kwisivakalisi esingezantsi. Hleka ngexesha loko, kwaye uhlekise, uvuye ude uvuyise nabanye. (1) [10] AMANQAKU ECANDELO C: 30 AMANQAKU EWONKE: 70 Akuvumelekanga ukufotokopa eli phepha