Vertroulik
NASIONALE
SENIOR SERTIFIKAAT
GRAAD 12
AFRIKAANS HUISTAAL V1
NOVEMBER 2024
PUNTE: 70
TYD: 2 uur
Hierdie vraestel bestaan uit 13 bladsye.
Kopiereg voorbehou Blaai om asseblief
Skip to contentAll 2024 papers 





View all





Afrikaans HL Grade 12 P1 November 2024 NSC Question Paper
Grade 12 Afrikaans HL Paper 1 question paper from the November 2024 NSC, 13 pages. Read online or get the free PDF download, memo linked when available.
Afrikaans Hl · Grade 12 · November 2024 NSC · 2024 · Afrikaans. Question paper, 13 pages. Read online or download the PDF.
- Subject
- Afrikaans HL
- Grade
- Grade 12
- Language
- Afrikaans
- Document type
- Question paper
- Year
- 2024
- Exam period
- November 2024 NSC
- Paper
- 1
- Curriculum
- CAPS
- Pages
- 13
- File size
- 709.0 KB
Free to read online, no sign-up needed
Loading document…
Loading document…
1 of 13
This exam
November NSC 2024
- Paper 1Question paperMemo
- Paper 2Question paperMemo
- Paper 3Question paperMemo
Questions in this paper
Document textSearch extracted text and jump to a page.
Afrikaans Huistaal/V1 2 DBE/November 2024
NSS Vertroulik
INSTRUKSIES EN INLIGTING
1. Hierdie vraestel bestaan uit DRIE afdelings:
AFDELING A: Leesbegrip (30)
AFDELING B: Opsomming (10)
AFDELING C: Taalstrukture en -konvensies (30)
2. Lees alle instruksies noukeurig deur.
3. Beantwoord AL die vrae.
4. Begin ELKE afdeling op 'n NUWE bladsy.
5. Trek 'n streep ná elke afdeling.
6. Nommer elke antwoord korrek volgens die nommeringstelsel wat in hierdie
vraestel gebruik is.
7. Laat 'n reël oop ná elke antwoord.
8. Skenk veral baie aandag aan spelling en sinskonstruksie.
9. Voorgestelde tydsindeling:
AFDELING A: 50 minute
AFDELING B: 30 minute
AFDELING C: 40 minute
10. Skryf netjies en leesbaar.
Kopiereg voorbehou Blaai om asseblief
Afrikaans Huistaal/V1 3 DBE/November 2024
NSS Vertroulik
AFDELING A: LEESBEGRIP
VRAAG 1
Lees en kyk na die tekste hieronder en beantwoord die vrae wat daarna volg. Nov
TEKS A: ARTIKEL
ENERGIEDRANKIES: WONDERMIDDEL OF 'N WOLF IN SKAAPSKLERE*?
1 Of jy nou die langpad vat of laataand vir die eksamen leer, dink twee keer voor jy
een ná die ander energiedrankie opslurp, waarsku kenners. Dié energiehupstoot
in die kort termyn kan jou gesondheidsvlerke in die lang termyn vinnig knip.
2 Energiedrankies is besig om die mark vinnig oor te neem met beloftes van hoër
energievlakke en nog beter fisieke prestasies. Verder word beweer dat dit jou 5
verstand opskerp en selfs met gewigsverlies kan help.
3 Volgens 'n kenner hieroor, prof. Karen Hofman van Wits se Sentrum vir
Gesondheidsekonomie, het die verkope van energiedrankies die laaste
dekade verdriedubbel. In 2020 is R780 miljard van dié dikwels verslawende
energiedrankies wêreldwyd verkoop. 10
4 Mordor Intelligence, 'n marknavorsingsmaatskappy, het reeds in 2020 voorspel
dat die energiedrankiemark in Afrika elke jaar tot 2025 met 3,9% sal groei.
Volgens hulle kan die groei in die verbruik daarvan aan die groei in aanvraag na
energiedrankies en 'n veranderende leefstyl toegeskryf word. Mense se hoër
inkomste, sportaktiwiteite en verstedeliking dra hiertoe by. Tydens 'n onderhoud 15
op Cape Talk het prof. Hofman genoem dat hierdie groeiende aanvraag daartoe
gelei het dat advertensies oor energiedrankies baie vinnig toegeneem het. Die
teikengroep van die advertensies is veral mans tussen die ouderdomme van
17 en 34 jaar.
5 Die energiedrankie word veral as 'n towerdrankie vir jou liggaam bemark! Dit het 20
blykbaar eienskappe wat help om die liggaam te genees. Verder dateer
adverteerders dit terug na toe die Antieke Grieke towerdrankies gemaak het.
Hulle het geglo dat dit jou onsterflik sal maak. In 2014 is die Red Bull-maatskappy
egter vir $13 miljoen gedagvaar vir sy valse bemarking. Sy slagspreuk ("Red Bull
gives you wings") is deur iemand wat geglo het dat dit hom sal laat vlieg, letterlik 25
opgeneem.
6 Dr. Isak Naudé, 'n mediese dokter in Gauteng, meen energiedrankies is oor die
algemeen nie goed vir jou gesondheid nie – juis as gevolg van die hoë kafeïen-
en suikerinhoud. Hoewel dit 'n paar vitamiene (veral vitamien B, wat help met
breinfunksie) bevat, kan die kafeïen die hartspoed, die bloeddruk asook die 30
hoeveelheid water wat deur jou niere beweeg, verhoog. Die gevolg is dat die
liggaam meer vloeistof nodig het. Dit het tot gevolg dat die persoon nóg 'n drankie
neem en só raak dit maklik 'n bose kringloop.
Kopiereg voorbehou Blaai om asseblief
Afrikaans Huistaal/V1 4 DBE/November 2024
NSS Vertroulik
7 'n Verdere probleem is dat die kombinasie van kafeïen en suiker die vrylating van
gestoorde energie in die lewer stimuleer. Indien die stimulante uitwerk, bereik die 35
liggaam 'n laagtepunt. Die lewer kan nie die verlies aan gestoorde energie
vervang nie. Dit dryf die gebruiker om wéér 'n energiedrankie te neem.
8 Nog 'n bekommernis, volgens prof. Hofman, is die meng van energiedrankies met
alkohol – veral by jong volwassenes. Mense "voel" glo minder onder die invloed,
maar hulle koördinasie- en reaksievermoë word steeds beperk. Volgens die 40
Wêreldgesondheidsorganisasie drink Suid-Afrikaners van die meeste alkohol ter
wêreld. Suid-Afrikaners is ook, wat die verbruik van energiedrankies betref, besig
om 'n voorloper te word. Daar word geraam dat hulle meer as 168 miljoen liter
daarvan per jaar drink.
9 Sunet Kotzé, 'n geregistreerde dieetkundige van Pretoria, sê dat Suid-Afrikaners 45
in die gejaagde lewe al hoe meer kits- en verwerkte kosse eet. Hierdie kossoorte
laat nie groeiende kinders versadig voel nie – hulle is dus amper altyd honger en
moeg. Energiedrankies word dikwels gebruik om eetlus te onderdruk en in die kort
termyn 'n energie-inspuiting te gee. Hierdie swak eetgewoontes saam met
energiedrankies kan gevolglik tot allergieë, hiperaktiwiteit en aandagtekort by 50
kinders lei.
10 Sy voeg by dat voedsame kos, eerder as energiedrankies, ons liggame van
volhoubare energie moet voorsien. Die meeste energiedrankies het baie suiker in
wat baie vinnig in die bloedstroom beland. Dit kan tot insulienweerstandigheid lei,
wat weer oorgewig en tipe 2-diabetes tot gevolg kan hê. 55
11 Prof. Hofman bevestig dat suiker en kafeïen albei verslawend is. Aangesien
hierdie energiedrankies besonder baie kafeïen en suiker bevat, raak mense
maklik daaraan verslaaf. 'n Tipiese energiedrankie, volgens die Harvard Skool vir
Openbare Gesondheid, bevat omtrent 40 g suiker (15 teelepels), 160 g kafeïen,
kunsmatige versoeters, asook verskeie kruie of ander middels wat breinaktiwiteit 60
verhoog.
12 Geo Bouwer, stigter en direkteur van PandaRoc-energiedrankies, gee toe dat
hierdie drankies 'n negatiewe konnotasie het as gevolg van die hoë suiker- en
kafeïeninhoud daarvan. Hy sê gesonder opsies in dié mark is beslis nodig, maar
dit is eerder nodig dat die verbruiker opgevoed moet word oor die hoeveelheid 65
verskillende kosgroepe wat per dag geëet moet word. Energiedrankies moenie as
die sondebok uitgemaak word nie.
13 Daar kan dus met reg gevra word: Is energiedrankies die wondermiddel of die
wolf in skaapsklere?
*'n Wolf in skaapsklere – 'n skynheilige
[Aangepas uit www.netwerk24./energiedrankies-dis-hoe-dit-jou-gesondheid-kelder-20221104 en
maroelamedia.co.za//se-nee-vir-energiedrankies-die-eksamen]
Kopiereg voorbehou Blaai om asseblief
Afrikaans Huistaal/V1 5 DBE/November 2024
NSS Vertroulik
TEKS B: VISUELE TEKS
1 Vir daardie doller-as-kopaf-
2 dae wanneer jy voel jou fut
3 is uit, laat Red Bull
4 jou met
5 vlerke vlieg –
6 selfs ná middagete.
[Aangepas uit Red-Bull-cartoons/modules/590841179]
VRAE: TEKS A
1.1 Skryf TWEE afsonderlike sinsdele uit paragraaf 1 neer wat by " 'n wolf in
skaapsklere" (in die titel) aansluit. (2)
1.2 Watter gedagte dra die skrywer met die gebruik van die woord "opslurp" in
paragraaf 1 oor? (1)
1.3 Verwys na paragraaf 2.
Watter VIER beloftes dra daartoe by dat meer energiedrankies verkoop word? (4)
1.4 Evalueer die betroubaarheid van die statistiek in paragraaf 3 en 4 deur na
elke paragraaf afsonderlik te verwys. (2)
1.5 Bemarking speel 'n belangrike rol in die verkope van produkte.
1.5.1 Watter wanpersepsie oor energiedrankies word deur adverteerders
geskep én watter TWEE twyfelagtige feite gebruik hulle om die
teikenleser te manipuleer? (3)
1.5.2 Dink jy dit is regverdig dat die Red Bull-maatskappy in 2014 vir
"valse bemarking" gedagvaar is? Motiveer jou antwoord. (1)
1.6 Verwys na paragraaf 6 en 7.
Energiedrankies benadeel drie organe op verskillende maniere. Bewys hierdie
stelling in DRIE afsonderlike sinne. (3)
Kopiereg voorbehou Blaai om asseblief
Afrikaans Huistaal/V1 6 DBE/November 2024
NSS Vertroulik
1.7 Dr. Isak Naudé (paragraaf 6) en Sunet Kotzé (paragraaf 9) kyk vanuit
verskillende oogpunte na die invloed van energiedrankies.
1.7.1 Waarop fokus hulle onderskeidelik? (2)
1.7.2 Waarom het hulle verskillende benaderings hieroor? (1)
1.8 Watter TWEE voordele sal dit vir onderwysers inhou as ouers vir hulle kinders
eerder gesonde kos gee as om energiedrankies toe te laat? (2)
1.9 Is die invoeging van die Harvard Skool se inligting (paragraaf 11) funksioneel?
Motiveer jou antwoord met TWEE redes. (2)
1.10 Waarom is dit verrassend dat Geo Bouwer, die stigter en direkteur van
PandaRoc-energiedrankies, saamstem dat energiedrankies 'n negatiewe
konnotasie het? (1)
TEKS B
1.11 Watter visuele inligting versterk die gedagte dat die energiedrankie baie
vinnig werk? Noem TWEE aspekte. (2)
1.12 Verwys na reëls 1 tot 5.
Waarom sou 'n mens kan sê dat die herhaling van die v/f-klank EN die
woordgebruik die visuele uitbeeldings versterk? Verwys in jou antwoord na
beide aspekte afsonderlik. (2)
TEKS A EN B
1.13 Verwys na TEKS A en TEKS B.
1.13.1 Hoe, dink jy, sal die man in TEKS B waarskynlik die vraag in die titel
van TEKS A beantwoord? Motiveer jou antwoord. (1)
1.13.2 Verwys na paragraaf 10 in TEKS A.
Die man in TEKS B drink Red Bull saam met sy kos. Wat word
geïmpliseer oor die kos wat die man in TEKS B geëet het? (1)
TOTAAL AFDELING A: 30
Kopiereg voorbehou Blaai om asseblief
Afrikaans Huistaal/V1 7 DBE/November 2024
NSS Vertroulik
AFDELING B: OPSOMMING
VRAAG 2
Lees die teks hieronder en identifiseer SEWE positiewe uitwerkings wat rooibostee op
die mens se liggaam het.
LET WEL: 1. Jou opsomming moet in jou eie woorde (in volsinne) in paragraafvorm
aangebied word en mag nie meer as 90 woorde beslaan nie.
2. Jy moet EEN samehangende paragraaf skryf.
3. Dit is nie nodig om vir die opsomming 'n titel te gee nie.
4. Dui die getal woorde aan wat jy vir die opsomming gebruik het.
TEKS C
'N KOPPIE ROOIBOSTEE HELP MEER AS WAT JY BESEF
Rooibostee hou verskeie voordele vir die hele gesin in. Dié tee kom van 'n struik wat net
in die Sederberge by Clanwilliam voorkom en is dus uniek aan die Wes-Kaap. Dit vorm
deel van die Kaapse blommeryk wat algemeen as fynbos bekend staan en nêrens anders
in die wêreld groei nie.
Wat kan rooibos vir jou gesondheid doen? Rooibos het eerstens medisinale waarde, want
dit bevat natuurlike oksidante wat die liggaam teen chroniese siektes soos kanker en
hartsiektes beskerm. Dit is noodsaaklik om te alle tye gehidreer te bly as jy goeie
gesondheid wil handhaaf. Wanneer rooibos gedrink word sonder om suiker by te voeg,
kan dit daartoe bydra dat jou daaglikse vloeistofinname verhoog om sodoende gesonde
hidrasie aan te help.
Omdat rooibostee ook kafeïenvry is, het dit 'n kalmerende uitwerking op die sentrale
senustelsel van mense. Mense wat aan slaapversteurings ly, vind ook baat by die inname
van hierdie tee. Dit word selfs algemeen vir babas aanbeveel. Indien dit egter vir babas
gegee word, is dit belangrik dat dit nie as 'n plaasvervanger vir melk beskou word nie.
As jy sukkel om vetjies af te skud, kan jy gerus 'n koppie of twee rooibostee geniet. Die
rede hiervoor is dat rooibos geen kilojoules bevat nie – dié eienskap maak dit ideaal vir
mense wat op 'n gewigsverliesplan is. Kruietee soos rooibos is ook daarvoor bekend dat
dit verskeie spysverteringsvoordele het. 'n Gesonde spysverteringstelsel dra by tot jou
algehele welstand.
Vir fiksheidsbewustes en diegene wat besluit om ongesonde gewoontes soos oormatige
inname van suikerhoudende drankies te verminder, is rooibos 'n gesonde alternatief. Die
minerale in rooibostee is 'n bykomende voordeel wat help om die liggaam se natuurlike
balans ná oefening te herstel. Dit is daarom ideaal ná oefening.
Navorsers het verder bevind dat die gereelde verbruik van rooibostee 'n sterk
verwantskap met verminderde vlakke van depressie het. Een studie het bepaal dat vir
elke drie koppies tee wat per dag verbruik word, die relatiewe risiko van depressie met
37% afgeneem het.
Hierdie tradisionele drankie se voordele is legio en die uitwerking daarvan moenie
onderskat word nie.
[Aangepas uit https://mooileefstyl.co.za/rooibos]
TOTAAL AFDELING B: 10
Kopiereg voorbehou Blaai om asseblief
Afrikaans Huistaal/V1 8 DBE/November 2024
NSS Vertroulik
AFDELING C: TAALSTRUKTURE EN -KONVENSIES
VRAAG 3: ADVERTENSIE
Lees die advertensie (TEKS D) hieronder en beantwoord die vrae wat volg.
TEKS D
KAASSKONSIES
R30 PER DOSYN
WASGOEDBONDELTJIES
R40 PER DOSYN
VLEISROLLETJIES
R40 PER DOSYN
VETKOEKIES
R40 PER DOSYN
FRIKKADELLETJIES
R30 PER DOSYN
[Aangepas uit https://www.kiefkoekies.co.za]
Kopiereg voorbehou Blaai om asseblief
Afrikaans Huistaal/V1 9 DBE/November 2024
NSS Vertroulik
VRAE: TEKS D
3.1 'n Advertensie se hoofdoel is om die leser te oortuig om die produkte te koop.
3.1.1 Watter tegniek gebruik die kopieskrywer in reëls 1 tot 3 om
onmiddellik die leser se aandag te trek? (1)
3.1.2 Het die weglaat van 'n opskrif 'n invloed op die geslaagdheid van dié
advertensie? Motiveer jou antwoord. (1)
3.2 Skryf TWEE antonieme uit die advertensie neer wat bewys dat soet (reël 2)
meer as een betekenis het. (2)
3.3 Verwys na reëls 1 tot 3.
3.3.1 Watter woord veroorsaak dat reël 1 en 2 nie 'n veralgemening is
nie? (1)
3.3.2 Watter verwagting deur die samelewing word in reël 3 weerspreek? (1)
3.4 Die woordspeling in reël 7 en 8 dra tot die geslaagdheid van die advertensie
by.
Bewys hierdie stelling deur na die denotatiewe EN die konnotatiewe
betekenis te verwys. (2)
3.5 Kies die korrekte antwoord. Skryf slegs die vraagnommer (3.5) en die letter
(A–D) neer, bv. 3.5 E.
Watter EEN van die volgende opsies is NIE die funksie van die beletseltekens
in reël 9 NIE?
A Dit skep 'n dramatiese effek om die ekstra produkte te beklemtoon.
B Dit skep afwagting by die leser dat nog southappies beskikbaar is.
C Dit beklemtoon die teenstelling wat deur "maar" ingelei word.
D Dit manipuleer die leser om die inligting in reël 10 te lees. (1)
3.6 Die plasing van die naam van die besigheid is funksioneel.
Motiveer waarom jy met hierdie stelling saamstem. (1)
[10]
Kopiereg voorbehou Blaai om asseblief
Afrikaans Huistaal/V1 10 DBE/November 2024
NSS Vertroulik
VRAAG 4: STROKIESPRENT
Lees die strokiesprent (TEKS E) hieronder en beantwoord die vrae wat volg.
TEKS E
RAAMPIE 1
Sorteer Ouma weer die Sjuut, Tamia! Die
vullis? Herwinning is tog net herwinningsman moenie
'n mors van tyd. hoor wat jy sê nie!
Die Wat!? Het jy ... hy dwaal in die Hy is gemaak van plastiek, papier,
herwinnings- nog nooit van Is hy nie 'n metaal en glas ... soek deur die hele
nag deur die leë
man? Hahaha! hom gehoor mite nie? buurt ...
strate.
nie?
En as hy Wat dink jy? Hy vat
… na kinders wat dink Mooi probeer. As Ouma hom weer
een kry? hulle saam om
herwinning is simpel! sien, sê vir hom ek sê hallo.
Wat dan? hulle te laat herwin.
Kinders van vandag is anders. Hulle
Hallo ... Het jy iets wat ek kan
herwin? AAAAH! is (4.6.2) ... my mening so
gespanne!
[Aangepas uit DM-Recycling-Man-2000px]
Kopiereg voorbehou Blaai om asseblief
Afrikaans Huistaal/V1 11 DBE/November 2024
NSS Vertroulik
VRAE: TEKS E
4.1 Skryf 'n bywoord van modaliteit uit RAAMPIE 1 neer wat op Tamia se
negatiewe houding dui. (1)
4.2 Verwys na RAAMPIE 2.
4.2.1 Watter aanname kan die leser uit Tamia se woorde in RAAMPIE 2
maak? (1)
4.2.2 Watter emosie dra die vetgedrukte woord van Ouma oor? (1)
4.3 Watter visuele tegnieke word in RAAMPIE 3 en RAAMPIE 4 onderskeidelik
gebruik om die onheilspellende toon te ondersteun? (2)
4.4 Ouma slaag in haar doel met haar woorde in RAAMPIES 3 tot 5.
Stem jy met hierdie stelling saam? Motiveer jou antwoord deur na Tamia se
reaksie in RAAMPIE 6 te verwys. (1)
4.5 Kies die korrekte antwoord. Skryf slegs die vraagnommer (4.5) en die letter
(A–D) neer, bv. 4.5 E.
Tamia se woorde in RAAMPIE 7 is ...
A diskriminerend.
B stereotiperend.
C sarkasties.
D bevooroordeeld. (1)
4.6 Verwys na RAAMPIE 10.
4.6.1 "Kinders van vandag is anders."
Verander die onderstreepte bepaling na 'n byvoeglike bysin. (1)
4.6.2 "Hulle is ... my mening so gespanne!"
Voltooi die sin hierbo met die korrekte voorsetsel. (1)
4.7 Evalueer die gepastheid van die strokiesprent in die samelewing waarin ons
leef. (1)
[10]
Kopiereg voorbehou Blaai om asseblief
Afrikaans Huistaal/V1 12 DBE/November 2024
NSS Vertroulik
VRAAG 5: ARTIKEL
Bestudeer die artikel (TEKS F) hieronder en beantwoord die vrae wat volg.
TEKS F
KOES JY VIR 'N SOENGROET?
1 Die soengroet is, dankie tog, finaal die nekslag toegedien weens Covid-19.
Dit was 'n uitgerekte proses.
2 Almal het (5.2) (verseker/vir seker) 'n storie oor (5.3) daardie soenery: Van
ou tannies met moesies en 'n swart haartjie wat jy probeer mis soen en die
mik-sus-mik-so-aanval, tot die desperate systap van die sopperige 5
smeersel.
3 In ons familie was daar een oom oor wie ons die snaaksste
vermydingstaktiek uitgedink het om hom nie te soengroet nie. Ironies was
oom Duif so sagmoedig en (5.4) vredeliewend soos sy naam. Maar, helaas,
hy was ook tandloos! Nietemin, jy kon net sóveel keer agter in die tou val 10
voordat dit jou beurt was. (5.5) En dit was regtig nooit 'n lekker beurt nie!
4 Ek het onlangs weer diep oor die druk wat die soen vervang het, nagedink.
Want (5.7) niemand gee op dieselfde manier 'n drukkie nie.
5 Behalwe vir die beerdruk is daar die windmeulwals, waar niemand weet wie
se arm bo-oor waffer skouer moet gaan nie en in dié proses beland jy 15
gewoonlik met (5.8) jou neus in iemand se nekkuiltjie.
[Aangepas uit https://www.netwerk24.com/netwerk24/stemme/menings20230713]
VRAE: TEKS F
5.1 Skryf die diftong in die titel neer. (1)
5.2 Kies die korrekte spelling tussen hakies én gebruik die een wat jy nie gekies
het nie in 'n verklarende sin. (2)
5.3 Watter klankverskynsel vind plaas indien "daardie" (paragraaf 2) as "daarie"
uitgespreek word? (1)
5.4 Skryf die stamme van die samestellende afleiding "vredeliewend"
(paragraaf 3) neer. (1)
5.5 "En dit was regtig nooit 'n lekker beurt nie!" (Paragraaf 3)
Skryf die sin hierbo in die bevestigende vorm. (1)
Kopiereg voorbehou Blaai om asseblief
Afrikaans Huistaal/V1 13 DBE/November 2024
NSS Vertroulik
5.6 Verwys na paragraaf 4.
5.6.1 Waarom is dit effektief om die neweskikkende voegwoord ("want")
aan die begin van die tweede sin te plaas? (1)
5.6.2 Verbind die twee sinne in die paragraaf met 'n onderskikkende
voegwoord. (1)
5.7 "... niemand gee op dieselfde manier 'n drukkie nie." (Paragraaf 4)
Skryf die woorde hierbo in die lydende vorm. (1)
5.8 Gebruik die besitlike voornaamwoord "jou" in paragraaf 5 as 'n ander
woordsoort in 'n verklarende sin. (1)
[10]
TOTAAL AFDELING C: 30
GROOTTOTAAL: 70
Kopiereg voorbehou Blaai om asseblief
Study this subject
Recommended for this subject

Question paper
Afrikaans HL Grade 12 P3 November 2024 NSC Question Paper

Memorandum
Afrikaans HL Grade 12 Paper 1 Eastern Cape Prelim 2024 Memo

Question paper
Afrikaans HL Grade 12 P3 Eastern Cape Prelim 2024 QP

Question paper
Afrikaans HL Grade 12 Paper 2 NSC June 2024 Question Paper

Question paper
Afrikaans HL Grade 12 P1 NSC November 2022 Question Paper

Question paper
Afrikaans HL Grade 12 P1 Eastern Cape Mock 2021 QP
More from Grade 12 Afrikaans HL

Memorandum
Afrikaans HL Grade 12 Paper 1 Eastern Cape Mock 2025 Memo

Memorandum
Afrikaans HL Grade 12 Paper 3 Eastern Cape Prelim 2024 Memo

Question paper
Afrikaans HL Grade 12 Eastern Cape June 2023 Question Paper

Question paper
Afrikaans HL Grade 12 P3 Eastern Cape Mock 2023 QP

Question paper
Afrikaans HL Grade 12 P2 NSC November 2023 Question Paper

Memorandum