Downloaded from hlayiso.com
NATIONAL
SENIOR CERTIFICATE
IGREYIDI 12
ISINDEBELE ILIMI LEKHAYA (HL)
IPHEPHA LOKUTHOMA (P1)
NOVEMBA 2017
IMEMORANDAMU
IMITLOMELO: 70
Imemorandamu le inamakhasi ali-9.
Ilungelo lokukhuphela lifunjethwe Phendla
Skip to contentAll 2017 papers 





View all





isiNdebele HL Grade 12 Paper 1 NSC November 2017 Memo
Grade 12 isiNdebele HL Paper 1 memorandum from the NSC November Exam 2017, 9 pages. Read online or download the free PDF.
Isindebele Hl · Grade 12 · NSC November Exam · 2017 · isindebele. Memorandum, 9 pages. Read online or download the PDF.
- Subject
- isiNdebele HL
- Grade
- Grade 12
- Language
- Isindebele
- Document type
- Memorandum
- Year
- 2017
- Exam period
- NSC November Exam
- Paper
- 1
- Curriculum
- CAPS
- Pages
- 9
- File size
- 356.3 KB
Free to read online, no sign-up needed
Loading document…
Loading document…
1 of 9
This exam
NSC November Exam 2017
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
- Question 1.1Ukufunda nokubukela / Reading and Viewing (non-literary)
- Question 1.2Ukufunda nokubukela / Reading and Viewing (non-literary)10 marks
- Question 3Ilimi: izakhiwo neenkambiso / Language Structures and Conventions20 marks
- Question 4Ilimi: izakhiwo neenkambiso / Language Structures and Conventions10 marks
- Question 5Ilimi: izakhiwo neenkambiso / Language Structures and Conventions10 marks
Document textSearch extracted text and jump to a page.
Downloaded from hlayiso.com
IsiNdebele ILimi LeKhaya (HL)/P1 2 DBE/Novemba 2017
NSC – Imemorandamu
ISIGABA A: UKUFUNDA NOKUZWISISA
UMBUZO 1
Ukutshwaya ukufunda nokuzwisisa
• Njengombana itjhejo liqaliswe ekuzwisiseni, ukupeleda okungasikho neemphoso
zelimi akukameli kujeziswe ngaphandle kobana iimphoso lezo zitjhugulula
okutjhiwoko/ukuzwisisa umqondo. (Iimphoswezo kumele zitjengiswe/zivezwe).
• Nangabe abafundi basebenzise amagama abuya kwelinye ilimi ngaphandle kwalelo
elihlolwako, ungawatjheji amagama lawo, nangabe ipendulo ipha umqondo,
ungajezisi. Nanyana kunjalo, nangabe igama elivela kwelinye ilimi lisetjenziswe
etheksthini begodu lifuneka ependulweni, lokho kuzokwamukelwa.
• Iimpendulo ezifuna imibono yabafundi, imitlomelo ayinganikelwa ipendulo yaka-
IYE/AWA nanyana NGIYAVUMA/ANGIVUMI. Kumele kutjhejwe/kutlonyeliswe
ukusekelwa kwependulo kwaphela.
• Akunamitlomelo ekumele yabelwe ULIQINISO/AKUSILO IQINISO nanyana
IQINISO/UMBONO.
• Nangabe iimpendulo zifuna igama linye kodwana umfundi yena unikele umutjho
woke, tshwaya igama ekungilo ipendulo nangabe lithalelwe/litjengisiwe.
• Nangabe kufuneka amaphuzu amabili/amathathu kodwana kutlolwe amanengi,
tshwaya kwaphela wokuthoma amabili/amathathu.
• Vumela ukwahluka kwamalimi wesiphande (IsiNzunza nesiNala).
• Emibuzweni la kukhethwa ipendulo enembako, yamukela kokubili, iledere
elikhambisana nependulo ekungiyo NANYANA ipendulo nayitlolwe ngokuzeleko.
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LeKhaya (HL)/P1 3 DBE/Novemba 2017
NSC – Imemorandamu
1.1 1.1.1 Ukwehla nokwenyuka kwamandla weranda kulawulwa bujamo
beemakethe. (1)
1.1.2 - Iranda ungalithenga.
- Iranda ungalithengisa.
- Iranda ungaroyilelana ngalo.
(ZIMBILI iimpendulo kezingehla). (2)
1.1.3 Kwabangelwa kukobana i-China yehlise i-yuan, okuyimali yayo
ngamaphesende ama-2/Kwabangelwa kubogaboga kobujamo
bomnotho weChina/Kwabangelwa sisenzo sakaMongameli
wenarha sokobana atjhugutjhugulule aboNgqongqotjhe bezeeMali
bekube kathathu ngesikhathi esingangeveke. (1)
1.1.4 Lokha amakonyana nakaphezulu abasisi beemali bayarogeleka
nekuyinto erhelebha khulu ukukhuphula amandla weranda/Lokha
amakonyana wemalimboleko nakaphezulu abasisi beemali
bagijima bazokusisisa iimali zabo enarheni le. (1)
1.1.5 Umsebenzi we-Reserve Bank Monetary Committee kulawula/
ukubeka inzalo yemalimboleko. (1)
1.1.6 - Ubujamo benarha le kezepolotiki.
- Imiguruguru.
- Imitjhagalo yeensebenzi neyemiphakathi.
- Ziinkolodo zeenkoloyi nezezindlu ezingakhokhelwako.
(ZIMBILI iimpendulo kezingehla). (2)
1.1.7 A/Tito Mboweni. (2)
1.1.8 Umukghwa lo usitjela bona kubabantu abangafuni ukuloba
kodwana abafuna ukuhlala benza inzuzo ngaso soke
isikhathi/Usitjela bona kubabantu abanomrhobholo ngombana
bangafuni bona iimali zabo zithuthukise umnotho weenarha
ezisadosa emhlweni/Umukghwa lo usitjela bona kubabantu
abasebhizinisini nabahlala batjheje umnotho ngamehlo abovu.
(Umfundi angayibeka ngeyakhe indlela ezwakalako). (2)
1.1.9 Akusilo iqiniso ngombana inarha nanyana ingathuthuka
kangangani kodwana angeze yaba nazo zoke iinsetjenziswa
ezitlhogwa babantu benarha leyo, njeke kuyatlhogeka bona
irhwebelane nezinye iinarha ezinalokho yona enganakho, isib:
Yoke imihlobo yezenjiwa nemikhiqizo.
(Umfundi angayibeka ngeyakhe indlela ezwakalako). (2)
1.1.10 Ngicabanga bona kukobana iranda lenarha le lisuke lithengwa
ngemali ephasi emakethe, njeke abantu beenarha zangaphandle
basuke babona kulithuba elihle ngombana abakazokukhoka imali
enengi nabazokuvakatjha enarheni le/Izinto zisuke zithengeka kizo
ngombana imalazo isuke inamandla nayiqathaniswa namandla
weranda lenarha le.
(Umfundi angayibeka ngeyakhe indlela kodwana kuvele okuzuzwa
ziimvakatjhi ngokwehla kwamandla weranda). (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LeKhaya (HL)/P1 4 DBE/Novemba 2017
NSC – Imemorandamu
1.1.11 - Ngiyavumelana nesitatimendesi sokobana urhulumende wenza
ngokwaneleko ukuthuthukisa umnotho wenarha le ngombana
utlame imithetho-kambiso elawula pheze yoke imisebenzi
ukwenzela ukuvimbela ukutjhayisana okungagcina kuvuse
imitjhagalo nemiguruguru phakathi kwabaqatjhi nabasebenzi
babo/Umbuso uzama ngamandla ukunzinzisa ubujamo
bezepolotiki benarha le ngokobana ukatelele abadosiphambili
bethu bona basebenze ngokulawulwa mThetho-siSekelo
wenarha yeSewula Afrika/Umbuso uzama ngamandla
ukulawula ikambiso yokulawulwa kwezenjiwa zenarha le
ukuqinisekisa bona zisetjenziselwa ukuthuthukisa umnotho
wenarha/Umbuso urhwebelana neenarha zangaphandle.
- Ngiyaphikisana nesitatimendesi sokobana urhulumende wenza
ngokwaneleko ukuthuthukisa umnotho wenarha le ngombana
kusese nokutlhogeka kwemisebenzi, khulukhulu ebantwini
abatjha/kunokutlhayela okukhulu kwamakghono
ahlukahlukeneko ebantwini abatjha/kunokungathembeki
nokungasebenzi ngokuzinikela kweenkhulu zakarhulumende
zenarha yeSewula Afrika/ukungabi namakghono
kweemphathimandla zakarhulumende/Urhulumende akaphakeli
iinstjenziswa zomphathi ngendlela efaneleko bese lokho
kugcina kwenze abantu baguruzele.
(Umfundi angayibeka ngeyakhe indlela ezwakalako). (2)
1.1.12 Engingakwenza kukobana ngingazibandakanyi emitjhagalweni
enokuguruzela ekungagcina kona ipahla neendawo zomphakathi
begodu nakukghonakalako ngingazama nokubakhandela labo
abenza leso senzo emphakathini wangekhethu/Ngingenza
isiqiniseko sokobana ubujamo bezepolotiki benarha le buhlala
busebujameni obunzinzileko/Ngingazama ukukhuthaza abantu
abaneenkolodo zezindlu nezeenkoloyi bona bazikhokhele bese
kuthi labo abaphelelwe misebenzi bangasakghoni ukuragela
phambili nokuzikhokhela ngibakhuthaze bona bazithengise bese
imali abazoyithola lapho bakhe ngayo izindlu ezingabizi khulu.
(Umfundi angayibeka ngeyakhe indlela ezwakalako
uzakutlonyeliswa). (2)
1.2 1.2.1 Isithombe soku-1 nesesi-2 ziveza ukulahlekelwa mamandla
kweranda okubangelwa sisomiso esivezwe esithombeni sesi-3
nokutlhogeka kwemisebenzi okuvezwe esithombeni sesi-4/
Esithombeni soku-1 kubonakala amandla weranda ehla,
esithombeni sesi-2 umtjalimali ulahlekelwa yinzuzo ngokwehla
kwamandla weranda, esithombeni sesi-3 kubonakala isomiso
esibangela ukufa kwefuyo bese esithombeni sesi-4 kubonakala
abantu batlhoge imisebenzi/
(Tjheja: Umfundi nakenze irhelo lokuhlathulula isithombe ngasinye
ukusuka kesoku-1 kufika kesesi-4 uzakutlonyeliswa imitlomelo emi-
2 kodwana nakahlathulule ubujamo besithombe esi-1 ukufika kezi-
3 uzakutlonyeliswa umtlomelo owodwa). (2)
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LeKhaya (HL)/P1 5 DBE/Novemba 2017
NSC – Imemorandamu
1.2.2 - Ubujamo obusesithombeni sesi-3 bubangelwa kungani kwezulu/
kutlhogeka kwezulu/kutjhuguluka kobujamo bezulu. (1)
- Ubujamo obubonakala esithombeni sesi-4 bubangelwa
kutlhogeka kwamakghono wemisebenzi/kutlhogeka
kwemisebenzi/Kuphungulwa kweensebenzi emabubulweni
ahlukahlukeneko/Kukuwa komnotho/kwamandla weranda
okungabangelwa kungakanzinzi kwezombanganarha. (1)
1.2.3 Ubujamo obubonakala esithombenobu buthinta izakhamuzi
ngokobana iintengo zokudla, zeembaseli nezezinye iinsetjenziswa
zikhuphuka khulu ngombana zizabe sezithengwa eenarheni
zangaphandle/Abalimi bazokuloba iimali zabo abazisebenzise
nabalimako.
(Umfundi angayibeka ngeyakhe indlela ezwakalako). (2)
1.2.4 Unobangela wokobana ubaba lo athwale imikhono ehloko kungaba
kukobana ungomunye wabasisi osise imalakhe azitjela bona iranda
sele linzinzile kodwana lalahlekelwa mamandla njengombana
kubonakala ngegrafu etjhinga phasi/Ngicabanga bona ubaba
osesithombeni lo uqeda ukuthenga iranda azitjela bona amandla
walo azokukhuphuka kodwana uthi asaqalile ubona amandlalo
ehla nokutjho khona bona ulobile esikhundleni sokobana enze
inzunzo.
(Umfundi angayibeka ngeyakhe indlela kodwana kuvele umqondo
wokuwa kwamandla weranda). (2)
1.2.5 Ngingenza iimfundo-bandulo lapho kuzokufundiswa khona
izakhamuzi zeSewula Afrika ngokusisa nangokuthenga
nokuthengiselana ngeemali nezinye iinarha ukwenzela bona
ubunengi bazo zikwazi ukubhadela umthelo enarheni le/
Ngingafundisa abantu ngokuvula amarhwebo ukwenzela bona
bazokuba baqatjhi/Ngingasebenzisana noNgqongqotjhe
womNyango wezokuLima sikhuthaze abantu bona babuyele
emasimini bayokulima bebafuye khona bazokwazi ukuba
basabalalisi beenthelo, inyama nebisi.
(Umfundi angayibeka ngeyakhe indlela ezwakalako). (2)
IMITLOMELO YESIGABA A: 30
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LeKhaya (HL)/P1 6 DBE/Novemba 2017
NSC – Imemorandamu
ISIGABA B: UKURHUNYEZA
UMBUZO 2
Ukurhunyeza okumayelana namagadango ongawalandela nawufuna ukuba
mumuntu onekghono lokwazi ukuzikhalima.
Isigaba sesirhunyezo
Ukuzikhalima kufuna bona umuntu aqalane nezinto ezakhako nezikhuthazako. Ditjha
nabantu abanomthelela omuhle epilwenakho/Ditjha nabantu abakghona ukuzilawula.
Thola iinluleko/iiyeleliso ebantwini ebakhe baba nomraro ofana newakho. Linganisa
bona okunqophileko kuzokuba nomthelela ongangani epilwenakho. Yenza izinto
ngendlela ehlukileko kunaleyo obewenza ngayo ngaphambilini. Zibekele umnqopho
ozowufikelela lula. Yiba nomuntu ozoziphendulela kuye. Tlola irhelo lezinto ofuna
ukuzenza.
Inani lamagama asetjenzisweko = 53
Tjheja: Imidzubhulo esekholomini yokuthoma yenzelwe ukukhumbuza
abatshwayako ngemitjho edzujulwe bunqopha etheksthini.
IMIDZUBHULO ESETHEKSTHINI AMAPHUZU AQAKATHEKILEKO
A 'Ukuzikhalima kuthoma ngokobana 1. Ukuzikhalima kufuna bona umuntu
umuntu athathe ingqondwakhe aqalane nezinto ezakhako
ayibeke ezintweni ezakhako nezikhuthazako.
nezikhuthazako njengeenluleko
ozitholako epilweni.'
B 'Ukuditjha nabantu abanomthelela 2. Ditjha nabantu abanomthelela omuhle
omuhle nabakghona ukuzilawula epilwenakho/Ditjha nabantu abakghona
kuyasiza ekuthuthukiseni ikghono ukuzilawula.
lokuzilawula lomuntu.'
C 'Ukuhlala nabantu ebakhe baba 3. Thola iinluleko/iiyeleliso ebantwini
nomraro ofana newakho epilweni ebakhe baba nomraro ofana newakho.
kukwenza uthole iinluleko zokobana
ungakghona njani ukuzikhalima
njengabo.'
D 'Linganisa bona lokho ofuna 4. Linganisa bona okunqophileko kuzokuba
ukukufikelela kuqakatheke nomthelela ongangani epilwenakho.
kangangani epilwenakho nokobana
kuzokuba nomthelela onjani.'
E 'Nangabe kukhona into ofuna 5. Yenza izinto ngendlela ehlukileko
ukuyifikelela epilweni tjhugulula kunaleyo obewenza ngayo
indlela owenza ngayo izinto.' ngaphambilini.
F 'Kufanele uzibekele umnqopho 6. Zibekele umnqopho ozowufikelela lula.
kodwana kungabi ngomkhulu
ozokwenza bona kube budisi
ukuwufikelela.'
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LeKhaya (HL)/P1 7 DBE/Novemba 2017
NSC – Imemorandamu
G 'Ukuze ukghone ukuzikhalima 7. Yiba nomuntu ozoziphendulela kuye.
qinisekisa bonyana kunomuntu
olindeleke bona uziphendulele kuye
ngombana lokho kuzokwenza bona
ungazigedli.'
H 'Kufanele utlole phasi amagadango 8. Tlola irhelo lezinto ofuna ukuzenza.
ngendlela ozowalandela ngayo
ukuze uwaphumelelise.'
Inani lamagama asetjenzisweko = 53
Tjheja: Tshwaya amaphuzu ali-7 kangehla.
IMITLOMELO YESIGABA B: 10
IGRIDI YOKUTSHWAYA UKURHUNYEZA.
Isirhunyezo kumele sitshwaywe ngalindlela:
• Ukwabiwa kwemitlomelo:
o 7 imitlomelo emaphuzwini ali-7 (Umtlomelo owodwa kilelo nalelo phuzu
eliqakathekileko)
o 3 imitlomelo yelimi
o Inani loke: 10
• Ukwabiwa kwemitlomelo yelimi lokha ohlolwako nakasebenzise
amagamakhe.
o 1–3 yamaphuzu alungileko: nikela umtlomelo owo-1
o 4–5 yamaphuzu alungileko: nikela imitlomelo emi-2
o 6–7 yamaphuzu alungileko: nikela imitlomelo emi-3
• Ukwabiwa kwemitlomelo yelimi lokha ohlolwako angakasebenzisi
amagamakhe.
o 6–7 yemidzubhulo: akunamtlomelo - 0
o 1–5 yemidzubhulo: nikela umtlomelo owo-1
TJHEJA:
• Ukubala amagama:
o Abatshwayi kumele baqinisekise inani lamagama asetjenzisweko.
o Ungaphunguli imitlomelo nangabe ohlolwako khenge atjengise inani
lamagama alisebenzisileko namkha nangabe inani atlole bona ulisebenzisile
akusingilo.
o Nangabe ubude obulindelweko budlulile, funda bewufike emagameni ama-5
bese awusarageli phambili nesirhunyezweso.
o Iinrhunyezo ezifitjhani kodwana zinawo woke amaphuzu aqakathekileko
akukameli zijeziswe.
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LeKhaya (HL)/P1 8 DBE/Novemba 2017
NSC – Imemorandamu
ISIGABA C: IZAKHI NEMITHETJHWANA YOKUSETJENZISWA KWELIMI
Ukutshwaya isigaba C
• Ukupeleda:
o Iimpendulo ezifuna igama linye kumele zitlonyeliswe nanyana
kungakapeledwa kuhle, ngaphandle kobana iphoso itjhugulula okutjhiwo
ligamelo/ihlathululo yegamelo.
o Eempendulweni ezimumutjho opheleleko, ukungakapeledeki kuhle
akujeziswe nangabe iimphoso zisesakhiweni selimi elihlolwako.
o Nangabe kuhlolwa isirhunyeza, ipendulo kumele ibe netshwayo elifaneleko
(ngci).
• Ukwakheka kwemitjho kumele kukhambelane nehlelo begodu kunikelwe ngemitjho
ezeleko/njengokutjho komyalo.
• Emibuzweni la kukhethwa ipendulo enembako, yamukela kokubili, iledere
elikhambisana nependulo ekungiyo NANYANA ipendulo nayitlolwe ngokuzeleko.
UMBUZO 3: ISIKHANGISO
3.1 Isabizwana senani/sokubala. (1)
3.2 Lijamele igama elithi; 'BesiNdebele'. (1)
3.3 Abentwana abangaphezu/abangaphezulu kweminyaka eli-16 abangeni. (1)
3.4 C/senzasamuntu. (1)
3.5 Emibandeleni emibili le kunelimi lokubandlulula, kubandlululwa abentwana
abangaphasi kweminyaka eli-16 nabantu abanganabalingani/abangakatjhadi
ngombana kuthiwa bangeza emnyanyeni lo.
(Tjheja: Umfundi oveze bona kunelimi lokubandlulula kwaphela, angakavezi
bona kubandlululwa abobani uzakutlonyeliswa). (2)
3.6 Amagama la amumethe umqondo wokobana ngendlela umvumo lo uzabe
umnandi ngayo kuzabe kungavumi bona ungahlala phasi nawudlalwako/
Mqondo wokobana ngendlela umvumo lo uzabe umnandi ngayo ngitjho
nesilukazi esiphethwe madolo/esilupheleko sizabe sizisikinya/sigida. (2)
3.7 Ngeveke ezako esondweni lethu umphako uzabe ungadliwa mntwana
nasiphalisana nebandla labatjha elibuya e-Ermelo.
(Nanyana ngiwuphi umutjho ongatlolwa mfundi onalesisaga
uzakwamukelwa). (2)
[10]
Ilungelo lokukhuphela lifunjethwe Phendla
Downloaded from hlayiso.com
IsiNdebele ILimi LeKhaya (HL)/P1 9 DBE/Novemba 2017
NSC – Imemorandamu
UMBUZO 4: IKHATHUNI
4.1 Intombi – libizo. (1)
Zodwa – sisabizwana senani/sokubala. (1)
4.2 Ngiyazibuza bona uzokwenza njani nangihlongakeleko/nasele ngihlongakele/
nangibhubhileko/nasele ngibhubhile/nangingasekho nawuvilapha kangaka. (1)
4.3 Abentazanyana bamalanga la bayakhohlwa bona ngibo kwaphela ekufanele
bapheke, bahlwengise bebenze neminye imisetjenzana yangekhaya. (1)
4.4 UMasesi ubawe unina/ummakhe bona amenzele naye ukudlokho/UMasesi
ubawe unina/ummakhe bona naye amenzele ukudlokho/UMasesi uthe
unina/ummakhe naye amenzele ukudlokho/UMasesi uthe ubawa unina bona
naye amenzele ukudlokho/UMasesi ubawe unina/ummakhe bona amenzele
ukudlokho (1)
4.5 Mma, ngibawa ungenzele nami ukudlokho ngombana ngisacoca
noNtombizodwa. (2)
4.6 Abantu abanengi abamthandi umuntu osiqedamlozi ngombana usuke
akhulume nezinto ezimamala.
(Tjheja: Akuvele emutjhweni umfundi azitlamele yona bona mbala uyayazi
ihlathululo yegameli). (1)
4.7 Mqondo welimi elitjengisa ubuhlangothi ngombana uthi abentazana ngibo
kwaphela ekufanele bapheke, bahlwengise bebenze neminye imisetjenzana
yangekhaya kwangasuthi abesana bona abakafaneli ukukwenza lokho.
(Umfundi angayibeka ngeyakhe indlela kodwana kuvele ilimi elitjengisa
ubuhlangothi). (2)
[10]
UMBUZO 5
5.1 Ngundaweni/Sisandiso sendawo/Isinabisi sendawo. (1)
5.2 Azonginikela/azongiphosa ngeemponde ezimatjhumi amahlanu? (1)
5.3 Ayithole bona ifundisa kamnandi. (1)
5.4 Mina ngigetjengwe ngalendlela. (1)
5.5 Isakhesi siletha umqondo wokobana umuntu lo umumuntu wengubo obizwa
ngesibongo salapha abelethwa khona/obizwa ngesibongo sekhabo. (2)
5.6 Amaganyana la asetjenziswe njengesitjho esihlathulula bona incwadi leyo
wayiqala kwaphela.
(Tjheja: Umtlomelo munye ngowegama elithi, 'sisitjho' bese omunye
ngowehlathululo). (2)
5.7 UMadzela nakangakuboleka ikoloyakhe, lingawa lidojwe ziinkukhu.
(umfundi angazitlamela wakhe umutjho asebenzise isagesi). (2)
[10]
IMITLOMELO YESIGABA C: 30
INANI LOKE: 70
Ilungelo lokukhuphela lifunjethwe
Study this subject
Recommended for this subject

Memorandum
isiNdebele HL Grade 12 Paper 2 NSC November 2017 Memo

Memorandum
isiNdebele HL Grade 12 Paper 3 NSC November 2017 Memo

Memorandum
isiNdebele HL Grade 12 Paper 1 NSC Supplementary 2017 Memo

Memorandum
isiNdebele HL Grade 12 Paper 1 NSC November 2023 Memo

Memorandum
isiNdebele HL Grade 12 Paper 1 NSC November 2022 Memo

Memorandum
isiNdebele HL Grade 12 Paper 1 NSC November 2021 Memo
More from Grade 12 isiNdebele HL

Annual teaching plan
Gr 12 IsiNdebele HL ATP 2023 24

Question paper
isiNdebele HL Grade 12 P1 November 2024 NSC Question Paper

Question paper
isiNdebele HL Grade 12 P2 November 2024 NSC Question Paper

Question paper
isiNdebele HL Grade 12 P3 November 2024 NSC Question Paper

Question paper
isiNdebele HL Grade 12 Paper 1 NSC June 2024 Question Paper

Question paper