Skip to content

isiXhosa HL Grade 12 Paper 1 NSC June 2022 Question Paper

Question paperisiXhosa HLGrade 12202212 pages

Grade 12 isiXhosa HL Paper 1 question paper from the NSC June Exam 2022, 12 pages. Read online or get the free PDF download, memo linked when available.

Free to read online, no sign-up needed

Answer online

Loading document…

Loading document…

NSC June Exam 2022

Questions in this paper

Document textSearch extracted text and jump to a page.
Downloaded from hlayiso.com SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS ISIXHOSA ULWIMI LWASEKHAYA (HL) IPHEPHA LOKUQALA (P1) 2022 AMANQAKU: 70 IXESHA: Iiyure 2 Olu viwo lunamaphepha ali-12. Akuvumelekanga ukufotokopa eli phepha Tyhila iphepha
Downloaded from hlayiso.com IsiXhosa Ulwimi Lwasekhaya (HL)/P1 2 DBE/2022 SC/NSC IPHEPHA LEMIYALELO NENGCACISO 1. Eli phepha lemibuzo LINAMACANDELO AMATHATHU: ICANDELO A: Isicatshulwa (30) ICANDELO B: Ushwankathelo (10) ICANDELO C: Izakhi nemigaqo yokusetyenziswa kolwimi (30) 2. Funda YONKE imiyalelo ngocoselelo. 3. Phendula YONKE imibuzo. 4. Qala ICANDELO NGALINYE kwiphepha ELITSHA. 5. Krwela umgca ekupheleni KWECANDELO NGALINYE. 6. Nombola iimpendulo ngokuchanekileyo ngokwendlela ekunonjolwe ngayo kwiphepha lemibuzo. 7. Shiya umgca emva kwempendulo NGANYE. 8. Qwalasela ngokukodwa upelo nolwakhiwo lwezivakalisi. 9. Iingcebiso malunga nolwabiwo lwexesha: ICANDELO A: Imizuzu engama-50 ICANDELO B: Imizuzu engama-30 ICANDELO C: Imizuzu engama-40 10. Bhala ngokucocekileyo nangokucacileyo. Akuvumelekanga ukufotokopa eli phepha Tyhila iphepha
Downloaded from hlayiso.com IsiXhosa Ulwimi Lwasekhaya (HL)/P1 3 DBE/2022 SC/NSC ICANDELO A: UVAVANYO LOKUQONDA UMBUZO 1: UKUFUNDELA INTSINGISELO NOKUQONDA Funda IZICATSHULWA A no B ezingezantsi uze uphendule imibuzo esekwe kuzo. ISICATSHULWA A SISAFUNA NTONI NAMHLANJE KWIINCWADI? 1 Kungaba kanti kuninzi ukubethabethana kweengqondo okujoliswe ekubeni kusafuneka na ukufunda iincwadi xa itekhnoloji inabe okwengca phandl'apha, kodwa inyani yona ayitshintshi malunga nexabiso lokufunda iincwadi. Ihlabathi lonke limangele ukuba xa sekukho oononkcithaxesha abayimidiya okanye ubuxhakaxhaka bokwabelana ngezimvo, oomabonakude, oomiboniso- 5 bhanyabhanya, oo'e-books'-abaziincwadi ezifumaneka ngobuxhakaxhaka be- intanethi, sisafuna ntoni ezincwadini ezingamaqwakuqwaku okanye ezingamaphepha. Wenna! Musa ukulahl'imbo yakho ngophoyiyana! 2 Asizoncwadi n'esiwele ngazo ukuya kulonwabo esasingenalo? Abuzanga neencwadi nangeencwadi na ubuxhakaxhaka esidludla nabo? 10 Besingakhwelanga kwiqegu eliyincwadi na ukuphuma kwilizwe lobukhoboka? Ndikhumbula umfutho owawufudumeze iincoko zolutsha, amaqhawe namagqala eli ngentsukaphi nentsingaphi ye-Afrika. Usabakhumbula oo'Ubulumko bezinja? Yayingoobani abalinganiswa abaphambili? Koo'Animal Farm' yayingoobani? Babesenzani koobani? Kaloku ezinye zampheka umntu wakwazi ukulibona 15 liseza iqhinga elikwafundiswe yincwadi. Amaqhakraqhakra nanamhlanje aphekwe ziincwadi. Wawuya kuzibamba njani ungahleki ufunda uNojayithi Wam? Yiva ndikutyele. Abafana abazama ukuzenza bahle kwiintombi zasesikolweni babengalenzi ixesha ukuba zange bakhe bamve uShakespeare. Phofu ke, intokazi eqale ngokwenda ingazange iye esikolweni ibivakala 20 ngokubuzisa kumyeni wayo, 'Whowu Tata, lo Shakespeare nanifunda naye na?' Andikho lapho. 3 Ziyancwina iingcali ngefuthe elibi lobuxhakaxhaka bokwabelana ngezimvo kumkhwa wokufunda incwadi. Zikhala ngokuba ubuxhakaxhaka bokwabelana ngezimvo buwutyumzile umkhwa wokufunda iincwadi. UCicero indlu 25 engenancwadi uyifanisa nomzimba ongasenamphefumlo. Ndiyamngqinela. Kwizigxeko azibekayo ngokuthathelana phezulu koluntu nobuxhakaxhaka bokwabelana ngezimvo uthi kuyiyona nkcithaxesha ukusebenzisa la maqonga, awanamfundiso, uzula nje kuwo ufunisa ngonobenani kuba utya ixesha ngokothula, udlulisela kwabanye. Kushiyeka kutyiswa iinzipho ukufundwa 30 kweencwadi ngulo vutha. Hayi ke ukudika kwezishunqulelo zaphaya ezinjengoo'sbwl'. Asinako na ukujika izinto, obu buxhakaxhaka bokwabelana ngezimvo sibusebenzisele ukukhuthazela abantu ekufundeni? UMnumzana uMatanzima Mweli seleqalile usoloko etsholoza kuTwitter ekhuthaza ngokufunda iincwadi. Makangasweli mlandeli. 35 4 Ngokufunda incwadi ufumana ubunzulu, kukhule ubuntu obutsha emntwini obengasajongelwanga ntweni. Ubusazi na ukuba uPhilani Dladla obhale incwadi Akuvumelekanga ukufotokopa eli phepha Tyhila iphepha
Downloaded from hlayiso.com IsiXhosa Ulwimi Lwasekhaya (HL)/P1 4 DBE/2022 SC/NSC ethi, 'The Pavement Bookworm', wayeqale ngokufundela abantu iincwadi, ebenzela irivyu, ehlala esitalatweni kwirobhothi, bemjulela ubusentana athenge iziyobisi? Sithetha nje wawoyisa umkhuba weziyobisi, wabhala iincwadi 40 ezisuse abanye esitalatweni. Akho namabanjwa abefunda iincwadi ezijele aphele seleziiprezidanti zamazwe. Bubandisa amazantsi ubukho bomntu onikezela ngobutyebi obunje. 5 Sesekati ibekelwe ubisi nenyama isintsompothi sencwadi nomabonakude. Kodwa iziphumo zophando olwenziwe kwiYunivesithi 45 yaseTohoku kubantwana abangama-276 abachitha ixesha elininzi bebukele umabonakude, zisivula ingqondo. Zithi bayanzinyelwa kukuthetha kwanokunxibelelana, kungakhethanga sini nabudala. Iziphumo zolunye lwakutshanje nazo zifumanise ukuba abantwana abaminyaka imalunga nesibini ukuya kwisithathu abachitha ixesha elide bebukele umabonakude 50 ubenzakalisa ngokutshintsha ukwakheka kwengqondo. Kwakhona kubenza bangakwazi ukufunda, ukuqiqa futhi bafede ekuthetheni kubenzima nokuhlalisana nabanye abantu. Iincwadi nomabonakude nangona zisengela thungeni linye kodwa ziyahluka. Incwadi yona, inolwa-aa mbambazelo ilwenzayo xa umzimba udutywe ziintolo zobomi kanti umabonakude umshiya 55 umntu eqwayitekile, ediniwe, asale engaqulethanga nto. Kaloku kwincwadi uyaziphakela ukanti kumabonakude uyaphakelwa. Ummangaliso osekufundeni incwadi ngowokuba singalikhulu labantu abayifundileyo, kodwa zahluke iingqikelelo zethu. Alinakulityalwa igalelo labazali kwingxaki yokungafundwa kweencwadi, bengaqondi. Okwaa kubuya bediniwe emisebenzini batefise 60 abantwana ngomabonakude, bephumla, kungabakhoboza abantwana. 6 Ukuthelekisa iincwadi nemiboniso-bhanyabhanya kufana nqwa nokuthelekisa ama-apile nama-orenji kuba zonke ziziziqhamo nje zahlukile ngencasa.' Nangona uninzi lwemiboniso-bhanyabhanya lusekwe ezincwadini kodwa ayikwazi ukungena nzulu kwincwadi, iyaziqakatha iziqendu ezithile. Umfundi 65 wencwadi uzibona engene zwabha ezihlangwini zomlinganiswa ophumela kwingxaki ethile kanti yoba sisisombululo nakobomfundi ubomi. Onombuzo othi, kukuphi okungcono ukubukela imiboniso-bhanyabhanya nokufunda? Impendulo ithi, zombini, kuba inye inendima eyidlalayo. 7 Ubulula bokusebenzisa ubuxhakaxhaka betekhnoloji xa kuthelekiswa 70 nokufunda iincwadi kusenza sibe ngamanxele okucinga xa sikhetha phakathi kweencwadi eziphathwa ngesandla nezifumaneka ngobuxhakaxhaka be- intanethi. Kweze-intanethi, ngokucofa nje iqhosha, kwikhompyutha okanye kunomyayi, sowusothula nayiphi incwadi ofuna ukuyifunda kwezifumanekayo. Iidijithali ziyincamisamxhelo ngokukwazi ukuzithwala zibeninzi kunomyayi 75 omnye kanti ke kulula kunjalo kodwa akufikeleli nabani kuzo. Bayalunyukiswa abasebenzisi bezi ncwadi ze-intanethi ngokuba umbane uyathanda ukucima, ne-intanethi inyamalale, ingafumaneki ie-book kanti incwadi yona uyifunda umbane ukho ungekho. Khawetyise uluvo oluthi, iincwadi ziyinqwelomoya, zinguloliwe, ziyindlela yeenqwelo, ziyindawo ekuyiwa kuyo, ziluhambo, kanti 80 zikwalikhaya, uvuke mlesi! [Sicatshulwe kwi-City Press, 14 Februwari 2020, naku https://bestschools.org, saguqulelwa esiXhoseni, saze sahlelwa] Akuvumelekanga ukufotokopa eli phepha Tyhila iphepha
Downloaded from hlayiso.com IsiXhosa Ulwimi Lwasekhaya (HL)/P1 5 DBE/2022 SC/NSC ISICATSHULWA B [Ucatshulwe ku-Sowetanlive.co.za] IMIBUZO: ISICATSHULWA A Jonga kumhlathi woku-1 1.1 Xela okumangalise ihlabathi ngokwalo mhlathi. (1) Jonga kumhlathi wesi-2 1.2 Inika luvo luni ngencwadi imibuzo buciko emininzi ekumhlathi wesi-2? (1) 1.3 'Kaloku ezinye zampheka umntu wakwazi ukulibona liseza iqhinga elikwafundiswe yincwadi.' Isiqwengana esibhalwe ngqindilili kumxholo esikuwo ngentla sinika intsingiselo yokuba: A Angakuqhatha lula umntu B Awunakuqhatheka lula C Awunakulibona tu iqhinga D Ungasezwa ubuxoki ubona (1) Jonga kumhlathi wesi-3 1.4 Nika isichasi segama 'umkhwa'. (1) 1.5 YINYANI/BUBUXOKI ukuba uCicero uthi makhe kuthiwe xha ngokufunda iincwadi? Xhasa impendulo yakho. (2) 1.6 Ngqina uluvo olunomgca ngaphantsi ngokwesicatshulwa. (1) Akuvumelekanga ukufotokopa eli phepha Tyhila iphepha
Downloaded from hlayiso.com IsiXhosa Ulwimi Lwasekhaya (HL)/P1 6 DBE/2022 SC/NSC 1.7 Cacisa intsingiselo yesiqwengana esithi 'kusala kutyiswa iinzipho ukufunda' ngokomxholo wale tekisi. (2) 1.8 Chaza izimvo ezibethabethanayo ezikulo mhlathi. (2) 1.9 Bhala isishunqulelo esidika umbhali. (1) 1.10 Uliqale phi uMnumzana Mathanzima Mweli iphulo lokukhuthaza ngokufunda iincwadi? (1) Jonga kumhlathi wesi-4 1.11 Ngqina ngengongoma eNYE ekulo mhlathi ukuba ukufunda incwadi kuyabutshintsha ubomi bomntu. (1) Jonga kumhlathi wesi-5 1.12 Nika intsingiselo yesivakalisi esibhalwe ngqindilili. (2) 1.13 Xela ingxaki ayidala kubantwana umabonakude ngokwalo mhlathi. (1) 1.14 Chaza ukuba umbhali ubonakele njani kulo mhlathi ukuba ukhuthaza ukufundwa kweencwadi ngaphezu kokubukela umabonakude. (2) Jonga kumhlathi wesi-6 1.15 YINYANI/LULUVO okubhalwe bukekela kulo mhlathi? Xhasa impendulo yakho. (2) Jonga kumhlathi wesi-7 1.16 Angafumana siphi isigxeko kumfundi umbhali wesicatshulwa ngokusebenzisa ibinzana, 'amanxele okucinga'? (2) IMIBUZO: ISICATSHULWA B 1.17 Chaza iindlela ezimbini abachitha ngazo ixesha abantu abasemfanekisweni. (2) 1.18 Nika umyalezo odluliswa ngumfanekiso. (2) IMIBUZO: ISICATSHULWA A noB 1.19 Xela ukuba nguwuphi umhlathi kwisicatshulwa A ongqinelana nomfanekiso okwisicatshulwa B. (1) 1.20 Ucinga ukuba ukuthelekisa iincwadi nobuxhakaxhaka betekhnoloji okukwizicatshulwa A nakuB kungaphumelela ukuguqulela iingqondo zabantu ekufundeni iincwadi? Xhasa impendulo yakho. (2) AMANQAKU ECANDELO A: 30 Akuvumelekanga ukufotokopa eli phepha Tyhila iphepha
Downloaded from hlayiso.com IsiXhosa Ulwimi Lwasekhaya (HL)/P1 7 DBE/2022 SC/NSC ICANDELO B: USHWANKATHELO UMBUZO 2: UKUSHWANKATHELA ISICATSHULWA C sithetha ngokuzikhusela kwiindudumo nemibane. Shwankathela unike izinto anokuzenza umntu ukuzikhusela kwiindudumo nemibane. QAPHELA: 1. Bhala UMHLATHI usebenzise amazwi akho kangangoko unako. 2. Isishwankathelo sakho masiquke iingongoma ezisiXHENXE singedluli kumagama angama-70. 3. AKULINDELEKANGA ukuba ubhale isihloko xa ushwankathela. 4. Bhala phantsi inani lamagama owasebenzisileyo wakugqiba. ISICATSHULWA C UKUZIKHUSELA KWINDUDUMO NEMIBANE Amajelo emozulu aseMzantsi Afrika nawaphesheya kweelwandle ayangqinelana ngokuba ukudlalwa lizulu yinto exhaphakileyo ndawo zonke. AmaXhosa akhetha nokuthethela phantsi ngayo kuba esoyika ukungathi ayadelela. Kulungile ukuba umntu ngamnye azazi iindlela angakulumkela ngazo ukuhlangana nemozulu eneendudumo nemibane. Ukumamela imozulu oku phambi kokuba uhambe kububulumko ukuze ingakubhadi usendleleni okanye usesithubeni. Kukho abantu abacinga ukuba izulu lidlala xa likufutshane ebantwini kuphela kanti akunjalo. Liyadlala likude kunazo neendudumo kuba umbane wona uyakwazi ukutshawuza zikude lee iindudumo. Kungumqathango ophambili ukuqinisekisa ukuba umntu akakho phandle xa liduduma. Khangela indawo yokusithela ekhuselekileyo nokuba ngumngxuma wakuva izulu lindila ungathalalisi. Ziyabethabethana izimvo ngokhuseleko lwangaphakathi emotweni. Bakho abathi irabha yamavili iyakhusela. Abanye bathi eli zinki libalekwayo ngabanye lilona liyingozi. Kushiyana izikolo ekwakufundwa kuzo ukungqina oku. Kuvumelekile kwaye kungcono ukuhlala emotweni kunokuba kwanti. Kuyenzeka ukuba kungabikho ndawo yimbi yakuzimela okanye ungabikhosemotweni. Xa ungenandawo zama ukuzifinyeza ubemncinci, uziquthe, ufake intloko phakathi kwamadolo, amaqatha akho asondelelane. Ngokuzifinyeza uphungula ukurhawulwa ngumbane, uthi nokuba ubekho uhle ngomqolo lo wakho ugobileyo ngethemba lokuba akuyi konzakalelwa lilungu lomzimba elibalulekileyo. Ukuhamba kwiindawo ezinamawa aphezulu, iintaba neenduli kungakufaka engozini xa kududuma. Zikhusele ngokwehlela ngezantsi uhlale entlanjeni yona ikumhlaba ophantsi kungenjalo uzifihle ezindongeni ukuze ungachaphazeleki zindudumo ezo. Akuvumelekanga ukufotokopa eli phepha Tyhila iphepha
Downloaded from hlayiso.com IsiXhosa Ulwimi Lwasekhaya (HL)/P1 8 DBE/2022 SC/NSC Kungcono unethwe yimvula kunokuba udlalwe yinkosi. Musa ukungena phantsi komthi okanye kwentente kuba kungakufaka engozini yokuphangwa lizulu.Qinisekisa ukuba ukude nemithi emide ezimele yodwa. Zimela ngemithana emifutshane okanye ngelitye elikhulu kunokusithela ngomthi omkhulu omde kwaye nawe zenze mfutshane ungabi mde kunomthana lowo. Kanye koko kuzenza mfutshane ungaze ulale ngesisu izulu lizongoma okanye kutshawuza imibane. Yingozi enkulu leyo. Hambela qelele kwimisinga yamanzi namadama anamanzi. Iingcali zithi akuyonyani ukuthi amanzi anamandla amakhulu okutsala umbane, inyani yeyokuba amanzi awuhambisa lula nangokukhawuleza umbane xa uthe wafika kuwo. [Sicatshulwe ku-www.saws.gov.za saza sahlelwa] AMANQAKU ECANDELO B: 10 Akuvumelekanga ukufotokopa eli phepha Tyhila iphepha
Downloaded from hlayiso.com IsiXhosa Ulwimi Lwasekhaya (HL)/P1 9 DBE/2022 SC/NSC ICANDELO C: IZAKHI NEMIQAGO YOKUSETYENZISWA KOLWIMI UMBUZO 3: ISIBHENGEZONTENGISO Funda esi sibhengezontengiso (ISICATSHULWA D) singezantsi uze uphendule imibuzo esekwe kuso. ISICATSHULWA D [Sithathwe ku-www.shutterstock.com] 3.1 Nika zibe ziBINI izixhobo ekwenziwe ngazo umtsalane kule ntengiso. (2) 3.2 Khankanya (a) igama elisetyenziselwe ukubaxa (b) nobaxo olukwimifanekiso kule ntengiso. (2) 3.3 Nika isizathu sokuba umthengisi asebenzise ulwimi olucengayo olungezantsi ukuthengisa iRedBull. 'Khumbula isixhobo seentshatsheli sokuqubisana nexesha, ziwuthi qwaka, qwaka umsebenzi.' (1) 3.4 Khetha impendulo echanekileyo kwezi zingezantsi. Umthengisi usebenzisa ukubayimfihlelo kweRedBull, xa edala umnqweno wokuba abathengi bayifune nakanjani ukuze ... A banyanzeleke baye kwagqirha phambi kokuyisela. B banqwenele ukusebenza ngaphandle kwentsokolo. C basebenzise ingqondo phambi kokuba bathenge iRedBull. D banqwenele ukunxiba iimpahla ezipitsayo,ezincinci. (1) 3.5 Cacisa ukuba isilogani, 'iredbull ikunik'iimpiko' sihambelana njani nomfanekiso okule ntengiso. (2) 3.6 Ucinga ukuba umthengisi uphumelele ukumenza umthengi azibone ukuba akanakuphila ngaphandle kwale mveliso? Xhasa impendulo yakho. (2) [10] Akuvumelekanga ukufotokopa eli phepha Tyhila iphepha
Downloaded from hlayiso.com IsiXhosa Ulwimi Lwasekhaya (HL)/P1 10 DBE/2022 SC/NSC UMBUZO 4: IKHATHUNI Funda le khathuni (ISICATSHULWA E) ingezantsi uze uphendule imibuzo esekwe kuyo. ISICATSHULWA E [Icatshulwe kwi-intanethi-www.thecomicstrips.com] 4.1 Xela ukuba unxibelelana nabani uSasa kule khathuni iyonke. (1) 4.2 Nika iindlela eziMBINI abonise ngazo umzobi kwisakhelo soku-1 nesesi-2 ukuba uSasa akasakholwanga yindlela enza ngayo. (2) 4.3 Khetha impendulo echanekileyo kwezi. Uphawu lokhuzo olwalekiweyo kwisakhelo soku-1 lunika ingcinga yokuba uSasa: A Uyazingxolisa ngokudlala ngexesha B Uyazicenga ukuba agcine ixesha C Uyazikhuthaza ekugcineni ixesha D Uyazonwabisa ngokugcina ixesha (1) 4.4 Chaza umahluko kulwimi alusebenzisayo uSasa kwisakhelo 1 nesakhelo 2. (2) 4.5 Ngqina ukuba ukwenza kukaSasa kuyakhabana neenjongo zakhe kule khathuni. (2) 4.6 Ucinga ukuba umzobi angaphumelela ukudlulisa umyalezo wokuba ubuxhakaxhaka be-intanethi buchitha ixesha? Xhasa impendulo yakho. (2) [10] Akuvumelekanga ukufotokopa eli phepha Tyhila iphepha
Downloaded from hlayiso.com IsiXhosa Ulwimi Lwasekhaya (HL)/P1 11 DBE/2022 SC/NSC UMBUZO 5: IPROZI Funda esi sicatshulwa (ISICATSHULWA F) singezantsi esineempazamo ezithile ezenziwe ngeenjongo uze uphendule imibuzo esekwe kuso. ISICATSHULWA F SIMFUNA PHI UNDONAKELE? 1 MZI kaNtu! Namhlanje ndiza nencwadi ethi, 'Iindonga Ziwelene' neyabhalwa nguSoga Mlandu. Le yincwadi yamabali amafutshane, iphaphashwe okokuqala ngomnyaka we-1998. Apha umbhali usihlanganisele amabali abalisa ngeengotsitsi zobomi esidlula kuzo singabantu. 2 Urhintyela imiba esukela kumasiko kwanentlalo gabalala yoluntu, 5 ukuyokuthi xhaxhe kumabali angokuxhatshazwa kwabantu ababhinqileyo. Kwibali elithi, 'Isifundiswa esikhulu', ityendyana elinguLukhanyo, lisakuzibona linempumelelo yemfundo eliyizuze eMelika lathwal'inyongo nesinyi. ULukhanyo wabuya etshintshe eyinto engaziwayo nakowabo. Impakamo yakhe yamenza akabona mntu kwiindawo zonke 10 awayehamba kuzo ezibona njengofunde yedwa. Akutshiwo na kanene ukuba Impumelelo yesizwe yasoloko ikulwazi abantu beso sizwe abanalo? Kuthiwa masithini isizwe yile ndlela ayiyo lo mfana? 3 UKhonzuxolo onguyisekazi kaLukhanyo wathi esakwenza itheko lokwamkela le dyongwana njengoko yabe ilibhongo kulo ngingqi yakhe ukubanomntwana 15 ofunde de wazuza loo mfundo inomsila, wazisola ukugeza. Umzi waseMaJwarheni wawufile ziintloni usakuphoxwa ngunyana wawo. ULukhanyo owayekrelekrele ebukwa ethandwa ekuhlaleni kwakhe, wayethe xhaxhe ngemfundo efunde phesheya kweelwandle. Yinto leyo eyenza kugcwale kwelo theko kungomncinci nomdala beze kuzibonela eso 20 sifundiswa. [Sicatshulwe kwiSOLEZWE lesiXhosa, 17-23 Eyomqungu 2019 iphepha 11, saze sahlelwa] 5.1 Xela ukuba kutheni ibinzana 'Iindonga ziwelene' lifakwe kwiimpawu zocaphulo. (1) 5.2 Chonga igama elixela ixesha kwisivakalisi esibhalwe ngezantsi. Namhlanje ndiza nencwadi ethi ... (1) 5.3 Lungisa isiphene sopelo kwigama elikrwelelwe umgca ngaphantsi kwesi sivakalisi silandelayo. … iphaphashwe okokuqala ngabakwaLovedale Press phaya ngomnyaka we-1998. (1) Akuvumelekanga ukufotokopa eli phepha Tyhila iphepha
Downloaded from hlayiso.com IsiXhosa Ulwimi Lwasekhaya (HL)/P1 12 DBE/2022 SC/NSC 5.4 Nika intsingiselo yebinzana 'ngeengotsitsi zobomi' njengoko lisetyenzisiwe kwisicatshulwa. (1) 5.5 Bhala ngokuchanekileyo isifanekisozwi, u'xhaxhe' ngokomxholo wesivakalisi esingezantsi. ... wayethe xhaxhe ngemfundo efunde phesheya kweelwandle. (1) 5.6 Xela intsingiselo eziswa zizimamva ezibhalwe ngqindilili kwesi sivakalisi singezantsi. UKhonzuxolo onguyisekazi kaLukhanyo wathi esakwenza itheko lokwamkela le dyongwana ... (2) 5.7 Bhala ngokuchanekileyo igama elibhalwe ngqindilili kwesi sivakalisi singezantsi. Kuthiwa mazithini isizwe yile ndlela ayiyo lo mfana? (1) 5.8 Guqula esi sivakalisi sibe kwixesha langoku. Umzi waseMaJwarheni wawufile ziintloni. (1) 5.9 Nika isithethantonye segama 'owayekrelekrele' esikumhlathi wesithathu. (1) [10] AMANQAKU ECANDELO C: 30 AMANQAKU EWONKE: 70 Akuvumelekanga ukufotokopa eli phepha

Study this subject

More from Grade 12 isiXhosa HL

View all