Skip to content

History Grade 12 P2 Eastern Cape Mock 2020 Addendum

AddendumHistoryGrade 12202014 pages

Grade 12 History Paper 2 addendum from the Eastern Cape Mock Exam 2020 (Sesotho), 14 pages. Read online or get the free PDF download.

Free to read online, no sign-up needed

Answer online

Loading document…

Loading document…

Questions in this paper

Document textSearch extracted text and jump to a page.
Downloaded from hlayiso.com NATIONAL SENIOR CERTIFICATE KEREITE YA 12 LOETSE 2020 HISTORI PAMPIRI YA BOBEDI (P2) ATENTAMO Atentamo ena e na le maqephe a 14.
Downloaded from hlayiso.com 2 HISTORI P2 (ATENTAMO) (EC/LOETSE 2020) POTSO YA 1: FILOSOFI YA BLACK CONSCIOUSNESS (BC) E BILE LE TSHUSUMETSO JWANG BATJHENG BA AFRIKA BORWA DILEMONG TSA BO 1970? MOHLODI WA 1A Mohlodi ona o tsepame ho filosofi ya Black Consciousness ka Steve Biko ka 1968. Biko o ne a na le temohisiso sebopehong sa kelello(psychological aspect) sa kgatello mehleng ya hae, se qetetseng ka kgaello ya matla dipolotiking nakwana. Jwalo ka ha dipolotiki di ne di ya ka lebala nakong ya aparteiti, mokga o ne o bitswa Black Consciousness. Molaetsa wa hae o ne o le bonolo o bile o hlakile: Se ka nka karolo kgatellong ya hao. E bile ho kenella ha bohlokwa, lentswe le letjha, la motjha, le ikgethang le ileng la bokella le ho hlophisa batho ha mekga e meholo ya dipolotiki ya bohanyetsi e ne e thibetswe mme baetapele ba yona ba le ditlamong kapa ba kwalletswe tjhankaneng. Le fane ka elemente e ntjha, e bohlokwa, e kopanyang ho ANC, jwalo ka ha Wally Serota a boletse, ‘moya wa oksejen le bophelo bo botjha boo mokga o neng o bo hloka haholo.’ Black Consciousness e sebeditse ka diqeto tsa tumellano. E ne e ruta ka monahaho o ikemetseng, ho itshepa, sebete le seriti. Biko ha mmoho le basebetsimmoho le yena ba ile ba ema, ba bua, ba hlakola kgutso nakong ya bona. Ho hanana le taba ya hore batjha ba holang ba batho ba batsho hore ba tshepahalle, ba mamele kapa ho nyediswa le hona ho tjamelwa ke lefu ha fetola boemo ba ntwa ya boitseko. Biko ka boyena o phetse a ba a shwa ka nnete ena. Ebile setho se nang le sefutho sa phetoho. Batjha ba mehleng ya Biko ba ne ba kgothalletsa setso sa ho ba sebete. [Ho tswa ho Steve Biko by L. Wilson] Difuperweng tsa pampiri ena di se sebediswe ntle ho tumello Phetla
Downloaded from hlayiso.com (EC/LOETSE 2020) HISTORI P2 (ATENTAMO) 3 MOHLODI WA 1B Mohlodi ona o hlalosa ka tshusumetso ya mokga wa Black Consciousness Movement ho Veli Mbele ya neng a dula Soweto ka 1976. Ke holetse tikolohong eo boholo ba thaka tsa ka bo neng bo sa kgathalle maphelo a tsona mme ke bile lehlohonolo ho teana le mokga wa Black Consciousness ke sa le dilemong tse tlase. Black consciousness e thusitse ho mphetola le ho fetola boitshepo ba ka ka mokgwa o hlollang. Ha ke kena mokgeng wa Black Consciousness Movement, ke ne ke le dilemo di16. Nakong eo, tikoloho e ne e se na setswalle malebana le BCM. Kgollo ya rona ho Black Consciousness e ne e le matla, re ne re sa ikemisetsa ho ipata hoba mabotho a mang a re tshosa ka hore a tla sebetsana le rona le hore re ke ke ra hirwa ha re sa nyahlatse dikgollo tsa rona tsa dipolotiki. Mokgwa ona wa karabelo wa re kgothatsa le ho feta ra ba ra nka qeto ya ho hasa efangedi ya Black Consciiousness ka matla. Ke leboha mokga wa Black Consciousness, Ba bangata ba dilemong tsa ka ba ile ba fetoha banna ba batsho ba sebele bao ka lebaka la tshebetso ya bona ba unneng ho hlontjhwa ke thaka tsa bona, ba malapa le setjhaba. Esale ke teana le mokga wa Black Consciousness, Ke utlwa ke phethahetse, Ke kgotsofalletse bonna ba ka, haholoholo hoba ke a hlompheha ebile ke seriti. [Ho tswa ho We Write What We Like by C. Van Wyk.] Difuperweng tsa pampiri ena di se sebediswe ntle ho tumello Phetla
Downloaded from hlayiso.com 4 HISTORI P2 (ATENTAMO) (EC/LOETSE 2020) MOHLODI WA 1C Mohlodi ona o tsepame hodima tshusumetso ya mokga wa Black Consciousness Movement (BCM) ho baithuti dilemong tsa bo 1970. Ka selemo sa 1976 mokga wa Black Consciousness Movement (BCM) o ne o le matla mme baithuti ba ne ba le ka pele ntweng ya boitseko. Mapolesa a tshwere baetapele ba bangata ba baithuti mme ba ba beha ditekong. Ka diteko tsena tsa dipolotiki, mmuso o ne o batla ho bontsha hore baithuti ba ne ba le kotsi hoba ba hasitse mehopolo ya Black Consciousness. Mapolesa a ne a re Black Consciousness e entse hore batho ba batsho ba hloye makgowa. Ka Motsheanong, Steve o ile a fumana monyetla wa ho bontsha hore seo e ne e se nnete. O ne a bitsitswe ho ba paki ya tshireletso ditekong tsa batjha ba robong ba baithuti ba South African Student Organisation (SASO). Paki lekgotleng la molao e ka bolela dintho tse utluwang ke batho bohle mme tsa tlalehwa naha ka bophara. E ne e le lekgetlo la pele Steve a bua phatlalatsa setjhabeng nakong ya dilemo tse tharo. Lefatshe lohle le mo utlwile a bua ka Black Consciousness. O ile a bontsha hore mokgatlo o ne o sa leke ho etsa hore batho ba batsho ba hloye makgowa. Black Consciousness e ne e batla hore batho ba batsho ba be motlotlo ka lebala la bona, ba se le swabele. Bohale ba hola metseng ya ditoropong. Ka la 16 Phuptjane 1976 diketekete tsa baithuti ba Soweto ba ipelaetsa diterateng kgahlano le melao ya aparteiti. Mabotho a polokeho a qhomisa mello mme baithuti ba shwa. [Ho tswa ho Steve Biko by L. Price] Difuperweng tsa pampiri ena di se sebediswe ntle ho tumello Phetla
Downloaded from hlayiso.com (EC/LOETSE 2020) HISTORI P2 (ATENTAMO) 5 MOHLODI WA 1D Ena ke khathunu ya Zapiro sehopotsong sa Steve Biko mme e ne e phatlalatswe ho Daily Maverick ka la 19 Loetse 2017. [Ho tswa ho: Zapiro, Daily Maverick] (Martyred – ho hlokofatswa le ho bolaelwa tumelo) Difuperweng tsa pampiri ena di se sebediswe ntle ho tumello Phetla
Downloaded from hlayiso.com 6 HISTORI P2 (ATENTAMO) (EC/LOETSE 2020) POTSO YA 2: KOMESHENE YA NNETE LE POELANO (TRUTH AND RECONCILIATION COMMISSION (TRC) E ATLEHILE JWANG HO SEBETSANENG LE TABA YA POLAO YA AMY BIEHL MOHLODI WA 2A Qotso ena e hlalosa mabaka a ho thehwa ha TRC ke palamente ya pele e kgethilweng ka demokrasi ka 1995 Selemo ka morao ho dikgetho, Komiti ya Potfolio ya toka ya Palamente (Parliament’s Justice Portfolio Committee) e ngotse molao ho qala Komeshene ya Nnete le Poelano, ho fumana setshwantsho se phethahetseng sa disosa, mofuta le boholo ba tlolo ya ditokelo tsa botho tse entsweng nakong e pakeng tsa 1 March 1960 le 1994 ka ho etsa diphuputso le dinyewe. Nako ena e bonwa e le nako e bileng matla haholo ‘botlokotsebeng kgahlano le botho’ ‘crime against humanity’ nakong ya puso ya aparteiti. E ne e boetse e tshwanela ho shebana le tsamaiso ya ho tshwarela batho ba senotseng ka botlalo dintlha tse amanang le diketso tse amahanngwang le sepheo sa dipolotiki. Ho feta moo, Komeshene e ne e tshwanela ho boloka seriti sa botho sa diphofu, ho kgothaletsa mehato ya ditlhapiso le ho kopanya repoto ya diphumano le mesebetsi, hape le ho kgothalletsa mehato e tla thibela tlolo ya ditokelo tsa botho. Komeshene ya Nnete le Poelano (The Truth and Reconciliation Commission (TRC) e ne e na le dikomiti tse tharo. Ya pele e ne e le (Human Rights Violation Committee) e neng e tshwanela ho shebana le diakhaonte tsa diphofu ka dinyewe le diphuputso. Ya bobedi e ne e le komiti ya tshwarelano (Amnesty Committee), e neng e tshwanela ho lekola dikopo tsa tshwarelo. E ne e tshwanela ho sebedisa diprinsipole tsa Norgard ho tseba hore kopo e ka tshwanela ho fumantshwa tshwarelo kapa tjhe. Ya boraro e ne e le komiti ya Ditlhapiso le ditokiso (reparation and rehabilitation) e ne e tshwanela ho etsa leano la ditlhapiso ho boloka le ho lokisa maphelo a diphofu le mahlatsipa a tlolo ya ditokelo tsa botho. [Ho tswa ho Country of my Skull by A. Krog] Difuperweng tsa pampiri ena di se sebediswe ntle ho tumello Phetla
Downloaded from hlayiso.com (EC/LOETSE 2020) HISTORI P2 (ATENTAMO) 7 MOHLODI WA 2B Mohlodi ona o tsepame mokgweng le lebakeng leo Amy Biehl a ileng a bolawa ka lona ka la 25 August 1993, Motse Kapa. Ha kgutshwanyane pele ho fela nako ya aparteiti, Amy Biehl o ile a bolawa. E bile phofu ya merusu ya kgethollo ya mmala. Amy Biehl e ne e le lekgowa. O ne a inehetse ho fediseng aparteiti Afrika Borwa mme o ne a le univesithing ya Western Cape, a sebetsa le batho ba tinngweng monyetla. O ne a ile a thusa ka ho ngodisa bakgethi pele ho dikgetho tsa letsatsi la tokoloho “Freedom Day’’. “Amy o ne a tseba Gugulethu le batho ba yona hantle, kapa o ne a nahana hore o a ba tseba. O ne a fumaneha motsetoropong bosiu le motsheare, o ne a kgona ho bua SiXhosa le ho jaefa sepantsula. Ke ka moo a neng a kgona ho ba mona.” Ho boletse Melanie Jacobs, mosadi wa motho e motsho ya neng a dula ntlong e le nngwe le Amy, Motse Kapa. O ne a rata Afrika. E ne e se feela motho e mong e mosweu.” Ka phirimana ya la 25 Phato, 1993, Amy o ne a kganna koloi ho phunyeletsa le motse wa Gugulethu, a fetoha phofu ya sehlopha se neng se halefile sa batjha. Sa kgakgatha koloi ya hae ka majwe ba mo qobella ho ema, yaba ba mo hula ho tswa koloing, ba mmolaya. Ba hoeletsa ba re Bolaya mojaki” (“Kill the Settler!”). batswadi ba hae ba ile ba tsebiswa hore moradi wa bona o kgakgathilwe a ba a bolawa ka ho hlajwa. Mapolesa a tshwara babelaellwa ba babedi ba batjha, bao e leng ditho tsa baithuti tsa sehlopha sa sesole sa botjhaba, Pan Africanist Congress seo lepetjo la sona e leng “One settler, one bullet.” Motsekapa, polao ya moithuti ya tsebisahalang ho fehlile karabelo kgahlano le sehlopha sa sesole se neng se ntshetsa pele lehloyo la makgowa. Mokga wa African National Congress wa nehela ka dikgokahano tsa ona metseng ya ditoropong ho thusa ho hlwaya babolai. Metswalle le basebetsimmoho, kamora sehopotso sa Miss Bieihl ka dipina tsa tokoloho, ba ile ba hwanta ho phunyeletsa le Gugulethu ka diplakarete tse ngotsweng “Comrades come in all colours.” Se bolelang hore “metswalle e tle ka mebala yohle”. [Ho tswa ho https://www.nytimes.com1993/08/27/world/how-american-sister-died-in-atownship.html. Accessed on 1 September 2019.] Difuperweng tsa pampiri ena di se sebediswe ntle ho tumello Phetla
Downloaded from hlayiso.com 8 HISTORI P2 (ATENTAMO) (EC/LOETSE 2020) MOHLODI WA 2C This source focuses on the amnesty hearing of the murderers of Amy Biehl on the 8 July 1997 in Cape Town. Batjha ba bane, Mzikhona Nofemela, Ntobeka Peni, Vusumzi Ntamo le Mongezi Manqina ba ileng ba qoswa ka polao ya Amy ba ba ba tshwarwa dilemo tse leshome le metso e robedi ba ile ba kopa tshwarelo. Babolai ba Amy ba kopile tshwarelo batswading bakeng sa seo ramolao wa Komeshene ya Nnete a se hlalositseng e le ho hloka kelello ha lequlwana la babolai “pack of murderers.” Batshehetsi ba bane ba Pan Africanist Congress (PAC) ba ne ba tobane le phephetso ya hore polao ka bongata(mob killing) e ne e susumeditswe ke dipolotiki, dikopong tsa bona ka pele ho Komiti ya tshwarelo (Amnesty Committee). Batswadi ba Biehl, Peter le Linda ba ile ba tshwarana matsoho le ba malapa a banna ba bane pele ditsamaiso di qala. Diafitaviting tse ngotsweng tse kenntsweng komiting ya kopo ya tshwarelo ya TRC, banna ba bane ba boletse ha ba ikwahlaya ka polao mme ba kopa tshwarelo batswading ba Biehl. “ke maswabi ebile ke nyahame haholoholo kajeno ha ke hlokomela ka moo Amy Biehl a bapetseng karolo e kgolo ntweng ya boitseko,” ho boletse Peni. Le ha ho le jwalo, yena ha mmoho le ba sehlopha sa hae ba pheella hore polao e hlohlelleditswe ke dipolotiki ya kgothalletswa ke lepetjo la PAC le “mojaki a le mong, Kulo e le nngwe (One settler, One bullet) Bopaking ba hae , Peni o boletse ha lekgotla la tsamaiso la PAC le laetse ditho ho etsa Gugulethu lehanapuso le ho thusa lekala la PAC le hlometseng, Azanian People’s Liberation Army ho boela le fumana mobu wa batho ba batsho. “Ke nkile sena e le taelo ya ho utlwisa bohloko, ho ntsha kotsi le ho bolaya makgowa. Ka 1998, babolai ba Biehl ba ile ba fuwa tshwarelo ke TRC (qeto e ileng ya tjhaelwa monwana ke ba lelapa) ba ba ba lokollwa tjhankaneng kamora ho kwallwa dilemo tse nne. Ba ha Biehl ba boletse ha ba na le tumelo ya hore moradi wa bona o ne a tla tshehetsa qeto ya komeshene ho ba fumantsha tshwarelo [[Ho tswa ho www.justice.gov.za/trc/media/1997/9707/s970708f.htm. Accessed on 1 September 2019.] Difuperweng tsa pampiri ena di se sebediswe ntle ho tumello Phetla
Downloaded from hlayiso.com (EC/LOETSE 2020) HISTORI P2 (ATENTAMO) 9 MOHLODI WA 2D Setshwantsho sena se bontsha babolai ba Amy Biehl nyeweng ya amnesty ka la 8 July 1997, Motse Kapa. [Ho tswa ho images amy biehl newpaper. jfif-photos. Accessed on 1 September 2019.] Difuperweng tsa pampiri ena di se sebediswe ntle ho tumello Phetla
Downloaded from hlayiso.com 10 HISTORI P2 (ATENTAMO) (EC/LOETSE 2020) POTSO YA 3: MULTI-NATIONAL CORPORATIONS (MNC’S) Di BILE LE KGAHLAMELO EFE DITSONG TSA LEFATSHE LOHLE DILEMONG TSA BO 1990? MOHLODI WA 3A Mohlodi o ka tlase o hlalosa moelelo wa globalization. Globalisation ke porosese ya tshebedisano le ho kopana ha batho, dikampani le mebuso ya matjhaba a fapaneng, prosese e kgannwang ke kgwebisano ya matjhabatjhaba le botsetedi bo thuswang ke mahlale a dikomporo (information technology). Prosese ena e amme tikoloho, botjhaba, ditsamaiso tsa dipolotiki, ntshetsopele ya moruo, katleho le bophelo bo botle ditjhabeng ho potoloha le lefatshe. Globalisation ha e ntjha, Diketeketeng tsa dilemo, batho ha mamorao dikoporeishene di ne di reka le ho rekisetsana ho tswa dinaheng tse hole. Ka ho jwalo, ka disentjhuri, batho le dikoporeishene di ne di tsetetse dienthapraeseng dinaheng tse ding. Ntshetsopele ya Leano le teknoloji ya dilemo tse mashomeshome tse fetileng di kgothaleditse ho nyoloha ha kgwebisano ho tshela meedi, botsetedi le ho futuha haholo hoo ba shebelletseng ba kgolwang hore lefatshe le kene mohatong o motjha wa boleng bo hodimo ntshetsopeleng ya lona ya moruo. Ho tloha ka 1950, mohlala, kgwebisano ya lefatshe e nyolohile ka makgetlo a 20 ho tloha ka 1997 ho ya ho 1999, ho phalla ha botsetedi ba matjhaba ba batla bo ipheta habedi ho tloha ho dibilione tse $468 ho ya ho tse $827. Ha a hlalohanya tlwaelo ena e ntjha ho tsa pejana, mongodi Thomas Friedman o boletse hore kajeno globalization “e a potlaka, e theko e tlase ebile e tebile.” [Ho tswa ho https://www.globalisation101.org>what-is-globalisation. Accessed on 17 September 2019.] Difuperweng tsa pampiri ena di se sebediswe ntle ho tumello Phetla
Downloaded from hlayiso.com (EC/LOETSE 2020) HISTORI P2 (ATENTAMO) 11 MOHLODI WA 3B Mohlodi ona o hlalosa kgahlamelo eo globalization e bileng le yona dinaheng tse holang. Globalisation e na le melemo le dipoelomorao botjhbeng ba dinaha tse holang. Botjhaba ba dinaha tse ngata tse holang bo fetotswe ke globalization ba tshwana le botjhaba ba dinaha tse kang Amerika le dinaha tsa Europe. Pele ho globalization ho ne ho ke ke ha kgoneha ho tseba ka dinaha tse ding le botjhaba ba tsona. Ka lebaka la disebediswa tsa bohlokwa tsa globalization jwalo ka televeshene, radio, satelaete le inthanete, ho a kgoneha mehleng ena ho tseba se etsahalang naheng e nngwe. Ho feta moo, batho ho phatlalla le lefatshe ba ka tsebana betere ka glabalisation. Mehleng ena re ka bona hantle ditlamorao tsa globalization batjheng, ditjhabeng tse kojwana di mahetleng. E se e le tlwaelo ho bona batjha ba apere dikipa tsa Nike le disnikhas, dieta tsa Adidas, ba bapala mmino wa Hip -Hop, ba sebedisa ipad ya Apple, ba ja McDonalds, KFC le Domino’s pizza. Ho bonahala eka o ka ba hlalohanya feela ka puo ya bona. Ka ho le leng, dinaha tse ngata tse holang di angwa ke kgolo ya globalization hoba e etella pele tshenyeho ya setso, meetlo, boitsebahatso, maseko le puo ya tsona. Mohlala, dinaheng tse ngata tsa maArab, batho ba bang ba apara le ho itshwara jwalo ka matjhaba a tswetseng pele, Ke palo e fokolang ya batho ba ntseng ba apara diaparo tsa bona tsa botjhaba jwalo kaha ba ne ba etsa. Ho feta moo, globalization e lebisa timelong ya mantswe a mangata le dipolelo ho tswa puong ya selehae hoba batho ba bangata ba sebedisa Sekgowa (English). [Ho tswa ho http://www.tigweb.org/youth-media/panorama/article.html?Contentl. Accessed on 10 September 2019.] Difuperweng tsa pampiri ena di se sebediswe ntle ho tumello Phetla
Downloaded from hlayiso.com 12 HISTORI P2 (ATENTAMO) (EC/LOETSE 2020) MOHLODI WA 3C Qotso e ka tlase e hlalosa ka moo setjhaba se ileng sa ipelaetsa ka teng kgahlano le kampani ya matjhaba, ‘Nike’ ka 1998. Nike, kampani e hlahelletseng tlhahisong ya diaparo tsa dipapadi, ke e nngwe ya mehlala e phatsimang ya kgwebo lefatsheng. Ka bo 1990,kampani e ne e kgathatswa ke ditlaleho tsa hore e basebetsi ba ne ba sebetsa tlasa maemo a seng molaong (swetshops) le hona ho sebedisa bana ba tlase dilemong (child labour). Kgatello ya hola ho fihlela 1998, ha e mong wa bathehi, Phil Knight a itlama phatlalatsa ho fetola mekgwa ya kampani mme Nike e sebeditse dilemo tse leshome tse latelang e ntse e etsa seo. Jwale bothata ba Nike ba sweatshops bo tshosetsa ka ho kgutla hape. Ka Phupu 29, baithuti le baitseki ho phatlalla le lefatshe ba bile le seabo letsatsing la boitseko bo neng bo hlophisitswe ke United States Against Sweatshops (USAS) kgahlano le Nike. Baemedi ba baipelaetsi metseng e kang Boston, Washington D.C., Bangalore le San Petro Sula, ba ile ba emela diqoso tse neng di hlwa mekwalaba kgahlano le Nike, tseo di neng di ntse di hoba. Hara tse ding ke diqoso tsa hore basebetsi ba fektring ya Nike e Hansae, Vietnam, ba ne ba nkelwa meputso ba rohakwa ba bile ba sebediswa dihorahora dithemperetjhareng tse seng molaong, tse ka hodimo ho 90%, ho fihla boemong boo ba neng ba akgehela matjhining ya bona ya ho roka. Nike e boela e qoswa ka ho fedisa mesebetsi fektring e Hansae le ho lata tlhahiso fektring e Honduras ka boteng bo matla ba mokgatlo wa basebetsi. Sephetho ebile hore makgolokgolo a basebetsi a lahlehelwe ke mesebetsi. Kampani e boetse e qoswa ka ho hanana le taba ya ho hanela sehlopha se ikemetseng se hlwelang sa Workers Rights Consortium (WRC) ho hlahloba difektri tsa yona tsa kontaka. [Ho tswa ho https://qz.com/1042298/nike-is-facing-a-new-wave--of-anti-sweatshops-protest. Accessed on 10 September 2019.] Difuperweng tsa pampiri ena di se sebediswe ntle ho tumello Phetla
Downloaded from hlayiso.com (EC/LOETSE 2020) HISTORI P2 (ATENTAMO) 13 MOHLODI WA 3D Poustara ena e ne e hlasela dikhoporeishene tse kgolo ka 1998 Washington D.C. [Ho tswa ho New Generation History by S. Govender et al] Difuperweng tsa pampiri ena di se sebediswe ntle ho tumello Phetla
Downloaded from hlayiso.com 14 HISTORI P2 (ATENTAMO) (EC/LOETSE 2020) MEHLODITHUSO Mehlodi ya ditshwantsho le bopaki bo bong ba histori di nkile mehloding e latelang: Govender, S.et.al. 2007. New Generation History (New Generation Publishers) http://www.tigweb.org/youth-media/panorama/article.html?Content https://qz.com/1042298/nike-is-facing-a-new-wave--of-anti-sweatshops-protest https://www.globalisation101.org>what-is-globalisation https://www.nytimes.com1993/08/27/world/how-american- sister-died-in-atownship.html images amy biehl newpaper. jfif- photos Krog. A. 1999. Country of my Skull (Vintage Publishers) Price, L. 2013. Steve Biko (Sached Books (Pty) Ltd) Van Wyk, C. 2007. We Write What We Like (Wits University Press) Wilson, L. 2011. Steve Biko (Jacana Media (Pty) Ltd ) www.justice.gov.za/trc/media/1997/9707/s970708f.htm Zapiro, Daily Maverick Difuperweng tsa pampiri ena di se sebediswe ntle ho tumello Phetla

Study this subject

More from Grade 12 History

View all